28/07/2018
မြေအမျိုးအစား တစ်ခုချင်းစီ၏ အသုံးဝင်ပုံများ
၁။ (က) မြေပိုင်မြေ (ခ) ဘိုးဘွားပိုင်မြေ (ဂ) ဂရန်ရှိမြေပိုင်မြေ
ဘိုးဘွားမိဘလက်ထက်ကပင် ဓားမဦးချပိုင်ဆိုင်လာ၍ လွှဲပြောင်းဆက်ခံခွင့်ရှိသော မြေမျိုးဖြစ်သည်။
(၁) မြေအမည်ပေါက် ကိုယ်တိုင်ရောင်းချခွင့် ရှိသည်။
(၂) မြေအမည်ပေါက်ထံမှ အမွေဆက်ခံပိုင်သူက ရောင်းချခွင့်ရှိသည်။
(၃) မြေအမည်ပေါက်ထံမှ အထွေထွေကိုယ်စားလှယ်လွှဲစာ(သို့) အထူးကိုယ်စားလှယ်လွှဲစာ လွှဲအပ်ခြင်းခံရသူက ရောင်းချခွင့်ရှိသည်။
(၄) မြေအမည်ပေါက်ထံမှ အမွေဆက်ခံပိုင်ဆိုင်သူထံမှ အထွေထွေကိုယ်စားလှယ်လွှဲစာ(သို့) အထူး ကိုယ်စားလှယ် လွှဲစာ လွှဲအပ်ခြင်းခံရသူက ရောင်းချခွင့် ရှိသည်။
မှတ်ချက်(မြေအမည်ပေါက်ထံမှအမွေဆက်ခံသူ မသေဆုံးမီနှင့်လွှဲစာ ပြန်လည်မရုပ်သိမ်းမီကာလအတွင်း)။
(၅) မြေအမည်ပေါက်ထံမှ မှတ်ပုံတင်အပေးစာချုပ်ဖြင့် လက်ခံပိုင်ဆိုင်သူက ရောင်းချခွင့်ရှိသည်။
(၆) မြေအမည်ပေါက်ပူးတွဲပိုင်ဆိုင်ပြီး မှတ်ပုံတင်စွန့်လွှတ်စာချုပ်ဖြင့် လက်ခံပိုင်ဆိုင်သူက ရောင်းချခွင့်ရှိသည်။
(၇) မြေဧရိယာတစ်ခုလုံး၏ ထက်ဝက်သော်လည်းကောင်း၊ တစ်စိတ်တစ်ပိုင်းသော်လည်းကောင်း၊ မြေဧရိယာတစ်ခုလုံးကို သော်လည်းကောင်း ရောင်းချခွင့်ရှိသည်။
(၈) မိမိဝယ်ယူလိုသည့် မြေဧရိယာအစိတ်အပိုင်းအားဝယ်ခွန်ဆောင်ပြီး မှတ်ပုံတင်စာချုပ်ချုပ်ဆိုဝယ်ယူနိုင်သည်။
♦ မြေငှားဂရန်မြေ
မြေများကို စည်းကမ်းချက်သတ်မှတ်၍ အနှစ်(၆၀) ၊ အနှစ်(၉၀) ၊ ၂၅ နှစ်အစရှိသော နှစ်ကာလအပိုင်း အခြားဖြင့် အငှားချထားသည့် မြေမျိုးဖြစ်သည်။
(၁) မြေအမည်ပေါက်က (၃)လတစ်ကြိမ် မြေခွန်ဆောင်ရသည်။
(၂) အဆောက်အဦးရှိပါက (၃)လတစ်ကြိမ် အဆောက်အဦးခွန် ဆောင်ရသည်။
(၃) မြေအမည်ပေါက်သူက ရောင်းချခွင့် ရှိသည်။
(၄) မြေအမည်ပေါက်သူထံမှ အမွေဆက်ခံပိုင်ဆိုင်ခွင့်ရှိသူက ရောင်းချခွင့်ရှိသည်။
(၅) မြေအမည်ပေါက်ထံမှ အထွေထွေကိုယ်စားလှယ် လွှဲစာ(သို့)အထူးကိုယ်စားလှယ်လွှဲစာ လွှဲအပ်ခြင်းခံရသူက ရောင်းချခွင့်ရှိသည်။မှတ်ချက်(မြေအမည်ပေါက်မသေဆုံးမီနှင့် လွှဲစာပြန်လည်မရုမ်သိမ်းမီကာလအတွင်း)။
(၆) မြေအမည်ပေါက်၏ အမွေဆက်ခံပိုင်ဆိုင်ခွင့်ရှိသူထံမှ အထွေထွေကိုယ်စားလှယ်လွှဲစာ(သို့)အထူးကိုယ်စားလှယ် လွှဲစာ လွှဲအပ်ခြင်းခံရသူက ရောင်းချခွင့်ရှိသည်။
(၇) မြေအမည်ပေါက်ထံမှ မှတ်ပုံတင်အပေးစာချုပ်ဖြင့် လက်ခံပိုင်ဆိုင်သူက ရောင်းချခွင့်ရှိသည်။
(၈) မြေအမည်ပေါက်ပူးတွဲပိုင်ဆိုင်ပြီး မှတ်ပုံတင်စွန့်လွှတ်စာချုပ်ဖြင့် လက်ခံပိုင်ဆိုင်သူက ရောင်းချခွင့် ရှိသည်။
(၉) မြေဧရိယာတစ်ခုလုံးကိုသော်လည်းကောင်း၊ ထက်ဝက်ကိုသော်လည်ကောင်း၊ တစ်စိတ်တစ်ပိုင်းကို သော် လည်းကောင်း ရောင်းချခွင့်ရှိသည်။မှတ်ချက်(ရောင်းချသည့်အစိတ်အပိုင်းအတွက် ဂရန်ခွဲလျှောက်ထားနိုင်သော်လည်း မျက်နှာစာအနည်းဆုံးပေ(၂၀)ရှိရန်နှင့်စတုရန်းပေ(၁၂၀ဝ)ရှိရန်လိုသည်။
(၁၀) မိမိဝယ်ယူလိုသည့် မြေဧရိယာအစိတ်အပိုင်းအားဝယ်ခွန်ဆောင်ပြီး မှတ်ပုံတင်စာချုပ်ချုပ်ဆိုဝယ်ယူနိုင်သည်။
♦ ပါမစ်မြေ
စည်ပင်ဝပြောမှုမရှိသေးသည့်နေရာများတွင် စည်းကမ်းချက်ဖြင့် သုံးစွဲခွင့်ပြုထားသည့်အိမ်ယာဆောက်လုပ်နေထိုင်ခွင့် ချပေးထားသော မြေမျိုးဖြစ်သည်။
(၁) ပါမစ်အမည်ပေါက်သူက ရောင်းချခွင့်ရှိသည်။
(၂) ပါမစ်အမည်ပေါက်သူထံမှ စာချုပ်အဆက်ဆက်ဖြင့် ဝယ်ယူထားသူက ရောင်းချခွင့်ရှိသည်။
(၃) ပါမစ်မြေကို စာချုပ်အဆက်ဆက်ဖြင့် ဝယ်ယူထားသူက မြေငှားဂရန် လျှောက်ထားနိုင်သည်။
(၄) မြေငှားဂရန်တွင် လျှောက်ထားသူအမည်ဖြင့်သာ ရရှိပါသည်။
ပါမစ်မြေဆိုတာ မြေပိုင်ဆိုင်မှုအပေါ် အခြေမတည်၊ နေထိုင်ခွင့်အတွက်သာဖြစ်
ပါမစ်မြေအကြောင်း မတင်ပြမီ ရန်ကုန်မြို့တော် စည်ပင်သာယာရေး ဥပဒေအရ သတ်မှတ်ထားတဲ့ မြေအမျိုးအစားတွေကို သိထားဖို့ လိုအပ်ပါတယ်။ ဥပဒေနှင့်အညီ သတ်မှတ်ထားတဲ့ မြေအမျိုးအစား တွေကတော့ (၁) ဘိုးဘွားပိုင်မြေ (မြေပိုင်မြေ)၊ (၂) မြေငှားဂရန်မြေ၊ (၃) စကွာတာမြေ၊ (၄) လိုင်စင်မြေ၊ (၅) ပါမစ်မြေ၊ (၆) ဂရန်ရှိမြေပိုင်မြေ၊ (၇) အခွန်လွတ်သာသနာ့ဂရန်မြေ၊ (၈) သိမ်ဂရန်မြေ၊ (၉) ကျူးကျော်မြေ၊ (၁၀) စနစ်တကျကျူးလွန်ခြင်းမြေဟု ခွဲခြားထားပါတယ်။ ပါမစ်မြေဆိုတာ စည်ပင်ပြန့်ပြောမှု မရှိသေးသည့် နေရာများတွင် စည်းကမ်းချက်ဖြင့် သုံးစွဲခွင့်ပြုထားသည့် အိမ်ရာဆောက်လုပ် နေထိုင်ခွင့် ချပေးထားသော မြေအမျိုးအစားဖြစ်သည်ဟု အဓိပ္ပာယ် ဖွင့်ဆို ထားပါတယ်။ ဒါကြောင့် ဘိုးဘွားပိုင်မြေ၊ မြေငှား ဂရန်မြေတို့လို မြေပိုင်ဆိုင်မှုကို အခြေမတည်ဘဲ အိမ်ရာဆောက်လုပ်နေထိုင်ခွင့်အတွက် ချပေးထား တဲ့မြေ အမျိုးအစား ဖြစ်ပါတယ်။
+++ လွှဲပြောင်းရောင်းချခြင်း +++
မြေချပါမစ် (အိမ်ရာဆောက်လုပ်နေထိုင်ခွင့်လက်မှတ်)မှာ အိမ်ရာ မြေကွက်ရသူဟာ မြေကွက်ကို ခွဲစိတ်ခြင်း၊ တစ်ဆင့် လွှဲပြောင်းရောင်းချ၊ ပေါင်နှံ၊ ပေးကမ်းခြင်း လုံးဝ မပြုရလို့ ဖော်ပြထားပါတယ်။ ဒါပေမဲ့ ငွေအရင်း အနှီးမြှုပ်နှံလိုသူတွေက ဂရန်မြေအဖြစ် အမည် ပေါက်သွားပါက မြေတန်ဖိုး အဆမတန် ကွာခြား သွားတာကြောင့် ပါမစ်မြေကိုသာ သင့်တင့်ဈေး ပေးပြီး အရောင်းအဝယ် ကတိစာချုပ် ချုပ်ဆိုကာ လွှဲပြောင်းရယူထားကြပါတယ်။ ပြီးတော့မှ မြေငှား ဂရန် လျှောက်ထားရယူလေ့ရှိကြပါတယ်။
+++ မြေငှားဂရန် အသစ်ထုတ်ပေးခြင်း +++
ရန်ကုန်မြို့တော် စည်ပင်သာယာရေးကော်မတီက မြေငှားစာချုပ်အသစ် (မြေငှားဂရန်) ထုတ်ပေးတာနဲ့ ပက်သက်ပြီး အောက်ပါအတိုင်း သတ်မှတ်ထားပါ တယ်။ မြေငှားဂရန်ထုတ်ပေးတာနဲ့ မြေအမျိုးအစား တွေက လိုင်စင်မြေ၊ စကွာတာမြေနဲ့ ပါမစ်မြေတို့ဖြစ်တယ်လို့ သတ်မှတ်ထားပါတယ်။ ဂရန်မြေထုတ်ပေးဖို့ အောက်ပါအချက်ကို ပူးတွဲတင်ပြလျှောက်ထားရမှာဖြစ်ပါတယ်။ (၁) လျှောက်ထားသူက နိုင်ငံသားဖြစ်ရပါမယ်(နိုင်ငံသားကတ်ပြားမိတ္တူ တင်ပြရပါမည်)။ (၂) ပါမစ်မြေ (အိမ်ရာ ဆောက်လုပ်နေထိုင်ခွင့် လက်မှတ်)။ (၃) ပါမစ် မြေအမည်ပေါက် ဒါမှမဟုတ် ဥပဒေနဲ့အညီ ဆက်ခံသူမှ တရားရုံးတွင် ပြုလုပ်ခဲ့တဲ့ကျမ်းကျိန်လွှာ။ (၄) လွှဲပြောင်းထားခြင်းဖြစ်ပါက ကတိစာချုပ်များ (ဥပမာ - အရောင်းအဝယ်၊ ပေးကမ်း၊ စွန့်လွှတ်၊ လှူဒါန်းစသော လွှဲပြောင်းခြင်းများ)။ (၅) အမှုအ ခင်းဖြစ်ခဲ့ပါက ပိုင်ဆိုင်ခွင့်နဲ့ ပက်သက်တဲ့ တရားရုံးရဲ့ အမိန့်ဒီကရီ။ (၆) အဆောက်အအုံရှိကြောင်း အထောက်အထားများ ပါရှိရမှာပါ။ ဒါကြောင့် ပါမစ်မြေများကို ကတိစာချုပ်နဲ့ အရောင်းအဝယ် လွှဲပြောင်းခြင်း ပြုနိုင်ပါတယ်။
* သတိပြုဝယ်ယူသင့်သည့် ပါမစ်မြေများ *
မြေချပါမစ်ဆိုသည်မှာစည်ပင်မှုမရှိသည့် မြို့သစ်ဒေသများတွင် အိမ်ရာဆောက်လုပ်ဖို့အတွက် စည်းကမ်းချက်တွေ သတ်မှတ်များ ချပေးထားခြင်း ဖြစ်ပါတယ်။
အိမ် ခြံ မြေ အရောင်းအဝယ် ပြုကြရာတွင် ဂရန်မြေ၊ ဘိုးဘွားပိုင် မြေ၊ ပါမစ်မြေ၊ စလစ်မြေဟု အမျိုးမျိုး ရှိသည့်အနက် ပါမစ်မြေကို အရောင်း အဝယ် အများ ဆုံးပြုလုပ်ကြသည်ကို တွေ့ရသည်။
ရောင်းအားကောင်းရသည့်အကြောင်းအရင်း ပါမစ် မြေရောင်းအားကောင်းရခြင်းမှာ စရိတ်ကုန်ကျမှု နည်းခြင်းသည် အဓိကအချက် ဖြစ်သည်။ အရောင်း အဝယ် စာချုပ်ကို အရပ်ကတိ စာချုပ်ဖြင့် ချုပ်ဆို နိုင်သည်။ အဆင့်ဆင့်လွှဲပြောင်း ရောင်းချနိုင်သည်။ အရောင်းအဝယ် အဆက်အစပ် ကွင်းဆက်မပြတ် အရောင်းအဝယ်ကတိစာချုပ်များရှိရန်သာ လိုသည်။
ဂရန်သစ်လျှောက်ထားနိုင်ခြင်း
မြေချပါမစ် စာရွက်စာတမ်းကို ကိုင်ထားပြီး လက်လွှဲ ရောင်းချနိုင်ခွင့် ရှိသကဲ့သို့ မိမိအမည်ပေါက် နှစ် ၆ဝ ဂရန်လည်းလျှောက်ထားနိုင်သည်။ တရားဝင်ကုန်ကျ စရိတ် သုံးသိန်းနီး ပါးသာ ကုန်ကျနိုင်ပေသည်။ အခြား သူအမည်ပေါက် ဂရန်မြေကို ဝယ်ယူ အမည် ပြောင်းပါက မြေ၏ ရောင်းဖိုးငွေ ကာလတန်ဖိုးပေါ် မူတည်ပြီး အခွန်ဆောင်ရခြင်း၊ မှတ်ပုံတင်အရောင်း အဝယ်စာချုပ်ချုပ်ရခြင်းဖြင့်ကုန်ကျစရိတ် အလွန်မြင့်မားသွားမည်ဖြစ်သည်။ ထိုကြောင့် ပါမစ်မြေကွက် ကို ဝယ်ယူစုဆောင်းထားကြ ခြင်းဖြစ်သည်။
ပါမစ်မြေရောင်းအားနည်းလာခြင်း
လက်ရှိအခြေအနေတွင် အိမ် ခြံ မြေ ဈေးနှုန်းများမှာ အကျဘက်သို့ ဦးတည်နေသည်ဟု ဆိုရမည်။ ပါမစ် မြေအများအပြား ဝယ်ယူမြှုပ်နှံထား သူများသည် ဈေးကွက်အမြင့်ကို စောင့်၍ ထိန်းထားကြသည်။ အမှန် တကယ်ငွေလိုအပ်သူများသာထုတ် ၍ ရောင်း ချသည်ကို တွေ့ရသည်။ မြေချပါမစ် လက်ဝယ်ရှိသူ အချို့က လည်း ဂရန်မြေလျှောက်ထား၍ အဆင့်မြင့် တိုက်များ ဆောက်လုပ်ခဲ့သည်များလည်း ရှိပေသည် ထို့ကြောင့် ပါမစ်မြေရောင်းအားကျဆင်း သွားသည့် အခြေအနေတွင်ရှိသည်။
ပါမစ်မြေကွက်အသစ်များ
ဈေးကွက်အတွင်း ပါမစ်မြေကွက်များ နည်းပါး လာ သည်နှင့်အမျှ စီးပွားရေးလုပ်ငန်းရှင်များအနေဖြင့် မြေချပါမစ် အသစ်များရရှိရန် ကြိုးပမ်းလာကြ သည် ကို တွေ့ရသည်။ ဆောက်လုပ်ရေး ဝန်ကြီးဌာန၊ မြို့ရွာ နှင့် အိုးအိမ်ဖွံ့ဖြိုးရေး ဦးစီးဌာန (ယခု မြို့ပြ နှင့် အိမ်ရာ ဖွံ့ဖြိုးရေး ဦးစီးဌာန) မှ မြေယာသစ်များ ဖော်ထုတ်အကွက် ရိုက်ကာ မြေချပါမစ် အသစ်များ ထုတ်ပေးလာသည်ကို တွေ့ရပါသည်။
မြေချပါမစ် မှန်ကန်မှု ရှိ မရှိ စိစစ်ပေးခြင်း
စာရွက်စာတမ်းများတွင် အတု အစစ်ရှိနိုင်သဖြင့် မြေ ချ ပါမစ်မှန်ကန်မှု ရှိ မရှိ စစ်ဆေးလိုကြပေသည်။ ထို့ ကြောင့် ပါမစ်မြေကွက်ကို ဝယ်ယူရန် စရန်ပေး လိုက်သည်နှင့် ရောင်းသူ၏ လက်ဝယ်ရှိ မြေချပါမစ် မှာ အစစ် အမှန်ဖြစ်ကြောင်း သက်ဆိုင်ရာ ရန်ကုန် တိုင်းအတွင်းရှိ မြို့နယ် မြို့ပြနှင့် အိမ်ရာ ဖွံ့ဖြိုးရေး ဦးစီးဌာန၊ မြေယာ ရုံးခွဲများသို့ ပြသ စစ်ဆေးခြင်း များပြုကြသည်။
သက်ဆိုင်ရာ မြို့နယ် မြေနှင့် အခွန်မြေယာ ရုံးခွဲ တာဝန်ရှိသူတို့က မိမိတို့ ရုံးရှိ လက်ခံစာအုပ်နှင့် တိုက် ဆိုင်စစ်ဆေးဆောင်ရွက်ပေးပါသည်။ ထို့ကြောင့် မြေဝယ်လိုသူများအနေ ဖြင့် ပါမစ်မြေကွက်ကို ပိုမို နှစ်သက်ပြီး ဝယ်ယူကြခြင်းဖြစ်သည်။
မြေချပါမစ် စစ်ဆေးရန် ခက်ခဲလာခြင်း
ခေတ်စနစ်၊ လုပ်ထုံးလုပ်နည်း တို့သည် အမြဲတည် မြဲနေသည် မရှိပေ။ အထူးသဖြင့် ဌာနတွင် ဌာနဆိုင်ရာ လုပ်ထုံးလုပ်နည်းများသည် အ ပြောင်း အလဲ မြန်ဆန်တတ်ပါသည်။
ယခုအခါ အချို့မြို့နယ်များတွင် မြေယာရုံးခွဲများ မထားတော့ဟုသိရသည်။ မြေချပါမစ်အတု၊ အစစ် ခွဲခြားစိစစ်မှုကိုတော့ မည်သည့်မြို့နယ်မြေယာရုံးခွဲ များကမှ စစ်ဆေးပေး ခြင်းမရှိတော့ပေ။
ထို့ကြောင့် မြေချပါမစ်ဝယ်သူ များအနေဖြင့် အစစ်အမှန်ဟုတ်၊ မဟုတ် စစ်ဆေးရန်ခက်ခဲသွား ပြီဖြစ်၍ အရောင်းအဝယ်တန့်သွားပေသည်။
မြေချပါမစ်ဝယ်သူများအနေ ဖြင့် ယခင်က မြို့ရွာနှင့် အိုးအိမ်ဖွံ့ဖြိုး ရေး ဦးစီးဌာန၊ ဒုတိယ ညွှန်ကြားရေး မှူးလက်မှတ်နှင့် စည်းတံဆိပ်ရိုက် နှိပ်ထုတ်ပေးသော ပါမစ်မြေနှင့် ယခု မြို့ပြနှင့် အိမ်ရာ ဖွံ့ဖြိုးရေးဦးစီးဌာန၊ ညွှန်ကြားရေးမှူး လက်မှတ်နှင့် စည်း တံဆိပ်ရိုက်နှိပ်ထုတ်ပေးသော ပါမစ် မြေဟု ပုံစံ နှစ်မျိုးရှိနေသောကြောင့် သတိပြုဝယ်သင့်ပေသည်။
စည်ပင်အမည်ပေါက် ပါမစ်မြေ
ဆောက်လုပ်ရေး ဝန်ကြီးဌာန၊ မြို့ပြနှင့် အိမ်ရာ ဖွံ့ဖြိုးရေးဦးစီးဌာနမှ ထုတ်ပေးသော မြေချပါမစ်များ အမှန်အကန် ဟုတ်မဟုတ်စစ်ဆေးရန် ခက်ခဲနေသော အချိန်တွင် ရန်ကုန်မြို့တော်စည်ပင်သာယာရေး ကော်မတီမှ မြေကွက်အမည်ပေါက် ပါမစ်မြေများ ဘက် ဦးလှည့်လာသည် ကို တွေ့ရသည်။ သို့သော် ရန်ကုန်မြို့ တော် စည်ပင်သာယာရေးကော်မတီ မြို့ပြ စီမံကိန်းနှင့် မြေစီမံခန့်ခွဲမှု ဌာနတွင် ဂရန်အမည် ပေါက်မြေများအဖြစ် ပြောင်းလဲချပေးထားသည်သာ များပြားပါသည်။
မည်သို့ပင်ဖြစ်စေ၊ ရန်ကုန်မြို့တော်စည်ပင်သာယာရေးကော်မတီ မြို့ပြစီမံကိန်းနှင့် မြေစီမံခန့်ခွဲမှုဌာန တွင် အမည်ပေါက်မှန်ကန်ခြင်း ရှိ/မရှိကို တရားဝင်လျှောက်ထားကြည့် ရှုနိုင်မည်ဖြစ်သဖြင့် စည်ပင်အမည်ပေါက် ပါမစ်မြေများကို ယခုအခါ ပို၍ ဝယ်သင့်ပါကြောင်း အကြံပြုရေးသားပါသည်။
+++ ကတိစာချုပ်သာချုပ်ဆို +++
စာချုပ်စာတမ်းမှတ်ပုံတင် အက်ဥပဒေပုဒ်မ (၁၇) တွင် တန်ဖိုးငွေ (၁၀၀)အထက်ရှိတဲ့ မရွှေ့မပြောင်း နိုင်သည့် ပစ္စည်းအရောင်းစာချုပ်ကို မှတ်ပုံမတင်က တရားမဝင်ကြောင်း ပြဋ္ဌာန်းထားပါတယ်။
ပါမစ်မြေကွက် (အိမ်ရာဆောက်လုပ်နေထိုင်ခွင့်လက်မှတ်မြေကွက်)က လွှဲပြောင်းရောင်းချ ပိုင်ခွင့် မရှိတာကြောင့် စာချုပ်စာတမ်းမှတ်ပုံတင်ရုံးက မှတ်ပုံတင်အရောင်းစာချုပ်ကိုချုပ်ဆိုပေးခြင်းမရှိပါဘူး။ ဒါကြောင့်နှစ်ဖက်သဘောတူ အရောင်း အဝယ် ကတိစာချုပ်အဖြစ်သာ ချုပ်ဆိုကြပြီး မြေဂရန်သစ်တွေ လျှောက်ထားလေ့ရှိပါတယ်။
မြေဂရန်လျှောက်ထားရာတွင် အဆိုပါ မြေကွက်ပေါ်မှာ အဆောက်အအုံဆောက်လုပ်ထားပြီး ဖြစ်ဖို့လိုအပ် သောကြောင့် အဆောက်အအုံ ဆောက်လုပ်ထားလေ့ ရှိပါတယ်။ ဒါကြောင့် အရောင်းအဝယ်ပြုရာမှာ ပါမစ်မြေနဲ့ အဆောက်အအုံတွဲဖက် ရောင်းကြပါ တယ်။ အဆောက်အအုံပိုင်ဆိုင်မှုအတွက်သာ ပါမြစ်မြေ အမည်ပေါက်သူနဲ့ ဝယ်သူတို့ အဆောက် အအုံ အရောင်းအဝယ် မှတ်ပုံတင်စာချုပ် ချုပ်ဆို နိုင်ပါတယ်။
ဒါကြောင့် အိမ်ရာ ဆောက်လုပ်နေထိုင်ခွင့် လက်မှတ် ပါမြစ်မြေကို ဝယ်လျှင် ဥပဒေနှင့် အညီ ပိုင်ဆိုင်ခွင့် မရပါဘူး။ အရောင်းအဝယ် ကတိစာချုပ် ချုပ်ဆိုပြီးတော့ ဂရန်သစ်လျှောက်ထားခွင့်ရှိပါတယ်။ ဒါ့အပြင် ပါမစ်မြေပေါ်ရှိ အဆောက်အအုံအတွက်လည်း ပိုင်ဆိုင်မှုကို ဥပဒေနှင့်အညီ စာချုပ်စာတမ်းရုံးမှာ မှတ်ပုံတင် အရောင်းစာချုပ် ပြုလုပ်နိုင်တယ် လို့ သိရပါတယ်။
Re- sharing
