03/06/2025
ကျွန်ုပ်တို့လူသန်းပေါင်းများစွာကို ဘေးကင်းစွာ သွားလာနိုင်ရန် လမ်းပြပေးသောအရာ တစ်ခုရှိပါတယ်။ ဒါကတော့ အများသိတဲ့ မီးပွိုင့်ဖြစ်ပါတယ်။
အင်မတန်မှ အသုံးဝင်တဲ့ ဒီအချက်ပြကိရိယာကို ဘယ်သူက စိတ်ကူးရခဲ့ပါသလဲ။
သူကတော့ တခြားသူမဟုတ်ပါဘူး။ လူမျိုးရေးခွဲခြားမူ့ကြောင့် ဘတ်စ်ကား စီးလျင် ရှေ့ဆုံးနေရာမှာပင် ထိုင်ခွင့်မရခဲ့သူတစ်ဦးက စိတ်ကူးခဲ့သည်ကို သင်သိပါသလား။
ဂါရတ်မော်ဂန်(Garrett Morgan)ကို မိတ်ဆက်ပါရစေ။ ကျေးကျွန်ဘဝကနေ လွတ်မြောက်လာခဲ့သူတွေရဲ့သားပါ။ လူမျိုးရေးခွဲခြားမူ့တွေနဲ့ တည်ဆောက်ထားတဲ့ နံရံတွေရဲ့ခေတ်မှာ အာဖရိကန်အမေရိကန် တီထွင်သူပညာရှင်တစ်ဦး ဖြစ်ပေမယ့် သူရဲ့သတ္တိတွေနဲ့ ဒီနံရံတွေကို ချိုးဖျက်နိုင်ခဲ့ပါတယ်။
၁၉၂၃ ခုနှစ်တွင် ကြောက်မက်ဖွယ်ကောင်းသော ယာဉ်တိုက်မှုတစ်ခုကို တွေ့ကြုံပြီးနောက် မော်ဂန်က သူ့ကိုယ်သူ မေးခွန်းထုတ်ခဲ့ပါတယ်။ ယာဉ်မောင်းများဟာ မည်သည့်အချိန်တွင် ရပ်ရမည်၊ သတိထားရမည်၊ သွားရမည်ကို တိကျစွာပြောပြနိုင်သည့် အချက်ပြမီးတစ်ခုရှိလျှင် မည်သို့ဖြစ်မည်နည်း ဆိုတဲ့မေးခွန်းပါ။ ဒီမေးခွန်းကနေ ရလာတဲ့အကျိုးဆက်က ကျွန်တော်တို့. ယခုတိုင်အောင် ခံစားနေရပါတယ်။
သူသည် ရိုးရှင်းသော အနေအထားသုံးမျိုးပါဝင်သည့် မီးပွိုင့် - အနီ၊ အဝါ၊ အစိမ်း - ကို ပုံကြမ်းဆွဲခဲ့ပြီး ကမ္ဘာကြီးကို ပြောင်းလဲစေခဲ့သည်။
သို့သော် ပြဿနာတစ်ခုရှိခဲ့ပါတယ်။ ဝယ်သူတွေဟာ လူမည်းတစ်ဦးနှင့် တိုက်ရိုက်ဆက်ဆံလိုခြင်း မရှိနိူင်ဘူးဆိုတာ သူသိပါတယ်။
ဒါကြောင့် မော်ဂန်သည် လူဖြူကြားခံများနှင့် ပူးပေါင်းခဲ့ပြီး သူ၏မျက်နှာကို ဖုံးကွယ်ထားသော်လည်း သူ၏စိတ်ကူးကို ထွန်းလင်းတောက်ပစေခဲ့ပါတယ်။
ဒါတင်မကသေးပါဘူး။ ဂါရက်သည် စစ်မြေပြင်များ၊ မိုင်းတွင်းများ၊ နှင့် မီးလောင်မှုများအတွင်း အသက်များကို ကယ်တင်ခဲ့သော ဓာတ်ငွေ့မျက်နှာဖုံးကိုလည်း ပြီးပြည့်စုံအောင် တီတွင်ဖန်တီးပေးခဲ့ပါသေးတယ်။
သူသည် ကျော်ကြားမှုကို ဘယ်တော့မှ မတောင်းတတဲ့သူပါ။ တရားမျှတမှုအတွက်သာ တိုက်ပွဲဝင်ခဲ့ပါတယ်။
အခြားသူတွေက တံခါးတွေပိတ်ထားချိန်မှာ သူကတော့ အချက်ပြမီးကို အနီကနေ အစိမ်းပြောင်းလိုက်သူပါ။
“လောကကြီးက သင့်ကို မီးစိမ်းမပြတဲ့အခါ… သင့်မီးပွိုင့်ကို အစိမ်းရောင်ပြောင်းလာတဲ့အထိ ရည်ရွယ်ချက်ကို ဆက်လက်တည်ဆောက်ပါ။ ”
- ဂါရက် မော်ဂန်
Saya U Khin Zaw ( ဘာသာပြန်b)
