31/12/2025
توضيح مهم... بزاااف ديال الناس راسلوني على الحقائب النسائية والملابس وكايسقصيوني شحال الثمن... قبل مانقول الثمن بغيت نقول لكم.. بلي أنا ماعوالش نخدم من كل بياسة عدد كبير... وإنما غادي نقدر نخدم بياسة وحدة تكون في العالم كامل خصيصا لك يعني المستحيل تجبرها عند شي حد أخور... وكاين البياسة الي غادي يكونو منها 3.. وكاين الي غادي يكونو منها 6 وانت طالع أكبر عدد يقدار يكون منها 30 بياسة في العالم كامل... وهذ الشي طبعا غادي يكون موثق إن شاء الله... وكانتمنى حتى حد مايقارن وحد العمل فني بلمسة مغربية مع شركة هواتف الأيفون و و و و
يعني باش نكون معكم صريح الثمن ماغاديش يكون الثمن ديال السواقي... والحاجة الي مجلطة الدنيا... وحنا أخي ياسين كاندعموك وبغينا المنتوج ديالك حيت كايعجبنا الخط ديالك... خوتي وحبابي أنا مستعد.. فكل مرة نعمل لكم مسابقات ولي جات فيه شي حاجة بصحتو مايخلصنيش... ثيقو بيا داري والله القاسم فيها لوحة وحدة ديالي... علاش لأنه غاليين عليا باقي ماوصلتش لذاك النيڤو نخدم لوحة بأدوات عالية الجودة ونضرب فيها مدة ديال الخدمة ومن بعد نعلقها عندي حتى أنا كانمشي قد جهدي والله.... هدرتي بزاااف أخي ياسين وماقلتيش لنا الثمن... غادي يفتح وحد الموقع خاص بالماركا ديالي إن شاء الله وغادي تجبرو فيه كلشي...
والله ولي التوفيق
