04/08/2022
قصة للعبرة.
طلقو العجل وشدو بوشعيب 😎😎😎
قديما في البادية ،كانت واحد الأسرة كتعشى وفجأة دخل عليهم ( عجل ) ثور تسيب من الكوري وثور صحيح كان كيعلف
الأب تخلع وقال الولدو الكبير نوض أ بوشعيب بزربة إربط العجل راه غينطح ويشتف علينا كلنا، ناض بوشعيب وهو مزروب ومخلوع جا في شمعة لي مضويا طفاها ولات دار كلها ضلام وهو غادي تايجري ورك على جنب الطبسيل ديال المرقة قلب الماكلة سخونة على رجلين خوتو ورجليه
حرقو البلول ونقز ماجات رجلو غير في كرش باه ورجل ليسرية حطها ليه في وجهو حتى عطبو ومن بعد تعكل وطاح على خوه صغير 🤔🤔🤔🤔🤔 وهو يغوت الأب على أبنائه وگاليهم
خليو العجل وشدو بوشعيب
العبرة من المثل الشعبي : انه شحال من واحد باغي يصلح زعمة وهو في الحقيقة غير كيخرب كثر من بوشعيب
تحياتي 🌹 🌹 🌹
