ဧရာချမ်းသာလူမှုကွန်ယက်

25/05/2024

=================
Dear

Ayer Chanther Executive Condo မှာ အခန်းဝယ်ထားပြီး ကိုယ်တိုင်မနေဖြစ်လို့ အိမ်ငှားတင်ထားတဲ့ ပိုင်ရှင်များရှင်။

အခုရေဖြတ်ခံရတဲ့ စာရင်းထဲမှာမိမိတို့၏ အိမ်ငှားများပါဝင်နေခဲ့ပါလျှင် ... သူတို့ ရေဖိုး (Utility bills) အပြည့်ပေးပါလျက်နဲ့ အဖြတ်ခံရတာ ဖြစ်ကြောင်း သိစေချင်၊ သတိချပ်စေချင်တာပါ။

မိမိတို့အဝယ်မှားခဲ့တဲ့ ဒုက္ခကို ...
မိမိတို့ကိုပိုက်ဆံပေးပြီးလာငှားနေတဲ့ အိမ်ငှားများက မိမိတို့ကိုယ်စား ခံနေရတာပါလားလို့ ... ဆင်ခြင်အောက်မေ့၊ ကရုဏာထားပေးကြစေလိုပါတယ်။

30/04/2023

https://m.facebook.com/story.php?story_fbid=253937967016952&id=100072022508755&mibextid=Nif5oz

21/03/2023

သင့်​ကြောင့် တစုံတ​ယောက်၏ အခွင့်အ​ရေးမဆုံးရှူံးပါ​စေနှင့်။

မာနနှင့်အာဃတ​ကြောင့် (တပါးသူ၏ရပိုင်ခွင့်) အခွင့်အ​ရေးကို မပုတ်ချပါနှင့်။

လူတ​ယောက်၏​အောင်မြင်မှုအ​ပေါ်တွင် ထားရှိ​သော မုဒိတာတရားသည် မိမိစိတ်ကို ချမ်း​မြေ့​စေ​သော သတ္တိရှိပါသည်။

Credit_

02/02/2023

Sharing again!

02/02/2023

Sharing again!

မြန်မာ့ Real Estate လောကမှာ “ကွန်ဒို” ဆိုတဲ့အသုံးအနှုန်းနဲ့ ဖြစ်တည်မှုဟာ လွန်ခဲ့တဲ့ ဆယ်စုနှစ်ကျော်ကျော်လောက်ကစပြီး လွဲမှားစွာပေါ်ထွန်းခဲ့ပါတယ်။ အထပ် ၆ ထပ်ခွဲနဲ့အထက်ဆောက်ကြတဲ့ ပေ ၄၀၊ ၆၀ အကျယ်မြေကွက်ပေါ်က ကွန်ထရိုက်တိုက်တွေကို ဓါတ်လှေကားတပ်ပေး၊ မီးစက်ထည့်ပေး လိုက်ရင် မီနီကွန်ဒိုလို့ နာမည်ကောက်တပ်လိုက်ကြတော့တာပါပဲ။ သီးသန့် ခြံဝန်းလေးတခုထဲမှာ အဆောက်အအုံ တလုံးထက်ပိုပြီးဆောက်လာကြတဲ့ အထပ်မြင့်အဆောက်အအုံတွေဆိုရင်လည်း ဓါတ်လှေကားနဲ့ မီးစက်မီးသာပါရင် ကွန်ဒို လို့သမုတ်ပြီး ရောင်းဝယ်နေကြတာပါပဲ။ တကယ်တော့ အဲဒီ့ facilities လောက် နဲ့ ကွန်ဒိုလို့ ခေါ်ဝေါ်သမုတ်လို့မရပါဘူး။ စီးပွါးရေးသမားတွေက သူ့ထက်ငါကောင်း အပြိုင်အဆိုင် ရောင်းရချင်လို့ နာမည်ဆန်းဆန်းတွေကို လက်တလုံးခြားတပ်ပြီး ရောင်းချခဲ့ကြတာပါ။

ဒီလိုနည်းနဲ့ မြန်မာ့အိမ်ရာစျေးကွက်မှာ “ကွန်ဒို”ဆိုတဲ့အသုံးအနှုန်းကို ပေါပေါလောလော သုံးပြီး၊ ရင်းနှီးကျွမ်းဝင်လာလိုက်ကြတာ ... တကယ့်ကွန်ဒိုစစ်စစ်ကြီးတွေကို တည်ဆောက်၊ ရင်းနှီးမြှုပ်နှံခွင့်ပေးတဲ့ Condo Law (စုပေါင်းပိုင်အိမ်ရာဥပဒေ) ကို အတိအကျပြဌါန်းပြီး ပိုင်ဆိုင်ခွင့်၊ ရပိုင်ခွင့်၊ လုပ်ပိုင်ခွင့်တွေကို ပိုင်းခြားသတ်မှတ်ပေးလိုက်တဲ့အခါမှာတော့ ... ခေါက်ရိုးကျိုး သိရှိနားလည်ထားတဲ့ “ကွန်ဒို” ဆိုတဲ့ သတ်မှတ်ချက်နဲ့ ထိပ်တိုက်တွေ့တော့တာပါပဲ။

တည်ထောင်သူကိုယ်နှိုက်ကလည်း “ကွန်ဒို စစ်စစ်”ရဲ့ အဓိပ္ပါယ်၊ လုပ်ဆောင်ဖွယ် အဆင့်ဆင့်သတ်မှတ်ချက်၊ ပိုင်ဆိုင်မှုကန့်သတ်ချက် စတာတွေကို သိသလိုလိုနဲ့ သေချာမသိ။ ဒီတော့ လိုက်နာဖွယ်ရာ အဆင့်ဆင့်သော စည်းကမ်းတွေကို ပေါ့ပေါ့တန်တန် သဘောထားပြီး ... လုပ်ချင်သလိုလုပ်။ တကယ်ပေးဖို့မရည်ရွယ်ဘဲ စျေးခေါ်ကောင်းရုံ၊ အဆွယ်ကောင်းရုံ သက်သက်သာ ရည်ရွယ်ပြီး ဟိုဟာပါမယ်၊ ဒီဟာပါမယ်တွေ လျှောက်ပြော။

ဝယ်သူတော်တော်များများကလည်း ဥပဒေဆိုတာကြီးကို မဝယ်ခင် ရှာဖွေ၊ ဖတ်ရှု၊ လေ့လာဖို့မပြောနဲ့ “ဥပဒေ” ဆိုတဲ့ စကားလုံးကို ကြားရတာနဲ့တင် ကျောချမ်းချင်သလိုလိုဖြစ်လာတယ်ဆိုတဲ့ လူစားမျိုးက ခပ်များများမို့လို့... ကွန်ဒိုဆို ကွန်ဒိုပဲပေါ့လို့ တွေးပြီး အဆွယ်ကောင်း၊ အပြောကောင်းတာနဲ့ ပဲ ပစ်ခတ်ဝယ်လိုက်ကြတယ်။ အရောင်းအဝယ် စာချုပ်ကြီးမှာ လက်မှတ်ထိုးတာတောင်... မထိုးခင် အထဲမှာရေးထားတဲ့အချက်တွေ၊ စာတွေကိုလုံးစေ့ပတ်စေ့ နားလည်အောင်ဖတ်ဖို့၊ ကိုယ့်ရပိုင်ခွင့်တွေကို စစ်ဆေးဖို့မပြောနဲ့ ဘယ်နှမျက်နှာပါလဲဆိုတာတောင်မသိဘဲ ဘယ်နားထိုးရမှာလဲ မေးပြီး တန်းကနဲ လက်မှတ်ထိုးချ လိုက်တာမျိုး။ လက်မှတ်ထိုးပြီး စာချုပ်ကို မှတ်ပုံတင်ရတယ်ဆိုတာ သိဖို့ကတော့ ဝေလာဝေး။

ဒါက မြန်မာ့အသိုင်းအဝိုင်းမှာ ကနေ့ အများစု ဖြစ်၊ပျက်နေတဲ့ အနေအထား။ ‌အကြောက်တရားတွေအောက် ပြားပြားမှောက်ခဲ့ရတဲ့ ဘဝတွေဆိုတော့ ကျိုးနေတဲ့ ခေါက်ရိုးထဲက ဆန့်မထွက်နိုင်၊ ဖြန့်မထွက်နိုင်၊ ဆန့်မထွက်ရဲ၊ ဖြန့်မထွက်ရဲကြတော့ဘူးပေါ့။ ဒါပေမယ့် ... ဥပဒေဆိုတာက အားလုံးကို တပြေးညီ၊ တသားတည်း အညီအမျှခံစားရစေဖို့ ပြဌါန်းထားကြ ရတာပါ။ စိုးမိုးတာ၊ မစိုးမိုးတာ နောက်ထား။ သူ့ရဲ့ ဖြစ်တည်မှုနဲ့ ရပ်တည်မှုက ပညာတတ်သည်၊ ဆင်းရဲသည်၊ ချမ်းသာသည်၊ ရိုးအသည် စသည်ဖြင့် ကျောသားရင်သား မခွဲခြားဘဲ တန်းတူညီမျှ ခံစားရရေးအတွက် ပြဌါန်းထားတာ။ အသုံးချမှု၊ မချမှုအပေါ်ပဲ မူတည်ပါတယ်။

တကယ်တမ်း စည်းမျဥ်းဥပဒေကိုနားလည်သူ၊ ကိုယ်ဘာဝယ်ထားသလဲ ကိုယ်သိသူ၊ ကိုယ့်ရပိုင်ခွင့်ကဘာလဲ နားလည်သူတွေနဲ့ ဆုံရတဲ့အခါမှာတော့ အနှီတည်ထောင်သူတွေဟာ နာမည်ပျက်ရတော့တာပါပဲ။ အရှက်ကွဲရတော့တာပါပဲ။ စီးပွါးရေးသမားဆိုတာ အရှက်နဲ့လူလုပ်တာမဟုတ်ဘူး၊ အသက်နဲ့လူလုပ်တာ၊ သူတို့အသက်က ငွေမှငွေပဲလို့ ပြောကြပါတယ်။ သူတို့ရှာလို့ရတဲ့ ငွေဆိုတာ စက်နဲ့လှည့်ထုတ်လို့ရတာ မဟုတ်ဘဲ၊ သူများအိတ်ထဲကနေမှ ရ လာကြတာပါ။ တည်ထောင်သူတို့ အိတ်ထဲရောက်လာတဲ့ ငွေကြေးဟာ သူတို့အိမ်ရာမှာ လာရောက်ဝယ်ယူသူတို့ရဲ့ အိတ်ထဲက လာတာပါ။

လူသတင်း လူချင်းဆောင်ပါတယ်။
တနပ်ပဲစားဖို့ ကြံထားရင် ... တနပ်စာပဲရပါလိမ့်မယ်။

11/01/2023

ရန်ကုန်မြို့​​တော်စည်ပင်သာယာ​ရေး​ကော်မတီ ( Waterandsanitation Ycdc ) မှ ဧရာချမ်းသာအဆင့်မြင့်ကွန်ဒို (AYCT Executive Condominium) ရှိ​ နေထိုင်သူ အများပြည်သူများ သုံးစွဲရန်အလို့ငှာ ဖြန့်ဖြူး​ပေး​​ဝေ​နေသော သုံး​ရေအား မိမိ၏ ကိုယ်ကျိုးတစုံတရာအလို့ငှာ လတ်တ​လောလူ​နေထိုင်လျက်ရှိသည့်လူ​နေအိမ်ခန်း၏ ​ရေဘားအား ပိတ်ဆို့ဖြတ်​တောက်ခွင့်ရှိပါသလား...

ဟု ​ ​​ရေဖိုးနှင့် ​ရေမီတာထိန်းသိမ်း​စောင့်​ရှောက်ခ လစဥ် မပျက်မကွက်၊ အပြည့်အဝ​ပေး​​နေပါလျက်နှင့် တည်​ထောင်သူမှ ရေဖြတ်​တောက် ပိတ်ဆို့ခြင်းခံထားရ​သော နေထိုင်သူတဦးမှ ​မေးခွန်းထုတ်လျက်ရှိပါသည်။


ဧရာချမ်းသာအဆင့်မြင့်ကွန်ဒိုတွင် ​​ရောင်းချစဥ်က ကတိကဝတ်အရ ရေလိုင်း ၂ လိုင်း (အစိုးရမှဖြန့်ဖြူး​သော​ရေလိုင်း နှင့် အရံ​အဝီစိတွင်း​ရေလိုင်း) ပါရမည်ဖြစ်​သော်လည်း ... လက်​တွေ့တွင်မူ တည်​ထောင်သူမှ ​ရေလိုင်း ၁ လိုင်းတည်းသာ ထည့်သွင်း​တည်​ဆောက်ထားပါသည်။ ထိုတခုတည်း​သော ​အစိုးရမှစည်ပင်​ရေလိုင်းအား ပိတ်ဆို့ဖြတ်​တောက်ထားခြင်းဖြစ်ပါသည်။

(​ဖြေဆို၊ အကြံပြုနိုင်သူများ ​ကွန်မန့်တွင်လည်း​ကောင်း၊ Messenger မှလည်း​ကောင်း ဖြေဆို၊ အကြံပြု​ပေးကြဖို့ ​မေတ္တာရပ်ခံပါသည်။)


Waterandsanitation Ycdc

10/01/2023

တည်​ထောင်သူ CTSM ၏ AYCT Management မှ ​နေထိုင်သူများ၏တိုက်များရှိ Notice Board တွင် လာမယ့် ၁၅ ရက်နေ့တွင် 2021-2022 အတွက် စာရင်းရှင်းတမ်းရှင်းလင်းပွဲ ပြုလုပ်မည်ဟု စာကပ်ထားပါသည်။ အဆိုပါစာအရ ၁၂ ရက်နေ့တွင် အစည်းအဝေးတက်​ရောက်မည့်သူများမှ ၄င်းစာပါ viber ဖုန်းကို ဆက်သွယ်၍ စာရင်းပေးသွင်းခိုင်းထားပါသည်။

သို့​သော် ၁၅ ရက်နေ့ Meeting ကို မည်သည့်အချိန် ၊ မည်သည့်နေရာတွင် ပြုလုပ်မည်ဆိုသည်ကို ကြိုတင်အသိပေးမထားပါ။ ထို့အပြင် Meeting မလုပ်ခင် ရှင်းတမ်းများအား နေထိုင်သူများထံ ကြိုတင်ဖြန့်​ဝေထား​ပေးရမည်ဖြစ်သည်။ သို့မှသာ meeting ၌ နေထိုင်သူများအနေဖြင့် မရှင်းလင်းသည့် စာရင်းဇယားများအား ​မေးမြန်းရန်ကြိုတင်ပြင်ဆင်ထားနိုင်မည်ဖြစ်သည်။

သို့ပါ​သော​ကြောင့် တက်​ရောက်စာရင်းတင်မက နေထိုင်သူ (ဝါ) အိမ်ခန်းပိုင်ရှင်များအားလုံးကိုပါ ရှင်းတမ်းများ ကြိုတင်ဖြန့်​ဝေရန် နှင့် အစည်းအ​ဝေးပြုလုပ်မည့်အချိိန်၊ ​နေရာ စသည်တို့ကို အများသူငါတို့အား ကြိုတင် အသိ​ပေးရန်.... ATCTEC.RC အသင်းဝင် တိုက်ကိုယ်စားလှယ််များက AYCT Manaagement အားတရားဝင်စာပို့​တောင်းဆိုထားပါသည်။

ယခုချိန်ထိ ပြန်စာမရရှိ​သေးပါဟု သိရှိရပါသည်။

အဆိုပါစာရင်းရှင်းတမ်း၏ စာရင်းဇယားများအား ​ကျေလည်မှုမရှိဘဲ၊ သံသယတစုံတရာရှိပါက ​နေထိုင်သူများက External Audit ဖြင့်စစ်​ဆေးပိုင်ခွင့်ရှိသည်ဟု ၂၀၂၂ ခုနှစ်နိုဝင်ဘာ ( ၁၁ ) ရက်​နေ့တွင် ရန်ကုန်မြို့ရှိ မြို့ပြနှင့်အိမ်ရာဖွံ့ဖြိုး​ရေးဦးစီးဌာန အစည်းအ​ဝေးခန်း၌ ပြုလုပ်​သော မျက်နှာစုံညီ အစည်းအ​ဝေးတွင်ဆုံးဖြတ်ခဲ့ကြပါသည်။

14/12/2022

11/12/2022

AYCT Executive Condo ရဲ့ ​ငွေအ​ကြေစာချုပ်နဲ့ Owner Book
နမူနာကြည့်ချင်သူများအတွက် လက်ရှိ​လူနေထိုင်လျက်ရှိ​သော တိုက်များရဲ့ နမူနာ ငွေအ​ကြေစာချုပ်နဲ့ Owner Bookပါ။

တပုံချင်းစီကို ​ထောက်ကြည့်ပါ။ အဓိက အရေးကြီးအချက်အလက်တွေနဲ့ ဘယ်သူတွေက လက်မှတ်ထိုးရမယ်၊ ဘာတံဆိပ်တွေပါရမယ်၊ ဘာအချက်တွေပါရမယ်ဆိုတာ လေ့လာထားပြီး၊ ကိုယ့်အလှည့်ကျရင် အသေးစိတ် စစ်ယူနိုင်ကြပါစေ။

Good Luck!

10/12/2022

ရပ်ဝေး၊ ရပ်နီးရှိ ဧရာချမ်းသာအဆင့်မြင့်ကွန်ဒိုနေထိုင်သူ/ပိုင်ရှင်များအား အသိပေးအပ်ပါသည်။

ဧရာချမ်းသာအဆင့်မြင့်ကွန်ဒို၏ အိမ်ပိုင်ရှင်များ၊ နေထိုင်သူမိသားစုများအားလုံး ပူးပေါင်းပါဝင်သည့် နေထိုင်သူအသင်း (Ayar Chantha Executive Condominium Residence Committee)အား မြို့ပြနှင့်အိမ်ရာဖွံ့ဖြိုးမှုဦးစီးဌါန၏ အသိမှတ်ပြုမှုဖြင့် စတင်ဖွဲ့စည်းရန် ... တိုက်ကိုယ်စားလှယ်များ စတင်ရွေးချယ်ရန်ဖြစ်ပါသည်။

ထိုတိုက်ကိုယ်စားလှယ်များရွေးချယ်ရန်အလို့ငှါ ...

(၁) နေထိုင်သူအသင်း (Residence Committee) ဝင်များသာရွေးချယ်ခွင့်ရှိရပါမည်။

(၂) တဖန် ဧရာချမ်းသာအဆင့်မြင့်ကွန်ဒို၏ အိမ်ပိုင်ရှင်(ဝါ)နေထိုင်သူ မိသားစုများသာ ဧရာချမ်းသာအဆင့်မြင့်ကွန်ဒိုနေထိုင်သူအသင်းဝင် (Residence Committee Member) ဖြစ်ရပါမည်။

ဆိုသော ဘုံသဘောတူညီသည့်အချက်အား လက်ရှိနေထိုင်သူများ စုပေါင်း၍ သတ်မှတ်ထားခဲ့ကြရာ...

ယခုအခါ အသင်းဝင်လျှောက်လွှာများ၊ အဆိုပြုလွှာများအားစတင်လက်ခံနေပြီဖြစ်ပါကြောင်း ...။

၂၀၁၆၊ ၂၀၁၇ ကွန်ဒိုဥပ​ဒေများအားဖြင့် မိမိကွန်ဒို၏ စီမံခန်ခွဲ​ရေး​ကော်မတီအား ကွန်ဒို​နေထိုင်သူများစု​ပေါင်း၍ဖွဲစည်းခွင့်ရှိပါသည်။ ဤကားစကားချပ်။

16/11/2022

မနက်ဖြန် (နိုဝင်ဘာ ၁၇၊ ၂၀၂၂) ည ၇း၃၀ မှာ All Residentsအတွက် Emergency meeting ​လုပ်ချင်ပါတယ်။

ဒီထဲကသူ​တွေအားလုံး AYCT VWG member​ တွေများပါမကျန် အားလုံး (အားလုံး) မပျက်မကွက် လာခဲ့​ပေးကြပါ။

မိမိနဲ့နီးစပ်ရာ အခြားမှာ​နေသူ​တွေကိုလည်းအ​ကြောင်းကြား​ပေးကြပါ။

10 A နှင့် 9 Bကြားက ကွက်လပ်ကိုပါ။