12/02/2023
ငွေရှာနိုင်ပေမယ့် ဘာကြောင့် မချမ်းသာသေးတာလဲ.?
➖➖➖➖➖➖➖➖➖➖➖➖➖➖➖➖
လူတစ်ယောက် ရေပုံးကြီးတစ်ပုံးဆွဲပြီး ရေကန်ထဲကို ရေတွေ ခပ်ထည့်နေတယ်။ တစ်ပုံးပြီးတစ်ပုံး ခပ်ထည့်နေပေမယ့်လည်း ရေက ပြည့်နိုင်တယ်လို့ကို မရှိဘူး။
အဲ့ဒါနဲ့ သူလည်း တစ်ခေါက်ကို တစ်ပုံးဆွဲလို့ မပြည့်နိုင်တာထင်ပြီး တစ်ခေါက်ကို နှစ်ပုံး ပြောင်းဆွဲတယ်။ ဒါလည်းပဲ မပြည့်နိုင်သေးဘူး။
နောက်ဆုံး စိတ်မရှည်တော့ဘဲ တစ်မိသားစုလုံးကို ခေါ်ပြီး ရေဆွဲခိုင်းတယ်။ မိသားစုတစ်စုလုံးသာ မောပြီး ခြေကုန်လက်ပန်းကျသွားတယ်၊ ရေကတော့ ပြည့်မသွားဘူးတဲ့။
အဲ့ဒါနဲ့ သူတို့လည်း ဘာကြောင့် ရေမပြည့်နိုင်ရတာလဲဆိုပြီး အဖြေရှာကြည့်တော့ ရေကန်ရဲ့ အောက်ခြေမှာ အပေါက်ကြီးကြီး တစ်ပေါက် ရှိနေတာကို သွားတော့တယ်။
အဲ့တော့မှ သဘောပေါက်သွားတယ်။ ရေတွေတစ်ပုံးပြီးတစ်ပုံး ခပ်ထည့်နေပေမယ့်လည်း မပြည့်နိုင်ဖြစ်နေရတယ်ဆိုတာဟာ ဒီအောက်ခြေက အပေါက်ကြောင့်ပါလားဆိုတာ သတိထားမိသွားတယ်။
ဒီအဖြစ်အပျက်လေးလိုပါပဲ တစ်ခါတလေကျရင် လူတွေဟာ ငွေတွေသာ အသည်းအသန်ရှာနေကြတာ၊ ရှာလို့ရတဲ့ ပိုက်ဆံတွေဟာ ဘယ်အပေါက်က ပြန်ထွက်သွားလဲဆိုတာ သတိမထားမိနိုင်ဖြစ်တတ်ကြတယ်။
ချမ်းသာကြွယ်ဝဖို့ ငွေတွေပြည့်လျှံနေစေဖို့ ငွေတွေများများရှာနိုင်ရင် ဖြစ်လာမယ်ထင်ကြတယ်။ မလုံလောက်သေးပါဘူး။
တကယ်တော့ ငွေများများရှာနိုင်ရင် ကိုယ့်အိတ်ထဲ ငွေများများရောကိလာရုံသာ ရှိပါတယ်။ ချမ်းသာကြွယ်ဝချင်တယ်ဆိုရင် အဲ့ဒီထက်တဆင့်တက်ပြီး အိတ်ထဲရောကိလာတဲ့ငွေတွေ ပြန်ထွက်မသွားအောင် လုပ်တတ်ဖို့ကလည်း လိုပါသေးတယ်။ ဒီအတွက် ကိုယ့်ရဲ့ပိုက်ဆံအိတ် ပေါက်၊ မပေါက် ပြန်ဆန်းစစ်ဖို့ လိုပါသေးတယ်။
ဘယ်လောက်ပဲ ငွေရှာနိုင်ရှာနိုင် ရှာနိုင်တဲ့ပိုက်ဆံကို မထိန်းနိုင်ရင်လည်း မချမ်းသာလာနိုင်ပါဘူးလို့ သတိပေးလိုပါတယ်။
Dr Thet Htar Aung
ီ_ဘာ_ဘာ
