صفحة الرسمية مجموعة سكان فضاءات المحيط 2

24/04/2020

رمضان كريم وكل عام وانتم بخير 🌙❤️❤️
رمضان كريم علي الجميع ، ندعوا الله جميعا ان تزول الغمه و يرفع الوباء عن بلاد المسلمين جميعا و العالم♥️♥️🤲

24/09/2019

من هو السانديك حسون في نضركم ؟؟؟؟ انا وجهة نضري السي حسون مجرد انسان خدام عند شركة فضاءات السعادة كيمشي بالأوامر الشركة الدور ديالو هو مقابل العساسة والميناج وخا مكين لا ميناج لا هم يحزنون السيهم حسون عندو ما يسمي ب جبهة ومقزر عندو مايسمى تحريميت كيعرف كيفاش اراوغ متلا نتا عندك مشكل فالدروج موسخين كتعيط ليه فالتلفون باش تخبرو بلي الدروج موسخين مكيخسرش ليك الخاطر كيقول ليك انا فواحد اجتماع دبا كون هاني نسالي نصيفط العيلات اسيقو وحتا الصباغة اصبغو معندناش مشكل كون هاني كتسنا تا حاجة مكيناش كتعاود تاصل به خويا راه نسيتنا كيعاود اطلقها عليك لا منستكش غير الصباغة جابو صباغة ناقصة رجعنها تصونجا وكون هاني وقتما عيطي ليه كيخلق ليك قصة كيسكتك فالآخر نتا كتحس براسك غير كضيع الروشارج والوقت ديالك مع هاد المخلوق الواقع الخوت النهار خلصنا السانديك راه خلصنا الشركة ( فضاءات التعاسة والنصابة ) معرفنا لا حسون لا قدور تا جينا نسكنو عاد خرح لنا هاد المخلوق قال لنا هو السانديك ديالنا ملي كتقول ليه عطنا وراق باش نتا سانديك وسمية شركة ديالكم كيكول ليك جي عندي البيرو نعطيك لي بغتي والبرو ديالو فين كاين الله اعلم وبالنسبة لهاد الإعلان كنضن فضاءات السعادة هما لي كتبوه حسون غير دار خدمتو لصق الوراق انا عندي الجرأة باش نقول لي كاين والخوف من الله حيت عندي الغيرة على هاد المشروع ولي بغا افهم المنشور ديالي بالغلط فهو حر ربما إضن انني باغي ندير سانديك اولا مسخر من جهة ما فهدا غالط فيا انا واحد من السكان كنعبر على داكشي لي كنلاحض . والسلام عليكم ورحة الله تعالى وبركاته

24/09/2019

لي عندو موطور كيجي معطل من الخدمة بالليل ارد البال راه واحد السيد البارح شدوه الشفارة فالدخلة بين الدوبليكس والمحيط 2 سرقو ليه التلفون والفلوس لي كانو فجيبو حفضو الله كانو غيطيحوه من فوق الموطور جاب الله تبعوه شيرو عليه وقف .

10/09/2019

السلام عليكم موعدنا يوم الأحد ان شاء الله على الساعة السابعة مساءا لتنضيم لقاء تواصلي خاص بسكان فضاءات للمحيط 2 لمناقشة مجموعة من الأمور التي تتعلق بالمشروع اهمها نطالبو الجهات المسؤولة بفتح المسجد . مرحبا بالناس المتطوعين ولي عندهم الغيرة على المشروع حاولو تشاركو معنا فالنقاش باش احضر اكبر عدد ممكن من السكان .

08/08/2019

ساكن المحيط عواشر مباركة
لي بغيت نقول ليكم ردو بالكم راه لبارح طلعو 2شفارة كيدقو علا الديور g7
الله يحسن عوان رجال الامن الخاص
لا يعقل واحد دايرينو مقابل G7 et G8
لقد قمنا الساكنة G7 علا السانديك ليلة البارحة في العاشرة ليلا من اجل توفير الامن والانارة

26/05/2019

CH 9 تحتي لكم على مجهود

23/04/2019

السلام وعليكم انا دفعت 7 مليون في شقة الفضاءات السعادة المحيط 2 الطابق السفلي كطل على واجهاتين مجهزة بمصعد و لظروف عائلية و مادية ماغديش نقدر نكمل فيها و لي بغاها انا مستعدة نتنازل على 10000 درهم من الدفعة وشكرا..

09/04/2019

السلامة عليكم بغيت غير نعرف هاد الناس في باغين اوصلو ..واش خاصنا نكون بركاكة ولحاسين الكابة بحال هاديك لي في gh 9باش اصاوبو ليناالمصعد

09/10/2018

⁦✔️⁩ الشروط الواجب توفرها بالسكن الاقتصادي

يعتبر السكن الاقتصادي، عبارة عن تجمع سكني، يجب ألا تقل مساحة الشقق المتواجدة به عن 50 مترا، وألا تزيد عن 80 متر، ويبلغ ثمن اقتناء الشقة 25 مليون سنتيم دون احتساب الضريبة على القيمة المضافة، كما تساهم الدولة ب 4 ملايين سنتيم عن كل شقة، إذ استوفت شروط السكن الاقتصادي المنصوص عليها، لكي تصل ثمن كل شقة 29 مليون سنتيم باحتساب ضريبة القيمة المضافة، إذ لا تعتبر الشقق التي تفوق هذا المبلغ من السكن الاقتصادي ولا تحصل على دعم من الدولة.

⁦✔️⁩ التزامات المستفيدين من السكن الاقتصادي

تشترط الدولة على الراغبين من الاستفادة من السكن الاقتصادي، الإدلاء بوثيقة عدم الملكية من طرف المديرية العامة للضرائب، و عدم توفر المستفيد على مداخيل عقارية، وبعد توفر هاته الشروط يتوجب على المستفيد أن يقطن بالشقة لمدة أربع سنوات، حيث يجب أن يكون السكن المستفاد منه رئيسيا، إلا في حالة القاطنين خارج الوطن، وتتضمن شهادة الملكية للشقة رهنا لفائدة الدولة، بحيث لا يستطيع المستفيد من السكن الاقتصادي من بيع الشقة قبل انقضاء مدة الرهن، في حالة إذ لم يستوفي المستفيد الشروط الموضوعة من طرف الدولة، تطالب الدولة بإعادة 4 ملاين سنتيم التي ساهمت بها في البداية، إضافة إلى غرامة تأخير سدادها.

بعد انقضاء مدة الرهن المتمثلة في 4 سنوات، يتوجب على المستفيد من السكن الاقتصادي من طلب رفع اليد عن الرهن، عن طريق التوجه إلى المديرية العامة للضرائب، مرفوقا بطلب رفع اليد عن الملكية، وعقد ملكية العقار، وتوصيل الضريبة على السكن، بالإضافة إلى البطاقة الوطنية التي يجب أن تتضمن عنوان الشقة المستفاد منها، أو الإدلاء بوثيقة تدل على أن المستفيد قطن بها لمدة أربع سنوات، في حالة تجاوز المدة دون طلب رفع اليد عن الملكية، يتم مراسلة المستفيد من طرف الدولة من أجل الإدلاء بالوثائق السابق ذكرها.

17/09/2018