Johny

07/12/2025

13/09/2024

Food and drink

28/12/2022

27/12/2022

26/12/2022

🌻နားလည်မှုတွေနဲ့ လျှောက်လှမ်းပါ🌻

လူ့ဘဝဆိုတာ
မွေးဖွားခြင်းတွေနဲ့အစပြုပြီး
သေဆုံးခြင်းတွေနဲ့ အဆုံးသတ်ကြသလို

လူ့ဘဝဆိုတာ
တွေ့ဆုံခြင်းတွေနဲ့အစတည်ခဲ့ကြပြီး
ခွဲခွါခြင်းတွေနဲ့ အဆုံးသတ်ကြရတယ်

တစ်ဦးနဲ့တစ်ဦး
သေဆုံးခြင်းတွေနဲ့ အဆုံးမသတ်ခင်
ခွဲခွါခြင်းတွေနဲ့ အဆုံးမသတ်ခင်

ဆုံဆည်းရတဲ့အချိန်လေးမှာ
တစ်ယောက်နဲ့တစ်ယောက်
မေတ္တာထားပြီး ချစ်ချစ်ခင်ခင်
ကြင်ကြင်နာနာ နေထိုင်နိုင်အောင်ကြိုးစားပါ

နောက်ဘဝ
ဆုံဆည်းရဖို့ဆိုတာ မသေချာ မရေရာဘူး

ဒါကြောင့်
အတ္တ မာနတွေကို လျော့ချပြီး
နားလည်မှုတွေနဲ့ လျှောက်လှမ်းပါ

အဲလိုနေထိုင်မယ်ဆိုရင်
ဘယ်သူနဲ့ပဲ ခွဲခွာနေရပါစေ
အပြုံးလေးတွေနဲ့ အဆုံးသတ်ရပါလိမ့်မယ်။

✍️အရှင်ဇဝန (ရွှေကုန်းမြေ)✍️

22/12/2022

" မသိမသာနဲ့ ငါတို့အိုမင်းလာခဲ့ပြီ "
===================
အချိန် သွားနေတယ်၊
အသက်အရွယ် ပြောင်းနေတယ်။
ကလေးအရွယ်ကနေ ဆယ်ကျော်သက်အရွယ်က
အပူအပင်မဲ့ ပျော်စရာအရွယ်ပေါ့။
ဆယ်ကျော်သက်ကနေ လူငယ်လူရွယ်အရွယ်က
ဘာလုပ်လုပ် စိတ်အားထက်သန်တယ်။
လူရွယ်ကနေ လူလတ်ပိုင်းအရွယ်ရောက်တော့
စိတ်ပျက်လက်မှိုင်ချရတာတွေ များလာခဲ့တယ်။
ဘဝဆိုတာ ရုပ်ရှင်ရိုက်သလိုပါပဲ။
ဖြတ်လျှောက်ဘဝကနေ အရံသရုပ်ဆောင် ငါတို့ဖြစ်လာတယ်။
အရံကနေ ခေါင်းဆောင်သရုပ်ဆောင်ဖြစ်လာတယ်။
အတိုက်အခိုက် အထိုးအနှက်ကြားမှာ သင်ခန်းစာယူပြီး
အခက်အခဲကြားမှာ အတွေ့အကြုံကို ငါတို့ယူခဲ့တယ်။
မသိမသာနဲ့ ငါတို့ ရင့်ကျက်လာခဲ့တယ်၊ တည်ငြိမ်လာခဲ့တယ်။
အရာတော်တော်များများကိုလည်း
သဘောပေါက် နားလည်လာခဲ့တယ်။
လူ့စိတ် လူ့မနှောကိုလည်း သိလာခဲ့တယ်။
စစချင်းမှာရှိတဲ့ မခံချင်စိတ် ဒေါသတွေက
နောက်ပိုင်းမှာ ငြိမ်သက်လာတယ်။
စစချင်းမှာ ကြည့်မရတဲ့အရာတွေက
နောက်ပိုင်းမှာ ထားလိုက်တော့လို့ဖြစ်သွားတယ်။
ဒီဘဝခရီးလမ်းက
ပြောင်းလဲမှုမြန်ဆန်နေတယ်။
မသိမသာနဲ့ ငါတို့အိုမင်းလာခဲ့ပြီ။
မိဘတွေ ဖြစ်ကုန်ကြပြီ။
ဦးဦးဒေါ်ဒေါ်တွေ ဖြစ်ကုန်ကြပြီ။
အမှားလုပ်မိရင် တာဝန်ယူရပြီ။
မိသားစုရှိလာတော့ တာဝန်ကိုထမ်းပိုးရပြီ။
အရင်ကလို အဖေတို့ အမေတို့လုပ်လိုက်မယ်ဆိုတာမျိုး မရတော့ဘူး။
မသိမသာနဲ့ ငါတို့အိုမင်းလာခဲ့ပြီ။
ခန္ဓာကိုယ် ပုံပြောင်းစပြုလာပြီ။
ဗိုက်ပူလာပြီ။
အကျင့်စရိုက်တောင်မှ တည်တည်ငြိမ်ငြိမ်ဖြစ်လာခဲ့ပြီ။
အိမ်ကို ပိုပိုသံယောဇဉ်ရှိလာခဲ့ပြီ။
ဘုရားတရားရိပ်ကို ပိုတပ်မက်လာခဲ့ပြီ။
ကျန်းမာရေးကိုပထမလို့ ထားတတ်လာခဲ့ပြီ။
ငွေကြေးဥစ္စာအပေါ် အမြင်တဖြည်းဖြည်းပေါ့လာခဲ့ပြီ။
မသိမသာနဲ့ ငါတို့အိုမင်းလာခဲ့ပြီ။
မောတဲ့အခါ နားသင့်ရင်နားပါ..
ခန္ဓာကိုယ်က အဓိကပါ။
နွမ်းတဲ့အခါ အိပ်သင့်ရင်အိပ်ပါ..
အိပ်ရေးတွေ အပျက်မခံနဲ့တော့။
ဆာတဲ့အခါ စားသင့်ရင်စားပါ...
ချွေတာမနေနဲ့တော့။
တစ်သက်တာက တိုလွန်းပါတယ်..
မျက်စိတစ်မှိတ်တွင်းမှာ ကျော်ဖြတ်ကုန်ကြတာပါပဲ။
ကောင်းတဲ့အရာကို နောက်ဆုံးသိမ်းမထားပါနဲ့။
သိမ်းရင်း သိမ်းရင်း ကိုယ့်အတွက်မဟုတ်ဘူးဖြစ်သွားလိမ့်မယ်။
မသိမသာနဲ့ ငါတို့အိုမင်းလာခဲ့ပြီ။

20/12/2022

15/12/2022

⚪ "အပြောင်းကိုမလိုက်ရင် ခေါင်းပိုကိုက်ပါမယ်" ⚪
~~~~~~~~~~~~~~~~~~~~~~~~~~~~~~~

"အလုပ်တွေမကောင်းဘူး။ အရောင်းအဝယ်တွေက အေးလာနေတယ်၊ ဟိုအရင်ဒီလိုအချိန်ဆို လူကအားရတယ်ကိုမရှိဘူး၊အလုပ်ကောင်းချက်က"ဆိုတဲ့
ငြီးတွားသံမျိုးတွေကို စီးပွားရေးနယ်ပယ်အသီးသီးမှာရှိတဲ့ မိတ်ဆွေတော်တော်များများဆီက ကြားနေရပါတယ်။ တကယ်လည်း ကိုဗစ်အလွန်မှာ စီးပွားရေးတော်တော်များများဟာ
ပုံစံပြောင်းလာကြပါတယ်။ ပြန်အထမှာ ပြင်ဆင်မှုအားကောင်းတဲ့လုပ်ငန်းသမားတွေသာ အသက်ရှူချောင်လာတာတွေ့ရပါတယ်။ သမားရိုးကျပုံမှန်လုပ်ကိုင်နေသူတွေကတော့ လုပ်ငန်းကျဆင်းတဲ့ဘက်ကို ရောက်ကုန်ကြပါတယ်။

ဒီနေရာမှာ တစ်ခုပြောချင်တာက ကမ္ဘာနဲ့ချီပြီး စီးပွားရေးတွေကျလို့ ကိုယ်တွေလုပ်နေတဲ့လုပ်ငန်းတွေပါ လိုက်အေးတယ်ဆိုတာမျိုးက ရာနှုန်းပြည့်တော့မဟုတ်ပါဘူး။ အဓိကပြဿနာက ကိုယ့်လုပ်နေတဲ့အလုပ်ကို ခေတ်နဲ့အညီ လိုက်မပြောင်းလဲနိုင်ကြတာပါ။ နည်းပညာတွေ တိုးတက်လာနေတဲ့ခေတ်ကြီးမှာ လုပ်ငန်းတိုင်းလိုလိုမှာလည်း အပြောင်းအလဲတွေများလာနေပါတယ်။ ယုတ်စွအဆုံး ထုတ်ကုန်ပစ္စည်းတွေပေါ်မှာ သုံးစွဲပုံတွေပြောင်းလဲလာနေပါတယ်။ တချို့လုပ်ငန်းတွေဆို ရပ်ပစ်လိုက်ရသည်အထိပါပဲ။ဒီအချက်ဟာ ကမ္ဘာနဲ့ချီပြီးဖြစ်လာနေတာပါ။

​လူတော်တော်များများဟာ အကျိုးအမြတ်ကောင်းနေတဲ့ လုပ်ငန်းတွေပေါ်သာယာနေတတ်ကြပါတယ်။ "Who moved my cheese?" ဆိုတဲ့ စာအုပ်လည်း ဖတ်ပြီးမေ့လိုက်ကြတာပါပဲ။ 🙂
ဆင်သေနဲ့ကျီးမိုက်လို လူတွေသာများပါတယ်။ ခေတ်ကပြောင်းနေပါတယ်၊ အချိန်တွေနဲ့အတူ အရာရာဟာပြောင်းလဲနေပါတယ်။ ဒါကိုမြင်တဲ့လူတွေက ပြင်ဆင်ကြပါတယ်၊မိမိလုပ်ငန်းကို Update လုပ်ကြပါတယ်။ အထူးသဖြင့် လူကိုအားမပြုဘဲ စနစ်ကိုအားပြုတဲ့ လုပ်ငန်းပုံစံတွေဆီ ပြောင်းလဲလာကြတယ်။ တချို့ကတော့ ခေါင်းမာဆဲပါပဲ။ ကျနော်ပြောချင်နေတာက ဘယ်ဈေးကွက်ရယ်လို့အဓိကမဟုတ်ပါဘူး။ နယ်ပယ်တိုင်းလိုလိုမှာ ပြောင်းနေတာပါ။

ကျနော်ငယ်ငယ်တုန်းက နယ်မှာ ဂုန်နီအိတ်ရောင်းခဲ့ဖူးပါတယ်။ နှစ်သက်ကြာလာတော့ ပီနန်အိတ်တွေ ဈေးကွက်ကိုဝင်လာပါတယ်။ ကျနော်တို့ ခေါင်းမာကြည့်ပါသေးတယ်။ ကိုယ့်ငါးချဉ်ကိုယ်ချဉ်ရင်းနဲ့ပေါ့။" မင်းပီနန်အိတ်က ချိတ်ဆွဲခံလို့လား၊ နင်လားငါလားထည့်ကြပြီ၊အိတ်သွတ်ကြပြီဆို ဂုန်နီအိတ်မှ အသွတ်ခံတာ၊ အနင်းခံတာ " စတဲ့ စကားတွေနဲ့ပေါ့။ တကယ်တမ်းအချိန်တစ်ခုရောက်လာတော့ ကျနော်တို့ပတ်ဝန်းကျင်မှာ ဂုန်နီအိတ်ဆိုတာ မနည်းရှာကြည့်ရမယ့်အနေအထား၊ဈေးကွက်တစ်ခုလုံးကို ပီနန်အိတ်က စိုးမိုးထားလိုက်ပြီ။

နောက်ပြီး ကျနော်တို့တွေဟာ ကိုယ်ရောင်းနေတဲ့ပစ္စည်းမျိုး၊ဒါမှမဟုတ် ကိုယ်ထုတ်လုပ်နေတဲ့ပစ္စည်းမျိုးထက် ပုံစံတူပြီးစနစ်မတူတဲ့ Product အသစ်တစ်ခုခု
ဈေးကွက်ကိုဝင်လာပြီဆိုရင် အဲ့ပစ္စည်းရဲ့အားသာချက် အားနည်းချက်တွေကိုကြည့်ပြီး ကိုယ်ဘာပြင်ဆင်သင့်လဲဆိုတာမျိုးမစဉ်းစားကြဘဲ၊ " အဲ့ဒါဘာလို့သုံးမှာလဲ၊ ဒီဟာမျိုးကသာ
တကယ်သုံးလို့ကောင်းတာ"ဆိုတဲ့အပြောတွေနဲ့သာ ရှေ့ဆက်နေကြတယ်။ အချိန်တစ်ခုကြာလာတော့ ဈေးကွက်မှာနေရာပေးလိုက်ရပါလေရော။

ကျနော်တို့လူငယ်ဘဝတုန်းက လမ်းဘေးမှာ ၁၅ ပြားနဲ့အော်ရောင်းနေတဲ့ ရေခဲရေတွေ ဝယ်သောက်ခဲ့ဖူးပါတယ်။ အဲ့ခေတ်တုန်းက စင်္ကာပူကပြန်လာတဲ့ လူတချို့ဟာ ကျောပိုးအိတ်ထဲမှာ
သောက်ရေသန့်ဗူးကိုထုတ်ပြီးသောက်ကြပါတယ်။ ကျနော်တို့ကတော့ အဲဒါမျိုးမြင်ရင် အမြင်ကပ်တာပေါ့။ ရေသောက်တာပဲ၊ရေသန့်မှဆိုပဲ၊စလုံးပြန်တွေတော်တော်ကြီးကျယ်ကြတာပဲပေါ့ဆိုပြီးမေးငေါ့ကြသေးတာ။ အချိန်တစ်ခုပါပဲ။ အခုဆိုကျနော်တို့ကိုယ်တိုင် နာရေးတွေမှာတောင် ရေသန့်ဝေတဲ့အဆင့်ရောက်နေပါပြီ။ ကျနော်ဆိုလိုချင်တာက အချိန်တန်လို့ တကယ်အသုံးတည့်ရင် ဈေးကွက်မှာနေရာပေးလိုက်ရတယ်ဆိုတာပါပဲ။ဒီအချက်ကိုမြင်စေချင်ပါတယ်။

ကျနော်တို့ ပန်းထိမ်လောကမှာလည်း ထိုနည်းတူပါပဲ။ ဟိုတုန်းက ဘယ်လိုအထည်မျိုးဆို ဘယ်ပန်းထိမ်ဆရာကိုအပ်မှဆိုတဲ့တစ်ခေတ်ရှိခဲ့ပါတယ်။ ပြောင်းလဲလာတဲ့ခုခေတ်မှာတော့
စက်ပန်းထိမ်တွေ၊ 3D design တွေ Computer နဲ့ဆွဲပြီးဒီဇိုင်းထုတ် မိုလောင်း၊ကျောက်သပ်ဆိုတာမျိုးတွေနဲ့ ဈေးကွက်မှာ နေရာယူသွားပါပြီ။ကိုယ်ကလိုက်မပြောင်းရင် ကျန်ခဲ့မှာပါ။

အခုလည်း ကားလောကကိုကြည့်မိပါတယ်။ EV လို့ပြောနေတဲ့ကားတွေ ဈေးကွက်ကိုခြိမ်းခြောက်လာနေပါပြီ။ ကိုယ့်လူတွေကတော့ ဆီကားမှ ကားလို့ထင်နေကြတုန်းပါပဲ။
တကယ်လည်းဟုတ်ချင်ဟုတ်မှာပါ။ တကယ်လို့များ အများအတွက် အသုံးဝင်လို့ ဈေးကွက်ကလက်ခံလာရင်ဆိုတာလေးတော့ ထည့်တွက်ကြဖို့လိုပါတယ်။ ဆင်သေနဲ့ကျီးမိုက်လိုဘဝမျိုးမရောက်ချင်ရင် အပြောင်းအလဲတွေကို လက်ခံပြီး ကိုယ်ကိုယ်တိုင်လည်းပြောင်းလဲသင့်တာပြောင်းလဲကြဖို့လိုပါတယ်။ Toyota Brand မှ ဈေးကွက်ဝင်ကားလို့ အထင်ရောက်ခဲ့တဲ့ ခေတ်တစ်ခေတ်ရှေ့မှာ တိမ်ကောသွားခဲ့ပါပြီ။ သင်ခန်းစာယူတတ်ကြဖို့လိုပါတယ်လို့အကြံပြုလိုပါတယ်။

ကျနော်အရင်လည်း တစ်ခါက်ရေးဖူးပါတယ်။ "အပြောင်းကို မလိုက်ရင် ခေါင်းပိုကိုက်မယ်"လို့။

Sayar Ye Man Aung
25/11/22
#‌
ခေတ်နဲ့အညီ Online Business တွေဖြစ်တဲ့ Forex_Trading / ကမ္ဘာ့ရွှေ၊စတော့ရှယ်ယာ အရောင်းအဝယ်လုပ်ခြင်းကို စိတ်ဝင်စား၍ဖြစ်စေ၊ လေ့လာလို၍ဖြစ်စေ ရုံးသို့လာရောက်ကာ အသေးစိတ် ဆွေးနွေးနိုင် သလို၊ 09-262003729သို့ ဆက်သွယ်စုံစမ်းနိုင်ပါတယ်ရှင်။
#ကေကေ

-Team