11/07/2026
DREJTUAR KAFIKËVE QË NDOTIN RRUGËN E MATKËS!
Është bërë e tepërt dhe e pashoqe! Disa njerëz pa asnjë pikë kulture, ndërgjegjeje apo edukate, kanë vendosur që hyrjen dhe rrugën për në fshatin tonë, Matkë, ta kthejnë në kosh plehrash. Të vish në këtë natyrë të mrekullueshme dhe të hedhësh thasë me mbeturina e mbetje ndërtimore fare afër shtëpive tona, tregon vetëm një gjë: mungesë totale respekti për veten dhe për ne si banorë.
NJOFTIM DHE PARALAJMËRIM I FUNDIT:
Nga sot, ky vend do të jetë nën monitorim të vazhdueshëm nga vetë banorët.
• Këdo që do ta kapim duke hedhur qoftë edhe një qese të vetme mbeturinash, do ta video-regjistrojmë, do t'ia bëjmë publike targat e makinës dhe fytyrën, dhe do ta dërgojmë direkt në Inspeksionin Komunal dhe Ambiental.
• Nuk do të ketë asnjë tolerim, asnjë "më fal", dhe asnjë tërheqje denoncimi derisa të merrni gjobat maksimale që parashikon ligji!
Nëse nuk dini të jetoni si njerëz dhe nuk keni respekt për natyrën e për fshatin tonë, do të mësoni ta respektoni me forcën e ligjit dhe të turpit publik.
