31/05/2026
Зошто мене ме осудуваш човеку?
Дали знаеш зошто станав бездомно куче, или како што ти ме нарекуваш , скитник?
Ти ме направи да бидам скитник, и потоа да се плашиш од мене , да ги стра децата од мене.
Ти кој ме вдоми, додека бев мал, Ти кој толку беше среќен , кога ми стави машничка, и ги израдува твоите деца со мене.
Си играв, бев среќен со вас, иако плачев по мама, која истотака знаев дека и таа тагува по мене.
Ви бев секојдневна радост, кога ќе ме погледневте, мало , слатко, игриво.
Како растев, исто како што и децата твои растеа, се надевав дека уште ќе бидам дел од нашето среќно семејство.
Но ТИ реши да ме убиеш.
Ти реши, повторно да ме разделиш, од оние кои ги сакав, од оние на кого му верував.
Пораснав, и еден ден, ги излажа твоите деца, ме качи во кола, и ме одведе во непознато.
Ти верував, мислев дека ќе се шетаме и пак ќе се вратиме дома.
И зошто ме остави во непознато?, сам, незнаев каде сум, незнаев каде да одам, бев збунет , исплашен.
Почекав некое време, се надевав дека ќе се вратиш по мене.
Не се мрднав од местото каде што ме остави.
Ти верував, и те чекав.
А Ти што направи?
Се врати дома, кај оние кои најмногу ги сакаш, исто како што и ја ги сакав најмногу.
Нели бевме среќни, радосни, си игравме , заедно спиевме.
Што им кажа дома?
Што им кажа на твоите деца кога прашаа каде сум, зошто не сум меѓу вас?
Ги излажа господару, ги повреди, и нив , и мене, се повреди и сам себе.
Јас не си заминав од вас, никогаш немаше да заминам, затоа и уште те чекам да се вратиш по мене.
Од милно , најсакано кутре, ме направи скитник.
Ме направи она што , кога ќе поминеш по улица ќе ме забележиш како скитам, и барам храна по контејнерите.
Да, ги сретнав истите како мене, кои биле исфрлени од такви како тебе.
Но , вие не се познавате, и не се осудувате самите по тоа што сте го направиле.
Вие не осудувате нас, кои ви бевме интересни , и потоа не исфрливте.
Ти ме направи скитник, и сега мене ме осудуваш, дека јас ве повредувам, јас заедно со истите кучиња , кои ја делат истата судбина со мене.
Ме хранеше додека бев малетко, ме израсна, па ме исфрли на улица, и сега сакаш да ме убиеш, да ме отруеш.
Најмногу ме болеше, тоа кога те видов , среќен кога зема друго кутре, и сега се радуваш со него , го гушкаш, толку си грижлив и љубезен.
А мене? А јас ? А оние истите кои се како мене?
Плукаш по мене, клоцаш по нас, ти пречиме, затоа што сме на улица, гладни, нервозни, ја чекаме смртта, која Ти ни ја подари, кога не исфрливте сите нас, кои бевме толку слатки, а сега сме ѕверови , и сме закана за вашите деца.
Дали читаш , дали се сеќаваш?
Јас, скитникот, и сите ние скитници, сме твое дело затоа што станавме улични кучиња.
Ти ме казни мене, но заврти се назад, кога бевме среќни.
Ме повреди, ги повреди своите деца.
Јас не те осудувам, како што ти ме осуди.
Сам ќе ја осетиш својата осуда, затоа што згреши, затоа што се осуди сам себе си.
А јас, и сите како мене, ќе ја чекаме добрината од оние со добро срце, кое ќе биде дарувано со долг живот, за него и за своите најблиски.
Една порака од мене, и од сите нас скитници:
Не си љубител на домашни миленици ако не ги спречиш оние кои не исфрлија на улица.
Доста ме повредуваш, доста не убиваш, Размисли, штом повредиш член од твоето семејство, ќе патиш повеќе од мене.
Од твоето милно домашно кутре, а сега опасен скитник.
LINA - Safe Life, get a Life, help to animals
