UKM Real Estate

12/04/2024

ကျောက်ဖြူအရှေ့ပိုင်းရပ်ကွက်မှာ ခြံကျယ်ကျယ်နဲ့နေချင်သူတွေအတွက်....💯👍

( 42 ' x 150 ' ) ပေ ၊ နှစ်ထပ်တိုက်တစ်လုံးပါ ၊

အပေါ်ထပ်ဘုရားခန်း ၊ ဧည့်ခန်းကျယ် ၊ မိသားစုခန်းတစ်ခန်း တစ်ယောက်ခန်းနှစ်ခန်း အနောက်ခန်းတစ်ခန်း ရေချိုး
ခန်း အိမ်သာပါ ၊

အောက်ထပ် ဧည့်ခန်းကျယ် မိသားစုခန်းတစ်ခန်း ထမင်းစားခန်း မီးဖိုချောင် ရေချိုးခန်းအိမ်သာပါ အခန်းတိုင်းနှင့်ဧည့်ခန်း အဲကွန်းပါ ၊

နောက်ကတိုက်တစ်လုံးစာခြံအလွတ်တစ်ခုပါပါမယ်။

ခေါ်စျေး - (5500) ညှို့နှိုင်း

📲 09-977201299 （Viber , Telegram )

08/01/2024

တကယ်တော့ ပစ္စည်းဥစ္စာပိုင်ဆိုင်မှုတွေဆိုတာ ကိုယ်နဲ့မ

ထိုက်တန်ဘူးဆိုတာမရှိပါဘူး။ တိကျသေချာပြီး ခိုင်မာတဲ့

ဆုံးဖြတ်ချက်တွေကို မြန်မြန်ဆန်ဆန်ချမှတ်နိုင်ဖို့ပဲလိုတာ

ပါ...💯👍

အိမ်ခြံမြေနဲ့ပက်သက်ပြီး Investment ပြုလုပ်ချင်လို့

ဖြစ်စေ ၊ မိမိပိုင်ဆိုင်မှုတွေကိုတိုးပွါးချင်လို့ပဲဖြစ်စေ

လူကြီးမင်းအနေနဲ့ရွေးချယ်မှုတွေပြုလုပ်နေရပြီဆိုရင်တော့

လူကြီးမင်းအတွက် အနာဂါတ်မှာတကယ့်ကိုအလားအလာ

ရှိစေပြီးအကျိုးဖြစ်ထွန်းစေမယ့် တိုက်ခန်း/ မြေနေရာ

လေးတွေကို အကြံပြုပေးလိုက်ပါတယ်။💯💯💯👍

✨ မန္တလေးမြို့(၁၉)လမ်း Main လမ်းမကြီးမှေးတင် ၊

မြို့ပက်လမ်းဆုံမှာရှိတဲ့ RC (၅) ထပ်တိုက်တစ်လုံးရောင်းဖို့ရှိပါမယ်ဗျ။

အကျယ်မျက်နှာစာ (၂၀/၅၅) ပေ

တောင်လှည့် (ဂရန်မြေ)

ခေါ်ဈေး သိန်း (၂၃၀၀၀)

✨ မန္တလေးမြို့(၆၂) လမ်း ၊ (၁၉ - ၂၀) ကြား ၊

KBZ Bank အနီးလုံးချင်းတိုက် တစ်လုံးရောင်းဖို့ရှိပါမယ်ဗျ။

ခေါ်စျေး သိန််း (၁၉၀၀၀)

အသေးစိတ်သိရှိလိုပါက...

📲09977201299 (Viber / Telegram)

26/12/2023

အိမ်မက်တွေကစျေးကြီးတယ်တဲ့

တန်းဖိုးကြီးတဲ့ အိမ်မက်တွေကို ...စျေးမကြီးဘဲ မှန်မှန်ကန်ကန်နဲ့ အမြန်ဆုံးအကောင်အထည်ဖော်လို့ရတဲ့ .. နေရာတစ်ခုရှိနေပြီ
ဒီလိုဆိုရင်တော့ .. အိမ်မက်တွေကစျေးမကြီးတော့ဘူးပေါ့နော် 🤗🤗

ပြင်ဦးလွင်ရဲ့ ဆင်ခေါင်းလေးရွာအဝင်

ပြင်ဦးလွင်ကန်တော်ကြီး ကနေ ၆ မိနစ်ပဲ မောင်းရပြီး

ရှုခင်းလဲကောင်း ရွာမြေလဲဖြစ်၊ပိုင်ဆိုင်မှုကခိုင်မာတဲ့အပြင်

အကျယ်ကလည်း ၅၀ x ၁၅၅ RC တိုက်တစ်လုံးပါ ပါတယ်ဗျ။

မှတ်ချက် ။ ။ ရောင်းဝယ်စာချုပ်ချုပ်ရင် ရှေ့နေနဲ့ ချုပ်ပေးပါမယ်ဗျ။


#09977201299

စိတ်၀င်စားလို့လာရောက်လေ့လာချင်တယ်ဆိုရင်တော့
အေးချမ်းဆိတ်ငြိမ်တဲ့ စိတ်ကူးထဲက အိမ်၀န်းလေးတစ်ခုပိုင်ဆိုင်ဖို့
နောက်ကျလို့မရလိုက်မဖြစ်ရလေအောင် ......
မြန်မြန်လေးဆက်သွယ်လိုက်တော့

10/12/2023

အခွန်ဆောင်မည့်သူများအတွက် ၂၀၂၃/၂၄ ခုနှစ် တန်ဖိုးဖြတ်(ရာပြတ်နှုန်းထား) အသစ်ထွက်တဲ့အတွက် အိမ်မြေ ဝယ်ခွန်အတွက် ရာဖြတ်တင်ပုံ တင်နည်းကိုပါဖော်ပြပေးလိုက်ပါတယ်။

ကျွန်တော်တို့တွေဟာ အခွန်ဆောင်တဲ့ နေရာမှာ ရာဖြတ်တန်ဖိုး မသိပဲ အခွန်ဆောင်လို့ မရပါဘူး။ ဒါကြောင့် ကျွန်တော် ဒီနေ့မှာ အိမ်မြေ ဝယ်ခွန်အတွက် ရာဖြတ်တင်ပုံ တင်နည်းလေးကို ပြောပြပေးပါ့မယ်ဗျ။

(၁) ၄လအတွင်း ချုပ်ဆိုထားသော အရောင်း အဝယ်စာချုပ် (မူရင်းနှင့်မိတ္တူ)

(၂) ၁နှစ်အတွင်း ရေးဆွဲထားသော ရောင်း/ဝယ်အတွက် မြေပုံမြေရာဇဝင်(၁၀၅/၁၀၆)။

(၃)အမည်ပေါက်မှ ရောင်းချခြင်း (သို့) မှတ်ပုံတင် ဆက်စပ်စာချုပ်များ။

(၄)ရှေ့/နောက်/ညာ မြေကွက်ဓာတ်ပုံ(၁)စုံ။

(၅)ဝယ်ယူသူ၏ အိမ်ထောင်စုစာရင်း (မူရင်းနှင့် မိတ္တူ )။

(၆)ဝယ်ယူသူက အိမ်မြေ လက်ခံရရှိပြီးကြောင်း ဝန်ခံချက်။

(၇)တင်ပြချက်အားလုံး မှန်ကန်ကြောင်းဝန်ခံချက်စတဲ့ ကာလတန်ဖိုး စီစစ်ရေးအဖွဲသို့ တင်ပြလျှောက်ထားရမှာ ဖြစ်ပါတယ်။

အိမ်ခြံမြေကို တရားဝင် ဝယ်ယူဖို့အတွက် စာချုပ်စာတမ်း မှတ်ပုံတင်ရုံးမှာ စာချုပ်မှတ်ပုံတင်ရပြီး အခွန်တံဆိပ်ခေါင်း များစွာကို ကပ်ရပါတယ်။

ရာဖြတ်လို့ခေါ်တဲ့ “ကာလတန်ဖိုး စိစစ်ရေးအဖွဲ့က သတ်မှတ်ပေးတဲ့ တန်ဖိုးရဲ့ ၄ % ဖိုးဝယ်ယူပြီး ကပ်ရပါတယ်။ အိမ်ခြံမြေဝယ်ရင် ဝယ်ယူမည့်ပစ္စည်းအတွက် “ရာဖြတ်” သတ်မှတ်ဈေးအတိုင်း ကိုယ့်မှာ “ငွေဖြူ” ရှိရင် ပိုပြီးသက်သာပါတယ်။ ငွေဖြူဆိုတာက ဝင်ငွေရလမ်းဖော်ပြနိုင်သောငွေ (သို့) အခွန်စည်းကြပ်ပြီးဖြစ်သောငွေကို ပြောတာပါ။ ငွေဖြူမရှိရင် သိန်း ၁၀၀၀ အောက်- ၃%၊ သိန်း ၁၀၀၀-၃၀၀၀ အထိ- ၅%၊ သိန်း ၃၀၀၀-၃၀၀၀၀ အထိ- ၁၀%၊ သိန်း ၃၀၀၀၀ အထက်- ၃၀% တို့ကို “ဝယ်ခွန်” အဖြစ်ပေးဆောင်ရမည်လို့ အခွန်ဥပဒေမှာလဲ ပြဌာန်းထားပါတယ်။

ထပ်တိုးတာလေးပါဗျ

ရောင်းသူက
ဂရံအမည်ပေါက်ဖစ်ရမယ်
အခွန်10%ဆောင်ရမယ်

Credit Myanmar House

08/12/2023

"ရောင်းသူတစ်ယောက်ရဲ့တာဝန်"

များသောအားဖြင့် ကျွန်တော်တို့တွေဟာ မိမိဝယ်ယူပိုင်ဆိုင်ထားတဲ့ အိမ် ၊ ခြံ ၊ မြေ တွေကို အကြောင်းအမျိုးမျိုးကြောင့် ပြန်လည်ရောင်းချတော့မယ်ဆိုရင် မိမိအနေနဲ့ ဘယ်လိုအရာတွေအပေါ်မှာ အပြည့်အဝတာဝန်ယူပေးရမယ် ၊ ဘယ်လိုအခြေအနေမျိုးတွေမှာဆိုရင်တော့ ဘယ်လိုလုပ်ဆောင်ရမယ်ဆိုတဲ့ ရောင်းသူတစ်ယောက်ရဲ့ တာဝန်တွေကို လူတော်တော်များများကမသိကြပါဘူး။

ဒီ့အတွက်ကြောင့် မိမိပိုင်ဆိုင်တဲ့ အိမ် ၊ ခြံ ၊ မြေ တွေကို ရောင်းချတော့မယ်ဆိုရင် မဖြစ်မနေသဘောပေါက် သိရှိနားလည်ထားရမယ့် ရောင်းသူတစ်ယောက်ရဲ့အခြေခံတာဝန်ဝတ္တာရားတွေကို မျှဝေပေးလိုက်ပါတယ်။

(၁) ပထမဦးဆုံးအချက်ကတော့ မိမိပိုင်ဆိုင်တဲ့ ရောင်းချလိုတဲ့ အိမ် ၊ ခြံ ၊ မြေ နဲ့ပက်သက်လို့ ပိုင်ဆိုင်ကြောင်းအထောက်အထားတွေ ၊ မူရင်းစာရွက်စာတမ်းတွေ ၊ အရှုပ်အရှင်းမရှိကြောင်းတွေ ၊ ရောင်းပိုင်ခွင်ရှိကြောင်းတွေ စတာတွေကို သေချာချပြရှင်းပြနိုင်ရပါမယ်။

(၂) မိမိရောင်းချလိုတဲ့ အိမ် ၊ ခြံ ၊ မြေ နဲ့ပက်သက်လို့ ဘယ်အရာတွေကတော့အားနည်းချက်တွေ ၊ ချို့ယွင်းချက်လေးတွေရှိတယ် ၊ ဘယ်အရာလေးတွေကတော့ အားသာချက်လေးတွေ ရှိတယ် စသဖြင့် ဝယ်ယူမည့်သူကို သေသေချာချာပွင့်ပွင့်လင်းလင်း ပြောဆိုရှင်းပြနိုင်ရပါမယ်။

(၃) တကယ်လို့ဝယ်ယူဘက်မှ မိမိရောင်းချလို့တဲ့ အိမ် ၊ ခြံ ၊ မြေ တွေနဲ့ပက်သက်လို့ အကြောင်းတစ်စုံတစ်ရာ မေးမြန်းလာခဲ့တယ်ဆိုပါစို့ ဒီလိုချိန်မှာ မိမိရောင်းသူအနေနဲ့ ပြန်လည်ဖြေကြားတဲ့ရတဲ့အခါ မိမိသိရှိထားသမျှ သတင်းအချက်အလက်တွေကို ရိုးသားစွာဖြင့် သေချာပြန်လည်ဖြေဆိုပေးရပါမယ်။

(၄) မိမိရောင်းချလိုက်တဲ့ အိမ် ၊ ခြံ ၊ မြေ တစ်ခုခုကအရောင်းအဝယ်ဖြစ်သွားခဲ့လို့ ဝယ်သူက စရံသာပေးချေထားစဥ်မှာလည်း အဆိုပါရောင်းလိုက်တဲ့ အိမ် ၊ ခြံ ၊ မြေ အားသေချာကြည့်ရှု့စောင့်ရှောက်ထားပေးရပြီး ကျန်ငွေအားလုံးရရှိတဲ့အခါမှသာ ဝယ်သူအားပစ္စည်းအကုန်လွှဲအပ်ပေးရမှာဖြစ်ပါတယ်။ဒီနေရာမှာ သတိပြုလိုတာက ရောင်းသူအနေနဲ့ မိမိရဲ့ အိမ် ၊ ခြံ ၊ မြေ ကို လက်ရှိကာလပေါက်စျေးအတိုင်း တန်ဖိုးတစ်ခုနဲ့ရောင်းချလိုက်တယ်ဆိုပါစို့ အဲ့ဒီ့အချိန်မှာ ဝယ်သူအနေနဲ့ ဆိုခဲ့တဲ့ အရောင်းအဝယ်စျေးရဲ့တန်ဖိုးကိုအားလုံး မလွှဲအပ်ဘဲနဲ့ ကျန်ငွေတချို့ထားရှိထားခဲ့ရင် ၎င်းကျန်ငွေအတွက် ရောင်းသူဘက်မှအတိုးရရှိနေမှာဖြစ်ပါတယ်။ပိုမြင်သာအောင်ပြောပြရရင် ရောင်းသူကမိမိရဲ့ အိမ် ၊ ခြံ ၊ မြေ ကိုသိန်း (၅၀၀၀) ကျပ်နဲ့ရောင်းတယ်ဆိုပါစို့ ထိုအချိန်မှာ ဝယ်သူထံမှ သိန်း (၄၇၀၀) ကျပ်ရရှိခဲ့လျှင် မိမိရောင်းလိုက်တဲ့ အိမ် ၊ ခြံ ၊ မြေ ကို၎င်းဝယ်သူဆီသို့ လွှဲပြောင်းပေးနိုင်ပါတယ်။ သို့သော်ကျန်ငွေ သိန်း (၃၀၀) အတွက်ကိုတော့ ရောင်းသူအနေနဲ့ အတိုးခံစားခွင့်ရှိမှာဖြစ်ပါတယ်။

(၅) မိမိ အိမ် ၊ ခြံ ၊ မြေ ကအရောင်းအဝယ်ဖြစ်သွားခဲ့လို့ ဝယ်သူ့ထံသို့အပြီးအပိုင်မလွှဲအပ်ထားရသေးခင်မှာလဲ အဆိုပါ အိမ် ၊ ခြံ ၊ မြေ နဲ့ပက်သက်တဲ့အခွန်အခတွေကို ရောင်းသူ (ပိုင်ရှင်) ကပေးဆောင်ပေးထားရမှာဖြစ်ပါတယ်။

(၆) နောက်ဆုံးမိမိရဲ့ အိမ် ၊ ခြံ ၊ မြေ ကို ဝယ်ယူမည့်သူက အကြောင်းအမျိုးမျိုးကြောင့် (၂) ဦး (၃) ဦးစုဝယ်ဲကြတယ်ဆိုပါစို့ ဒီအချိန်မှာ ရောင်းသူအနေနဲ့ မိမိရဲ့စာရွက်စာတမ်းအားလုံးကို အဆိုပါဝယ်သူ (၂) ဦး (သို့) ဝယ်သူ (၃) ဦးတို့ထဲတွင် ငွေအများဆုံးထည်ဝင်ပေးချေထားတဲ့သူကိုပဲ သေချာပေးအပ်ရမှာဖြစ်ပါတယ်။

အထက်ပါအကြောင်းအရာလေးတွေကတော့ အိမ် ၊ ခြံ ၊ မြေ ရောင်းသူတစ်ယောက်အနေနဲ့ တာဝန်ယူလုပ်ဆောင်ပေးရမယ့် အခြေခံအချက်လေးတွေပဲ ဖြစ်ပါတယ်ဗျား။

03/12/2023

" မသိမဖြစ်အိမ်ခြံမြေ "

သင်ကအိမ်ခြံမြေနဲ့ပက်သက်လို့ ခုမှစတင်လေ့လာနေတဲ့သူတစ်ယောက်ဆိုရင် ဒီအချက်လေးတွေကို မဖြစ်မနေသိရှိနားလည်အောင်လုပ်ဆောင်ဖို့လိုအပ်ပါမယ်။

🧩 Knowledge

ဦးစွာပထမ အိမ်ခြံမြေနဲ့ပက်သက်ပြီး အခြေခံသဘောတရားရင်းမြစ်တွေကို သင်ကိုယ်တိုင် ရင်းနှီးကျွမ်းဝင်လာအောင်လုပ်ဆောင်ဖို့လိုပါမယ်။ ဘယ်လိုစတင်မလဲဆိုရင်တော့ အိမ်ခြံမြေနဲ့ပက်သက်တဲ့စာအုပ်တွေကိုလေ့လာမယ် ၊ ဆွေးနွေးပွဲတွေကိုတက်ရောက်မယ် ၊ အွန်လိုင်းကနေ အိမ်ခြံမြေနဲ့ပက်သက်တဲ့အကြောင်းအရာတွေကိုလေ့လာမယ် နောက်ဆုံး မိမိကအိမ်ခြံမြေနဲ့ပက်သက်လို့ ပရော်ဖက်ရှင်နယ်တစ်ယောက်အနေနဲ့ မိမိရဲ့ အသက်မွေးဝမ်းကြောင်းအဖြစ်ရွေးချယ်ထားတယ်ဆိုရင်တော့ အိမ်ခြံမြေနဲ့ပက်သက်တဲ့သင်တန်းတွေကို မဖြစ်မနေတတ်ရောက်ဖို့ လိုအပ်ပါမယ်။

🧩 Market Research

မိမိအနီးအနား ပက်ဝန်းကျင်မှာရှိတဲ့ အိမ်ခြံမြေနဲ့ပက်သက်တဲ့ဈေးကွက်အခြေအနေတွေ ဒါမှမဟုတ်ရင်လဲ မိမိစိတ်ဝင်စားတဲ့ အိမ်ခြံမြေစျေးကွက်တွေကို စတင်စောင့်ကြည့်လေ့လာနေရပါမယ် ။ ဒီလိုလေ့လာတဲ့နေရာမှာလဲ အိမ်ခြံမြေတန်ဖိုးတွေ ၊ လက်ရှိအိမ်ခြံမြေစျေးကွက်က ဘယ်လိုအခြေအနေတွေဖြစ်နေတယ်ဆိုတာတွေ ၊ အိမ်ခြံမြေနဲ့ပက်သက်တဲ့ ငှားရမ်းခနှုန်းထားတွေနဲ့ စျေးကွက်အပေါ်သက်ရောက်မှုရှိတဲ့ နိုင်ငံရေး ၊ စီးပွားရေးအခြေအနေတွေကို သေသေချာချာသိရှိနားလည်ပြီး ဝေဖန်ပိုင်းခြားနိုင်ဖို့လိုပါတယ်။ ဒီလိုအိမ်ခြံမြေနဲ့ပက်သက်တဲ့ စျေးကွက်အခြေအနေတွေကို သေချာသဘောပေါက်သိရှိနားလည်ထားမယ်ဆိုရင် မိမိအနေနဲ့ မှန်ကန်တဲ့ Decision Making တွေကိုကောင်းကောင်းချမှတ်နိုင်မှာဖြစ်ပါတယ်။

🧩 Network

ဒီနေရာမှာ အိမ်ခြံမြေနဲ့ပက်သက်လို့ တကယ့်ကိုကျွမ်းကျင်ပြီး Professional ကျတဲ့ပညာရှင်များစွာနဲ့ သေချာချိတ်ဆက်ပြီးတော့ Network တည်ဆောက်ထားဖို့လိုပါတယ်။ ဒီလို Network တွေကိုဖန်တီးတည်ဆောက်တဲ့နေရာမှာလဲ အိမ်ခြံမြေနဲ့ပက်သက်တဲ့ တွေ့ဆုံပွဲတွေ ၊ ပြည်တွင်းအိမ်ခြံမြေရင်းနှီးမြှုပ်နှံသူများတွေ့ဆုံပွဲတွေ စတဲ့အခမ်းအနားပွဲတွေကိုတက်ရောက်သင့်ပါတယ်။ ဒီဘက်ခေတ်မှာဆိုလဲ အွန်လိုင်း ပလပ်ဖောင်းတွေကနေတစ်ဆင့် အိမ်ခြံမြေအေးဂျင့်တွေ ၊ ပွဲစား​တွေ ၊ ရင်းနှီးမြှုပ်နှံသူတွေနဲ့ ကောင်းမွန်တဲ့ Network တစ်ခုကို တည်ဆောက်ထားဖို့လိုအပ်ပါတယ်။ တကယ်တော့ ကောင်းမွန်တဲ့ Network တွေမိမိမှာရှိနေခြင်းက တကယ့်ကိုအဖိုးတန်တဲ့ အခွင့်အလမ်း​တွေအပြင် မိမိရဲ့အနာဂါတ်အတွက် ကြီးမားတဲ့ပြောင်းလဲမှုတွေကို ဖြစ်ပေါ်သွားစေပါလိမ့်မယ်။

🧩 Financing

ကျွန်တော်တို့ အိမ်ခြံမြေရင်းနှီးမြှုပ်နှံမှုများအတွက် မတူညီတဲ့ ငွေကြေးဆိုင်ရာ ရွေးချယ်မှုတွေကို သေချာသဘောပေါက်သိရှိထားဖို့ အလွန်အရေးကြီးပါတယ် ။ အိမ်ခြံမြေနဲ့ပက်သက်​ပြီး ငွေကြေးဆိုင်ရာ ရွေးချယ်မှုတွေကိုသဘောပေါက်သိရှိနိုင်ဖို့အတွက် အပေါင်ခံချေးငွေတွေ ၊ ပုဂ္ဂလိကချေးငွေတွေအပြင် အခြားသောဘဏ္ဍာရေးဆိုင်ရာ အခြေခံဗဟုသုတတွေကို ကောင်းကောင်းသိရှိနားလည်ထားရပါမယ်။ ကျွန်တော်ကတော့ Online က​​ဖြစ်စေ ၊ Bank ကအသိမိတ်ဆွေတွေကိုဖြစ်စေ ဘယ် Banks တွေကတော့ဘယ်လိုမျိုး စည်းမျဥ်းစည်းကမ်းတွေချမှတ်ပြဌာန်းထားတယ် ၊ လက်ရှိ Bank အတိုးနှုန်းတွေကတော့ဘယ်လောက်ရှိနေတယ် စသဖြင့် ငွေကြေးဆိုင်ရာသဘောတရားတွေကို လေ့လာခဲ့ပါတယ်။ ဒီလိုမိမိအနေနဲ့ အိမ်ခြံမြေနဲ့ပက်သက်လို့ ငွေကြေးဆိုင်ရာရွေးချယ်မှုတွေကို ကောင်းကောင်းသိရှိနားလည်ထားမယ်ဆိုရင် သင့်ရဲ့အိမ်ခြံမြေလုပ်ငန်းနဲ့ပက်သက်လို့ ငွေကြေးဆိုင်ရာဆုံးဖြတ်ချက်တွေကို မည်သည့်အခြေအနေမျိုးမှာမဆို ကောင်းကောင်းချမှတ်နိုင်လာပါလိမ့်မယ်။

🧩 Property Analysis

တကယ့်ကို အလားအလာရှိပြီး အမြတ်အစွန်းရရှိနိုင်မယ့် အိမ်ခြံမြေတွေကို ရောင်းဝယ်ပြုလုပ်တဲ့အခါမှာ မှန်မှန်ကန်ကန်အကဲဖြတ်ဆုံးဖြတ်နိုင်ဖို့ အိမ်ခြံမြေစျေးကွက်နဲ့လက်ရှိအိမ်ခြံမြေအရွေ့တွေကို အချိန်နဲ့တစ်ပြေးညီ သိရှိနေဖို့လိုပါတယ် ။ ဒါမှသာ ဘယ်မြို့နယ်တွေကတော့ လက်ရှိအိမ်ခြံမြေစျေးကွက်မှာ Hot ဖြစ်နေတယ် ၊ ဘယ်မြို့နယ်တွေကတော့ အိမ်ခြံမြေစျေးကွက်အေးနေတယ် စတာတွေနဲ့ပက်သက်လို့ လက်ရှိဖြစ်ပေါ်နေတဲ့ အခြေအနေ ၊ အနေအထားတွေအားလုံးအပေါ်မှာ သေချာခွဲခြမ်းစိတ်ဖြာနိုင်အောင် လေ့လာထားရပါမယ်။ ဒီတော့ ဘာတွေကိုလေ့လာရမလဲဆိုရင် လက်ရှိငွေကြေးစီးဆင်းမှုတွေ ၊ အတိုးနှုန်းထားတွေ ၊ ရင်းနှီးမြှုပ်နှံမှုအပေါ် မှာ​ပြန်လည်ရရှိလာနိုင့်မယ်အကျိုးအ​မြတ်ဆိုတဲ့ (ROI) တွေအပြင် အိမ်ခြံမြေနဲ့ပက်သက်လို့ ပိုင်ဆိုင်မှုတန်ဖိုးဖြတ်​ခြင်း နည်းလမ်းတွေ ၊ သဘောတရားတွေကို သိရှိနားလည်လာ​အောင်လုပ်ဆောင်ထားသင့်ပါတယ် ။ဆိုခဲ့တဲ့အချက်လေးတွေကို သေချာသဘောပေါက်သိရှိနားလည်ထားမယ်ဆိုရင်ဖြင့် မိမိအနေနဲ့ အိမ်ခြံမြေနဲ့ပက်သက်ပြီး ခွဲခြမ်းစိတ်ဖြာနိုင်မှုတွေကို ပြုလုပ်တဲ့အခါမှာများစွာ​သော အထောက်အပံ့တွေဖြစ်စေမယ့်အပြင် မိမိအတွက် အကျိုးအမြတ်များတဲ့ ရင်းနှီးမြှုပ်နှံမှုအခွင့်အလမ်းတွေကိုရှာဖွေဖော်ထုတ်တဲ့နေရာမှာလဲ များစွာအကူအညီဖြစ်စေပါလိမ့်မယ်။

🧩 Start Small

အိမ်ခြံမြေလောကထဲကို မိမိအနေနဲ့ခုမှ စတင်ဝင်ရောက်လာတဲ့ ကျွန်တော့်ရဲ့ညီကိုမောင်နှမ တွေကိုကျွန်တော့်အနေနဲ့ အကြုံပြုလိုတာကတော့ အိမ်ခြံမြေနဲ့ပက်သက်လို့ မိမိအနေနဲ့ ​​သေးသေးလေးကနေစပြီး မိမိရဲ့အိမ်ခြံမြေခရီးကိုစတင်ဖို့ဖြစ်ပါတယ်။ သေးသေးလေးကစတင်ပါဆိုတာက မိမိအနေနဲ့ခုမှအိမ်ခြံမြေလောကထဲကိုစတင်ဝင်ရောက်လာတာဖြစ်တဲ့အတွက်ဖြစ်ပါတယ်။ ပထမဦးဆုံး မိသားစုတစ်စုအိမ် ၊ နှစ်ထပ် ၊ အသေးစားအငှားအိမ်လေးတွေ စသဖြင့်​ သေးငယ်တဲ့အရာတွေကနေ စတင်ရင်းနှီးမြှုပ်နှံဖို့ (သို့) ရောင်းဝယ်ပြုလုပ်တာကိုဆိုလိုတာ​ဖြစ်ပါတယ်။
ဒီလိုနဲ့မိမိအနေဖြင့် အိမ်ခြံမြေလောကအကြောင်းကို (သို့) အိမ်ခြံမြေစျေးကွက်အကြောင်းကို တစ်ဖြည်းဖြည်းသဘောပေါက်သိရှိနားလည်လာပြီး မတူညီတဲ့အတွေ့အကြုံသစ်တွေကိုရရှိလာမယ် ၊ အိမ်ခြံမြေစီမံခန့်ခွဲမှုဆိုင်ရာသဘောတရားတွေကို နားလည်လာမယ့်အပြင် နောက်ဆုံးမိမိအနေနဲ့ အလွန်အကျွံစွန့်စားမှုမရှိစေဘဲ အိမ်ခြံမြေရင်းနှီးမြုပ်နှံမှု၏ရှုပ်ထွေးမှုတွေကို လေ့လာနိုင်မှာဖြစ်ပါတယ်။

🧩 Stay Update

အိမ်ခြံမြေသည် စျေးကွက်အခြေအနေတွေ ၊ စည်းမျဉ်းတွေ နဲ့ စီးပွားရေး ၊ နိုင်ငံရေးအခြေအနေပြောင်းလဲမှုတွေအပေါ်မှာ လွှမ်းမိုးသက်ရောက်မှုရှိတဲ့လုပ်ငန်းတစ်ခုဖြစ်ပါတယ်။ ဒါ့ကြောင့် အိမ်ခြံမြေနဲ့ပက်သက်တဲ့သတင်းတွေ ၊ ပြောင်းလဲလာတဲ့ခေတ်ရေစီးကြောင်းအခြေအနေတွေ ၊ ဥပဒေရေးရာပြောင်းလဲမှုတွေနဲ့ ပက်သက်လို့မိမိအနေနဲ့ အဆိုပါသတင်းအချက်အလက်တွေကို အချိန်နဲ့တစ်ပြေးညီသိရှိထားဖို့လိုပါတယ်။ ကျွန်တော့်ကတော့ အိမ်ခြံမြေနဲ့ပက်သက်လို့အမြဲတမ်း Update ဖြစ်နေစေဖို့အတွက် အိမ်ခြံမြေဆိုင်ရာဥပဒေပြဌာန်းချက်တွေ ၊ အိမ်ခြံမြေနဲ့သက်ဆိုင်တဲ့ Website တွေ ၊ page တွေအပြင် လက်ရှိအိမ်ခြံမြေအသင်းအဖွဲ့တွေမှာရှိတဲ့ Professional ဆရာသမားမိက်ဆွေတွေထံမှ ပြောင်းလဲသွားတဲ့ Update Information တွေနဲ့ပက်သက်လို့မေးမြန်းဆွေးနွေးမှုတွေမကြာခဏလုပ်ဆောင်လေ့ရှိပါတယ်။

ဒီနေရာမှာသိရှိထားရမှာက မိမိအနေနဲ့ အိမ်ခြံမြေနဲ့ပက်သက်လို့လေ့လာတဲ့အခါမှာ အိမ်ခြံမြေဆိုတာက စဥ်ဆက်မ​ပြတ်ဆက်လက်​ဖြစ်ပေါ်လုပ်ဆောင်နေတဲ့လုပ်ငန်းစဉ်တစ်ခုဖြစ်ပြီးတော့ အတွေ့အကြုံက မိမိရဲအကောင်းဆုံးဆရာဖြစ်တယ်ဆိုတာကိုသတိရဖို့ဖြစ်ပါတယ်။ မိမိက တစ်ဖြည်းဖြည်းအိမ်ခြံမြေနဲ့ပက်သက်တဲ့အသိပညာတွေ ၊ မိမိကိုယ်ကိုမိမိယုံကြည်စိတ်ချမှုတွေ ရရှိလာသည်နှင့်အမျှ မိမိရဲ့ရည်မှန်းချက်တွေနဲ့ အခြေအနေတွေအပေါ်မှာ အခြေခံပြီးတော့ ပုဂ္ဂိုလ်ရေးအရသီးသန့်အကြံဉာဏ်များပေးနိုင်တဲ့ အတွေ့အကြုံရှိ ကျွမ်းကျင်ပညာရှင်တွေ (သို့) လမ်းညွှန်ပေးသူတွေကိုသေချာရှာဖွေထားရှိသွားပါလို့အကြံပြုရင်းနိဂုံးချုပ်လိုက်ရပါတယ်ခင်ဗျ။

#အိမ်ခြံမြေနဲ့ပက်သက်တဲ့အသိပညာဗဟုသုတတွေတိုးပွါးလာစေဖို့အတွက်UKM_Real_Estate_PageလေးကိုLike_&_Shareပြုလုပ်ထားပါဦးဗျ။



📲 09977201299 (Viber / Telegram)

05/10/2023

မေး။ ခုဝယ်မယ့်မြေကွက်က ဘိုးဘွားပိုင်မြေကို အရပ်အရောင်းအဝယ်စာချုပ်ပဲရှိပါတယ်။ ဒါကိုဝယ်လိုက်မယ်ဆိုရင် ပုံစံ ၁၀၅ နဲ့ဂရန်လျှောက်ရင်ဘယ်လိုလုပ်ရပါမလဲ။ အခွန်ကိုကောဘယ်နှစ်ရာခိုင်နှုန်းဆောင်ရပါမလဲ။စာချုပ်တဲ့အခါ စာချုပ်ခေါင်းကဘယ်လောက်တန်ဖြစ်ရပါမလဲ။ ဖြေပေးပါနော်။ သေချာဂဃနဏ နားမလည်လို့ပါ။ ကျေးဇူးတင်ပါတယ်။

ဖြေ။ မေးတာက ဘိုးဘွားပိုင်မြေ လို့ပြောတာက ရွာမြေကိုပြောတာလား။ ပုံစံ-၁၀၅(မြေတိုင်းမြေပုံ)ထွက်ပြီလား၊ ဂရန်လျှောက်ချင်လို့ ဘယ်လိုလုပ်ရမလဲ မေးတာထင်တယ် ဘိုးဘွားပိုင်မြေ လို့ရွာတွေမှာခေါ်ကြတဲ့ ရွာမြေဟာ မြေစာရင်းမှာသွားကြည့်ရင် ဥယျာဉ်ခြံမြေ အမျိုးအစား သတ်မှတ်ထားတာ တွေ့ရပါတယ်။ ဥယျာဉ်ခြံမြေ စာရင်းထဲမှာ ပါသွားပြီဆိုကတည်းက အခွန်ဆောင်ဖို့ မလိုသေးပါဘူး.. တံဆိပ်ခေါင်း၀ယ်ချင်ရင်တော့ အရပ်ကတိအရောင်းအ၀ယ် စာချုပ်ချုပ်ဖို့အတွက် ၃၀၀ိ/-တံဆိပ်ခေါင်း ပေါ်မှာ စာချုပ်ရပါတယ် ပုံစံ-၁၀၅ကိုလည်း မစဉ်းစားပါနဲ့ဦး ဂရန်လျှောက်ပုံအရင် ရှင်းပြပါရစေဦး။ ရွာမြေလို့ခေါ်တဲ့ ဥယျာဉ်ခြံမြေ ဂရန်မလျှောက်ခင် လယ်ယာမြေလုပ်ပိုင်ခွင့် လက်မှတ်(ပုံစံ-၇)အရင်လျှောက်ရပါတယ်။ (ပုံစံ-၇) ရပြီးတဲ့အခါကျမှ အခြားနည်းသုံးစွဲခွင့် (ဥပမာ။ ။ ဂရန်လိုမျိုးပေါ့) လျှောက်ယူရပါတယ်။ တင်ပြရတဲ့အဆင့်တွေကတော့ ရပ်ကွက်/ကျေးရွာ၊ မြို့နယ် ၊ခရိုင်၊ တိုင်းနဲ့ဗဟိုလယ်ယာမြေစီမံခနိ့ခွဲရေး အဖွဲ့ထံက ခွင့်ပြုချက်ရတဲ့အထိ တင်ပြရပါတယ်။ ဗဟိုရဲ့ခွင့်ပြုချက်အရ အခြားနည်းသုံးစွဲခွင့် ရပြီဆိုရင် နိုင်ငံတော်ကသတ်မှတ်နှုန်းထားအတိုင်း ငွေသွင်းရပါတယ်။ အခွန်ဆောင်စရာ မလိုပါ။ ဂရန်ကဲ့သို့ သုံးစွဲခွင့်ရပါတယ် လို့ဖြေကြားပေးလိုက်ပါတယ်။
အိမ်ခြံမြေ ရောင်းဝယ်ငှား အတွက်ယုံကြည်စွာချိတ်ဆက်နိုင်ပါတယ်ခင်ဗျ

04/10/2023

“အိမ်ခြံမြေဝယ်မယ်ဆိုရင်”

မြေတစ်ကွက်ဝယ်ရင်ဘယ်လိုလုပ်ရမှာလဲ၊
ဘာတွေလိုအပ်သလဲ စသည်ဖြင့် မေးမြန်းသူတို့ သိသာရန်အတွက် အောက်ဖော်ပြပါ စာစုကလေးကို ဖော်ပြပေးလိုက်ပါသည်။

(၁) ဝယ်ယူမည့် မြေကွက်၏ ဂရံ၊ ပါမစ်၊ စလစ် စတာတွေကို အရင်စစ်ရပါမည်။
၄င်းတို့ကိုထုတ်ပေးသည် ဌာနများဖြစ်သည့်( နေပြည်တော်၊ရန်ကုန်၊ မန္တလေးတို့တွင် ဆိုက စည်ပင်သာယာရေးကော်မတီ၊ မြို့ပြနှင့်မြေယာစီမံခန့်ခွဲမှုဌာန တွင်လည်းကောင်း၊ အခြားတိုင်းဒေသကြီးနှင့် ပြည်နယ် တို့တွင် ခရိုင်အထွေထွေအုပ်ချုပ်ရေးဦးစီးဌာနတို့တွင်လည်းကောင်းသွားရောက်စစ်ဆေးရပါသည်။ မြို့ပြနှင့်အိမ်ရာ ဖွံ့ဖြိုးရေးဦးစီးဌာန တို့တွင် သွားရောက်စစ်ဆေးရန်ဖြစ်သည်။

(၂) ထိုသို့စစ်ဆေးရာ ရောင်းချမည့်သူ အမည်ပေါက်မြေကွက်မှန်ကန်ကြောင်းတွေ့ရှိရပါက အဆိုပါမြေကွက်ကို ဝယ်ယူမည်ဖြစ်၍ ကန့်ကွက်ရန် ရှိ မရှိ သတင်းစာတွင် ကြော်ငြာရပါမည်။

(၃) ကန့်ကွက်သူမရှိပါက စရံပေးစာချုပ် ချုပ်ဆိုရန်ဖြစ်ပါသည်။ ( ဥပမာ ကျပ်သိန်းတစ်ထောင်တန်သောမြေကွက်ဖြစ်ပါက ကျပ်သိန်း တစ်ရာကို ပေး၍ စာချုပ်ရန်ဖြစ်သည်။

(၄) ဝယ်ယူမည့် မြေကွက်ပေါ်တွင် ကျူးကျော်သူမရှိစေရပါ။ ( ဥပမာ ဂိုဒေါင်စောင့်လင်မယားနေတာမျိုး) အဆိုပါ နေထိုင်သူမျိုးကို ဖယ်ပေးရန်အတွက် မြေရှင်ကို ပြောရပါမည်။ ( မြေရှင်က သုံးလလောက် တော့နေထိုင်ခွင့်ပေးပါဟုဆိုလျှင် ဒါဆိုရင် ကျွန်တော်တို့လည်း အစောင့်လင်မယားဖယ်ပြီးမှ ကျန်ငွေကိုချေတော့မယ်ဟုပြောပါ။ ဒါဆိုရင်တော့ မြေရှင်ဟာ ကျန်ငွေ ကျပ်သိန်း(၉၀၀) ကိုလိုချင်သူမို့ ဖယ်ပေးပါလိမ့်မယ်။

(၅) ကျူးကျော်နေထိုင်သူတွေဖယ်ပြီးပါက ငွေကျန်ချေပြီးရင် မြေကွက်နဲ့သက်ဆိုင်တဲ့ စာရွက်စာတမ်းအကုန်ပေးရမယ်နော်ဟု ပြောရပါမယ်။ ( ဥပမာ- အဝိစိတွင်းတူးပါမစ်၊ ပါဝါမီတာ စတာမျိုးတွေဖြစ်ပါတယ်) ( စာရွက်စာတမ်းမူရင်းစာတမ်းအားလုံးကို တောင်းယူရန်ဖြစ်သည်။)

(၆) ၄င်းနောက် မြေရှင်က အက်စ်ပီ( အထူးကိုယ်စားလှယ်လွှဲစာ) ပေးရမည်ဟုပြောပါ၊ ကိုယ်စားလှယ်လွှဲစာတွင် ဝယ်ယူမည့်မြေကွက်နှင့်ပတ်သက်၍ အကုန်လွှဲအပ်သည့် အကြောင်းပါရှိရပါမည်။

(၇) ဝယ်ယူမည့်မြေကွက် မြေပုံ ( အများပြောနေကြတဲ့ ၁၀၅၊ ၁၀၆ ကို ) ကိုပိုင်ရှင်က ထုတ်ထားပေးပါဟုပြောရပါမည်။

(၈) ၄င်းနောက် ငွေအကြေချေသည့် စာချုပ်ပါ၊၊ အထက်ကပြောခဲ့သည့် စာရွက်စာတမ်းများ အားလုံးကိုရယူပါ။ မြေကွက်ကို လက်ရောက်ရယူပါ။

(၉) မပြီးသေးပါ၊ မိမိဝယ်ယူမည့် အိမ်ခြံမြေတည်ရှိရာ မြို့နယ်အခွန်ဦးစီးဌာနမှူးရုံးတွင် သတ်မှတ်စံနှုန်းများအား ကြော်ငြာသင်ပုန်းတွင် ဖော်ပြထားပါသည်။ ရပ်ကွက်အလိုက်၊ လမ်းအလိုက် စံနှုန်းများ၊ အဆောက် အအုံများပါရှိပါက အဆောက် အအုံအမျိုးအစားအလိုက် သတ်မှတ်သည့် စံနှုန်းများ( တစ်ပေလျှင် မည်မျှ ကုန်ကျမည့်တွက်ချက်သည့် PAE နှုန်း) တို့ကို ဖတ်ရှုပြီး တွက်ချက်နိုင်ပါသည်။

(၁၀) ကာလတန်ဖိုးစိစစ်သတ်မှတ်နိုင်ရန် အထက်ဖော်ပြပါ စာရွက်စာတမ်းအထောက်အထားများကို အိမ်ခြံမြေတည်ရှိရာ တိုင်းဒေသကြီး ကာလတန်ဖိုး စိစစ်သတ်မှတ်ရေး အဖွဲ့ရုံး သို့မဟုတ် မြို့နယ်အခွန်ဦးစီးဌာနမှူးရုံးတွင်သာ တင်ပြရမည်ဖြစ်ပါသည်။ မြို့နယ်ရုံးက မိမိတန်ဖိုးသတ်မှတ်ထားသည့် နှုန်းထားဖြင့် အရောင်းအဝယ်စာချုပ်ကို မြို့နယ်အခွန်ဦးစီးဌာနမှူးရုံးတွင် တင်ပြပါက သူက အထက်အဆင့်ဆင့်ရုံးများသို့ဆက်လက် တင်ပြသွားမည်ဖြစ်ပါသည်။

(၁၁) ကျသင့်ငွေ တံဆိပ်ခေါင်းခွန်ပေးဆောင်ခြင်း
အိမ်ခြံမြေဝယ်ယူသူအနေဖြင့် ကာလတန်ဖိုးစိစစ်သတ်မှတ်ရေးအဖွဲ့က သတ်မှတ်သည့် ဝယ်ယူသည့် တန်ဖိုးအပေါ် မိမိတင်ပြနိုင်သည့် ဝင်ငွေရလမ်းအထောက်အထားများ တင်ပြပြီး ဝင်ငွေ ခွန်စိစစ်မှု ကို ခံ ယူရန်လိုအပ်ပါသည်။ စည်းကြပ်မှု လွှတ်ကင်းနေသော ဝင်ငွေ ပေါ်ပေါက်ပါက နှစ်စဉ်ပြဌာန်းသည့် ပြည်ထောင်စု၏ အခွန်အကောက်ဥပဒေပါ နှုန်းထားအတိုင်း ပေးဆောင် ရမည်ဖြစ်ပါသည်။

(၁၂) မြန်မာနိုင်ငံတစ်ှမ်းလုံးရှိ မည်သည့်မြို့နယ်တွင် တည်ရှိသည့် အိမ်ခြံမြေကို ဝယ်ယူသည်ဖြစ်စေ၊ ပေးကမ်းသည်ဖြစ်စေ၊ သတ်မှတ်သည့် ကာလတန်ဖိုးအပေါ်တွင် တံဆိပ်ခေါင်းခွန် ၂ ရာခိုင်နှုန်း အပြင် အပိုတံဆိပ်ခေါင်းခွန် ၂ ရာခိုင်နှုန်း၊ ( စုစုပေါင်း ၄ ရာခိုင်နှုန်း) ကိုထမ်းဆောင်ရပါမည်။

(၁၃) မြို့နယ်အခွန်ဦးစီးဌာနမှူးရုံးက တွက်ချက်ပေးထားသည့် ဝင်ငွေခွန်နှင့် တံဆိပ်ခေါင်းခွန် ငွေသွင်းချလံတို့ဖြင့် သက်ဆိုင်ရာမြို့နယ်ရှိ မြန်မာ့စီးပွားရေးဘဏ်တွင် ပေးဆောင်ရပါမည်။ ( မေတ္တာဖြင့် ပေးကမ်းခြင်းဖြစ်ပါက ဝင်ငွေခွန်ပေးဆောင်ရန် မလိုဘဲ တံဆိပ်ခေါင်းခွန်သာထမ်းဆောင်ရမည်ဖြစ်ပါသည်။)

(၁၄) ငွေသွင်းပြီးသည့် ဝင်ငွေခွန်နှင့် တံဆိပ်ခေါင်းခွန် ငွေသွင်းချလံ မူရင်း/ မိတ္တူတို့ကို မြို့နယ်အခွန်ဦးစီးဌာနရုံးတွင် ပြသ၍ စာချုပ် ချုပ်ဆိုရန် တံဆိပ်ခေါင်းထုတ်ယူရပါမည်။

(၁၅) အိမ်ခြံမြေဝယ်ယူသူအနေဖြင့် ဝင်ငွေခွန်ဥပဒေပုဒ်မ ၅၃ အရ ဝင်ငွေခွန်တောင်းခံလွှာ ပုံစံ ပတခ (ဝင) - ၈ နှင့် အတူ မြန်မာ့စီးပွားရေးဘဏ်တွင် ပေးဆောင်ပြီးသည့် ကျသင့်ဝင်ငွေခွန် နှင့် တံဆိပ်ခေါင်းခွန်ချလံ ဖြတ်ပိုင်းမူရင်းများ၊ တံဆိပ်ခေါင်းခွန် အပြည့်အဝ ကပ်နှိပ်ထမ်းဆောင်ထားသည့် စာချုပ်စာတမ်းမူရင်းများနှင့် ရန်ကုန်တိုင်းဒေသကြီးနှင့် မန္တလေးတိုင်းဒေသကြီး စည်ပင်သာယာရေးနယ်နိမိတ်အတွင်းရှိ မြို့နယ်များဖြစ်ပါက စာချုပ်စာတမ်း မှတ်ပုံတင်ရုံး သို့လည်းကောင်း၊ ပြည်ထောင်စုနယ်မြေနှင့် ကျန်တိုင်းဒေသကြီး/ ပြည်နယ်အတွင်းရှိ မြို့နယ်များဖြစ်ပါက မြို့နယ်လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာနမှူးရုံးများသို့ သွားရောက်၍ စာချုပ်စာတမ်းများကို မှတ်ပုံတင်ကြရပါမည်။

အထက်ဖော်ပြပါ လုပ်ငန်းစဉ်များကို ဆောင်ရွက်သွားရန်ဖြစ်ပါသည်။ နောက်မှ အမည်ပေါက်ပြောင်းတာ ဘာညာတွေကို လုပ်စရာရှိပါသေးသည်။ ဤမျှလောက်ဆိုလျှင် အတော်အသင့် သိသင့်ပြီဟုထင်ပါသည်။

# ပြည်တွင်းအခွန်များဦးစီးဌာန၏လုပ်ငန်းစဥ်များထုက်ပြန်ချက်။

#အိမ်ခြံမြေနဲ့ပက်သက်တဲ့ဗဟုသုတများကိုယခုPageတွင်တင်ပေးသွားမှာဖြစ်တဲ့အတွက်Likeနဲ့Followလုပ်ထားဖို့မမေ့နဲ့နော်...။


09951907368

- ပြည်တွင်းအခွန်များဦးစီးဌာန၏ လုပ်ငန်းစဉ်များ ထုတ်ပြန်ချက်

Real Estate