11/05/2023
السلام عليكم , منين تقرر تشري شقة متزربش , و فكر ف هاد المسائل باش تاخد القرار الاحسن , الى عندك الوليدات خود شقة للي قريبة للمدرسة , الى باغي الهدوء بعد من الحوانت لان ضروري غتجي فيهم شي مقهى , الى باغي الشمس سول مزيان على الشروق و الغروب وفقا ل داك البلان و خود شقة كتشوف شرق المغرب , الى عندك وليدات صغار خود شقة للي امامها ساحة فين يلعبو و تقدر تطل عليهم من الشرجم باش تراقبهم, و داءما خود طابق للي مناسب ليك و للصحة ديالك ماشي عندك مشكل صحي او شي واحد مريض و ياخد الطابق الثالث او الرابع , السفلي مزيان و قريب لكن شوف ف لبلان شي شقة للي مكايدوزوش من حداها الناس يعني موقرة و تأكد واش دايرين من تحت لاكاف للي كيتجمعو فيها القوادس باش لا قدر الله وقع مشكل يتحل من التحت ماشي عندك... هادو فقط بعض النصاءح من أخوكم أبو ياسمين
