Hnin Thit Sar - Real Estate in Kalaw - ကလော အိမ်၊ ခြံ၊ မြေ

15/06/2023

"ခွေးလိုမနေနဲ့ သိုးတွေလိုနေ"

တစ်နေ့တွင် တောကစားထွက်လာသော ဘုရင်က ရွာအနီး မြက်ခင်းတွင် သိုးအုပ်ကြီးကို
တွေ့လိုက်ရ သဖြင့်
သူနှင့်အတူ မြင်းစီးကာ
ဘေးချင်းယှဉ်လိုက်လာသော
ပညာရှိ အမတ်ကြီးကို မေးလိုက်လေသည်.....

အမတ်ကြီး ဘယ်မှာကြည့်လိုက် ကြည့်လိုက်
သိုးတွေက အုပ်စုလိုက်တွေ့ရတယ်နော် "
" ခွေးတွေ ကိုတော့ ဘာဖြစ်လို့
အဲဒီလို အုပ်စုလိုက် မတွေ့ရတာလဲ

မှန်လှပါ အရှင်မင်းကြီးရဲ့ မေးခွန်းကို မနက်ဖြန်မှ ဖြေပါရစေဘုရား 🙏"

ကောင်းပြီလေ

ထိုနေ့ နန်းတော်ကို
ပြန်ရောက်လာသည့် ညနေတွင်
အမတ်ကြီးက အခန်းနှစ်ခန်းကို ပြင်ဆင်စေသည်

အခန်းတစ်ခန်းထဲတွင်
အသားပုံကြီးတစ်ပုံကို ချထားပြီး
ခွေး အကောင် ၂၀ ကိုထည့်ကာ
သော့ပိတ်ထား လိုက်သည်.....

အခြားအခန်းထဲတွင်
မြက်ထုံးများကို ချကာ
သိုးအကောင် ၂၀ ကို အခန်းအတွင်း
မောင်းသွင်းပြီး တံခါးပိတ်ထားလိုက်လေသည်.....

နောက်တစ်နေ့ နံနက်တွင်
အမတ်ကြီးက
သူစီမံထားသည့် အကြောင်းအရာကို
မင်းကြီးအား လျှောက်တင်ကာ
အခန်းများဆီသို့ ခေါ်လာလေသည်......

ပထမ ခွေးတွေထည့်ထားသည့်
အခန်းကို ဖွင့်လိုက်သည်
ဘုရင်ကြီးက အံ့အားသင့်သွားသည်
ခွေးတွေ အားလုံး အသက်ပျောက်နေသည်
အခန်းအလယ်တွင် ချထားသည့်
အသားပုံကြီးကား နေရာမပျက် ရှိနေသည်ခွေးတစ်ကောင်မျှ အသားပုံကို
စားသွားသည့်ပုံမပေါ်.....

နောက်တစ်ခန်းကို
ဘုရင်အားခေါ်ပြီး ဖွင့်ကြည့်ကြသည်သိုးတွေအားလုံး လှဲလျောင်းကာ အိပ်စက်နေ ကြသည်
အခန်းအလယ်တွင် ချပေးထားသည့်
မြက်တွေလည်း မရှိတော့ပေ.....

ထိုအဖြစ်အပျက်များကို
ဘုရင်ကြီးအား အမတ်ကြီးက ပြသပြီးနောက်....

ခွေးတွေဟာ သူတို့ကို ကျွေးထားတဲ့
အသားတွေကို တစ်စက်မျှ မစားရဘဲ သေကုန်ကြရခြင်းမှာ
တစ်ကောင်နှင့်တစ်ကောင် တိုက်ခိုက်ကာ တစ်ကိုယ်ကောင်းဆန်ခြင်းကြောင့်ပါဘုရား 🙏

သိုးတွေကတော့ အေးချမ်းစွာ
မျှဝေစားသောက်တတ်သည့် အလေ့အထကြောင့်
အသက်ရှင်ကာ နေထိုင်နိုင်ခြင်း
ဖြစ်ကြောင်းပါဘုရား ဟု လျှောက်တင်လေသည်....

ခွေးများသည် အုပ်စုလိုက်ဖွဲ့ကာ
နေထိုင်တတ်သော အလေ့အထနည်းလေသည်
အကောင်နည်းနည်း စုမိလျှင်ပင်
ပြဿနာရှာကာ မာန်ဖီတတ်သည်
အစားအစာ နှင့် ကာမ အတွက်ဆိုလျှင် ခွေးများသည် တစ်ကောင်နှင့်တစ်ကောင်
မညှာမတာ ကိုက်ကြ မာန်ဖီတတ်ကြသည်.....

ရှေးလူကြီးများက
ခွေးလို မနေနှင့် သိုးတွေလိုနေဟု
ဆုံးမကြခြင်းမှာ
တစ်ကောင်နှင့်တစ်ကောင် မကိုက်ဘဲ
ငြိမ်းချမ်းစွာဖြင့် အတူတကွ မျှဝေတတ်သောစိတ်ရှိသည့် လူ့ဘောင်အဖွဲ့အစည်းသည်သာ
တိုးတက်စည်ပင် ဖွံ့ဖြိုးမည်ဖြစ်ကြောင်းကိုပြဆိုခြင်းဖြစ်သည်....

ခွေးတွေလို ငါ့တွက် ငါ့ဟာ ငါ့ဥစ္စာ ဆိုပြီး လောဘတက် ကိုက်လျှင် သေကြမည်......။

အတ္တ၊ လောဘ နဲ့ တကိုယ်ကောင်းစိတ်မွေးသူများသည် ခွေးသဏ္ဍာန် နှင့်တူပေသည် ...။

သိုးတွေလို မျှဝေစိတ်ထားလျှင် ရှင်ကြမည်.....။
သူ့ဖက် ကိုယ့်ဖက် သူ့အတွက် ကိုယ်အတွက်
မျှတစွာ နေထိုင်သူသည်
သိုးသဏ္ဍန်နှင့် တူပေသည် ....။

မေတ္တာဖြင့်ပြန်လည်မျှဝေပါသည် ❣

12/02/2023

ခြံရောင်းမည်

10/10/2022

ကလောရဲ့ နံနက်ခင်း 💖

08/10/2022

🤍 ကလောမြို့လှတယ်ဆိုတာ အလကားပြောတာမဟုတ်ဘူး။ တကယ်ပြောတာ။ 🤍

26/01/2022

ကလောတွင် ခြံဝယ်ထွက်ခြင်း
………………………………

၂၀၁၉ ကိုဗစ်တွေမဖြစ်ခင်ကာလ။
“ဟေ့လူ…ကလောသွားကြမလို့…ခင်ဗျားတို့ လင်မယားလိုက်မလား”
ဒီတခါလည်း ကျွန်တော်တို့ ဇာတ်လိုက်ကျော် ကိုမြေမှုန်လွင်ပါပဲ။
လမ်းကြုံမှုန်ကြီး လမ်းကြုံ ခေါ်လေပြီ။
ကျွန်တော်ကား ကလောအထိ လမ်းကြုံရမည်ကိုတော့ မငြင်း။
ဟိုမှာ ကျွန်တော်သိပ်သဘောကျရသော ရမ်ဆာဝါ၊ ဂျင်ဆာဝါ တွေ ရောင်းသည့် Hi Bar ဘားသေးသေးလေးရှိသည်မဟုတ်လား။
ကလော နဲ့အတူ ထိုဆိုင်လေးက ကျွန်တော့်သံယောဇဉ်။
သံယောဇဉ်ဆိုလို့ ဆိုင်မှာ ကောင်မလေးတွေ ရောင်းတယ်မထင်ပါနဲ့။
ကိုယ်တိုင်စပ်..ကိုယ်တိုင်သောက်..ကိုယ်တိုင်ရောင်းသည့် ဆိုင်ရှင်ဘီးကြဲ ကြီးပဲ ရှိတာပါ။
ဒီတခါတော့ ကိုမြေမှုန်တို့ မိသားစု နဲ့ ကျွန်တော်တို့လင်မယား။ ကိုမြေမှုန်လွင်တို့ မိသားစုဆိုတာက ကိုမြေမှုန်လွင် ၊ သူ့အမျိုးသမီး မသီရိ၊ ကိုမြေမှုန့်အမေ ဘွားမွန်၊ ကိုမြေမှုန်ရဲ့ သား (လို့ထင်ရတဲ့) ထန်းသီး တို့ပါပဲ။
ခြောက်ယောက်စီး ကားတစ်စီးကို ငှားလိုက်ပြီး ကျွန်တော်တို့ ကလောသွားကြပါပြီ။
ကလောရောက်ပြီး ဟိုတယ်တစ်ခုမှာတည်းကြတယ်။
မနက်ကျတော့ စတွေ့ပါပြီ။
“ကျွန်တော်တို့က ဒီမှာ မြေကွက်တွေ ဈေးအတော်ကျနေတယ်ဆိုလို့ ဝယ်မလားလို့ လာကြည့်တာ..ခင်ဗျားတို့ ကလောလည်း ခဏခဏရောက်နေကြတာပဲ..တခြားသွားမနေကြနဲ့.…လိုက်ခဲ့ကြဗျာ”
ကဲ..အဲ့ဒါပဲ။ လမ်းကြုံမှုန်ကြီးပါဆို။
မြေကွက်ဝယ်ဖို့သွားတာကို အမေရော၊ မိန်းမရော၊သားရော..ကျွန်တော်တို့လင်မယားကိုပါ ပိုက်ဆံအကုန်အကျ ခံပြီး လမ်းကြုံခေါ်ချလာတာ။
ပွဲစားအမျိုးသမီးတွေက လေးငါးခြောက်ယောက်။
ဆိုင်ကယ်တွေနဲ့ ဉီးဆောင်လမ်းပြကြသည်ပေါ့။
ပထမတစ်ခြံ။
ကျွန်တော်တို့ အားလုံး ဆင်းကြည့်ကြသည်။
ပွဲစားအမျိုးသမီးများက ကိုမြေမှုန်ကို ဟိုဟိုသည်သည် ရှင်းပြ။

“ဟယ်…သစ်တော်သီးတွေတော့”

မသီရိ ရှာဖွေတွေ့ရှိသွားပြီ။
“ခူးလို့ရမလားဟင်”
ပွဲစားအမျိုးသမီးများကလည်း ပိုင်ရှင်က အပ်ထားသည့်ခြံပဲ။ မကြာခင် ပွဲဖြစ်ရင် ဒီလူတွေက ခြံရှင်ဖြစ်ချင် ဖြစ်သွားနိုင်တယ်မဟုတ်လား။ ပွဲဖြစ်ဖို့က လာဝယ်သူ စိတ်ချမ်းသာဖို့အရေးကြီးတယ်လေ။
ဒီတော့… “ရတယ်..ညီမ…ဒီခြံက သစ်တော်သီးတွေက သိပ်ချိုတာ..ခူး..ခူး”
“ခူး..ခူး” ဆိုသည့် စကားမှ မဆုံးလိုက်။
ဘယ်အချိန်က သယ်လာမှန်းမသိသည့် ခြင်းကိုယ်စီကို ဘွားမွန် နှင့် ကျွန်တော့်အမျိုးသမီးက ယူချလာသည်။
အရပ်မြင့်သော မသီရိက သစ်တော်သီးတွေ ခူးသည်။ သူတို့ က ခြင်းထဲ ထည့်သည်။
“ဒီဈေးနဲ့ဆို ကျွန်တော်တို့ တိုင်ပင်လိုက်ပါဉီးမယ်..နောက်မှ ဖုန်းပြန်ဆက်မယ်နော်”
ကဲ..ခြံတော့ မဝယ်ဖြစ်သေး။ သစ်တော်သီး တခြင်းရလာပြီ။
နောက်ပွဲစားတစ်ဖွဲ့။
နောက်တခြံ။
“ဒီခြံလေးက စမ်းချောင်းလေးပါ ဖြတ်စီးနေတာ…အရမ်းနေလို့ကောင်း”
“ဟယ်….ဒညင်းသီးတွေ ပြွတ်နေတာပဲ…ခူးလို့ရလားဟင်”
“အင်း..ဒီခြံက ဒညင်းသီး သိပ်ကောင်းတာ….ညီမတို့ ကြိုက်ရင် ခူးလေ”
ဟ..နောက်တခြင်းပါသေးတာဟ။
ကျွန်တော့်မိန်းမပါ အားကြိုးမာန်တက်။
“ကိုဗြိ..ဒီအပေါ်က ဒညင်းသီးတွဲကြီးက ပိုလှတယ်…ခုန်ခူးပေးပါလား”
ပွဲစားမကြီးများက ကိုမြေမှုန်လွင်ကို အားကြိုးမာန်တက်ရှင်းပြ။
ဒီဘက်ကလည်း ဒညင်းသီးတွေ အားရပါးရခူး။
“ဟုတ်..ကျွန်တော်ပြန်ဆက်သွယ်လိုက်ပါ့မယ်”
ရလာပြန်ပြီ။ ဒညင်းသီးတခြင်း။
နောက်တခြံကျ..ပြောင်းဖူးတွေ။
“ရှမ်းပြောင်းတွေ စားကောင်းမှာပဲ”
“စားချင် ခူးသွားလေ..အမ။
ကဲ..ပြောင်းတခြင်း။
“ဒီခြံက ကျတော့…..”
အံမယ်..ဒီတခါ ခြံ က စားလို့ရတာ ဘာပင်မှ မရှိ။ တောင်စောင်းလေးမှာ။
“ဟယ်..ထင်းရှူးသီးလေးတွေ..ဆေးချယ်ပြီး ဆိုင်မှာ အလှဆင်လို့ရတယ်…နည်းနည်းယူသွားမယ်နော်”
ဟ..ထင်းရှူးသီးလည်း ရတာပဲလား။
ဒီလိုနဲ့ နှစ်ရက်ကြာတဲ့အထိ ကလောမြို့အနှံ့ မြေကွက်လိုက်ကြည့်ရင်း…ပြသမျှ ခြံက ရသမျှ အသီးတွေ ခူးရင်း။
ကလောတစ်မြို့လုံးကရှိသမျှ မြေကွက်များလည်း ကုန်ပါပြီ။
နောက်ဆုံး ခြံကတော့ အလှဆုံး။
ကလောတစ်မြို့လုံးကို စီးမြင်နေရသည်။ ကျယ်ကလည်း ကျယ်။ သာလည်း သာယာ။
“သိန်းတစ်သောင်း”
ကျွန်တော် တွန့်ခနဲ ဖြစ်သွားသည်။
ကိုမြေမှုန်လွင်ကတော့ ဟန်မပျက်။
“အင်း..ဒီဈေးကတော့ သင့်သားပဲ..မဆိုးဘူးနော်..ကိုဗြိ”
“အော်..အင်း…အဲ..ဟုတ်တယ်..မဆိုးဘူး..ခင်ဗျားနဲ့ ကျွန်တော် တစ်ယောက်တဝက် စပ်ဝယ်မလား”
ဘယ်ရမတုန်းဗျ။ ကျွန်တော်လည်း ခေသူမှ မဟုတ်တာ။ အသာလေး ဝင်လှိမ့်ရတာပေါ့။
အမှန်က တယောက်တဝက် မပြောနှင့်။ အဲ့ဒီအချိန်က ကျွန်တော့်မှာက ပိုင်ဆိုင်မှုအားလုံးနဲ့ ကျွန်တော်ကိုယ်တိုင် ပေါင်းရင်တောင်..ဆယ်သိန်းမပြည့်ချင်။
ပွဲစားအမျိုးသမီးရဲ့ မျက်လုံးတွေကလည်း အရောင်လက်လာပြီ။
“ကျန်တာ အကုန်ကောင်းတယ်..လျှပ်စစ်မီးကိုပဲ သီးသန့်လျှောက်ထားတာ..မကျသေးတာ”
“ဪ..မီးမရှိဘူးလား…ဒါဆိုရင်တော့ စဉ်းစားဉီးမှာပေါ့..ကျွန်တော်တို့ တိုင်ပင်လိုက်ဉီးမယ်”
အံမယ်..လျှပ်စစ်မီး က ကယ်လိုက်တာ။
ဒီခြံကျ ဘာမှလည်း ခူးစရာမရှိတော့ ကားပေါ်ပြန်တက်ဖို့ ပြင်တာပေါ့။
အဲ့ဒီအချိန်မှာ ကျွန်တော်က တခြံကျော်က ခြုံထဲသွားပြီး သေးပေါက်။
ပြန်ထွက်လာတော့..ခြုံဝမှာ ပွဲစားအမျိုးသမီးက ပြုံးဖြီးဖြီးကြီး။
“အမ…ဘာလဲ”
“မောင်လေးကို ပြစရာရှိတယ်..လာ”
“ဘာ..ပြမလို့လဲ..အမ”
“ဟိုမှာ..တွေ့လား..ဟိုအကွက်…အဲ့ဒီအကွက်ကို မောင်လေးယူလိုက်”
“ဗျာ”
“သိန်းသုံးထောင်တည်းနဲ့ မောင်လေးကို ပေးမယ်”
အံမယ်လေး…ခုန သိန်းတစ်သောင်းမှာ ဖောထားတဲ့အကွက် မိချက်က သေးပေါက်တဲ့အထိ နောက်က လိုက်လာခံရတာပါလား။
“အင်း..သုံးထောင်ဆိုရင်တော့..မဆိုးပါဘူး”
အရှေ့က သိန်း ဆိုတာသာ မပါရင်တော့ အခုပဲ ပိုက်ဆံချေလိုက်မှာလို့ စိတ်ထဲပဲ တွေးလိုက်သည်။
“မောင်လေး လိုချင်ရင်…အဲ့ဈေးနဲ့ လုပ်ပေးမယ်…ဟို ဝတုတ်လေး မသိစေနဲ့..ငါ့မောင်မို့..ပေးတာ”
အဲလဲ….ဒီတခါတော့ လမ်းကြုံမှုန်ကြီးကျေးဇူးနဲ့ ကိုယ့်ကို သိန်းသုံးထောင်တန် သူဌေးလို့ ထင်ခံရပြီပေါ့။
“အင်း..ဘဏ်ကလွှဲရင် အဆင်ပြေလား..အမ..ကျွန်တော် ဘဏ်အကောင့်ထဲ ငွေဘယ်လောက်ရှိလဲ ..ပြန်ကြည့်ရဉီးမယ်”
“ဟာ..ရတာပေါ့..ရတာပေါ့”
“အမ ဖုန်းနံပါတ်ပေးထား..အခုက သူရှိနေလို့ မကောင်းဘူး..ကျွန်တော် ရန်ကုန်ရောက်မှ ဆက်လိုက်မယ်”
“စိတ်ချ..မောင်လေး..စိတ်ချ”
ကားပေါ်ရောက်တော့ ကိုမြေမှုန်လွင်က မေးတော့သည်။
“ဟေ့လူ..ခင်ဗျား နဲ့ ပွဲစားအမ ဘယ်ပျောက်သွားကြတာလဲ”
“ဟီး..ကျွန်တော့်ကို ခြံကွက်လိုက်ပြတာ..သိန်းသုံးထောင်တဲ့…သိန်းတစ်သောင်းတန် မြေကွက်ကို ကြည့်တဲ့ သူဌေးဘေးက ပါတဲ့ လူဆိုတော့ သူဌေးမှတ်တယ်ထင်တယ်..အင်း သူဌေးထင်ခံရတဲ့ အရသာအတော်ရှိတာပဲ”
“ဟီး..ကျွန်တော်လည်း သိန်းလေးငါးခြောက်ရာလောက် မြေကွက်တွေလိုက်ကြည့်တာ..အခုတော့ အထင်တွေကြီးပြီး တစ်သောင်းတန်တွေပါ လိုက်ပြတော့တာပဲ..ဟီးဟီး”
သိန်းတစ်သောင်းတန် မြေကွက်ပင် လာကြည့်သွားသည်ဆိုသည့် သတင်းကြောင့်လားမသိ။
ကလောမှ အပြန်တွင်ပင် ဟိုတယ်ရှေ့မှ ပွဲစားများ လာစောင့်နေကြသည်။
“လမ်းကြုံ..အောင်ပန်းဘက်က ခြံလေး ဝင်ကြည့်သွားပါလား..ကျွန်မတို့ လိုက်ပြမယ်”
“ကလောအထွက်တင်..ခြံရှိသေးတယ်..မောင်လေး”
“မကြည့်တော့ဘူး..အမ..မန္တလေးမှာ မြေကွက်သွားကြည့်ဉီးမှာမို့..အချိန်မရလို့”
အံမယ်..မန္တလေးမှာ သူ့ဟာသူ စာအုပ်ဆိုင်တွေနဲ့ ကိစ္စရှိလို့ ဝင်မှာကိုးများ။
လမ်းကြုံမှုန်ကြီးကို ယုံစားမိသူ ပွဲစားမမများကတော့ ကလောတွင် ကျန်ရစ်ခဲ့ပြီ။
မြေကွက်တော့ တကွက်မှ မဝယ်လိုက်ရ။
မြေကွက်မဝယ်ရသလို ကလောအပြန် အသီးအနှံလည်း ဘာမှ မဝယ်လိုက်ရ။
ခြံတွေထဲက ပတ်ခူးလာသည်ကိုး။
“ဟေ့လူ..အောင်ပန်းဈေးထဲ ခဏရပ်ပါလား”
ကိုမြေမှုန်လွင်က ကျွန်တော့်ကို ကြည့်လိုက်သည်။
“ဘာဝယ်မလို့လဲ..ကိုဗြိ”
“ဝယ်မလို့ မဟုတ်ဘူး..ခင်ဗျားတို့ ခူးလာတဲ့ သစ်တော်သီးတွေ၊ ပြောင်းဖူးတွေ အောင်ပန်းဈေးမှာ ပြန်ရောင်းကြပါလား..ခရီးစရိတ်ကာမိတာပေါ့”
“ဟဲ…ဟဲ…ဟဲ….ဟဲ”
ကလောလမ်းကြုံ ဤတွင်ပြီးပါပြီ။

ဗြိတိသျှကိုကိုမောင်

07/01/2022

မြေဧက တွက်နည်း
============
မြေဧက ဘယ်လိုတွက်ရသလဲ ခဏခဏ မေးလာလို့ အတတ်နိုင်ဆုံး ရှင်းလင်းအောင် တွက်နည်းကို ဖော်ပြလိုက်ပါတယ်။ မိမိမြေကွက်ရဲ့ ပုံသဏ္ဍန်ကိုကြည့်ပြီး ဧက တွက်နိုင်ပါတယ်။

၁။ လေးနားညီ စတုရန်းပုံစံ ဖြစ်ပါက
၂၀၈.၇၁' ၂၀၈.၇၁' = ၄၃၅၅၉.၈၆ = ၁ ဧက
ဥပမာ ~~~~
၁၀၀ ပေ ပတ်လည်အကွက် ဖြစ်လျင်
၁၀၀' ၁၀၀' ၄၃၅၆၀=၀. ၂၂၉ ဧက

၂။ နှစ်နားညီ စတုဂံပုံစံ ဖြစ်လျှင်
(လ x န)' ၄၃၅၆၀ = __ဧက
ဥပမာ ~~~~
(၄၀'၆၀')၄၃၅၆၀ = ၀.၀၅၅ ဧက
(၆၀'၈၀')၄၃၅၆၀ = ၀.၁၁ ဧက
(၆၀'၁၀၀')၄၃၅၆၀ = ၀.၁၃၇ ဧက
(၈၀'၁၀၀')၄၃၅၆၀ = ၀.၁၈၃၆ ဧက
(၁၀၀'၁၀၀')၄၃၅၆၀ = ၀. ၂၂၉ ဧက

၃။ နှစ်နားပြိုင် တြာဗီဇီယံပုံစံ ဖြစ်ပါက
ပြိုင်နားနှစ်ခုပေါင်း ၂ x နံ ၄၃၅၆၀ = ဧက
ဥပမာ ~~~~
[{(၅၀+၈၀)၂}၆၀]၄၃၅၆၀ = ၀.၀၈၉ ဧက

၄။ တြိဂံပုံစံဖြစ်လျင်၅ x အခြေ x အမြင့် ၄၃၅၆၀ = ဧက
အခြေ x အမြင့် ၄၃၅၆၀ = ဧက
ဥပမာ ~~~~၅ ၁၀၀' ၅၀' ၄၃၅၆၀ = ၀.၀၅၇ ဧက

၅။ ထောင့်မှန် တြိဂံပုံစံဖြစ်လျှင်
အခြေ x အမြင့် = ရလာဒ် ၂ ၄၃၅၆၀
ဥပမာ ~~~~
၁၀၀' ၅၀' = ၅၀၀၀'
၅၀၀၀ ၂ ၄၃၅၆၀ = ၀.၀၅၇ ဧက

၆။ စက်ဝိုင်းပုံစံဖြစ်လျှင်
အချင်းဝက် x အချင်းဝက် x ပိုင်ကိန်း ၄၃၅၆၀ = ဧက ဖြစ်သည်။ ထို့ကြောင့်
အချင်း x အချင်း x .၇၈၅၄ ၄၃၅၆၀ = ဧက (ပုံသေမြှောက်ကိန်း .၇၈၅၄)
(.၇၈၅၄ သည် ပိုင်ကိန်း ၃.၁၄၁၆ ကို အနားလေးဖက် ၄ နှင့်စားပြီး စတုရန်းကွက်ဖေါ်ခြင်းဖြစ်သည်)
ဥပမာ ~~~~
၅၀' ၅၀' .၇၈၅၄ ၄၃၅၆၀ = ၀.၀၄၅ ဧက

၇။ အနား ၅ မျက်နှာ ၆ မျက်နှာနှင့် အနားများစွာပါသော ပုံစံဖြစ်လျှင် စတုဂံ စတုရန်း တြိဂံစသည် အကွက်စိပ်ပြီးတွက်၊ ရလာဒ်အားလုံးကိုပေါင်း၍ ၄၃၅၆၀ ဖြင့်စား။

၁ ဧက = ၄၃၅၆၀ စတုရန်းပေ ဖြစ်ပါသည်။

အညွှန်း....
လ = အလျား
န= အနံ
' = ပေ
Photo credit

01/06/2021

ကလောမြို့ရဲ့ ရာသီဥတုကို ဝယ်ယူချင်တယ်ဆိုရင် MRESA Certificate ရရှိထားတဲ့ Agent တွေက ဝန်ဆောင်မှုပေးပါရစေ။

😊😊😊



#ကလော
#ကလောအိမ်ခြံမြေ
#အိမ်ခြံမြေ

22/03/2021

https://www.facebook.com/hninthitsar511/

ကလောမြို့ရဲ့ ရာသီဥတုကို ဝယ်ယူချင်တယ်ဆိုရင် နှင်းသစ္စာ အိမ်ခြံမြေကို ဆက်သွယ်ပါ...

17/10/2020

17/10/2020

မူးရင်းဖန်တီးသူကို ချီးကျူးပါတယ်။ 😁

15/07/2020

#ကလော
#အိမ်ခြံမြေ


#ကလောအိမ်ခြံမြေ