18/07/2026
Како ракција на добриот текст од страна на Sakam Da Kazam за уништувањето на Хром и изјавата на градоначалникот на Ѓорче Александар Стојкоски во која вика дека нема можност да се прошири веќе преполната градинка, маалската активистичка група За Хром пиша демант.
На кратко - не е точно тоа што го изјавува градоначалникот. Токму затоа тие собираа петиција за да не се дозволи нов објект до градинката.
Градинката може да се прошири, но потребна е политичка волја и финансии.
Во целост нивниот текст, а линк до постот во коментар:
До редакцијата на Sakam Da Kazam
Барање за исправка и дополнување на информација
Во текстот „СЕКОЈА КУЌА ВО СКОПСКИ ХРОМ СТАНА ЗГРАДА, НЕМА МЕСТО ЗА УПИС ВО ГРАДИНКА, ШКОЛОТО Е БЕЗ САЛА И ДВОР, ТРОТОАРИТЕ И УЛИЦИТЕ БЛОКИРАНИ СО КОЛИ“ е пренесена изјавата на градоначалникот на Општина Ѓорче Петров дека нема простор за проширување на постоечката градинка.
Сметаме дека ова тврдење не ја претставува целосната фактичка состојба и бараме да биде објавено следното појаснување.
Проблемот со недостигот на капацитети во градинката во Хром не е нов. Уште во 2018 година жителите заедно со вработените во градинката организираа граѓанска петиција со барање за нејзино проширување. По таа иницијатива, јавноста беше информирана од тогашниот градоначалник дека се разгледува токму такво решение.
После таа петиција настана промена на деталниот урбанистички план и наместо уште една станбена зграда на мешано државно + приватно земјиште веднаш залепена до градинката, се прошири парцелата на градинката кон зградата со Наја Маркет.
Фактот дека дел од земјиштето е приватно не значи дека проширувањето е невозможно. Законодавството предвидува можност за експропријација кога се работи за реализација на објекти од јавен интерес, меѓу кои спаѓаат градинките, училиштата и другата јавна инфраструктура. Овој инструмент не се применува исклучително за изградба на патишта, туку и за објекти што обезбедуваат јавни услуги. Како што расте населеноста во Хром и во остатокот од Скопје, овој инструмент ќе мора да се применува што почесто.
И постоечките градинки и училишта не се сите изградени на државно земјиште.
Покрај тоа, постојат и други законски механизми што можат да се применат, кои градоначалникот ги прескокнува велејќи: „Се согласувам дека планот за населбата Хром не е добар, дека се изградија премногу згради, но ние сега немаме законска можност ништо да поправиме бидејќи штетата е направена во мандатот на мојот претходник Наумоски.„
Такви се суспензија на урбанистички план кога се исполнети законските услови и измена на планот за обезбедување дополнителни локации за јавни објекти.
Во услови кога урбанистичките планови овозможуваат значително зголемување на бројот на жители, локалната самоуправа има обврска да планира и обезбеди соодветна јавна инфраструктура. Недостигот на капацитети во градинките и училиштата не смее да се претставува како последица на „недостиг на простор“ доколку постојат законски и урбанистички механизми за негово обезбедување.
Ве повикуваме, во интерес на објективното и целосно информирање на јавноста, да го објавите ова појаснување како дополнување на објавениот текст.
Проширувањето на парцелата на градинката е видливо на официјалниот сајт на општината.
https://www.facebook.com/ZaNaselbaHrom/posts/pfbid036ii4pvZTRVVCYp26cCwUTbfU1rtagZXXUKYuc8KsJoG5hpFFPn3Av6x51kNiME8fl
На крајот на улицата Воин Драшкоци во скопската населба Хром до пред две години имаше четири куќи во кои живееја […]
