06/08/2024
ကြိုပွိုင့်တိုက်ခန်း ဝယ်တော့မယ်ဆို သိထားသင့်တဲ့အချက် (၆) ချက်
(၁) မြေအရှုပ်အရှင်း ရှိ/မရှိ
တစ်ဦးတည်းပိုင်၊ အများပိုင်၊ မိသားစုပိုင် ဆိုပြီးရှိတတ်သလို ကန်ထရိုက်တာတွေနဲ့ အရင်တုန်းက ဆောက်ဖို့ လုပ်ထားသေးလားဆိုတဲ့ နောက်ကြောင်းတွေပါသိအောင် လုပ်ထားသင့်ပါတယ်
(၂) ကြိုပွိုင့်တိုက်ခန်းကို ရောင်းတဲ့သူက ဘယ်သူလဲ
မြေရှင်/ ကန်ထရိုက်တာ/ Developer တွေကြားက စာချုပ်အမျိုးမျိုးကြောင့် ကိုယ်က ဘယ်သူ့ဆီက ဝယ်တာလဲ သိအောင် သေချာစစ်ဆေးရမှာ ဖြစ်ပါတယ်
(၃)စည်ပင်မှာရော ဘယ်အဆင့် ရောက်နေပြီလဲ
စည်ပင်ဌာနရဲ့ လုပ်ငန်းရပ်အဆင့်ဆင့်တွေကို ဘယ်နှစ်ဆင့်လုပ်ထားလဲ၊ ခွင့်ပြုမိန့်ကျတာမကျတာ၊ ကျပြီး မဆောက်တာ၊ ဆောက်ပေမယ့် ကန့်ကွက်ခံရတာစသဖြင့် သိထားရမယ့်အပိုင်း ဖြစ်ပါတယ်
(၄) ကြိုပွိုင့်တိုက်ခန်း အရောင်းအဝယ်စာချုပ်ဆိုတာ တရားဝင်/မဝင်
မြေရှင်နဲ့ ကန်ထရိုက်တာတို့ရဲ့ စာချုပ်သာမက စည်ပင်က ခွင့်ပြုမိန့်ပါရပြီးမြေပြင်မှာလည်း အဆောက်ဦဆောက်လုပ်နေပါပြီဆိုမှပဲ တရားဝင် အရောင်းအဝယ်လုပ်လို့ ရပါတယ်။ လိုအပ်ချက်တစ်ခုခုရှိနေရင်တော့ တရားမဝင်ဘူးနော်
(၅)အရောင်းအဝယ် ပဋိညာဉ်မြောက်/ မမြောက်
စာချုပ်တံဆိပ်ခေါင်း/မြေအရှုပ်အရှင်း/ စည်ပင်ကိစ္စ/ မြေပြင်အနေအထား
(၄)ချက်လုံး ပြည့်စုံကောင်းမွန်ရင် စာချုပ်ဟာ ခိုင်မာပြီး ပဋိညာ် မြောက်ပါတယ်
(၆)စာချုပ်ပယ်ဖျက်နိုင်တဲ့အခြေအနေ
လိမ်တာ၊ မမှန်တင်ပြတာ၊ မှားယွင်းဖော်ပြတာ၊ အနိုင်ထက်ပြုတာ၊ မလျှော်ဩဇာသုံးတာတို့လို မမှန်မကန်ကိစ္စရပ်တွေနဲ့ မတရားမှုတွေပါလာရင် စာချုပ်ကို အချိန်မရွေးဖျက်သိမ်းလို့ရပါတယ်။ ဒါ့အပြင် သတ်မှတ်ချိန်ကကျော်တဲ့အထိမဆောက်ဘူးဆိုရင် စာချုပ်ကို ပယ်ဖျက်လို့ ရပါတယ်၊ လျှော်ကြေးပါတောင်းလို့ရပါတယ်။ စာချုပ်ကိုအပြည့်အဝဖျက်သိမ်းတာမျိုးလဲ ရှိတတ်သလို နှစ်ဖက်ညှိနှိုင်းပြီး
စာချုပ်ပြန်ပြင်ချုပ်နိုင်တာတွေလဲ ရှိပါ
တယ်
မိတ်ဆွေအနေဖြင့် ကြို့ပွိုင့်တိုက်ခန်းမဖြစ်မနေဝယ်တော့မည်ဆိုလျင်
၁-စရံပေးစာချုပ်ချုပ်ထဲက မြေရှင်က်ိုအကြောင်းကြားပါ။
၂-သတင်းစာကြေငြာပါ။
၃-တိုက်ခန်းဘယ်အထပ်ပြီးမှစရံဘယ်
လောက်ပေးရမည်ကို စာချုပ်ထဲထည့်ချုပ်ပါ၊
၃မြေရှင်နဲ့ကန်ထရိုက်စာချုပ်မူရင်းတောင်းကြည့်ပြီး၊
မိတ္တူတောင်းပါ [အထောက်ထားအနေနဲ့]
၄-ကန်ထရိုက်အကြောင်းစုံစမ်းပါ။
၅-စာချုပ်ထဲတွင်တိုက်ခန်းပြီးရမည့်နေ့ ၊တိုက်ခန်းအပ်မည့်နေ့၊လူနေထိုင်ခွင်BCC ရရှိမည့်နေအတိအကျ၊သို့မဟုတ် ခန့်မှန်းနေ့စွဲထည့်ပါ၊
၆-စာချုပ်ပါစည်ကမ်းချက်ချိုးဖောက်သူ
မှခံရသူသို့ပေးရန်အဖိုးစားနားပါပါစေ၊
[ယခုအချိန်ထိ ကန်ထရိုက်တိုက်ခန်းများအားနာမည်ဂုဏ်သတင်းကောင်းစွာဖြင့်ဆက်လက်ဆောက်လုပ်လျက်ရှိသောကန်ထရိုက်တာအများအပြားရှိပါတယ်]
မိတ်ဆွေများအမှားကင်းစွာဖြင့်ဝယ်ယူနိုင်ကြပါစေ
Photo -crd
