The New Myanmar Real Estate

08/12/2025

https://www.facebook.com/share/r/17j85o7qku/?mibextid=wwXIfr

15/10/2025

05/10/2025

သီတင်းကျွတ်လပြည့် (အဘိဓမ္မာအခါတော်နေ့)

ဘေးရန်ကင်းကြပါစေ။ 🙏

၆-၁၀-၂၀၂၅

22/09/2025

#သတိပြုရန်

(၁) အိမ်ငှါးရှိတဲ့ အိမ်ကို မဝယ်နဲ့။
(၂) ကျူးကျော်သူ ရှိတဲ့ အိမ်ကို မဝယ်နဲ့။
(၃) မြေရှင်က အခမဲ့ထားတဲ့ အိမ်ကို မဝယ်နဲ့။
(၄) ယခင် အိမ်ရှင်ကို ဝယ်ပြီးရင်မထားနဲ့။
(၅) ယခင် အိမ်ရှင်ကို အိမ်ငှါးပါတယ်လို့လဲ စာချုပ်မချုပ်နဲ့။

အဘယ်ကြောင့်ဆိုသော်:-

(၁) အိမ်ငှါးနေထိုင်နေသည့် အိမ်နှင့်မြေကို မည်သို့မျှ မဝယ်နှင့်။ လက်ရောက်ရယူတယ်လို့ မခေါ်နိုင်။ အရောင်းအဝယ်စာချုပ် မမြောက်။ ဝယ်တဲ့သူက အိမ်ငှါးကို ဖယ်လို့မရ။ ဟန်ဆောင်စာချုပ်လို့ သတ်မှတ်နိုင်။ ရောင်းတဲ့သူကသာ အိမ်ငှါးကို ဖယ်ရှားခွင့်ရှိ။

(၂) ရောင်းသူက အိမ်ရောင်းသည် သို့ပေမဲ့ ကျန်းမာရေးမကောင်းလို့ မဖယ်ပေး။ လက်ရောက်မရသေး ရင် နှင်လိုမှုစွဲလို့မရ။ လက်ရှိဖြစ်မှ သီးခြားသက်သာခွင့် (၉) အရ လက်ရောက်ရယူလိုမှုစွဲလို့ရ။ အိမ်ရှင်ကို အိမ်ပေါ်မထားရ။

(၃) မြေကွက်တစ်ကွက်ကို ဦးဖြူကပိုင်ပြီး၊ ထိုမြေကွက်ကို ဦးမဲကကျူးကျော်နေထိုင်သည်။ ထိုအချိန်တွင် ဦးဖြူက ဦးပြာကိုရောင်းချသည်။ မှတ်ချက် မူလပိုင်ရှင် ဦးဖြူကသာ ကျူးကျော်သူကို နှင်လို့ရသည်။

(၄) မြေရှင်က မြေကွက်ပေါ်မှာ အခမဲ့ နေထိုင်ခွင့်ပေးထားသည်။ ယခုလို မြေမျိုး မဝယ်ပါနှင့်။ ဝယ်တဲ့သူက နှင်လို့မရ။ ဖယ်ရှားလို့မရ။ နှင်မည်ဆိုက ခွင့်ပြုချက်ပေးသူကသာ နှင်လို့ရ။

(၅) အိမ်ရှင်ထံမှ ဝယ်ပြီး၊ အိမ်ရှင်ကို အိမ်ငှါးအဖြစ် ပြန်လည်စာချုပ်ချုပ်ဆိုမည့် အိမ် မဝယ်နဲ့။ မြေပေါ်မှာ ပိုင်ရှင်ကို မထားနဲ့။ ပျက်ပြယ်လိုက ပျက်ပျယ်ခွင့်ရှိ။

(၆) ရောင်းသူက အိမ်ထောင်ရှိလျှင် လင်/မယား နှစ်ဦးလုံးကို လက်မှတ်ထိုးဝယ်ရန်။ အမည်မပေါက်တဲ့သူကို သက်သေနေရာက ရေးထိုးထားပါ။

ℂ𝕣𝕖𝕕𝕚𝕥

© ဆရာဦးခင်ဇော် (မရမ်းကုန်း)
© ဦးမောင်မောင်မင်းခေါင် (တရားလွှတ်တော်ရှေ့နေ)

06/09/2025

တော်သလင်းလပြည့် (ကုရုဓမ္မအခါတော်နေ့)

၆-၉-၂၀၂၅

11/08/2025

အိမ်နှင့် တိုက်ခန်းများကို ဘဏ်နှင့်ချိတ်ဆက်ပြီး ဝယ်ယူချင်တယ်ဆိုရင် ဘာတွေလုပ်ဆောင်ရမလဲဆိုပြီး မေးလာတဲ့ မိတ်ဆွေများအတွက် Bankချိတ်(Home loan )

1. Bankချိတ်(Home loan)ဆိုတာ ဘာလဲ?

Bank ချိတ်ဆိုတာက မိမိမွာ အိမ်၊ တိုက်ခန်း ဝယ်ယူဖို့ ငွေအပြည့်အဝမရှိသေးဘူး ဒါပေမယ့် တစ်ချို့တစ်ဝက်တော့ရှိနေတယ်၊ လစဉ်ပုံမှန်ဝင်ငွေလည်းရှိနေတယ်။ဒါဆိုရင်တော့ ဝယ်ချင်တဲ့အိမ်၊ တိုက်ခန်းကို ဘဏ်ကနေတဆင့် အရစ်ကျဝယ်တာကိုခေါ်ပါတယ်။မိမိဘက်မှ ၃၀% ထုတ်ပြီး ချိတ်ဆက်ထားတဲ့ bank ဘက်မှ ၇၀% ချေးငွေ ထုတ်ပေးလိုက်ခြင်းမျိုးပါ။

Bank နဲ့ချိတ်ဆက်ပြီး ဝယ်ယူမည့်သူက လစာအနည်းဆုံး(၁၀)သိန်းအထက် ရှိဖို့လိုပါတယ်။ဝန်ထမ်းဆိုရင်တော့ သွင်းရမဲ့ငွေရဲ့(၃)ဆ ရှိရင်ရပါတယ်။ဥပမာ ၄သိန်း ဆပ်ရတယ်ဆိုရင် (၃)ဆ ၁၂သိန်း ရှိရင်ရပါပြီ။တစ်ယောက်ထဲလစာ မလောက်ဘူးဆိုရင်တော့ သန်းခေါင်စာရင်းဝင်၊ ဝင်ငွေရှိတဲ့ သူနဲ့ပေါင်းပြလို့ရပါတယ်။

လူကြီးမင်းတို့အနေနဲ့ လိုချင်တဲ့ အိမ္ကို ဘဏ်နဲ့ ချိတ်ဆက်ပြီး ဝယ်မည်ဆိုလျှင် လူကြီးမင်းတို့အလိုရှိတဲ့ အိမ်အမျိုးအစားက RC မဟုတ်ရင်BN အိမ်အမျိုးအစားဖြစ်ရပါမယ်။ဂရံအမည်ပေါက်ဖြစ်ရပါမယ်။မီးအာမခံရတဲ့နေရာမျိုးဖြစ်ရပါမယ်။ပျဉ်ထောင်အိမ်နဲ့ မြေကွက်တွေဆိုရင်တော့ ဘဏ်ကချေးငွေထုတ်ပေးမှာမဟုတ်ပါဘူးနော်။
~~~~~~~~~~~~~~~~~~~~~~

2. အဲ့တော့ Bank နဲ့ချိတ်ဆက်ပြီး ဝယ်ယူမယ်ဆိုရင် ဘာတွေလိုအပ်လဲ?

(က)။ လူ၊ပုဂ္ဂိုလ် တစ်ဦးချင်း(သို့) ဝန်ထမ်းတစ်ဦးချင်းအတွက် လိုအပ်သော စာရွက်စာတတမ်းများ
(၁) မှတ်ပုံတင် မိတ္တူ(မူရင်းပြရန်)
(၂) Passport မိတ္တူ(ရှိလျှင်)
(၃) ပတ်စ်ပို့အရွယ်အစား ဓာတ္ပုံ
(၄) သန်းခေါင်စားရင်းမိတ္တူ (မူရင်းပြရန်)
(၅) ရပ်ကွက်ထောက်ခံစာ
(၆) စရံပေး စာချုပ်မိတ္တူ(မူရင်းပြရန်)
(၇) သက်ဆိုင်ရာ ကုမ္ပဏီ၊ဌာန၊လုပ်ငန်းရှင်၏ထောက်ခံစာ(လုပ်သက်၊ရာထူး၊ လစာ) (သို့မဟုတ်) စာချုပ်ဖြင့် ခန့်ထားခြင်းဖြစ်ပါက စာချုပ်မိတ္တူ ၎င်းထောက်ခံစာ စာချုပ်အား တစ်နှစ်တစ်ကြိမ် ပြန်လည်တောင်းခံရပါမည်။
(၈) ဝန်ထမ်းကတ် မိတ္တူ(မူရင်းပြရန်)
(၉) လစဉ်ဝင်ငွေ ဖော်ပြသည့် Pay slip (or) Salary slip(ရှိလျှင်)
(၁၀) အခွန်ပြေစာ(Tax slip) (ရှိလျှင်)
(၁၁) Bank Statement(၆လစာ တင်ပြရပါမည်)

(ခ)။ ကိုယ်ပိုင်လုပ်ငန်း လုပ်ကိုင်သူများအတွက် လိုအပ်သော စာရွက်စာတမ်းများ
(၁) မှတ်ပုံတင်မိတ္တူ (မူရင်းပြရမည်)
(၂) Passport မိတ္တူ (ရှိလျှင်)
(၃) ပတ်စ်ပို့အရွယ်အစား ဓာတ္ပုံ
(၄) သန်းခေါင်စာရင်းမိတ္တူ (မူရင်းပြရမည်)
(၅) ရပ်ကွက်ထောက်ခံစာ
(၆) စရံပေးစာချုပ် မိတ္တူ(မူရင်းပြရမည်)
(၇) လုပ်ငန်းလိုင်စင်/ အသက်မွေးဝမ်းကြောင်းလိုင်စင်(ရှိလျှင်)(သက်တမ်းရှိရမည်)
(၈) ဘဏ္ဍာရေး ရှင်းတမ်း(၃)နှစ်စာ (တင်ပြနိုင်လျှင်)
(၉) Bank statement (၆)လစာ (ရှိလျှင်)
(၁၀) အခွန်ပြေစာ (ရှိလျှင်)

(ဂ)။ ကုပ္မဏီအမည်ဖြင့် လုပ်ကိုင်လိုသူများအတွက် လိုအပ်သော စာရွက်စာတမ်းများ
(၁) မှတ်ပုံတင်မိတ္တူ (မူရင်းပြရမည်)
(၂) Passport မိတ္တူ (ရှိလျှင်)
(၃) ပတ်စ်ပို့အရွယ်အစား ဓာတ္ပုံ
(၄) သန်းခေါင်စာရင်း မိတ္တူ (မူရင်းပြရမည်)
(၅) ရပ်ကွက်နေထိုင်ကြောင်း ထောက်ခံစာ
(၆) စရံပေးစာချုပ် မိတ္တူ(မူရင်းပြရမည်)
(၇) ကုပ္မဏီမှတ်ပုံတင်လက်မှတ်(သက်တမ်းရှိရမည်)
(၈) Form VI, Form XXVI, Form E
(၉) ဒါရိုက်တာအဖွဲ့ အစည်းအဝေးဆုံးဖြတ်ချက်မှတ်တမ်း(ဘဏ်တွင် Mortgage Loan(ပေါင်နှံချေးငွေ)နှင့်ပက်သက်သော လက်မှတ်ရေးထိုးဆောင်ရွက်ခွင့်ရှိသူအား သတ်မှတ်ဖော်ပြရန်နှင့် ဒါရိုက္တာအားလုံး လက်မှတ်ရေးထိုးရန် လိုအပ်ပါသည်။)
(၁၀)ဘဏ္ဍာရေးရှင်းတမ်း(၃နှစ်စာ)(တင်ပြနိုင်လျှင်)
(၁၁) သင်းဖွဲ့စည်းမျဉ်းနှင့် သင်းဖွဲ့မှတ်တမ်း
(၁၂) အခွန်ပြေစာ (၃နှစ်စာ) (ရှိလျှင်)
~~~~~~~~~~~~~~~~~~~~~~

3. Bank ချိတ်နဲ့ရောင်းပေးမယ့် အိမ်ရှင်တွေအတွက်ကရော ဘာတွေလိုအပ်လဲ?

(၁) မြေရှင် ဂရမ်အမည်ပေါက်ဖြစ်ရပါမည်
(၂) ကန်ထရိုက် ၊ မြေရှင် ချုပ်ထားတဲ့စာချုပ်
(၃) မြေရှင်ရဲ့ သန်းခေါင်စာရင်းမိတ္တူ
(၄) မြေရှင်ရဲ့မိတ္တူ
(၅) BCC စာရွက်
(၆) ဆောက်လုပ်ခွင့်စာရွက်
(၇) တိုက်ခန်းနဲ့ပက်သက်တဲ့ ဆက်စပ်စာချုပ်များ
(၈) အခန်းပိုင်ရှင် သန်းခေါင်စာရင်း
(၉) အခန်းပိုင်ရှင်ရဲ့ မှတ်ပုံတင်မိတ္တူ
စာရွက်စာတမ်းအားလုံး မူရင်းတော့ပြပေးရပါမယ်။

ထိုအချက်အလက်တွေအားလုံး ရရှိပြီးတာနဲ့ လူကြီးမင်းတို့ဝယ်လိုတဲ့ အိမ္ကို ရာဖြတ်ဌာနမှဆင်းကြည့်မှာဖြစ်ပါတယ်။အဲ့ဒါပြီးရင်တော့ မီးအာမခံဆင်းကြည့်မှာဖြစ်ပါတယ်။အချက်အလက်တွေပြည့်စုံပြီဆိုရင်တော့ ဝယ်သူဘက်မှ ၃၀% ထုတ်ပေးရမှာဖြစ်ပြီး bankဘက်မှ ၇၀% ထုတ်ပေးလိုက်မှာပါ။ထုတ်ပေးလိုက်တဲ့ ၇၀% ကိုတော့ အတိုးနဲ့နှစ်ရှည်ပြန်ဆပ်ရမှာပဲဖြစ်ပါတယ်။

***လိုအပ်သော စာရွက်စာတမ်းများ ကိုယ့်မှာအပြည့်အစုံရှိရင်တော့ Bank နဲ့ချိတ်ဆက်ပြီးဝယ်ယူတာဟာ ပိုလွယ်ကူပြီး မြန်ဆန်ပါတယ်

Crd to original uploader

08/08/2025

ဝါခေါင်လပြည့် (မေတ္တာအခါတော်နေ့)
၈-၈-၂၀၂၅ (သောကြာနေ့)

ဘေးရန်ကင်းကြပါစေ။

24/07/2025

Architecture

08/07/2025

ဝါဆိုလပြည့် {ဓမ္မစင်္ကြာအခါတော်နေ့}

၉-၇-၂၀၂၅ (ဗုဒ္ဓဟူးနေ့)

29/06/2025

🏢 အိမ်ရှင်တွေအမြင်မှာ သံချောင်းပမာဏများမှ စိတ်ကျေနပ်မှုရှိကြပါတယ်။

ကျွန်တော့်အနေနဲ့လည်း အမြဲတမ်းရှင်းပြရပါတယ်။
တစ်အချက်က ကျွန်တော်တို့ဆောက်နေတာ သံကူတဲ့ ကွန်ကရစ်ဖြစ်ပါတယ်။
အဓိကဇာဆောင်သည် ကွန်ကရစ်ဖြစ်ပြီး ကွန်ကရစ်က မထမ်းနိုင်တဲ့ဝန်တွေအတွက် သံချောင်းထည့်ပြီး အားကူ ဇာတ်လိုက်ကပြရတာဖြစ်ပါတယ်။

နှစ်အချက်က စနစ်တကျခွဲခြမ်းစိတ်ဖြာမှုရှိတဲ့ နည်းပညာနှင့် ရိုးရာ အိမ်ဆောက်နည်းပညာကွာခြားမှုပါ။
စနစ်တကျခွဲခြမ်းစိတ်ဖြာပြီး သုတေသနရလဒ်များအရ သတ်မှတ်ထားတဲ့ နည်းဥပဒေသကို သုံးပြီး အင်ဂျင်နီယာတွေက တည်ဆောက်ခြင်းဖြင့် အဓိကဇာတ်ဆောင်နှင့် ဇာတ်လိုက်ကို သူ့နေရာနှင့်သူ စနစ်တကျ နေရာချထားပြီး ဇာတ်ပွဲတစ်ပွဲအောင်မြင်အောင် ဖန်တီးရပါတယ်။
မလိုအပ်ပဲ ဇာတ်လိုက်ကြီးပဲ ထည့်သုံးနေမယ်ဆိုရင် အပိုကုန်ကျငွေများသလို ဒီဇာတ်ကြီးက ငြီးငွေ့စရာ အနှစ်သာရမရှိတော့ပါဘူး။

ရိုးရာအိမ်ဆောက်နည်း(Thumbrule)ဆိုတာလည်း လက်မှုပညာ၊ အတွေ့အကြုံတွေကနေ ပေါက်ဖွားလာတဲ့ နည်းစနစ်၊ နည်းလမ်းတွေပဲ ဖြစ်ပါတယ်။ သို့ပေမယ့်လည်း သူ့မှာ ပုံသေကားချပ်လိုဖြစ်နေတဲ့အတွက် နေရာတကာမှာ ဒီနည်းလမ်းတစ်ခုတည်းနှင့်သွားလို့မရပြန်ဘူး။ သံတစ်တိုင်မှာ သံချောင်းဘယ်လောက်ထည့်ရမယ်ဆိုတာ Thumbrule အရ ပြောလိုက်ရင် လွယ်ပေမယ့် သူ့မှာ တိကျတဲ့အာမခံချက်မရှိသလို၊ အပိုအလိုလည်း ရှိချင်ရှိပါမယ်။ အဲ့ဒါကိုမှ ပိုများအောင်ထည့်လိုက်ရင် ကုန်ကျစရိတ်များသွားပြီး ဒီဇိုင်းပေါက်ထွက်သွားနိုင်ပါတယ်။

ဒီခေတ်ရဲ့ပြသနာကဘာလည်းဆိုရင် မလိုအပ်ပဲ သံချောင်းမထည့်တာကို ခိုတယ်လို့ ယူဆနေကြတာပါ။ ဒါကလည်း အပြစ်ပြောလို့မရပါဘူး။ သက်ဆိုင်ရာအင်ဂျင်နီယာက နည်းလမ်းတကျ ရှင်းပြတတ်ရပါမယ်။ ပုံထဲမှာ ဒီလောက်ပဲပြလို့ ဒီလောက်ပဲသုံးတယ်ဆိုပြီး မိမိအိမ်ရှင်ကို သွားရှင်းပြလို့မရပါဘူး။

ဒါကြောင့် မလိုအပ်ပဲသံချောင်းပမာဏများနေမယ်ဆိုရင် ဖြစ်နိုင်တဲ့ဆိုးကျိုးတွေကတော့
တိုင်တွေမှာဆိုရင် သံများရှုပ်ယှက်ခတ်ပြီး ကွန်ကရစ်အရောအနှောများ အူတိုင်မှာအပြည့်မရောက်ပဲ ကျောက်ဗြုပ်ပေါက် Segregation, Honeycomb များဖြစ်ပြီး ပြင်ပအစိုဓာတ်ကြောင့် အတွင်းက သံချောင်းများ သံချေးလိုက်ပြီး တိုင်ရဲ့ ကြံ့ခိုင်မှုအားနည်းခြင်း၊
ကွန်ကရစ်သားနည်းတဲ့အတွက် ဒေါင်လိုက်ဖိအားဒဏ်ခံနိုင်ရည်နည်းပြီး တိုင်အရင်းမှာ ဖောင်းကားခြင်းများ ဖြစ်စေပါတယ်။

ဒါကတော့ တိုင်တစ်ခုပဲ ဥပမာပေးသုံးသပ်ပြတာဖြစ်ပါတယ်။
ဒါကြောင့် အိမ်တစ်လုံးစာအတွက် ကွန်ကရစ်နှင့်သံချောင်းပမာဏ လိုအပ်သည်ထက် ပိုမများဖို့၊ မနည်းဖို့ဆိုရင် ကျွမ်းကျင်အင်ဂျင်နီယာတွေရဲ့ တွက်ချက်မှု မဖြစ်မနေလုပ်ရမှာဖြစ်ပါတယ်။


#ဗဟုသုတအနေဖြင့်ပြန်လည်မျှဝေသည်

15/06/2025

ဂျာလီထည့်ခြင်းရဲ့ ကောင်းကျိုးများကို ပြော‌ပြပေးပါ့မယ်။
💠 အုတ်စီခြင်း နှင့် ပလာစတာ ချောတယ့်အခါ ဂျာလီခွေ ဘယ်နေရာမှာ ထည့်ရမလဲဆိုတာ (IBC,IRC, ACI , ASTM ) CODE တွေကို အခြေခံယူပြီးပြောပြပေးသွားပါ့မယ်။

🧱 အုတ်စီတဲ့အခါ ဂျာလီခွေ ဘယ်လိုသုံးလဲ ❓

🔹အုတ်စီတဲ့အခါ ဂျာလီခွေကို အဓိကအားဖြင့် နံရံတွေမှာ အက်ကွဲကြောင်းတွေ မဖြစ်အောင် ကာကွယ်ဖို့ အသုံးပြုပါတယ်။ ဂျာလီခွေကို အုတ်နံရံထဲမှာ ထည့်စီပေးခြင်းဖြင့် နံရံကို ပိုပြီးခိုင်ခံ့အောင် အားဖြည့်ပေးတာပါ။

👉 ဘယ်နေရာတွေမှာ သုံးလဲ ❓

🔹 တံခါး၊ ပြတင်းပေါက် ဘောင်ပတ်လည် ၊ တံခါး၊ ပြတင်းပေါက် ဘောင်တွေနားမှာ အုတ်နံရံက အက်လွယ်ပါတယ်။ အဲဒီနေရာတွေမှာ ဂျာလီခွေကို ထည့်ပြီးစီပေးရင် အက်ကွဲတာကို လျှော့ချပေးနိုင်ပါတယ်။

🔹 နံရံအရှည်ကြီးတွေ စီတဲ့အခါမှာ အလယ်ပိုင်းနေရာတွေမှာ ဂျာလီခွေကို အချို့အုတ်လိုင်းတွေမှာ ခံပြီး စီပေးလေ့ရှိပါတယ်။ ဒါက နံရံတစ်ခုလုံးကို ပိုမိုခိုင်မာစေပါတယ်။

🔹 (တိုင်) နဲ့ နံရံ ဆက်စပ်တဲ့နေရာ: တိုင်နဲ့ နံရံ ဆက်တဲ့နေရာတွေမှာ အက်ကြောင်းထလေ့ရှိပါတယ်။ အဲဒီနေရာတွေမှာ ဂျာလီခွေကို တိုင်နဲ့ နံရံနှစ်ခုလုံးကို ချိတ်ဆက်မိအောင် ထည့်သွင်းစီပေးပါတယ်။

👉 ဘာကြောင့်သုံးတာလဲ ❓

➡️ အက်ကွဲတာကို ကာကွယ်ဖို့: အပူချိန် အပြောင်းအလဲ၊ အဆောက်အဦရဲ့ အနည်းငယ် လှုပ်ရှားမှု (settlement) တွေကြောင့် နံရံတွေမှာ အက်ကွဲကြောင်းတွေ ဖြစ်ပေါ်နိုင်ပါတယ်။ ဂျာလီခွေက ဒီလိုအက်ကွဲမှုတွေကို ထိန်းချုပ်ပေးပါတယ်။

➡️ နံရံကို ပိုခိုင်ခံ့အောင်: ဂျာလီခွေရဲ့ သတ္တုကြိုးတွေက နံရံရဲ့ ခံနိုင်ရည်အားကို တိုးမြှင့်ပေးပါတယ်။

💠 ပလာစတာ (plaster) ချောတဲ့အခါ ဂျာလီခွေ ဘယ်လိုသုံးလဲ ❓

👉 ပလာစတာချောတဲ့အခါ ဂျာလီခွေကို အဓိကအားဖြင့် ပလာစတာ ကွာကျတာ၊ အက်ကွဲတာတွေ မဖြစ်အောင် ကာကွယ်ဖို့ အသုံးပြုပါတယ်။ ပလာစတာ အလွှာကို ဂျာလီခွေနဲ့ အားဖြည့်ပေးတာပါ။

👉 ဘယ်နေရာတွေမှာ သုံးလဲ❓

🔹 (တိုင်) နဲ့ အုတ်နံရံ ဆက်စပ်တဲ့နေရာ ၊ အုတ်စီတုန်းကလိုပဲ တိုင်နဲ့နံရံ ဆက်စပ်တဲ့နေရာတွေမှာ ပလာစတာ ချောတဲ့အခါ အက်ကွဲတတ်ပါတယ်။ ဒီနေရာတွေမှာ ဂျာလီခွေကို ကပ်ပြီးမှ ပလာစတာ ချောရင် ပိုခိုင်မာပါတယ်။

🔹 ကွဲအက်လွယ်တဲ့ နံရံမျက်နှာပြင်များ၊ မူလကတည်းက အက်ကွဲကြောင်းတွေရှိနေတဲ့ နံရံတွေ၊ ဒါမှမဟုတ် အနာအဆာရှိတဲ့ နံရံမျက်နှာပြင်တွေမှာ ဂျာလီခွေကို ကပ်ပြီး ပလာစတာချောခြင်းဖြင့် ပလာစတာ အက်ကွဲတာကို ကာကွယ်နိုင်ပါတယ်။

🔹 မျက်နှာကျက်နဲ့ နံရံ ထောင့်နေရာတွေမှာလည်း အက်လွယ်တာကြောင့် ဂျာလီခွေကို သုံးလေ့ရှိပါတယ်။

🔹 မတူညီတဲ့ ပစ္စည်းနှစ်ခု ဆက်စပ်တဲ့နေရာများ၊ ဥပမာ- သစ်သားဘောင်နဲ့ အုတ်နံရံ၊ ဒါမှမဟုတ် ကွန်ကရစ်နဲ့ အုတ်နံရံလိုမျိုး မတူညီတဲ့ ပစ္စည်းနှစ်ခု ဆက်စပ်တဲ့နေရာတွေမှာ ကျုံ့ခြင်း၊ ဆန့်ခြင်း (expansion and contraction) ကြောင့် အက်ကွဲတာမျိုး မဖြစ်အောင် ဂျာလီခွေကို ခံပြီး ပလာစတာချောပါတယ်။

👉 ဘာကြောင့်သုံးတာလဲ❓

🔹 ပလာစတာကို ကွာကျခြင်းမှ ကာကွယ်ဖို့: ဂျာလီခွေက ပလာစတာကို နံရံမှာ ပိုမိုတွယ်ကပ်နေအောင် ကူညီပေးပါတယ်။

🔹 ပလာစတာ အက်ကွဲခြင်းကို လျှော့ချဖို့ ➡️ အပူချိန် အပြောင်းအလဲ၊ နံရံလှုပ်ရှားမှုတွေကြောင့် ပလာစတာ အက်ကွဲတာကို ဂျာလီခွေက ထိန်းချုပ်ပေးပါတယ်။

🔹 မျက်နှာပြင်ညီညာမှု ထိန်းသိမ်းဖို့ ➡️ ပလာစတာ အလွှာကို ပိုပြီးတည်ငြိမ်စေတာကြောင့် မျက်နှာပြင်ကို ညီညီညာညာ ဖြစ်အောင် ထိန်းသိမ်းပေးနိုင်ပါတယ်။

👉 အသုံးပြုပုံ နည်းလမ်းများ ⤵️

🔹အုတ်စီတဲ့အခါ အုတ်လိုင်းအချို့မှာ (ပုံမှန်အားဖြင့် ၂-၃ လိုင်းခြားပြီး) မော်တာထဲမှာ ဂျာလီခွေကို ခံပြီး စီရပါတယ်။ ဒါက ဂျာလီခွေကို အုတ်နံရံရဲ့ အလယ်မှာ ရောက်စေပြီး အလုပ်လုပ်တာ ပိုထိရောက်စေပါတယ်။

🔹ပလာစတာချောတယ့်အခါ တိုင်နှင့် အုတ်ကို ဂျာလီရိုက်ပြီး ချောပေးခြင်းဖြင့် ကွဲအက်မှု ဒဏ်က ကာကွယ်နိုင်မည်ဖြစ်ပါသည်။

❇️ အချုပ်အားဖြင့် ဂျာလီခွေကို အုတ်စီတဲ့အခါရော၊ ပလာစတာချောတဲ့အခါပါ အက်ကွဲတာတွေ မဖြစ်အောင်၊ ပိုပြီးခိုင်ခံ့အောင် အားဖြည့်ပေးတဲ့ ပစ္စည်း တစ်ခုအနေနဲ့ အသုံးပြုတာပဲ ဖြစ်ပါတယ်။ ဒါကြောင့် အဆောက်အဦ: ဆောက်တဲ့အခါမှာ ပိုပြီး ခိုင်ခံ့ပြီး ကြာရှည်ခံစေဖို့အတွက် ဂျာလီ သုံးပါလို့ အကြံပြုပါရစေ။ ❇️

Source: Tiktok

30/05/2025

🏢 တိုက်ခန်းတွေဝယ်ရင် သတိထားကြပါ။
BCC ဆိုတာနှစ်မျိုးရှိသတဲ့။
ကိုယ်တောင် ကြောင်သွားတယ်။
တစ်ခုက BCC တစ်ခုက လူနေထိုင်ရန်ဆိုပြီး ထုတ်ပေးတာတဲ့။
လူနေထိုင်ရန်ဆိုတာ ဘာလဲဆိုတော့ ဆိုင်းဘုတ်အစိမ်းကိုပြောတာတဲ့။
အော်ဒုက္ခ အဆောက်အဦးဆောက်လုပ်ရန် (လူနေထိုင်ရန်အတွက်) ဆိုတာမျိုးကို BCC အစားထိုးသုံးနေကြတာကိုး။
အဲ့နှစ်မျိုးက သပ်သပ်စီပါ။ တရားဝင်(------) အထပ် အဆောက်အဦးဆောက်လုပ်ခွင့်ပြုခြင်း ဆိုင်းဘတ်အစိမ်းအရင်လျှောက်ပြီး ဆောက်လုပ်ခွင့်ကျမှ အဆောက်အဦးဆောက်ခွင့်ရှိပါတယ်။ အဲ့အဆောက်အဦးပြီးသွားရင် BCC (Buliding Completion Certificate) အဆောက်အဦးပြီးဆုံးကြောင်းသက်သေခံလက်မှတ် ထပ်လျှောက်ရပါတယ်။ BCC ကျမှ တရားဝင်လူနေထိုင်လို့ရပါတယ်။
မတူနဲ့နှစ်ခုကို တူသယောင် ပြောပြီး နားမလည်သူတွေကို မတရားမလုပ်ကြပါနဲ့၊ BCC မရှိရင် မရှိဘူးပြောပြီးရောင်းပါ။ ကြိုက်တဲ့သူဝယ်ပါလိမ့်မယ်။

BCC နဲ့ အစိတ်းဘုတ်

1--BCCဆိုသည်မှာ Building Completion Certificateဟုအဓိပ္ပါယ်ရပြီး စည်ပင်ဌာနကထုတ်ပေးသည့် အဆောက်အဦးပီးစီးကြောင်း အသိအမှတ်ပြုလွှာ ဖြစ်ပါသည်။

အဆောက်အဦးတစ်ခုဆောက်လုပ်ရန်လိုအပ်ချက်များ

အဆောက်အဦးတခုဆောက်လုပ်တော့မည်ဆိုပါက ပိုင်ရှင်မှစည်ပင်ဌာနသို့အဆောက်အဦးဆောက်လုပ်ခွင့်ပြုပါရန်တင်ပြလျှောက်ထားရပါသည်။
လျှောက်လွှာနှင့်အတူ
1-မြေပိုင်ဆိုင်မှုအထောက်အထား(ပုံစံဂရန်)
2-မြေပုံ(မြေစာရင်းပုံစံ ၁၀၅)
3-မြေရာဇဝင်(မြေစာရင်းပုံစံ ၁၀၆)
4-ဆောက်လုပ်မည့်လိုင်စင်ရအင်ဂျင်နီယာ
5-အဆောက်အဦးပုံစံ(BQ)
6-ကုန်ကျစရိတ်တွက်ချက်မှုစာရင်း
7-အဆောက်အဦးဧရိယာအကျယ်အဝန်း တို့ကိုတင်ပြလျှောက်ထားရပါသည်။

ဆောက်လုပ်ခွင့်ပြုခြင်း အစိမ်းဘုတ်

စည်ပင်(အင်ဂျင်နီယာဌာန)မှကွင်းဆင်းစစ်ဆေးကြည့်ရှုပြီးနောက်ကျေနပ်မှုရှိပါက၄င်းတို့ခွင့်ပြုသောပုံစံအတိုင်း
လူနေထိုင်ရန် (သို့) လုပ်ငန်းလုပ်ရန် စည်းကမ်းချက်များနှင့်အညီ "ဆောက်လုပ်ခွင့်ပြုသည့်အမိန့်"
ထုတ်ပေးပါသည်။
ထိုစာရွက်ကိုအများက ဘုတ်စိမ်းစာရွက်(အစိမ်းဘုတ်) ဟုခေါ်ကြသည်။
ထိုစာရွက်သည် ကနဦး အဆောက်အဦးဆောက်လုပ်ရန်ခွင့်ပြုမိန့်သာဖြစ်ပြီး၊ လူနေထိုင်ရန်ခွင့်ပြုမိန့်မဟုတ်ချေ။

အဆောက်အဦးပြီးစီးခြင်း BCC

အဆောက်အဦးများ ဆောက်လုပ်ပြီးစီးသည့်အခါပိုင်ရှင်က ကန်ထရိုက်တာနှင့် အင်ဂျင်နီယာများ၏ထောက်ခံတင်ပြချက်အရ စည်ပင်(အင်ဂျင်နီယာဌာန)မှ ပြီးစီးသည့်အဆောက်အဦးကိုလာရောက်စစ်ဆေးပါသည်။ ကျေနပ်မှုရှိပါက စစ်ဆေးရေးအဖွဲ့၏
စစ်ဆေးတင်ပြချက်အရ စည်ပင်သာယာကော်မတီ အင်ဂျင်နီယာဌါန(အဆောက်အအုံ) က ''အဆောက်အဦးပြီးစီးကြောင်း'' သက်သေခံလက်မှတ်၊ BCC (Building Completion Certificate)
ထုတ်ပေးပါသည်။
ထိုသက်သေခံလက်မှတ်ရှိပါမှအဆိုပါအဆောက်အဦးတွင်
လူနေခွင့်ရှိပါသည်။
BCC လက်မှတ်မရှိပဲနေထိုင်ပါကစည်ပင်မှအရေးယူခြင်းကိုခံရပါမည်။

ဆရာ့ထံသင်ယူထားသောစာသားများအားပြန်လည်ကူးယူဖော်ပြပါသည်။

#ဦးကျော်ကျော်မြင့်
BA (Law),LL.B
ကူးယူဖော်ပြပါသည်။