23/07/2022
ဒီတစ်ပတ်ကတော့
မေတ္တာဖြင့်အပိုင်ပေးကမ်းခြင်းစာချုပ်
နှင့်
မိသားစုစီမံမှုစာချုပ်
အကြောင်းလေးတွေကို ရှင်းပြပေးပါမယ်ရှင့်
မေတ္တာဖြင့်အပိုင်ပေးကမ်းခြင်းစာချုပ် ကတော့
မရွေ့မပြောင်းနိုင်တဲ့ပစ္စည်း ဥပမာ အိုးအိမ်ခြံမြေ
လိုပစ္စည်းကာလပေါက်စျေးတန်ဖိုး ကျပ်
သိန်း၁၀၀ အထပ်ဆိုလျှင် သက်ဆိုင်ရာ
မြေစာရင်းရုံးမှာ မြေပုံကူးပြီး နိုင်ငံတော်ကို
တံဆိပ်ခေါင်းခွန် ၄% ဆောင်ပြီး တရားဝင်
မှတ်ပုံတင် စာချုပ်ကြီးဖြင့် ပေးကမ်း ချုပ်ဆို
ပိုင်ဆိုင်နိုင်ပါသည်။
မိသားစု စီမံမှုစာချုပ် ကတော့
ပစ္စည်းရှင် မသေဆုံးမီ
ပစ္စည်းရှင် နှင့် မိသားစုဝင်တို့ သဘောတူညီမှုဖြင့်
ချုပ်ဆိုသောစာချုပ် ဖြစ်ပါတယ်ရှင့်
“ပစ္စည်းရှင် ကွယ်လွန်ပြီးနောက် အမွေပစ္စည်းများ
ကို မည်ကဲ့သို့ ခွဲဝေ ယူကြမည်ဆိုသော မိသားစု
တစ်စု၏ သဘောတူ စီမံမှု ကို မိသားစု စီမံမှု
ဟုခေါ် ပါတယ်ရှင့် “
မိသားစု စီမံမှု တွင် ပါဝင်ချုပ်ဆိုသူများ ဟာအမွေ
ပုံပစ္စည်း၏ အခွင့်ရေးရှိသူများ ဖြစ်ရမည်
၎င်းအပြင် ထိုသူများမှာလည်း အချင်းချင်း
သဘောတူညီမှု ရရှိရန် လိုအပ်ပါတယ်
ဤစီမံမှုကို အကြောင်းပြပြီးတော့ အမွေစားအမွေခံ
များက ပစ္စည်းရှင် ဖြစ်သူ မိဘ မသေမီ ပစ္စည်းရရန်
တရားစွဲဆိုခွင့် မရှိကြောင်း
“မသစ် နှင့် မောင်တိုးအောင် (အက်ဂျေ ၁၉၇)
စီရင်ထုံး၌ တွေ့နိုင်ပါသည်။”
