Ko Tun မဟာမြိုင်-အိမ်ခြံမြေ

15/12/2025

“လယ်ယာမြေ “ကိုဝယ်ပြီး

“🏡အိမ်ယာမြေ”လုပ်ချင်နေတာလား။⁉️

==========================

လွှတ်တော်ရှေ့နေ မောင်ကောင်းဖေ Facebook Acc မှ

၂၀၀၂ ခုနှစ် လယ်ယာမြေ ဥပဒေ ပေါ်ထွက်လာပြီး နောက်ပိုင်းမှာ အိမ်ခြံမြေ တိုက်ခန်း အရောင်းအဝယ်များနည်းတူ လယ်ယာ မြေအရောင်းအဝယ်တွေဟာလည်း မြန်မာပြည်အနှံမှာ ဈေးကောင်းရလို့

အပြိုင်အဆိုင်ရောင်းဝယ်လုပ်ကိုင်နေကြတာကို တွေ့ရပါတယ်။

လယ်ယာမြေ အရောင်းအဝယ် အကောင်းဆုံးနေရာတွေကို လေ့လာ ကြည့်တဲ့အခါ

တိုင်းနဲ့ပြည်နယ်မှာရှိတဲ့ လမ်းမကြီး ဝဲယာတစ်လျှောက်နဲ့

လမ်းမ ကြီးဘေးမှာရှိတဲ့ ကျေးရွာတွေနဲ့

နိုင်ငံ တော်အစိုးရက စီမံကိန်းရေးဆွဲထားတဲ့ နယ်မြေ ပတ်ဝန်းကျင်တွေမှာ တွေ့ရပါတယ်။

မြေကွက်ကျယ်ကျယ်၊ ဧကများများ ပိုင်ဆိုင်ပြီး စီးပွားရေးလုပ်ငန်းတွက် ချေကိုက်မယ်လို့ ခန့်မှန်းထားတဲ့

လုပ်ငန်းရှင်တွေဟာ လယ်ယာမြေတွေ ကိုယ်ပိုင် စီးပွားရေးလုပ်နိုင်ရန်

အခြားနည်းလျှောက်ထားကြသူ အများအပြားရှိတယ်လို့ သိရပါတယ်။

အဆင့်ဆင့်ဆောင်ရွက်ရတာ တွေကြောင့် နှောင့်နှေးကြန့်ကြာမှုလည်း ရှိနေတယ်လို့ သိရပါတယ်။

ယခုအခါ ဒီလိုမဖြစ်တော့ဘဲ တစ်ပြေးညီဆောင်ရွက် နိုင်အောင်

ပြည်ထောင်စုအစိုးရအဖွဲ့က ညွှန်ကြားထားပြီဖြစ်လို့ ဆောင်ရွက်ပုံ အဆင့်ဆင့်ကို”ကျတော် လေ့လာတင်ပြလိုက်ပါတယ်။

တပြေးညီဆောင်ရွက်ရေး ပြည်ထောင်စု အစိုးရအဖွဲ့ရဲ့ ညွှန်ကြားချက်ထွက်

ပြည်ထောင်စုသမ္မတ မြန်မာ နိုင်ငံတော်အစိုးရ ဗဟိုလယ်ယာမြေစီမံ ခန့်ခွဲမှုအဖွဲ့အနေနဲ့ နေပြည်တော်ကောင်စီ အပါအဝင် တိုင်းဒေသကြီး ပြည်နယ် အသီးသီးမှာ

လယ်ယာမြေကို အခြား နည်းအသုံးပြုရန် လျှောက်ထားခြင်း

ကိစ္စရပ်နှင့်ပတ်သက်ပြီး နိုင်ငံနှင့်တစ်ဝန်း ပုံစံအမျိုးမျိုးနဲ့ ဆောင်ရွက်နေကြခြင်း အပေါ် တစ်နိုင်ငံလုံး တစ်ပြေးညီဖြစ်စေ ရေးအတွက်

ပြည်ထောင်စုအစိုးရအဖွဲ့ ရဲ့ သဘောတူအကြောင်းကြားချက်အရ ၂၀၁၇ ခုနှစ်၊ မတ်လအတွင်းကပင် ညွှန် ကြားချက်အသစ်ထုတ်ပြန်ခဲ့တယ်လို့ သိရပါတယ်။

အမှုပွဲစားနဲ့ ဝန်ထမ်းများ မသမာမှုတွေ ကြောင့် လယ်ယာမြေအခြားနည်းလျှောက်ရာမှာ ငွေကြေးအကုန်အကျများ

အချို့သော တိုင်းဒေသကြီး ပြည်နယ်များမှာဆိုရင် လယ်ယာမြေကို အခြားနည်းအသုံးပြုရန် ကိစ္စရပ်အတွက်

မြေစာရင်းပုံစံ (၁၀၅) ရေးကူးခွင့်ပြုလုပ် ဖို့ တစ်ကြိမ်၊

လုပ်ငန်းစာတွဲတည်ဆောက် ခြင်းအတွက် တစ်ကြိမ်၊

စုစုပေါင်းနှစ် ကြိမ်တင်ပြနေရတယ်လို့ သိရပါတယ်။



ဒါကြောင့် လုပ်ငန်းဆောင်ရွက်လိုတဲ့ ကာယကံရှင်များအဖို့ မလိုအပ်သော အချိန်ကြန့်ကြာမှုများဖြစ်ပေါ်ခဲ့ရတာကို တွေ့ရပါတယ်။

အဲဒီလို ကြန့်ကြာမှုတွေ ကြောင့် ပြည်သူလူထုအနေနဲ့ ဌာနအပေါ် အထင်အမြင်လွဲမှားတတ်ကြတယ်။

အဲဒီလို အဆင့်ဆင့် နှစ်ကြိမ်တိုင်အောင် အထက်အောက် တင်ပြရမှုတွေကြောင့် ဆောင်ရွက်ရသည့် အဆင့်အပေါ်မူတည် ပြီး

မသမာသော ဝန်ထမ်းများအနေနဲ့ လုပ်ပိုင်ခွင့်ကို အကြောင်းပြုကာ “အဂတိ လိုက်စားမှု”များ ဖြစ်ပေါ်တတ်ပါတယ်။

ဒါ့အပြင် ရုံးဌာန၊ အဖွဲ့အစည်း များသို့ ကိုယ်တိုင်မသွားရောက်နိုင်သောသူများအနေနဲ့ အမှုပွဲစားများကို အားကိုးကြရ ပြန်တယ်။

ဒါကြောင့် ငွေကြေးပိုမို ကုန်ကျရခြင်းစတဲ့ ဆိုးကျိုးတွေ ဖြစ်ပေါ်ခဲ့ရပါတယ်။

လယ်ယာမြေအခြားနည်းသုံးစွဲခွင့် တစ်ကြိမ်တည်းနဲ့ ရဖို့အတွက် သက်ဆိုင်ရာအစိုးရထံမှ ခွင့်ပြုချက်ယူရ

အထက်ပါဆိုးကျိုးများကို ရှောင်ရှားနိုင်ဖို့အတွက်

ယခုအခါ လယ်ယာ မြေကို အခြားနည်းအသုံးပြုခွင့်လျှောက် ထားတဲ့ကိစ္စ

ရပ်တွေနဲ့ ပတ်သက်ပြီး

မြေစာရင်းပုံစံ (၁၀၅)နဲ့ သက်သေခံမြေပုံ

မြေစာရင်းပုံစံ (၁၀၆)တို့ကို

မြေရာဇဝင် ရေးကူးပြီးရင်

သက်ဆိုင်ရာလယ်ယာမြေ စီမံခန့်ခွဲရေးနှင့် စာရင်းအင်းဦးစီး ဌာနရဲ့ လုပ်ထုံးလုပ်နည်းများအတိုင်း ရေးကူးစေပြီးနောက်

လယ်ယာမြေကို အခြားနည်းအသုံးပြုခွင့် လုပ်ငန်းစာတမ်း ဖြင့် ပူးတွဲပြီး

သက်ဆိုင်ရာအစိုးရအဖွဲ့ တစ်ကြိမ်တည်း စိစစ်ခွင့်ပြုဖို့နဲ့ လုပ်ငန်း ကို တစ်နိုင်ငံလုံး တစ်ပြေးညီ ကျင့်သုံး ဆောင်ရွက်နိုင်စေရေးအတွက်

ဗဟိုလယ်ယာ မြေစီမံခန့်ခွဲမှုအဖွဲ့မှ ပြည်ထောင်စု အစိုးရအဖွဲ့သို့ တင်ပြခဲ့တယ်လို့ သိရပါတယ်။

အဲဒီလို တင်ပြသည့်အတိုင်း ဆောင်ရွက်ရန် သဘောတူခွင့်ပြုခဲ့ခြင်းဖြစ်တယ်လို့ သိရပါတယ်။

အခြားနည်းအသုံးပြုခွင့်ရဖို့ မြို့နယ်မှ တိုင်းအထိ အဆင့်ဆင့်ခွင့်ပြုချက်ရဖို့ လိုအပ်

ဒါကြောင့် လယ်ယာမြေကို အခြားနည်းအသုံးပြုလိုသူများအနေနဲ့

ယခင်ကလို နှောင့်နှေးကြန့်ကြာခြင်းမရှိ တော့ဘဲ သက်ဆိုင်ရာ လယ်ယာမြေစီမံ ခန့်ခွဲရေးနှင့် စာရင်းအင်းဦးစီးဌာနမှာ

မြေစာရင်းပုံစံ (၁၀၅)၊ (၁၀၆) ရေးကူး ပြီး

လယ်ယာမြေဥပဒေပုဒ်မ ၂၉/၃၀(က)/

၃၀(ခ)အရ လုပ်ငန်းစာတွဲ ဖွင့်လှစ်ရန် သာ လိုအပ်ပါတယ်။

ဒါပေမဲ့ မြို့နယ်၊ ခရိုင်၊ တိုင်း ဒေသကြီး၊ ပြည်နယ်တို့က အဆင့်ဆင့်ထောက်ခံချက်ပါရပါမယ်။

လယ်မြေဖြစ်ပါက ဗဟိုလယ်ယာမြေစီမံခန့်ခွဲမှုအဖွဲ့

အခြားလယ်ယာမြေဖြစ်နေပါက နေပြည် တော်ကောင်စီ

ဒါမှမဟုတ် တိုင်းဒေသကြီး ပြည်နယ်အစိုးရအဖွဲ့ရဲ့

ခွင့်ပြုချက်ကို ရယူရန် လိုအပ်တယ်လို့” ကျတော် သိရပါတယ်။

အခြားနည်းအသုံးပြုခွင့်ရဖို့ အချက်(၁၁) ခု တင်ပြရန်လို

လယ်ယာမြေဥပဒေပုဒ်မ ၂၉/ ၃၀(က)/၃၀(ခ)အရ လုပ်ငန်းစာတွဲ ဖွင့်လှစ်တဲ့အခါမှာ လျှောက်ထားသူများ အနေနဲ့

အောက်ပါစာရွက်စာတမ်း အထောက်အထားများကို ပြည့်စုံစွာ ပူးတွဲတင်ပြရန် လိုအပ်ပါတယ်။

[က] လယ် ယာမြေကို အခြားနည်းအသုံးပြုရန် လျှောက်လွှာပုံစံ-၁၄၊

[ခ] မြေစာရင်းပုံစံ (၁၀၅)၊ (၁၀၆)၊

[ဂ] ပတ်ဝန်းကျင်ပြမြေပုံ၊

[ဃ] မြေတည်ရှိရာ အခြေပြမြေပုံ (Loca-tion Map)၊

[င] ဆိုက်ပလင် ( Site Plan)၊

[စ] ဓာတ်ပုံမှတ်တမ်းများ၊

[ဆ] လယ်ယာ မြေလုပ်ပိုင်ခွင့်ပြုလက်မှတ် [ပုံစံ-၇] မိတ္တူ

[ဇ] ရပ်ကွက်၊ ကျေးရွာအုပ်စု လယ်ယာ မြေစီမံခန့်ခွဲမှုအဖွဲ့၏ထောက်ခံချက်၊

[ဈ] ဘေးပတ်ဝန်းကျင် လယ်သမားနှစ်ဦး၏ ထွက်ဆိုချက်၊

[ည] လျှောက်ထားသူ၏ မှတ်ပုံတင် (မိတ္တူ)တို့ကို ပူးတွဲတင်ပြရပါမယ်။

လယ်မြေမဟုတ်တဲ့ လယ်ယာမြေကို အခြားနည်းသုံးစွဲခွင့်ရဖို့ နေပြည်တော်/ တိုင်းနှင့် ပြည်နယ်ကသာ ခွင့်ပြုမိန့်ပေး

လယ်ယာမြေကို အခြားနည်း အသုံးပြုရန် လျှောက်ထားသည့် ကိစ္စရပ် များအနက်

“လယ်မြေကို အခြားနည်း အသုံးပြု၍ ခွင့်ပြုမိန့်ပုံစံ (၁၅)”ကို

ရရှိ ဖို့အတွက် ဗဟိုလယ်ယာမြေစီမံခန့်ခွဲမှု အဖွဲ့အထိ လုပ်ငန်းစာတွဲပေးပို့တင်ပြ ကြရမည်ဖြစ်ပါတယ်။

လယ်မြေ မဟုတ်သော အခြားလယ်ယာမြေကို အခြားနည်း အသုံးပြု၍

ခွင့်ပြုမိန့်ပုံစံ (၁၅-က)ကို တော့ နေပြည်တော်ကောင်စီ ဒါမှမဟုတ် တိုင်းဒေသကြီး၊ ပြည်နယ်အစိုးရအဖွဲ့ များကသာ

ထုတ်ပေးပိုင်ခွင့်ရှိတယ်လို့”လေ့လာတင်ပြတင်ပြလိုက်ရပါတယ်။

သေချာသော အချက်လက်အထောက်ထားများကို ကိုယ်တိုင်ကိုယ်ကျ
လေ့လာလိုသူများအနေ နဲ့ ကျတော်ဆီမှာ လာရောက်ဖက်ရှု့နိုင်ပါတယ်ခမျာ...



#အိမ်ခြံမြေဥပဒေ

#အိမ်ခြံမြေဗဟုသုတ

#လယ်ယာမြေဥပဒေ

15/12/2025

ဂရန် သက်တမ်းကုန်ဆုံးနေတဲ့ ဂရန်တစ်ခုကို
မိမိ နာမည်ဂရန်အမည်ပေါက်ဖြစ်အောင်
ဆောင်ရွက်ချင်သော်လည်း
အမည်ပေါက်ပိုင်ရှင် မရှိတော့ရင် ဘယ်လိုဆက်လက်လုပ်ဆောင်မလဲ?

နစ်(၃၀) ဂရန်မြေကွက် တစ်ကွက် ဝယ်ထားတာ
(၁၀) နစ်ကျော်ပါပြီ./အခုချိန်မှာ ဂရန်သက်တမ်း ကုန်ဆုံးသွားပြီဖြစ်လို့ မူရင်းအမည်ပေါက်ကနေ မိမိအမည်ပေါက်ဖြစ်အောင် ပြောင်းလိုပါတယ်./မူရင်းအမည်ပေါက်တဲ့သူ အိမ်ပြောင်းသွားတဲ့အတွက်ရှာရခက်နေပါတယ်./အကယ်၍ ရှာမတွေ့တော့ရင် ဘယ်လိုလုပ်ရမလဲ။

ကိုယ်ဝယ်ယူထားတဲ့စာချုပ်က သာမာန်အရပ်စာချုပ်နဲ့ဝယ်ထားတာလား./မှတ်ပုံတင်စာချုပ်နဲ့ဝယ်ထားတာလားဆိုတာ ကြည့်ရပါမယ်.

မှတ်ပုံတင်စာချုပ်နဲ့ဝယ်ထားတယ်ဆိုရင်တော့ အမည်ပေါက်ပိုင်ရှင် မလိုတော့ပါဘူး. မှတ်ပုံတင်စာချုပ်နဲ့တွဲပြီးတော့ သက်ဆိုင်ရာသို့ မိမိ မှတ်ပုံတင်စာချုပ့်ဖြင့်ဝယ်ထားကြောင်းတင်ပြ၍ ဂရန်သက်တမ်းတိုးပေးရန်နှင့် အမည်ပြောင်းလဲပေးရန် တိုက်ရိုက်လျှောက်ထားနိုင်ပါတယ်.

သက်ဆိုင်ရာမှ ဂရန်သက်တမ်းပြတ်တောက် ကာလ များအတွက် သတ်မှတ်ထားသောဒဏ်ကြေးများပေးဆောင်စေ၍ လုပ်ထုံးလုပ်နည်းများနှင့်အညီ
ဂရန်သက်တမ်းတိုးပေးကာ အမည်ပေါက်ပြောင်းလဲပေးမှာဖြစ်ပါတယ်.

အရပ်စာချုပ်နဲ့ဝယ်ထားတာဆိုရင်တော့

အရပ်စာချုပ်သည် မရွှေ့မပြောင်းနိုင်သောပစွည်းနှင့်ပတ်သတ်ရင် သက်ဆိုင်ရာတရားရုံးများမှာသက်သေခံတင်သွင်းလို့မရပါဘူး.
ဂရန်သက်တမ်းကုန်ဆုံးနေတဲ့ ဂရန်တွေအတွက်တော့
ဂရန်လုပ်ထုံးလုပ်နည်းများအရ သက်ဆိုင်ရာဂရန်သက်တမ်းမကုန်ဆုံးမီ (၃) လကြိုတင်၍ ဂရန်သက်တမ်းတိုး လျှောက်ထားခြင်းမရှိလျှင် လုပ်ထုံးလုပ်နည်းများအရ ဂရန်ပျက်သွားပြီဟု ယူဆရပါမယ်.

ထို့ကြောင့် အဆိုပါမြေသည် နိုင်ငံတော်မှ စီမံခန့်ခွဲပြီး ပြန်လည်ချထားပေးနိုင်သောမြေအဖြစ်သို့ အလိုလို ပြန်လည်ရောက်ရှိသွားပါတယ်.

ဒါကြောင့်အဆိုပါ မြေသည် ဂရန်မြေ မဟုတ်တော့ပါဘူးအရင်က ဂရန်ရထားပြီးသား
မြေဟုသာသတ်မှတ်ပါတယ်..

အဲ့တော့ သူသည် အရပ်စာချုပ်နဲ့ ဒီမြေပေါ်မှာ လက်ရှိထား ရယူသုံးစွဲကြောင်း အထောက်အထားတင်ပြ၍ သက်ဆိုင်ရာသို့ဂရန်အသစ်တစ်ခု ထုတ်ပေးရန်လျှောက်ထားရမှာဖြစ်ပါတယ်
Crd

13/11/2025

မဟာမြိုင်1/2ထဲ လမ်းသန့် အိမ်ပါ 14000ဝန်းကျင်သုံးမယ် တစ်ချက်ပြောပေးပါ

29/10/2025

ပုံစံ ၁၀၅ ဆိုတာဘာလဲ ။ ပုံစံ ၁၀၅ နဲ့ မြေယာအရောင်းအဝယ် လုပ်နေကြတာ တရားဝင်ပါသလား ။ ပိုင်ဆိုင်မှုခိုင်မာပါသလား။
။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။

ပုံစံ ၁၀၅ ကို ရောထွေးတဲ့ အမြင်ရှိပါတယ်။ ပုံစံ ၁၀၅ က မြေသိမ်းလို့မရသလို မြေပိုင်ဆိုင်မှုမှတ်တမ်း လို့ လည်း ပြောလို့မရပါဘူး။ ရှင်းရှင်းပြောရရင်တော့ မြေခွန်မိတ္တူမျှသာ ဖြစ်ပါတယ်။ မြေစရင်းဌာနမှာ ရှိတဲ့ စာတမ်း တွေ ကို အပြင်မှာမိတ္တူကူးခွင့်ပေးပါတယ်။ ပေးတဲ့ အခါမှာ နှစ်မျိုးရှိပါတယ်။ သက်သေခံတဲ့ မိတ္တူနဲ့ သက်သေမခံတဲ့ မိတ္တူဆိုပြီးနှစ်မျိုးရှိပါတယ်။ သက်သေခံမိတ္တူဆိုတာက သက်ဆိုင်ရာသူတစ်ယောက်က ဒီမြေတော့ ဘယ် လောက် ကျယ်တယ်ဆိုတာသိချင်တယ်၊ လက်မှာကိုင်ထားချင်တယ် ဆိုပြီး ကိုယ်ရေးကိုယ်တာ ကိစ္စအသုံးပြုဖို့ အတွက် တောင်းလိုက်တာကို သက်သေမခံတော့ ဘဲနဲ့ထုတ်ပေးလိုက်တယ်။ အကယ်၍ ရုံးတစ်ရုံးကို တင်ပြ မယ်။ တရားရုံးတင်ရင်တင်မယ်၊ စာချုပ်စာတမ်း ချုပ်ဖို့ မှတ်ပုံတင်ရုံးကို တင်မယ်၊ မြေလွတ်မြေရိုင်းလျှောက်ဖို့ သက်ဆိုင်ရာ ရုံးကိုတင်ရမယ်၊ ဂရမ်လျှောက်ဖို့ သက်ဆိုင်တဲ့ ထွေအုပ်ကို တင်ရမယ်၊ မြေရာမှုခင်း စစ်ဖို့ လယ် စီကို တင်ရမယ်။ ဒီလို ရုံးတစ်ရုံးကို တင်ဖို့ ထုတ် ပေးတဲ့ မြေပုံကို သက်သေခံမြေပုံ လို့ခေါ်တယ်။ ဒါက ပုံစံ ၁၀၅ ပေါ့။ မုန်ကန်ကြောင်း သက်သေခံရတယ်။ ပိုင်ရှင်ကို အဓိကမဟုတ် မြေ၊ အိမ်ယာအချက် အလက်တွေ မှန်ကန် ကြောင်း သက်သေခံရတာပါ။

ဒီမှာဘာပါလဲဆိုတော့ ဘယ်သူက လျှောက်တာလဲ၊ လျှောက်တဲ့မြေကွက်က ဦးပိုင်နံပတ်ဘယ်လောက်၊ ဧရိယာ ဘယ်လောက်၊ အခွန်စည်းကြပ်ခံရတဲ့သူက ဘယ်သူလဲ၊ ပိုင်ဆိုင်ခွင့်အနေ ထားက ဘယ်သူလဲ ဒါတွေဖော်ပြ ပါတယ်။ အရေးကြီးတာက ဘာကြောင့်ရေးကူးပေးသလဲပေါ့။ သူက ပိုင်ဆိုင်မှု အတွက် လုပ်တာမဟုတ်ဘူး၊ တစ်ခုခုလျှောက်ဖို့ိုဆိုတဲ့ ကိစ္စတစ်ခုအတွက်နဲ့ပဲပေးတာပါ။ ဥပမာ စာချုပ်စာတမ်း မှတ်ပုံတင်ဖို့၊ ဂရမ်လျှောက်ဖို့၊ အိမ်ဆောက်ဖို့ ဆိုတဲ့ အကြောင်းအရာတွေ ရေးပြီးတော့ ထုတ် ပေးတဲ့မြေပုံပါ။ သူကို ဒီမြေပိုင်တယ်ဆိုတဲ့ အာမခံချက်ထုတ်ပေးထာတဲ့ မြေပုံမဟုတ်ပါဘူး၊ နောက်ကိစ္စတစ်ရပ် ဆောင်ရွက်ဖို့ အတွက်ပေးတာပါ။

ပုံစံ ၁၀၅ ပြပြီးအရောင်းအဝယ်လုပ်တယ။် ခိုင်မာလား မခိုင်မာလားဆိုတာ ၂ မျိုးရှိပါတယ်။ မြို့ကွက်တွေမှာ အိမ်ယာမြေတွေ အရောင်းဝယ်လုပ်ရင် ပုံစံ ၁၀၅ ပူးတွဲတင်ရပါတယ်။ ဘာကြောင့်လဲဆိုတော့ ပထမတစ်ချက် က စာချုပ်မှာပြထားတဲ့တည်နေရာ မှန်လား၊ မမှန်လားဆိုတာ ပုံစံ ၁၀၅ နဲ့ ပူးတွဲစစ်နိုင်အောင်၊ နောက်တစ်ခုက ပုံစံ ၁၀၅ မှာက လျှောက်ထားလိုက်တာနဲ့ ပိုင်ရှင်အမည်ပါတယ်။ လျှောက်ထားသူနဲ့ပိုင်ရှင်နဲ့က တူချင်မှတူတာ ဆိုတော့ လျှောက်တဲ့သူကို ပိုင်တယ်လို့ပြောလို့မရပါဘူး။ ဒါ့ကြောင့် စစ်လို့ရအောင် ပုံစံ ၁၀၅ ကိုပူးတွဲတင်ရ တာပါ။ ဒါက လယ်ယာမြေမှာတော့ အဓိကမကျပါဘူး။ လယ်ယာမြေမှာက ပုံစံ ၇ က အဓိကပါ။ ပုံစံ ၇ ကခိုင်မာပါ တယ်။ ၁၀၅ က မခိုင်မာပါဘူး။ မြို့ကွက်မှာ ကတော့ ၁၀၅ က အထောက်အထား တစ်ရပ်ဖြစ် ပါတယ် ဆိုတာ ဖြေကြားပေးချင်ပါတယ် ။
#ပုံစံ၁၀၅

02/10/2025

အိမ်ခြံမြေ ဂရန် မိတ္တူခြမ်း ဝယ်ယူထားပြီးသည့်နောက် ဖြေရှင်းရမည့် အခက်အခဲ

အိမ်ခြံမြေ အရောင်းအဝယ်တွေ ကောင်းနေတဲ့ ကာလတွေမှာတောင် ဝယ်ရသူတွေဟာ “ရော့ပတ္တမြား၊ ရော့နဂါး” ဆိုသလို လွယ်လွယ်နဲ့ ပိုင်ဆိုင်လက်ခံရရှိသူ နည်းပါးလှပါတယ်။ ခက်ခက်ခဲခဲနဲ့ ကြိုးစားယူကြရလိမ့်မယ်လို့ "မောင်ကောင်းဖေ" ထင်ပါတယ်။

လက်ရှိအနေအထားမှာတော့ မြေချပါမစ်မြေကွက်ဝယ်ရင်လည်း ပေါ့ပေါ့ဆဆဝယ်လို့မရ၊ ဂရန်မြေဝယ်ပြန်ရင်လည်း စာချုပ်အဆက်အစပ်တွေက ခပ်များများနဲ့မို့ မြေနဲ့အိမ် ဝယ်လိုသူတွေအဖို့ ပိုင်ဆိုင်မှုခိုင်ခိုင်မာမာနဲ့ စိတ်အေးလက်အေးနေထိုင်နိုင်ဖို့ အတော်ကြိုးစားယူရတာကို" မောင်ကောင်းဖေ"တွေ့ရပြန်ပါတယ်။

ဂရန်မြေဆိုရင်လည်း မြေအမည်ပေါက်မှန်ကန်ရင် ဝယ်ရတာ အလိမ်မခံရဘူးဆိုပေမယ့် အချို့သောသူများက ဂရန်မြေနဲ့ အိမ်ကို ဝယ်ထားသော်လည်း ကိုယ်အမည်မဖောက်ဘဲ မူလအမည်ပေါက်ထံက (General Power)ဖြစ်စေ၊ (Special Power) ဖြစ်စေ ယူထားပြီး သိမ်းထားတတ်ကြတယ်။

အချို့ဝယ်သူတွေကျပြန်တော့ လမ်းမကြီးတန်းက (40'×60') မြေကွက်ကြီးတစ်ခုလုံး မဝယ်နိုင်လို့ (20'×60')ပဲ ခွဲပြီး ဝယ်ထားတာကို တွေ့ရပြန်တယ်။ (20'×60') ဝယ်ထားပေမယ့် တရားဝင်ခွဲစိပ်ပြီး အမည်မပြောင်းဘဲ (20'×60') တစ်ခြမ်းဝယ် အရောင်းအဝယ်စာချုပ်ကို အခွန်ဆောင်ပြီး မှတ်ပုံတင်ထားတတ်ကြတယ်။ ဒါပေမဲ့ တချို့သောသူများက အမည်မပြောင်းဘဲ တစ်ခြမ်း (20'×60') အရောင်းအဝယ်မှတ်ပုံတင်စာချုပ်နဲ့ ဂရန်မူရင်းကြီးကို ကိုင်ထားတတ်ကြပြန်တယ်။

ဘာကြောင့် အဲဒီလို ပထမဝယ်သူက ဂရန်မူရင်းကြီးလည်း ကိုင်ထားပြီး (20'×60' ) တစ်ခြမ်းဝယ် မှတ်ပုံတင်အရောင်းအဝယ်စာချုပ်ကြီးကိုလည်း အမည်မပြောင်းသေးဘဲ ထားရသလည်းဆိုရင် အမည်ပြောင်းခ ကုန်ကျစရိတ်နဲ့ ဂရန်ခွဲကုန်ကျစရိတ်တွေ အကုန်အကျမခံချင်ကြလို့ပဲပေါ့။အမည်မပြောင်းသေးသရွေ့ကတော့ ရန်ကုန်မြို့တော်စည်ပင်သာယာရေးကော်မတီ မြို့မြေစာရင်းမှာတော့ မူလဂရန်အမည်ပေါက်သူရဲ့နာမည်နဲ့ပဲ ရှိနေမှာပဲဖြစ်ပါတယ်။

မူလဂရန်အမည်ပေါက်သူတွေကတော့ ဘာဖြစ်လို့ ဂရန်မူရင်းကြီးကို ပေးလိုက်ရသလဲဆိုရင် ဂရန်မူရင်းပေးလိုက်ရင် ဈေးပိုရလို့ပါပဲ။ ဥပမာ~~မြေနဲ့ အိမ်တန်ဖိုးက သိန်း (၁၅၀၀)တန်တယ်ဆိုပါတော့ ရောင်းသူက ဂရန်မူရင်းလိုချင်ရင် (20'×60')တစ်ခြမ်းမြေကွက်ကို သိန်း (၈ဝဝ) သတ်မှတ်ပြီး ရောင်းတယ်။ ကျန်တဲ့မြေကွက်ကို ဝယ်သူ အနေနဲ့ကျတော့ ဂရန်မိတ္တူပဲရတယ်။ မြေဈေးနှုန်းကျတော့ သိန်း(၇ဝဝ) နဲ့ရောင်းလိုက်တယ်။ အဲဒီ မြေကွက်ထဲမှာရှိတဲ့ အိမ်ကိုတော့ ဂရန်အမည်ပေါက်သူတွေက ဖျက်ယူသွားတတ်ကြတယ်။

အဲဒီတော့ တစ်ဦးက ဂရန်မူရင်းကြီးကိုင်ထားပြီး ကျန်တစ်ဦးကျတော့ ဂရန်မိတ္တူပဲ ကိုင်ထားရတာလေ။ ပြန်ရောင်းတဲ့အခါမှာ မျက်နှာငယ်ရတာပေါ့။ ဂရန်မူရင်းကိုင်ထားသူကတော့ ခေါင်းရင်းခြမ်း(20'×60')ဝယ်ထားတဲ့ မှတ်ပုံတင်အရောင်းအဝယ်စာချုပ်ပြပြီး ဝယ်သူလာရင် အပေါ်စီးကနေ ဈေးတင်ရောင်းတာကို တွေ့ရတယ်။

ခြေရင်းဘက်ခြမ်း (20'×60')ဝယ်ထားသူကတော့ သူ့လက်ထဲရှိတာ အမည်ပေါက်ရဲ့မိတ္တူနဲ့ အရပ်ကတိအရောင်းအဝယ်စာချုပ်ပဲရှိတာလေ။ ပိုင်ဆိုင်မှုဆိုလို့ မြေကွက်ကိုပဲ လက်ညှိုးထိုးပြလို့ရတယ်။ ဂရန်မူရင်းနဲ့ ပိုင်ဆိုင်မှုတွေအားလုံးက ခေါင်းရင်းဘက်ခြမ်းက လူဆီမှာရှိနေတော့ စီးပွားရေးအဆင်မပြေလို့ ပြန်ရောင်းမယ်လို့ ပြင်ဆင်လိုက်တာနဲ့ ဂရန်မူရင်းရှိတဲ့သူကို မျက်နှာချိုသွေးရပြီပေါ့။

ဂရန်မူရင်းကိုင်ထားသူဆီကလည်း ဒီအတိုင်းတော့ အလွယ်တကူနဲ့ မငှားဘူး။ တန်ဖိုးတစ်ခုပေးမှ ဂရန်ကိုငှားတာလေ။ တန်ဖိုးတစ်ခုဆိုတာကလည်း တစ်သိန်း၊ နှစ်သိန်းအောက်မဟုတ်ဘူး၊ ဂရန်ငှားပြီး တစ်ခြမ်းအရောင်းအဝယ်လုပ်ဖို့ စည်ပင်မှာ အရောင်းမြေပုံကူးလိုက်ပေးရလို့၊ စာချုပ်ရုံးမှာ လိုက်ပေးရလို့၊ အခွန်ရုံးမှာလိုက်ပေးရလို့ဆိုပြီး (၁၅) သိန်းတောင် တောင်းတဲ့သူ "မောင်ကောင်းဖေ" ကြုံခဲ့ဖူးတယ်ဗျာ။အင်း..ဒါလည်း မှတ်သားစရာပါပဲ။

ဒါကြောင့် ဂရန်မိတ္တူနဲ့ မြေကွက်တစ်ခြမ်းဝယ်ထားမိသူတွေရဲ့ ဒုက္ခကလည်း မသက်သာလှပါဘူး။ ဒါကြောင့် ပြောတာ မြေဝယ်ရင် မိတ္တူနဲ့ဝယ်ရတာ “သူများနှာခေါင်းပေါက်နဲ့အသက်ရှူရသလို” ခံစားရတယ်ဆိုတာပေါ့။ 'ရွှေအကြောင်းဖယောင်းမှသိ၊ လူအကြောင်း ပေါင်းမှသိ” ဆိုတာ ဒီလိုလူမျိုးတွေပြောတာထင်ပါရဲ့။ အချို့ဂရန်မူရင်းခေတ္တအငှားလိုက်သူများဆိုရင် သူတို့ရဲ့ ဂုဏ်သိက္ခာကိုကြည့်ပြီး (၁၀)သိန်းတောင်းလိမ့်မယ်လို့ ထင်တောင်ထင်ရက်စရာမရှိပါဘူး။ ဒါပေ့မယ်လည်း ငွေနဲ့ပတ်သက်လာရင် “ဘယ်သူသေသေ ငတေမာရင် ပြီးရော’ဆိုတဲ့ စိတ်ဓာတ်မျိုးတွေ ရှိတတ်ကြတယ် မဟုတ်ပေဘူးလား။

အချို့သော ဂရန်မူရင်းကိုင်ထားသူများဟာဆိုရင် "ပြောတော့ဖြင့် တရားသဘောတွေပြောလိုက်ကြတာ၊ ကြားရသူအပေါင်း တရားကျလောက်ပါရဲ့။ သို့ပေမယ့် မထင်နဲ့ဗျို့။ တကယ်ဆက်ဆံကြည့်တော့မှ ငွေမျက်နှာတစ်ခုပဲ'ကြည့်တာကိုတွေ့ခဲ့ရတယ်။" ဘုရားမှတ်လို့ ကိုးကွယ်၊ ဖွတ်ထွက်မှ တောင်ပို့မှန်းသိ' ဆိုတာ ဒီလိုလူမျိုးကို ပြောတာထင်ပါရဲ့လို့ “မောင်ကောင်းဖေ” တွေးမိတယ်ဗျာ။

ဒီတော့ “မောင်ကောင်းဖေ” အနေနဲ့ အိမ်ခြံမြေဝယ်ကြတဲ့ သူများကို အသိပေးပါရစေ…မြေကွက် တစ်ကွက်လုံးဝယ်နိုင်ရင် ဝယ်ပါ။ မဝယ်နိုင်လို့၊ ဂရန်မိတ္တူပဲ ဝယ်ရတော့မယ်ဆိုရင်တော့ တစ်ခြမ်းဝယ် အထူးကိုယ်စားလှယ်လွှဲစာလုပ်ပါ။ ဒါအပြင် အရောင်းမြေပုံကူးနဲ့၊ မှတ်ပုံတင်အရောင်းအဝယ်စာချုပ်ချုပ်ဖို့ ဂရန်မူရင်းကိုင်ထားသူက လိုက်ပါဆောင်ရွက်ပေးအောင်လည်း တာဝန်ယူပေးပါရန် တောင်းဆိုသင့်ပါကြောင်း အကြံပေး တင်ပြလိုက်ရပါတယ်။
ရေးသားသူ

Crd..,လွှတ်တော်ရှေ့နေမောင်ကောင်းဖေ


ဆရာမောင်ကောင်းဖေကို လေးစားလျှက်
အကျိုးဆောင်ကိုသီလ

30/09/2025

ကြိုပွိုင့်တိုက်ခန်း စာချုပ်ချုပ်ဆိုရာတွင် ဝယ်ယူသူ၏အခွင့်အရေးထည့်ချုပ်ဆိုရန် မမေ့သင့်။

==================================

ရန်ကုန်မြို့တွင် ဆောက်လုပ်ရေး ကုမ္ပဏီကြီးများနှင့် မြေရှင် အခန်းပေး၊ အခန်းယူတိုက်ခန်းများဆောက်လုပ်၍ ရောင်းချသည့်တိုက်ခန်းများရှိကြသလို၊ တစ်နိုင်တစ်ပိုင်ဆောက်လုပ်သည့် ကန်ထရိုက်တာများလည်း ရှိကြပါသည်။

ယင်းတိုက်ခန်းများအား ကြိုပွိုင့်စနစ်ဖြင့်လည်း ရောင်းချ၍ ဝယ်ယူသူများလည်းရှိကြပါတယ်။

ထိုသို့ဝယ်ယူရာတွင် ဝယ်ယူသူများအနေဖြင့် ငွေပေးချေသည့်စနစ်မှာ အရစ်ကျစနစ်ဖြင့် ပေးချေးကြသည်ကို မြင်တွေ့လေ့ရှိပါသည်။
နမူနာအနေဖြင့်တင်ပြရမည်ဆိုပါက-
၁။ ပထမအရစ်အနေဖြင့် ဤစာချုပ်ချုပ်ဆိုသည့်နေ့ (...%) ငွေပေးချေ။
၂။ ဒုတိယအရစ်အနေဖြင့် (......) ရက်နေ့ (%) မည်မျှ ငွေပေးချေ။
၃။ တတိယအရစ်အနေဖြင့် (....) ရက်နေ့ (%)မည်မျှ ငွေပေးချေ။
၄။ စတုတ္ထမှ နောက်ဆုံးအရစ်ထိ ရက်စွဲများသတ်မှတ်၍ ငွေပေးချေကြလေ့ရှိပါသည်။

ဝယ်ယူသူများအနေဖြင့်လည်း တိုက်ခန်းပါဝင်သုံးစွဲမည့် အရာဝတ္တုပစ္စည်းများကိုလည်း အကြိုက်တွေ့ကြမည်ဖြစ်သည်က တစ်ကြောင်း၊ ကုမ္ပဏီကြီးတစ်ခုက ဆောက်လုပ်သည်ဖြစ်၍ ယုံကြည်စိတ်ချရသည်က တစ်ကြောင်း အစရှိသဖြင့် ငွေပေး ချေမူအပိုင်းတော့ ပူပန်စရာပင် မရှိသဖြင့် စာချုပ်တွင်ထည့်သွင်းချုပ်ဆိုသင့်သည့်အချက်များအား သတိမထားဖြစ်လေ့ရှိကြပါတယ်။

ဝယ်ယူသူများအနေဖြင့် ထိုကုမ္ပဏီကြီး၊ကန်ထရိုက်တာများနှင့် ကြိုပွို့င့်တိုက်ခန်းစာချုပ်ချုပ်ဆိုရာဝယ် အောက်ပါအချက်ပါ၊ မပါ သတိပြုသင့်ပါတယ်။

တိုက်ခန်းအရစ်ကျဝယ်ယူသူထံမှ (.......) ရက်နေ့တွင် % မည်မျှအနေဖြင့် စဥ်ဆက်မပြတ်ပေးချေရပြီး ရောင်းချသူ (ကန် ထရိုက်၊ ကုမ္ပဏီ) များက ရယူနေသော်လည်း အချို့ရောင်းဖိုးငွေသာ ကျေသည်၊ တိုက်ခန်းအခြေအနေက လုံးဝတိုးတတ်မှုမရှိသည်ကို မြင်တွေ့ ကြားသိနေရပါသည်။

အဘယ်ကြောင့်ဆိုသော် စာချုပ်တွင် ငွေပေးချေသည့်စနစ်သာပါရှိပြီး ဘယ်အရစ်ငွေပေးချေလျှင် တိုက်၏တိုးတတ်မှုအခြေအနေ ဘယ်အဆင့်ရောက်ရှိနေရမည့်စနစ် မပါခဲ့သောကြောင့် ကြိုပွိုင့်ဖြင့် တိုက်ခန်းဝယ်ယူသူများ ရှေ့တိုးမရ၊ နောက်ဆုတ် ဖြစ်နေကြရပါသည်။

ထို့ကြောင့် ကြိုပွိုင့်ဖြင့် တိုက်ခန်းဝယ်ယူသူများအနေဖြင့် စာ ချုပ်တွင် ငွေပေးချေမှုစနစ်ပါဝင်သလို တိုက်ခန်းအား ငွေမည်မျှပေးရမည့်အဆင့်တွင် တိုက်ခန်း၏တိုးတတ်မှုအခြေအနေ မည်မျှထိပြီးစီးရမည်၊ ဘယ်အဆင့်တွင် တိုက်ခန်းအပ်ရမည်စသည့်စနစ်များလည်း ပါဝင်ရန်ချုပ်ဆိုဖော်ပြထားသင့်ကြောင်း အကြံပြုတင်ပါရပေသည်။


ေးပါတယ်

27/09/2025

ပါမစ်မြေ ကို ဝယ်ယူမည်ဆိုပါက အရေးကြီးဆုံး လုပ်ဆောင်သင့်သည့် အချက်များကို ဖော်ပြပေးလိုက်ပါတယ်🤗🤗(ခုမှ မြေကွက်စဝယ်ယူသော မိတ်ဆွေများ အတွက် ပါ)

၁။ ပါမစ်မူရင်းကို စစ်ဆေးကြည့်ရှု့ရာတွင် မူရင်းစာရွက်စာတမ်းစစ်မှန်သလား (သို့) Scan ဖတ်ထားသည့် စာရွက်စာတမ်းဖြစ်နေသလားဆိုသည်ကို ကြည့်ရှု့စစ်ဆေးရပါမည်။ အိုးအိမ်ရုံးတွင် စစ်ဆေးနိုင်သလို (‌လောလောဆယ် ပိတ်ထား ) ၊ အိမ်၊ခြံ
မြေ နားလည်သော ရှေ့နေ ဖြင့် စစ်ဆေး ဝယ်ယူပါ၊ ပါမစ်စာရွက်တွင်ပါဝင်သော (အမည်ပေါက်မိသားစု ဓာတ်ပုံ၊ အမည်ပေါက်ကိုယ်ရေးရာဇဝင်၊အိမ်ရာဆောက်လုပ်နေထိုင်ခွင့်၊ အမည်ပေါက်မိသားစု သန်းခေါင်စာရင်း လေးရွက်ပါရှိပါတယ်၊ ချွင်းချက်အနေဖြင့် ပါမစ်အစောင် တစ်ရာမှာ နှစ်စုံလောက်သာ ငွေသွင်းချလံ ပါပါတယ်👍

၂။ ဒုတိယအချက်အနေဖြင့် ရောင်းသူထံတွင်ရှိသော ပါမစ်သည် အမည်ပေါက်မှန် မမှန် ၊ ဂရန်လျှောက်ထား ခြင်း ရှိ မရှိကို မြို့တော်စည်ပင်တွင် စုံစမ်းစစ်ဆေးရပါမည်။ (အိုးအိမ်ရုံးတွင် စုံစမ်းစစ်ဆေးနိုင်သော်လည်း အိုးအိမ် ရုံးတွင် အမည်ပေါက်မှန်မမှန်ကိုသာ သိရှိနိုင်မည်ဖြစ်ပြီး စည်ပင်တွင် စစ်ဆေးပါက ပါမစ်မှ ဂရန်လျှောက်ထားခြင်း ရှိ မရှိ၊ ကနိ့ကွက်ထားခြင်း ရှိ၊မရှိ ကိုပါ သိနိုင်သည်ဖြစ်၍ ပါမစ်စုံစမ်းစစ်ဆေးရန်နေရာကို မြို့တော်စည်ပင်တွင် မြေရာဇဝင် စစ်ပေးရန် လိုအပ်ပါ သည်။ )တစ်ချို့ ရပ်ကွက်ပါမစ်များသည် စည်ပင်စာရင်း မရောက်ပဲ ကျန်ခဲ့တာတွေ ရှိပါတယ် ဌာနဆိုင်ရာခြင်း ကျန်ရှိနေသေးတဲ့ အလုပ်မို့ ပါမစ်မှန်ပါက စည်ပင်စာရင်း မရောက်လဲ ဂရံလျောက်လို့ ရသလို၊ ဝယ်ယူလို့ရပါတယ်

၃။ ပါမစ်မှန်ကန်ပါက သတင်းစာတွင် ကန့်ကွက်နိုင်ကြောင်း ကြော်ငြာထည့်သွင်းသင့်ပါသည်။ ( သတင်း စာတွင် ကြော်ညာထည့်သွင်းသင့်ကြောင်း အကြံပြုရခြင်းမှာ မြေကွက်နှင့် ပတ်သက်၍ အရှုပ်အရှင်း ရှိ မရှိ သိရှိနိုင် ရန်နှင့် ရနိုင်သမျှသော အထောက်အထားများရှိနိုင်ရန်အတွက် ဖြစ်ပါသည်။ )

゚viralシfypシ゚
#မြေကွက်အရောင်းအဝယ်


Credit To Original

26/09/2025

မြေ ၁ဧကကို ၄၀×၆၀ ခွဲနည်း

၁ ဧက = 43,560 sq.ft ဖြစ်ပါတယ်။

တစ်ကွက် = 40 × 60 = 2,400 sq.ft

အခု အကွက်အရေအတွက်ကို 43,560 ÷ 2,400 နဲ့တွက်ရမယ်။

43,560 ÷ 2,400 = 18.15 (ခန့်မှန်း)

✔️ အတိအကျဆိုရင် 18 ကွက် ပြီးနောက် ကျန် 0.15 (15%) ကွက်အတိုင်းကျန်ပါ မယ်။

25/09/2025

တိုက်ခန်းအရောင်းအဝယ်အတွက် စရံငွေကိုလက်ခံရယူပြီးဖြစ်သော် လည်း လက်ကျန်ငွေ အပြီးအပိုင် ပေးချေရန် သတ်မှတ်ရက်တွင် မရောင်းတော့ဟု အခန်းရှင်ကပြောသဖြင့် အရောင်းအဝယ်ပျက်သွားပါသည် ။ စာချုပ်ပါ သဘောတူညီချက်ကို ဖောက်ဖျက်တဲ့အတွက် တိုက်ခန်းပိုင်ရှင်ကို တရားစွဲလို့ရမရ သိလိုပါသည်။
။။။။။။။။။။။။။။။။။။။။။။။။။။။။။။။။။။။။။။။။။။။။။။။

ပဋိညာဉ် တစ်ရပ်ဖွဲ့ထားတာကိုး။ ဘယ်နေ့ဘယ်ရက်မှာ စရံချတယ်။ ကျန်ငွေဘယ်တော့ချေပါမယ်။ ကျန်ငွေ သွားချေတဲ့နေ့မှာ မရောင်းတော့ဘူး ဆိုတဲ့အခါကျတော့ ဒီပဋိဉာဉ် က တည်နေတယ်လေ။ ဒီ ပဋိဉာဉ်အရ ရောင်းသူပျက်ကွက်တယ်ဆိုရင် စရံနှစ်ဆ လျော်ရပါတယ်။ ဝယ်သူ ပျက် ကွက်ရင်တော့ စရံအဆုံးပေါ့။ ဒါက တော့ တရားမအကြောင်းအရ ပဋိညာဉ်ဖောက်ဖျက်မှုပေါ့။

“ပဋိညာဉ်အတိုင်းဆောင်ရွက်ပေးစေလိုမှု” ဆိုပြီးစွဲလို့လည်း ရပါတယ်။ “တိုက်ခန်းအတွက် ကျန်တဲ့ငွေကိုပေးပါ့ မယ် ပြန်ပြီးရောင်းပေးပါ”ဆိုပြီး လက်ရောက်ရလိုမှုနဲ့ စွဲလို့ရပါတယ်။ ဒါမဟုတ် ဆုံးရှုံးသွားတဲ့ငွေအတွက် စရန် နှစ်ဆကိုတောင်းပိုင်ခွင့်ရှိပါတယ်။ ဒီနေရာမှာ အချိန်ကာလတော့ လိုပါတယ်။ ကာလစည်းကမ်းသတ် ကတော့ လိုပါတယ်။ စတင်ဖောက်ဖျက်တဲ့နေက စပြီး ၃နှစ်အတွင်း တရားစစွဲရပါမယ်။ ၃ နှစ်ကျော်ရင် ဥပဒေက ပေး ထားတဲ့အခွင့်အရေး ဆုံးရှုံးမှာဖြစ်ပါတယ် ဆိုတာဖြေကြားပေးချင်ပါတယ်။

23/09/2025

20/09/2025

◾အမွေဆိုင်မြေကို ဝယ်ယူမည်ဆိုလျှင် သတိထားသင့်တဲ့ အချက်( ၃ )ချက် ‼️

◾မြေကွက်တွေကို ဝယ်တဲ့အခါမှာ မြေအမျိုးအစားဟာ အလွန်စကားပြောပါတယ်။ ပါမစ်မြေ၊ ရွာမြေ၊ လယ်ယာမြေ၊ ဘုရားမြေ၊ ဂရမ်မြေ၊ အမွေဆိုင်မြေ စသဖြင့် မြေအမျိုးအစား အမျိုးမျိုးရှိတဲ့အလျှောက် မြေပိုင်ဆိုင်မှုအလျှောက် ဈေးနှုန်းတွေကလည်း အမျိုးမျိုး ပြောင်းလဲသွားသလို ပိုင်ဆိုင်မှု အရှုပ်အရှင်းတွေလည်း အမျိုးစုံ ပြောင်းလဲသွားပါတယ်။ အဲ့ဒီထဲမှာမှ အမွေဆိုင်မြေကို ဝယ်ယူမယ်ဆိုရင်တော့ အမွေဆိုင်မြေဟာ တစ်ဦးဆိုင်မြေ မဟုတ်တဲ့အတွက် တစ်ဦးတစ်ယောက်ရဲ့ သဘောတူညီချက်နဲ့ပဲ ဝယ်ယူလို့မရပါဘူး။ အမွေဆိုင်သူတွေထဲက ဒီမြေရောင်းချမှုကို သဘောမတူတဲ့အခါ ရှင်းရခက်တဲ့ မြေပိုင်ဆိုင်မှုဆိုင်ရာ အရှုပ်အရှင်းတွေ ပေါ်လာတတ်ပါတယ်။

ဒါကြောင့် အမွေဆိုင်မြေကို ဝယ်ယူမယ်ဆိုရင် သတိထား စုံစမ်းထားသင့်တဲ့ အချက်လေးတွေကို ဖော်ပြပေးလိုက်ပါတယ်။

1️⃣ မြေအမျိုးအစား
အမွေဆိုင်မြေမှာ မြေကွက် အမျိုးအစား များစွာရှိနေသေးတာကြောင့် ကိုယ်ဝယ်ယူမယ့်မြေက ဘယ်လို မြေအမျိုးအစားဖြစ်တယ်၊ ပိုင်ဆိုင်မှု စာရွက်စာတမ်းက ဘယ်လိုရှိတယ် ဆိုတာကို သေချာ သိရှိအောင် စုံစမ်းသင့်ပါတယ်။

2️⃣အမွေဆိုင်သူဦးရေ
အမွေဆိုင်မြေကို ဝယ်ယူတဲ့အခါ အမွေဆိုင်အားလုံးရဲ့ သဘောတူမှုဟာ မရှိမဖြစ် အရေးကြီးပါတယ်။ တကယ်လို့ မြေအရောင်းအဝယ်ကို အမွေဆိုင်သူ တစ်ဦးတစ်ယောက်က ကန့်ကွက်ရင်ဖြစ်စေ (ဒါမှမဟုတ်) သဘောမတူရင်ဖြစ်စေ ဥပဒေအရ အရောင်းအဝယ်ပျက်ပါတယ်။ ဒါကြောင့် အမွေဆိုင်သူ အားလုံးက သဘောတူညီမှု ရှိဖို့ လိုအပ်ပါတယ်။

3️⃣မြေပုံမြေရာဇဝင် ထုတ်ယူထားခြင်း ရှိ၊ မရှိ
အမွေဆိုင်မြေကို ရောင်းဝယ်မဲ့သူဟာ လုပ်ဆောင်ရမဲ့ အဆင့်တွေအတိုင်း ကန့်ကွက်သူမရှိ လုပ်ဆောင်ပြီးပြီ ဆိုရင်တော့ သက်ဆိုင်ရာ မြေပုံမြေရာဇဝင် ဌာနက ရောင်းချမဲ့ မြေကွက်ရဲ့ မြေပုံမြေရာဇဝင်ထုတ်ပေးပါတယ်။ ဒါကို ရောင်းချမယ့်သူ(အမွေဆိုင်တွေက) ထုတ်ယူထားပြီးပြီဆိုရင်တော့ ဥပဒေအဆင့်ဆင့်အတိုင်း အရောင်းအဝယ် ဆက်လက်ပြုလုပ်နိုင်ပြီပဲ ဖြစ်ပါတယ်။
ပြန်လည်ကူးယူဖော်ပြပါသည်။
CRD_မူလရေးသားတင်ပြသူ💐

20/09/2025

ဂရန် သက်တမ်းကုန်ဆုံးနေတဲ့ ဂရန်တစ်ခုကို
မိမိ နာမည်ဂရန်အမည်ပေါက်ဖြစ်အောင်
ဆောင်ရွက်ချင်သော်လည်း
အမည်ပေါက်ပိုင်ရှင် မရှိတော့ရင် ဘယ်လိုဆက်လက်လုပ်ဆောင်ရမလဲ.--------/

နစ်(၃၀) ဂရန်မြေကွက် တစ်ကွက် ဝယ်ထားတာ
(၁၀) နစ်ကျော်ပါပြီ./အခုချိန်မှာ ဂရန်သက်တမ်း ကုန်ဆုံးသွားပြီဖြစ်လို့ မူရင်းအမည်ပေါက်ကနေ မိမိအမည်ပေါက်ဖြစ်အောင် ပြောင်းလိုပါတယ်./မူရင်းအမည်ပေါက်တဲ့သူ အိမ်ပြောင်းသွားတဲ့အတွက်ရှာရခက်နေပါတယ်./အကယ်၍ ရှာမတွေ့တော့ရင် ဘယ်လိုလုပ်ရမလဲ။

ကိုယ်ဝယ်ယူထားတဲ့စာချုပ်က သာမာန်အရပ်စာချုပ်နဲ့ဝယ်ထားတာလား./မှတ်ပုံတင်စာချုပ်နဲ့ဝယ်ထားတာလားဆိုတာ ကြည့်ရပါမယ်.

မှတ်ပုံတင်စာချုပ်နဲ့ဝယ်ထားတယ်ဆိုရင်တော့ အမည်ပေါက်ပိုင်ရှင် မလိုတော့ပါဘူး. မှတ်ပုံတင်စာချုပ်နဲ့တွဲပြီးတော့ သက်ဆိုင်ရာသို့ မိမိ မှတ်ပုံတင်စာချုပ့်ဖြင့်ဝယ်ထားကြောင်းတင်ပြ၍ ဂရန်သက်တမ်းတိုးပေးရန်နှင့် အမည်ပြောင်းလဲပေးရန် တိုက်ရိုက်လျှောက်ထားနိုင်ပါတယ်.

သက်ဆိုင်ရာမှ ဂရန်သက်တမ်းပြတ်တောက် ကာလ များအတွက် သတ်မှတ်ထားသောဒဏ်ကြေးများပေးဆောင်စေ၍ လုပ်ထုံးလုပ်နည်းများနှင့်အညီ
ဂရန်သက်တမ်းတိုးပေးကာ အမည်ပေါက်ပြောင်းလဲပေးမှာဖြစ်ပါတယ်.

အရပ်စာချုပ်နဲ့ဝယ်ထားတာဆိုရင်တော့

အရပ်စာချုပ်သည် မရွှေ့မပြောင်းနိုင်သောပစွည်းနှင့်ပတ်သတ်ရင် သက်ဆိုင်ရာတရားရုံးများမှာသက်သေခံတင်သွင်းလို့မရပါဘူး.
ဂရန်သက်တမ်းကုန်ဆုံးနေတဲ့ ဂရန်တွေအတွက်တော့
ဂရန်လုပ်ထုံးလုပ်နည်းများအရ သက်ဆိုင်ရာဂရန်သက်တမ်းမကုန်ဆုံးမီ (၃) လကြိုတင်၍ ဂရန်သက်တမ်းတိုး လျှောက်ထားခြင်းမရှိလျှင် လုပ်ထုံးလုပ်နည်းများအရ ဂရန် ပျက် သွားပြီဟု ယူဆရပါမယ်.

ထို့ကြောင့် အဆိုပါမြေသည် နိုင်ငံတော်မှ စီမံခန့်ခွဲပြီး ပြန်လည်ချထားပေးနိုင်သောမြေအဖြစ်သို့ အလိုလို ပြန်လည်ရောက်ရှိသွားပါတယ်.

ဒါကြောင့်အဆိုပါ မြေသည် ဂရန်ရမြေ မဟုတ်တော့ပါဘူးအရင်က ဂရန်ရထားပြီးသား
မြေဟုသာသတ်မှတ်ပါတယ်..

အဲ့တော့ သူသည် အရပ်စာချုပ်နဲ့ ဒီမြေပေါ်မှာ လက်ရှိထား ရယူသုံးစွဲကြောင်း အထောက်အထားတင်ပြ၍ သက်ဆိုင်ရာသို့ဂရန်အသစ်တစ်ခု ထုတ်ပေးရန်လျှောက်ထားရမှာဖြစ်ပါတယ်
DVBlawlab ကူးယူဖော်ပြပါသည်။