https://www.facebook.com/611745032023532/

Zawtika Real Estate

Home
Myanmar
Yangon
Zawtika Real Estate

We are a professional real estate agency for land, landed property, apartment & condo.

05/09/2026

ဒီနေ့တော့အိမ်ခြံမြေ လောကတွင် အိမ်ခြံမြေပိုင်းအရောင်းအဝယ်ဆိုင်ရာကိစ္စရပ်များသည် ပိုင်ဆိုင်မှုများစွာ ရှုပ်ထွေးပွေလီလျှက်ရှိပါသည်။ အိမ်တစ်ဆောင် ရောင်းမည်၊ ဝယ်မည် ဆိုသည်နှင့် ပိုင်ရှင်ဖြစ်လာမည့် ပုဂ္ဂိလ်တစ်ဦး (သို့) အိမ်ခြံမြေ လုပ်ငန်းရှင်တစ်ဦးအနေနှင့် မသိမဖြစ် သိထားသင့်သောအချက်မှာ ပစ္စည်းလက်ဝယ်ရှိခြင်းဆိုသည့် အချက်ပင်ဖြစ်ပါသည်။
ဥပစာတစ်ခုတွင် နေထိုင်သူသည် အောက်ပါအကြောင်းတစ်မျိုးမျိုးဖြင့် နေထိုင်ကြခြင်းဖြစ်ပါသည်။
၁။ ပိုင်ရှင်အနေဖြင့် လက်ရှိပိုင်ဆိုင်ကာနေထိုင်သူ၊
၂။ ပိုင်ရှင်အားမှီတင်းနေထိုင်သူ (အတူတကွ နေထိုင်သူ)၊
၃။ ပိုင်ရေးဆိုင်ခွင့် ရှိသူအနေနှင့် နေထိုင်သူ၊
၄။ စာချုပ်စာတမ်းချုပ်ဆိုပြီး ဝယ်ယူထားသည့် လက်ရောက်ရယူပိုင်ဆိုင်ထားသူ၊
၅။ အပေါင်ပစ္စည်းအဖြစ်လက်ခံကာ လက်ဝယ်ရယူထားသူ၊
၆။ အိမ်ငှားရမ်းခြင်းစာချုပ်အရ လက်ဝယ်နေထိုင်သူ၊ (တစ်ဆင့်ခံအိမ်ငှားများလည်းပါဝင်သည်)
၇။ တစ်စုံတစ်ယောက်၏ခွင့်ပြုချက်အရ လက်ဝယ်ရရှိထားသူ၊
၈။ ဝင်ရောက်ကျူးကျော်ခြင်းဖြင့် လက်ရောက်နေထိုင်ရရှိထားသူတို့ဖြစ်ကြသည်။
အမှတ်စဉ် (၁) ပုဂ္ဂိုလ်သည် ဥပဒေအရ လက်ဝယ်ရှိသူ( Judicial Possession) ဖြစ်ပြီး ကျန်ပုဂ္ဂိုလ်များသည် (Physical Possession) လက်ရောက်လက်ဝယ် ရရှိသူများဖြစ်သည်။
အိမ်ခြံမြေကို လွှဲပြောင်းရောင်းချမည်ဆိုပါက ဥပဒေအရ လက်ဝယ်ရှိသူ ထံမှ ဝယ်ယူရရှိမှသာ ဥပဒေနှင့်အညီ တရားဝင်ပိုင်ဆိုင်မှုရရှိမည်ဖြစ်သည်။
တိုက်ခန်းတစ်ခုကို လူနေထိုင်ခြင်းမရှိဘဲ သော့ခတ်ထားခြင်းသည် သော့ခတ်ထားသူက ၎င်းလက်ဝယ် ပိုင်ဆိုင်ထားခြင်း ဖြစ်ကြောင်းပေါ်လွင်သည်။
ပစ္စည်းလက်ရှိ ရှိသူကို နှင်ထုတ်လိုပါက တရားစွဲဆိုနှင်ထုတ်သည့်နည်းတစ်ခုသာ ဥပဒေနှင့်အညီဖြစ်ပါသည် ဟုလေ့လာမှတ်သားရပါတယ်ရှင့်။

#သင့်စိတ်ကူးထဲကအိမ်ခြံလေးပိုင်ဆိုင်ဖို့ ကျွန်မတို့မှ ဝန်ဆောင်မှုပေးပါရစေ။

# အရောင်းအပ်သူဘက်ကိုသာ အကျိုးဆောင်ခ 2% အပြည့်ယူပါတယ်ရှင့်။

#ကျွမ်းကျင်ရှေ့နေများဖြင့် လုပ်ငန်းပြီးဆုံးသည့်အထိ တာဝန်ယူဆောင်ရွက်ပေးပါတယ်ရှင့်။

# ရောင်းချ၊ဌားရန် လိုသော အိမ်ခြံမြေ တိုက်ခန်းများရှိလျှင် ဆက်သွယ်နိုင်ပါတယ်ရှင့်။

Real Estate
တိုက်(၅၁)၊၀၀၁၊မြိတ်လမ်းမ၊ ၆၆ ရပ်ကွက်၊အင်းဝအိမ်ရာ၊တောင်ဒဂုံ။

☎️09750063803(အကျိုးဆောင်)

https://maps.app.goo.gl/fsqUCkckXo2zevA56

04/09/2026

ဒီနေ့တော့တရားမမှုနှင့် ပြစ်မှုဟူ၍ အမှုအမျိုးအစား (၂)မျိုးရှိရာ တရားမှုများမှာ လူပုဂ္ဂိုလ်၊ အဖွဲ့အစည်းများ၏ ဂုဏ်သိက္ခာပိုင်းနှင့် ထိခိုက်သောအမှုများ၊ ငွေကြေးဆိုင်ရာ ရရန်ရှိကြွေးမြီကိစ္စရပ်များ၊ကုမ္ပဏီပိုင်းဆိုင်ရာကိစ္စရပ်များ၊ သီးခြားသက်သာခွင့်ဆိုင်ရာ တောင်းဆိုမှုများ၊မရွှေ့မပြောင်းနိုင်ပစ္စည်း အိမ်ခြံမြေကိစ္စရပ်များ၊ အမွေမှု၊ ပိုင်ရေးဆိုင်ခွင့်ဆိုင်ရာ အခြေခံသည့် တရားစွဲဆိုသည့် ကိစ္စရပ်များ၊ အရောင်းအဝယ်များ၊ ပေါင်နှံခြင်း၊ငှားရမ်းခြင်းအငြင်းပွှားမှုများ၊ ပဋိညာဉ်စာချုပ်အရ တောင်းဆိုသည့်နစ်နာကြေးများ၊ လျော်ကြေးငွေတောင်းဆိုခြင်း၊ အစုရှယ်ယာ ထည့်သွင်းခြင်း၊ အမြတ်အစွန်းခွဲဝေခြင်း၊ စာချုပ်ဖျက်သိမ်းခြင်း၊ တောင်းဆိုခြင်း၊ စီမံခန့်ခွဲမှု တောင်းဆိုခြင်း ကိစ္စရပ်များမှာ တရားမမှုဖြင့် သက်ဆိုင်စေပါသည်။
တရားမမှုဖွင့်လှစ်ဆောင်ရွက်မည်ဆိုပါက တရားလိုမှ တင်ပြသည့် အဆိုလွှာ၊ တရားပြိုင်မှ ခုခံချေပချက် ချေလွှာတို့ဖြင့် အမှုတည်ဆောက်ရမည်ဖြစ်ပါသည်။ တရားမှုများအား ပုံမှန်အားဖြင့် တရားပြိုင်နေထိုင်ရာ အရပ်၊အမှုစွဲဆိုရန်အတွက် အကြောင်းချင်းရာဖြစ်ပေါ်သော အရပ်ဒေသ၊ တရားပြိုင် အလုပ်လုပ်ကိုင်ရာ အရပ်ဒေသရှိ တရားရုံးတွင် အမှုစစ်ဆေးရန် လျှောက်ထားခြင်းပြုရပါမည်။ မရွှေ့မပြောင်းနိုင်သောပစ္စည်းနှင့် သက်ဆိုင်သောအမှုကိစ္စများတွင် ပစ္စည်းတည်ရှိရာ အရပ်ဒေသရှိ တရားရုံးတွင် အမှုဖွင့်လှစ်ဆောင်ရွက်ရပါသည်။
တရားမမှုများမှာ နစ်နာသူတရားလိုကိုယ်တိုင် (သို့) အခွင့်ရကိုယ်စားလှယ်တစ်ဦးဦးမှ တရားလိုအဖြစ် တရားစွဲဆိုခြင်းပြုနိုင်ပါသည်။ တရားလိုမှ တင်ပြလျှောက်ထားသော အဆိုလွှာတစ်စောင်တွင် အမိန့်-၇ ၊နည်း-၁ အရ အောက်ဖော်ပြပါ အချက်အလက်များ ပါဝင်ရပါသည်။
- တရားမမှုတင်သွင်းရာ တရားရုံးအမည်၊ - တရားလိုအမည်နှင့် လိပ်စာအပြည့်အစုံ - စုံစမ်းသိရှိနိုင်သည့် တရားပြိုင်အမည်နှင့် လိပ်စာအပြည့်အစုံ - တရားလို၊ တရားပြိုင်သည် မရွယ်မရောက်သေးသူ (သို့) စိတ်ပေါ့သွပ်သူဖြစ်လျှင် ဖော်ပြပေးရန် - တရားစွဲဆိုရန် ပေါ်ပေါက်သည့် အကြောင်းခြင်းရာ၊ တရားရုံးတွင် စီရင်ပိုင်ခွင့်အာဏာရှိကြောင်း အကြောင်းခြင်းရာ၊ - တောင်းဆိုသည့် သက်သာခွင့် နှင့် အမှုတန်ဖိုး - တောင်းဆိုချက် တစ်စိတ်တစ်ဒေသကို ခုနှိမ်ခွင့်ပြုထားလျှင် (သို့) စွန့်လွှတ်ထားလျှင် ယင်းသို့ခွင့်ပြုသည့် (သို့) စွန့်လွှတ်သည့် ငွေကြေးပမာဏ - စီရင်ပိုင်ခွင့်အာဏာနှင့် ရုံးခွန်ကိစ္စ အလို့ငှာ အချင်းဖြစ်အကြောင်းအရာ၏ တန်ဖိုး။ - တရားလို (သို့) တရားလိုများ၏ လက်မှတ် - ရှေ့နေပါလျှင် ရှေ့နေ၏ လက်မှတ် - ဝန်ခံချက်တို့ အဆိုလွှာတွင် ဖော်ပြပါရှိရပါမည်။
တရားပြိုင်မှလဲ ခုခံချေပချက်ကို ချေလွှာတစ်ရပ်ရေးသား၍ ပထမအကြိမ်အမှုကြားနာသော အချိန်တွင် ဖြစ်စေ၊ အမှုကြားနာစစ်ဆေးခြင်း မပြုမီဖြစ်စေ၊ တရားရုံးက ခွင့်ပြုသည့်အချိန်တွင်ဖြစ်စေ တင်သွင်းခြင်း ပြုနိုင်ပါသည်။ တရားပြိုင်၏ ချေလွှာတွင် အမိန့်-၈ ၊ နည်း-၁ အရ အောက်ပါ အချက်အလက်များ ဖော်ပြနိုင်ပါသည်။
- ချေလွှာတွင် အမှုစွဲဆိုခွင့်မရှိကြောင်း - အဆိုလွှာတွင် ဖော်ပြထားသော ကိစ္စရပ်များမှာ ဥပဒေအရ ပျက်ပြယ်နေသော ကိစ္စရပ်များဖြစ်ကြောင်း၊ - ကာလစည်းကမ်းသတ်ကျော်လွန်ခြင်း၊ - စွန့်လွှတ်ခြင်း၊ ပေးဆပ်ခြင်း၊ ဆောင်ရွက်ခြင်း၊ ဥပဒေနှင့် မညီခြင်း၊ - အဆိုလွှာတွင် မပါဝင်သော အကြောင်းအရာများကို ချေလွှာတွင် ခုခံချေပခြင်းတို့လဲ ဖော်ပြနိုင်ပါသည်။
တရားပြိုင်မှ အဆိုလွှာအား ခုခံချေပရန်အချက်အလက်မျာကို ပြည့်စုံစွာ ထုချေခြင်းမပြုပါက နောက်ပိုင်းတွင် ငြင်းဆိုခွင့်မရှိပါ။ တရားပြိုင်မှ ဝန်မခံသော အကြောင်းအရာဖြစ်ပါက လိုရင်းကို တိတိကျကျ ငြင်းဆိုနိုင်ရမည်။
ချေလွှာတွင် ငြင်းကွယ်ခြင်းမပြုလျှင် အဆိုလွှာပါ အချက်အလက်များကို တရားပြိုင်မှ ဝန်ခံရာရောက်သည်။ထို့နောက် အဆိုလွှာ၊ ချေလွှာပါ အကြောင်းအရာများအား တရားရုံးမှ ငြင်းချက်များ ထုတ်၍ တရားမမှုကို စတင်စစ်ဆေးမည်ဖြစ်ကြောင်း ဥပဒေဗဟုသုတအနေဖြင့် ကူးယူးဖော်ပြပေးလိုက်ပါတယ်ရှင့်။
#သင့်စိတ်ကူးထဲကအိမ်ခြံလေးပိုင်ဆိုင်ဖို့ ကျွန်မတို့မှ ဝန်ဆောင်မှုပေးပါရစေ။

# အရောင်းအပ်သူဘက်ကိုသာ အကျိုးဆောင်ခ 2% အပြည့်ယူပါတယ်ရှင့်။

#ကျွမ်းကျင်ရှေ့နေများဖြင့် လုပ်ငန်းပြီးဆုံးသည့်အထိ တာဝန်ယူဆောင်ရွက်ပေးပါတယ်ရှင့်။

# ရောင်းချ၊ဌားရန် လိုသော အိမ်ခြံမြေ တိုက်ခန်းများရှိလျှင် ဆက်သွယ်နိုင်ပါတယ်ရှင့်။

Real Estate
တိုက်(၅၁)၊၀၀၁၊မြိတ်လမ်းမ၊ ၆၆ ရပ်ကွက်၊အင်းဝအိမ်ရာ၊တောင်ဒဂုံ။

☎️09750063803(အကျိုးဆောင်)

https://maps.app.goo.gl/fsqUCkckXo2zevA56

03/09/2026

ဒီနေ့တော့ ငွေကြေးခဝါချခြင်းများနှင့်ပတ်သက်ပြီး မိမိ၏အကျိုးဆောင်လုပ်ငန်းအတွက် အလေးထားစိစစ်ရမည့်အချက်များ ကိုလေ့လာမှတ်သားထားသလောက်ဖော်ပြပေးမယ်ရှင့်။
(ငွေကြေးခဝါချမှုနှင့် အကြမ်းဖက်မှုကိုငွေကြေးထောက်ပံ့မှုတိုက်ဖျက်ရေး မူဝါဒနှင့် လုပ်ထုံးလုပ်နည်းများစာအုပ်မှ ကောက်နုတ်ရေးသားထားခြင်းဖြစ်ပါသည်။)
ငွေကြေးခဝါချခြင်း(Money Laundering) ဆိုသည်မှာ တရားမဝင်သော လုပ်ငန်းအရင်းအမြစ်များ ဖြစ်သည့် လိမ်လည်မှု၊ အကျင့်ပျက်ခြစားမှု၊ အခွန်ရှောင်မှု၊ ရာဇဝတ်မှုနှင့် အကြမ်းဖက်မှုတို့ကို ဆောင်ရွက်ခြင်းတို့မှ ရရှိသည့် ငွေကြေးများ၏ မူလဇစ်မြစ် သို့မဟုတ် သဘောသဘာဝကို ဖုံးကွယ်ခြင်း သို့မဟုတ် အသွင်ပြောင်းရန် ရည်ရွယ်၍ လွှဲပြောင်းခြင်း သို့မဟုတ် ပြောင်းလဲခြင်း လုပ်ငန်းစဉ်ဖြစ်ပါသည်။
ငွေကြေးခဝါချခြင်း၏ အဓိကရည်ရွယ်ချက်မှာ အဆိုပါတရားမဝင်သောငွေကြေးများကို မူလဆောင်ရွက်သည့် လူပုဂ္ဂိုလ် (သို့) အဖွဲ့အစည်းထံ ပြန်လည်စုစည်းရရှိရန်ဖြစ်သည်။ ငွေကြေးခဝါချမှု ဆောင်ရွက်ရာတွင် မိမိတို့၏ အကျိုးဆောင်လုပ်ငန်းအား အသုံးချခံရခြင်းမှကာကွယ်နိုင်ရန်အတွက်ဖြစ်ပါသည်။
ငွေကြေးခဝါချခြင်းများနှင့်ပတ်သက်ပြီး မိမိလုပ်ငန်းအတွက် အလေးထားစိစစ်ရမည့်အချက်များ -
1. အကြမ်းဖက်မှုကို ငွေကြေးထောက်ပံ့မှု - အကြမ်းဖက်အုပ်စုတစ်ခုအတွက် အကျိုးအမြတ်ဖြစ်စေရန်(သို့) ယင်းတို့၏ စီမံ ညွှန်ကြားချက်အရ ငွေကြေးဝန်ဆောင်မှု (သို့) သက်ဆိုင်ရာ ဝန်ဆောင်မှုများကို ထောက်ပံ့ပေးအပ်ခြင်း။ (တိုက်ရိုက်ဖြစ်စေ၊ သွယ်ဝိုက်၍ဖြစ်စေ။)
2. လူအများအပြားသေကျေစေသော လက်နက်များ ပြန့်ပွါးစေရန် ငွေကြေးထောက်ပံ့ခြင်း- ဇီဝ၊ ဓါတုနှင့် နျူကလီးယား လက်နက်တို့အား ထူထောင်ခြင်း (သို့) ရရှိအောင် ဆောင်ရွက်ပေးခြင်း (သို့) ငွေကြေးထောက်ပံ့ပေးခြင်း။
3. ဆက်သွယ်ဆောင်ရွက်သူအား သိရှိြခင်း (Know Your Customer- KYC) - ဆက်သွယ်ဆောင်ရွက်သူသည် မည်သူဖြစ် ကြောင်း သတ်မှတ်ဖော်ထုတ်သည့် လုပ်ငန်းစဉ်ဖြစ်ပြီး၊ စာရွက်စာတမ်း အထောက်အထားများဖြင့် စိစစ်ရပါမည်။
4. ဆက်သွယ်ဆောင်ရွက်သူ (Client) - အိမ်ခြံမြေရောင်းဝယ်ခြင်းလုပ်ငန်းအတွက် ရည်ရွယ်၍ မိမိလုပ်ငန်းသို့ ဆက်သွယ် လာသူ၊ အရောင်းအဝယ်စာချုပ်တွင် လက်မှတ်ရေးထိုးသူ၊ ငွေလွှဲရန်တာဝန်ပေးအပ်ခံရသူ၊ ငွေလွှဲပြောင်းသူ၊ ငွေလွှဲရန် အခွင့်အရေးရှိသူ (သို့) တာဝန်ရှိသူ၊ ငွေလွှဲပြောင်းရန် (သို့) ငွေစာရင်းအားထိန်းချုပ်ရန် အခွင့်အာဏာရှိသူ။
5. ဆက်သွယ်ဆောင်ရွက်သူအပေါ် အလေးထားစိစစ်ခြင်း (Customer Due Diligence – CDD) – Client သည် ငွေကြေးခဝါ ချမှုနှင့် အကြမ်းဖက်မှုကို ငွေကြေးထောက်ပံ့မှုတို့နှင့် စပ်ဆိုင်မှုရှိမရှိစိစစ်နိုင်ရန် အဆိုပါ Client နှင့် ပတ်သက်သော သတင်းအချက်အလက်များကို ပြည့်စုံစွာရရှိရန် စဉ်ဆက်မပြတ် အာရုံစိုက်ဆောင်ရွက်ခြင်းနှင့် သက်ဆိုင်ရာအာဏာပိုင် များသို့ သတင်းပို့ခြင်း။
6. ဆက်သွယ်ဆောင်ရွက်သူအပေါ် အလေးထား စိစစ်မှုတိုးမြှင့်ဆောင်ရွက်ခြင်း (Enhanced Customer Due Diligence – EDD) – AML/CFT နှင့်ပတ်သက်၍ ဖြစ်ပေါ်လာနိုင်သော ဆုံးရှုံးနိုင်ခြေအန္တရာယ်များကို လျော့ပါးစေရန် Client ၏ သတင်းအချက်အလက်ကို ပိုမိုရယူခြင်းနှင့် ငွေကြေးဇစ်မြစ်များကို နက်ရှိုင်းစွာနားလည်သဘောပေါက်စေရန် စဉ်ဆက် မပြတ် စိစစ်ဖော်ထုတ်ဆောင်ရွက်ခြင်း။
7. မိမိဝန်ထမ်းအား သိရှိခြင်း (Know Your Employee – KYE) - မိမိဝန်ထမ်းများသည် တာဝန်ဝတ္တရားများ ဆောင်ရွက်ရန် လိုအပ်သည့် စွမ်းဆောင်ရည်နှင့် သင့်လျော်မှန်ကန်မှု၊ ရိုးဖြောင့်မှု၊ ငွေရေးကြေးရေးအခြေအနေ၊ အကျိုးစီးပွး ပဋိပက္ခများ၊ ငွေကြေးခဝါချမှုနှင့် အကြမ်းဖက်မှုကို ငွေကြေးထောက်ပံ့မှုခြင်းနှင့် ကင်းရှင်းမှုရှိ/မရှိ စိစစ်အကဲဖြတ်ရမည်။
8. အကျိုးခံစားခွင့်ရှိသူ ပိုင်ရှင် (Beneficial Owner) - ကုမ္ပဏီအဖွဲ့အစည်းတစ်ခုခု သို့မဟုတ် လုပ်ငန်းဆောင်ရွက်မှု တစ်ခုခုကို ထိရောက်သော ထိန်းချုပ်မှု ပြုလုပ်သူ။
9. ယုံကြည်အပ်နှံခံရသူ (Trustee) - ယုံကြည်အပ်နှံခံရသူအဖြစ် ရှေ့နေ သို့မဟုတ် ယုံကြည်အပ်နှံခံရသည့် ကုမ္ပဏီ စသည်ဖြင့် အသက်မွေးဝမ်းကျောင်းဆိုင်ရာ ကျွမ်းကျင်သူများ/မကျွမ်းကျင်သူများလည်း ပါဝင်သည်။
10. ပြည်တွင်း၊ ပြည်ပတွင် ဩဇာတိက္ကမ ရှိသူ (Domestic and Foreign- PEPs)- နိုင်ငံတော်အတွင်း၌ဖြစ်စေ၊ ပြည်ပနိုင်ငံ တစ်ခုခု၌ဖြစ်စေ၊ အများပြည်သူဆိုင်ရာလုပ်ငန်းများဖြင့် ထင်ရှားသူ(ဖြစ်ခဲ့ဖူးသူ) သို့မဟုတ် ယင်းလုပ်ငန်းများအတွက် ယုံကြည်ခြင်းခံရသူ(ဖြစ်ခဲ့ဖူးသူ) နှင့် ၎င်း၏မိသားစုဝင်များ သို့မဟုတ် ၎င်းနှင့်နီးကပ်စွာ ပူးပေါင်းဆောင်ရွက်သူကို ဆိုလို။
11. အပြည်ပြည်ဆိုင်ရာတွင် ဩဇာတိက္ကမ ရှိသူ (International PEPs) - အပြည်ပြည်ဆိုင်ရာ အဖွဲ့အစည်းတစ်ခု၏ ညွှန်ကြားရေးမှူး၊ ဒုတိယညွှန်ကြားရေးမှုး၊ ဒါရိုက်တာအဖွဲ့ဝင်နှင့် အဆင့်မြင့်အဖွဲ့ဝင်ဖြစ်သူ(ဖြစ်ခဲ့ဖူးသူ)၊ အလားတူ လုပ်ငန်းများတွင် ၎င်းအဆင့်နှင့်ညီမျှသော အဖွဲ့ဝင်ဖြစ်သူ သို့မဟုတ် ၎င်းလုပ်ငန်းဆောင်ရွက်ရန် ယုံကြည်အပ်နှံခံရသူ (ဖြစ်ခဲ့ဖူးသူ)နှင့် ၎င်း၏ မိသားစုဝင်များ သို့မဟုတ် ၎င်းနှင့်နီးကပ်စွာ ပူးပေါင်းဆောင်ရွက်သူကို ဆိုလို။
12. သဏ္ဌာန်ဆောင်လူပုဂ္ဂိုလ်/အဖွဲ့အစည်း (Shell Entity) - နိုင်ငံအတွင်း တရားဝင်စီးပွားရေးလုပ်ငန်းအဖွဲ့ တည်ထောင် ထားပြီး လိုင်စင်ရယူထားခြင်း သို့မဟုတ် အခြေစိုက်ထားခြင်းဖြစ်သော်လည်း ရုပ်ဒြပ်အရတည်ရှိနေခြင်း မရှိသူ၊ ခိုင်မာစွာ ကြီးကြပ်မှုခံရသော ငွေရေးကြေးရေးအုပ်စုတစ်ခုနှင့် ပေါင်းစည်းထားခြင်းမရှိသည့် လူပုဂ္ဂိုလ် (သို့) အဖွဲ့အစည်း၊ စီးပွားရေးလုပ်ငန်းလုပ်ဆောင်နေခြင်းမရှိဘဲ စာရွက်စာတမ်းအားဖြင့် အမည်ရှိနေသော လူပုဂ္ဂိုလ် (သို့) အဖွဲ့အစည်း၊ အမှန်တကယ်မရှိသော (သို့) မည်သည့်ဝန်ထမ်းမျှ ခန့်အပ်ထားခြင်းမရှိ၊ ထုတ်ကုန်၊ ဝန်ဆောင်မှု၊ စီးပွားရေးများ ဆောင်ရွက်ခြင်းမရှိဘဲ တရားမဝင်လုပ်ငန်းများအပါအဝင် ဟန်ပြတည်ရှိနေသော လူပုဂ္ဂိုလ် (သို့) အဖွဲ့အစည်းကို ဆိုလို။
13. လုပ်ငန်းဆက်ဆံဆောင်ရွက်မှု (Business Relationship) - အိမ်ခြံမြေ ရောင်း/ဝယ်/ငှါးခြင်း (သို့) လုပ်ငန်းဆိုင်ရာ ဆက်ဆံဆောင်ရွက်သည့် အချိန်ကာလတစ်ခုကို ဆိုလို။
14. ပေးချေမှုအတွက် တစ်ဆင့်အသုံးပြုသော ဘဏ်ငွေစာရင်း (Payable-Through Accounts) – တတိယပုဂ္ဂိုလ် (သို့) အဖွဲ့ အစည်းက ၎င်းတို့ကိုယ်တိုင် (သို့) ၎င်းတို့ကိုယ်စား စီးပွားရေးဆိုင်ရာ လွှဲပြောင်းဆောင်ရွက်မှုများအတွက် တိုက်ရိုက် အသုံးပြုသည့် အဆက်အသွယ်ဘဏ်ငွေစာရင်းကို ဆိုလို။
15. ကြေးနန်းဖြင့် (သို့) အီလက်ထရောနစ်နည်းလမ်းဖြင့် ငွေလွှဲခြင်း (Wire Stripping or Wire Transfer) - လူတစ်ဦး၏ ကိုယ်စား ငွေရေးကြေးရေးလုပ်ငန်းတစ်ခုမှတစ်ဆင့် အခြားငွေရေးကြေးရေးလုပ်ငန်းတစ်ခု၏ အကျိုးခံစားခွင့်ရှိသူထံ အီလက်ထရောနစ်နည်းလမ်းဖြင့် နိုင်ငံတွင်း/နိုင်ငံပြင်ပ ၌သော်လည်းကောင်း ငွေကြေးလွှဲပြောင်းခြင်းအားလုံးကို ဆိုလို။
16. အခါအားလျော်စွာ လာရောက်ဆက်သွယ်သူများ (Walk-in Customer) - မိမိလုပ်ငန်းသို့ ယခင်က ဆက်သွယ် ဆောင်ရွက်ခဲ့ဖူးခြင်းမရှိဘဲ ရှောင်တခင် ဝင်ရောက်တောင်းဆိုလာသည့် ဆက်သွယ်ဆောင်ရွက်သူများကို ဆိုလို။
စသည်တို့ကိုသေချာစွာ စိစစ်ဆောင်ရွက်ရပါမည်။ဤစာစုအား ဗဟုသုတ ဝေမျှလိုခြင်းဖြင့် ကူးယူးဖော်ပြလိုက်ပါတယ်ရှင့်။
မူရင်းရေးသားသူအား Credit ပေးပါတယ်ရှင့်။

02/09/2026

သတ်မှတ်ကာလ အဖိုးစားနားဖြင့် နေအိမ်အား ငှားရမ်းခြင်းများရှိသလို အဖိုးစားနားမပါရှိဘဲ အချိန်ကာ လသတ်မှတ်ချက် စည်းကမ်းချက်များဖြင့် အခမဲ့နေအိမ်အား နေထိုင်ခွင့်ပြုထားသည်များ အချိန်ကာလသတ် မှတ်ချက်၊ စည်းကမ်းချက်များ မပါဝင်ဘဲ နေထိုင်ခွင့်ပြုခြင်းများလဲ ရှိတတ်ကြပါသည်။ အိမ်ငှားအား နှင်လိုမှု နှင့် အခမဲ့ခွင့်ပြုချက်ဖြင့် ထားသူအား နှင်လိုမှုတို့မှာ မတူညီပါ။ အိမ်ငှားမှ ငှားရမ်းခများ မပေးချေနိုင်‌တော့ သည်အခါ အိမ်ရှင်မှ ခွင့်ပြုလျှင် အိမ်ငှားအဖြစ်မှ ခွင့်ပြုချက်ဖြင့် နေထိုင်သူအဖြစ် ရောက်ရှိသွားခြင်းများလဲ ရှိပါသည်။

ခွင့်ပြုချက်သက်သက်ဖြင့် နေထိုင်သူနှင့် စည်းကမ်းချက်များ၊ ခွင့်ပြုကာလများအား စနစ်တကျ ပဋိညာဉ်စာချုပ်ချုပ်ဆိုကာ နေထိုင်သူခွင့်ပြုထားသူနှင့်လဲ မတူညီနိုင်ပါ။ ပဋိညာဉ်စာချုပ်မချုပ်ဆိုဘဲ နေထိုင်ခွင့်ပြုထားခြင်းမှာလဲ ထာဝရနေထိုင်စေခြင်းမျိုး မဟုတ်ပါ။ ဖယ်ရှားထွက်ခွာစေခြင်း ပြုနိုင်ပါသည်။ ပိုင်ရေးဆိုင်ခွင့်အရ နေ ထိုင်သူဖြစ်လျှင် ခွင့်ပြုချက်ဖြင့်ထားသူအဖြစ် နှင်လိုခြင်း မပြုနိုင်ပါ။ အမွေဆိုင်မှ နေထိုင်ခြင်းဖြစ်ပါက အမွေမှု အဖြစ်သာ တရားစွဲဆိုဖြေရှင်းခြင်း ပြုနိုင်ပါသည်။ အရောင်းအဝယ်ဆုံးခန်း မတိုင်သေးဘဲ စရန်ပေးအရောင်း အဝယ်စာချုပ်ချုပ်ဆိုပြီးနောက် ဥပစာအား လက်ရောက်နေထိုင်သူမှာလဲ ဆိုင်ရေးဆိုင်ခွင့်အရ နေထိုင်သူဖြစ်ပြီး အခွင့်အမိန့်အရ နေထိုင်သူ မဟုတ်ပါ။

ခွင့်ပြုချက်ဖြင့် ထားသူအား ပြန်လည်နှင်လိုလျှင် နေအိမ် (သို့) မြေကွက်ခြံ ပိုင်ရှင်မှာ မူလခွင့်ပြုချက်များအား အတည်အလင်း ပြန်လည်ရုတ်သိမ်းခြင်း ပြုရပါမည်။ ဖယ်ရှားရမည့်နေ့ရက်အား နို့တစ်စာတွင် တိတိကျကျ ဖော်ပြပြီး ခွင့်ပြုချက်ဖြင့် နေထိုင်သူထံ ပေးပို့ရပါသည်။တစ်ဦးထက်ပိုသူများက နေထိုင်ရန် ခွင့်ပြုထားခြင်းဖြစ်လျှင် ခွင့်ပြုသူများအားလုံး ပါဝင်၍ နို့တစ်စာပေးပို့ရမည် ဖြစ်ပါသည်။
နို့တစ်စာအား လိုက်နာဆောင်ရွက်ကာ ဖယ်ရှားထွက်ခွာခြင်းမပြုလျှင် ခွင့်ပြုချက် ရုပ်သိမ်းသည့်နေ့မှ ကာလစည်းကမ်းသတ်အား ရေတွက်ကာ ကာလစည်းကမ်းသတ်ဥပဒေ ပထမဇယား အမှတ်စဉ် - ၁၂၀အရ (၆)နှစ်အတွင်း တရားစွဲဆိုမှုပြုရပါသည်။(ဦးဂျော်နီနှင့် မစ္စတာကုသျှယ်ဆင်း ၁၉၈၉၊ မတစ (ရုံးချုပ်)၁၇)။ တရားလိုမှာ အခွင့်အမိန့်ကို ရုပ်သိမ်းပြီးဖြစ်ကြောင်း ထင်ရှားအောင် ပြသရန် တာဝန်ရှိသည်။ (ဦးစံရှိန်ပါ ၂ နှင့် ဦးညွှန်မောင်၊ ၁၉၈၇ မတစ စာ-၈)။

တရားလိုသည့် အချင်းဖြစ်ဥပစာ၏ ပိုင်ရှင်ဖြစ်နိုင်သလို၊ ဥပစာအား စီမံခန့်ခွဲခွင့်ရရှိသူလဲ ဖြစ်နိုင်ပါသည်။ တရားလိုက တရားပြိုင်အား ဥပစာကို နေထိုင်ခွင့်ပြုထားသူ ဟုတ်မဟုတ် ဆုံးဖြတ်ပါသည်။ တရားလို ဥပစာကို ပိုင်ရှင်မှန်မမှန်နှင့် မသက်ဆိုင်ပါ။ တရားလိုမှာ ပိုင်ရှင်ဖြစ်ရန်မလိုဘဲ အခွင့်အမိန့်ပေးထားနိုင်သူဖြစ်ပါက တရားစွဲ ဆိုနိုင်ပါသည်။ ခွင့်ပြုချက်ဖြင့် နေထိုင်သူမှာ နှစ်ပေါင်းဘယ်လောက်ပင် နေထိုင်သည် ဖြစ်ပါစေ ပိုင်ရှင်အဖြစ်မရောက်ရှိဘဲ လက်ရှိနေထိုင်သူလဲ ဖြစ်မလာပါ။ နေအိမ်၏ မြေခွန်၊ ရေစွန်၊လျှပ်စစ်မီတာခွန်နှင့် စည်ပင်သာယာ အခွန်အခများကို ပေးဆောင်ရုံမျှဖြင့် ခွင့်ပြုချက်ဖြင့်‌ နေထိုင်သူမှာ နေအိမ်အား အကျိုးခံစားခွင့်ရရှိမည် မဟုတ်ကြောင်း ဥပဒေဗဟု သုတအနေဖြင့် ကူးယူဖော်ပြပေးလိုက်ပါတယ်ရှင့်။

#သင့်စိတ်ကူးထဲကအိမ်ခြံလေးပိုင်ဆိုင်ဖို့ ကျွန်မတို့မှ ဝန်ဆောင်မှုပေးပါရစေ။

# အရောင်းအပ်သူဘက်ကိုသာ အကျိုးဆောင်ခ 2% အပြည့်ယူပါတယ်ရှင့်။

#ကျွမ်းကျင်ရှေ့နေများဖြင့် လုပ်ငန်းပြီးဆုံးသည့်အထိ တာဝန်ယူဆောင်ရွက်ပေးပါတယ်ရှင့်။

# ရောင်းချ၊ဌားရန် လိုသော အိမ်ခြံမြေ တိုက်ခန်းများရှိလျှင် ဆက်သွယ်နိုင်ပါတယ်ရှင့်။

Real Estate
တိုက်(၅၁)၊၀၀၁၊မြိတ်လမ်းမ၊ ၆၆ ရပ်ကွက်၊အင်းဝအိမ်ရာ၊တောင်ဒဂုံ။

☎️09750063803(အကျိုးဆောင်)
https://maps.app.goo.gl/fsqUCkckXo2zevA56

01/09/2026

ဒီနေ့တော့ BCC ရဲ့အရေးပါပုံကိုဖော်ပြပေးမယ်ရှင့်။
အဆောက်အဦပြီးစီးကြောင်းလက်မှတ် (BCC) ရရှိမှသာ တိုက်ခန်းများတွင် တရားဝင်လူနေထိုင်ခွင့်ရရှိမှာ ဖြစ်ပါသည်။
ကန်ထရိုက်တာများသည် အဆောက်အဦဆောက်လုပ်ခြင်းအတွက် အခွန်ဆောင်ရန်ကို ရှောင်ရှားရန် အဆောက်အဦပြီးစီးကြောင်းလက်မှတ် (BCC) မလျှောက်ထားဘဲ နေထိုင်နေကျတာကို တွေ့ရပါတယ်။
အဆောက်အဦပြီးစီးကြောင်းလက်မှတ် (BCC) မရသေးသည့် အဆောက်အဦသည် ကိုယ်ပိုင် မီတာလျှောက်ထားလို့ မရသေးပါဘူး။ တစ်တိုက်လုံးအတွက် စုပေါင်းအသုံပြုသည့်မီတာ တစ်လုံးထဲကို နေထိုင်သည့်အခန်းများ အချိုးကျထည့်ဝင် ကျခံရပါတယ်။
ထိုသို့ အချိုးကျထည့်ဝင်ကျခံခြင်းသည် ကုန်ကျစရိတ်များပြားခြင်း၊ မီအားလုံလောက်စွာအသုံး မပြုနိုင်ခြင်း စသည့်ဒုက္ခတွေရှိပါသည်။
အဆောက်အဦပြီးစီးကြောင်းလက်မှတ် (BCC) လျှောက်ထားဖို့ မည်သူ့တွင် တာဝန်ရှိသလဲဆိုလျှင် ကန်ထရိုက်တာနှင့် မြေရှင် ချုပ်ဆိုသောစာချုပ်ပေါ်မူတည်ပြီး နှစ်ဦးအချိုးကျထည့်ဝင်ကျခံရန် (သို့မဟုတ်) ကန်ထရိုက်တာတစ်ဦးတည်းကျခံရန် ဆုံးဖြတ်ရမှာဖြစ်ပါသည်။
တိုက်ခန်းဝယ်ယူသူများက စုပေါင်း အခွန်ဆောင်ရန် တာဝန်မရှိပါ။ တိုက်ခန်းဝယ်ယူသူများကို ရောင်းချသည့်အခါ လူနေထိုင်ခွင့်ရရှိရန်အတွက် အဆောက်အဦပြီးစီးကြောင်းလက်မှတ် (BCC) ရရှိအောင် ဆောင်ရွက်ပေးရမည့်တာဝန်သည် ရောင်းသူနှင့်သာသက်ဆိုင်ပါသည်။ အဆောက်အဦပြီးစီးကြောင်း လက်မှတ် (BCC) ခွင့်ပြုချက်မကျမီ လူနေထိုင်သည့်ကိစ္စအတွက် သက်ဆိုင်ရာ စည်ပင်သာယာရေး ကော်မတီ မှ စစ်ဆေးတွေ့ရှိ၍ ဒဏ်ငွေကောက်ခံခြင်းများရှိလာပါကလည်း ဒဏ်ငွေကျခံရန် တာဝန် သည်လည်း ကန်ထရိုက်တာ (သို့မဟုတ်) မြေရှင်ကသာ တာဝန်ယူကျခံရမှာဖြစ်ပါသည်။
ရန်ကုန်မြို့တော် စည်ပင်သာယာရေးကော်မတီဥပဒေပုဒ်မ-၃၁၂(င)အရ ကော်မတီ၏ ခွင့်ပြုချက်မရှိဘဲ ဝင်ရောက် နေထိုင်ခြင်း၊ အသုံးပြုခြင်းအတွက် နေ့စဉ် ငွေဒဏ် ကျပ်တစ်သောင်းမှ ကျပ်ငါးသောင်းထိ ပြစ်ဒဏ်ချ မှတ်နိုင်သည်အထိ အရေးယူခံရနိုင်ပါတယ်။
အဆောက်အဦးပြီးစီးကြောင်းလက်မှတ် (BCC) မကျသေးသည့်တိုက်ဖြစ်သည့်အတွက် ကိုယ်ပိုင် လျှပ်စစ်မီတာတပ်ဆင်ရန်ကိစ္စကိုလည်း ထည့်သွင်းစဉ်စားရပေမည်။ ကိုယ်ပိုင်လျှပ်စစ်မီတာတပ်ဆင်ရန် အတွက် ကုန်ကျစရိတ်ကို မည်သူကျခံမလဲဆိုတာလည်း အရေးကြီးကိစ္စအဖြစ်ပါဝင်လာပြန်သည်။ လျှပ်စစ် မီတာတစ်လုံးကို ၅သိန်းကျော်ကုန်ကျနေသည့် ခေတ်ကာလတွင် အရောင်းအဝယ်စာချုပ်တွင် ကြိုတင်ညှိနှိုင်း ချုပ်ဆိုထားခြင်းမရှိပါက ရောင်းသူများဖြစ်သော ကန်ထရိုက်တာနှင့် မြေရှင်တို့သည် တိုက်ခန်းဝယ်ယူသူထံမှ ကုန်ကျစရိတ်ထပ်မံ ကောက်ခံခြင်းများရှိနေပါသည်။
ထို့ကြောင့် အထက်ပါကိစ္စများကို စတင်ဝယ်ယူသည့်အချိန်က စာချုပ်ချုပ်ရာတွင် ထည့်သွင်းချုပ်ဆို ထားမှသာ အခန်းဝယ်ယူသူများအနေဖြင့် ပိုမိုစိတ်ချရမှာဖြစ်ပြီး စာချုပ်တွင် မပါဝင်ပါကကန်ထရိုက်တာ နှင့် မြေရှင်သည် တိုက်ခန်းဝယ်ယူသူများကို အချိုးကျထည့်ဝင်ခိုင်းခြင်း၊ ကုန်ကျစရိတ်ကောက်ခံခြင်းများ ရှိနိုင်ပါတယ်။
ထို့အတွက် တိုက်ခန်းဝယ်ယူမည်ဆိုလျှင် အဆောက်အဦပြီးစီးကြောင်းလက်မှတ် (BCC) ခွင့်ပြုချက် မရရှိသေး သည့် တိုက်ခန်းများကို မဝယ်ယူသင့်ကြောင်း အဆောက်အဦပြီးစီးကြောင်းလက်မှတ် (BCC) ရရှိပြီး လူနေထိုင် ခွင့်ရပြီးသား တိုက်ခန်းကိုရွေးချယ်ဝယ်ယူခြင်းဖြင့် အထက်ကဖော်ပြထားသည့် ကိစ္စများကို ရှောင်ရှားနိုင်မှာ ဖြစ်ပါသည် လို့လေ့လာတွေ့ရှိမှတ်သားရပါတယ်ရှင့်။ဤစာစုကို ဗဟုသုတရရန်သာရည်ရွယ်၍ ကူးယူဖော်ပြခြင်းသာဖြစ်သည်။
#သင့်စိတ်ကူးထဲကအိမ်ခြံလေးပိုင်ဆိုင်ဖို့ ကျွန်မတို့မှ ဝန်ဆောင်မှုပေးပါရစေ။

# အရောင်းအပ်သူဘက်ကိုသာ အကျိုးဆောင်ခ 2% အပြည့်ယူပါတယ်ရှင့်။

#ကျွမ်းကျင်ရှေ့နေများဖြင့် လုပ်ငန်းပြီးဆုံးသည့်အထိ တာဝန်ယူဆောင်ရွက်ပေးပါတယ်ရှင့်။

# ရောင်းချ၊ဌားရန် လိုသော အိမ်ခြံမြေ တိုက်ခန်းများရှိလျှင် ဆက်သွယ်နိုင်ပါတယ်ရှင့်။

Real Estate
တိုက်(၅၁)၊၀၀၁၊မြိတ်လမ်းမ၊ ၆၆ ရပ်ကွက်၊အင်းဝအိမ်ရာ၊တောင်ဒဂုံ။

☎️09750063803(အကျိုးဆောင်)
https://maps.app.goo.gl/fsqUCkckXo2zevA56

31/08/2026

ဒီနေ့တော့ ပိုင်ဆိုင်သူ နှစ်ယောက်ဖြစ်နေတဲ့ မြေကွက် သို့မဟုတ်တိုက်ခန်းကိုပိုင်ဆိုင်သူအစစ်အားမည်သို့ခွဲခြားမှာလဲ?
အမေး။ ။ ဝယ်စဉ်ကတော့ ကျွန်မခင်ပွန်းအမည်နဲ့ဝယ်ထားတာပါ။ ကျွန်မတို့ကနယ်မှာ တာဝန်ကျ တော့၊ အဲဒီမြေကွက်ကို ပြန်မကြည့်ဖြစ်ခဲ့ဘူးပေါ့။ အခု ခင်ပွန်းသည် ကွယ်လွန်မှ အဲဒီမြေ ကွက်ကို သွားကြည့်ဖြစ်တော့တယ်။

ကျွန်မတို့ဝယ်ထားတယ်ဆိုတဲ့ မြေကွက်မှာ အိမ်လေးတစ်လုံး တွေတာနဲ့ စုံစမ်းကြည်တော့ သူတို့လည်း ဝယ်ထားတာလို့ သိရပါတယ်။ ကျွန်မတို့ဆီမှာ မြေချပါမစ်က ရှေ့စာရွက်နှစ်ရွက် မူရင်းရှိပြီး ဝယ်ထားတယ်ဆိုတဲ့ သူဆီမှာတော့ မြေချပါမစ်ရဲ့ နောက်စာရွက်၊ မိသားစုဓာတ်ပုံနဲ့ အိမ်ဆောက်ခွင့် စာရွက်မူရင်းတွေကို တွေ့ရပါတယ်။ အဲဒါဘယ်လို ဆောင်ရွက်နိုင်သလဲလို့ ဆွေးနွေးလာသဖြင့် ဗဟုသုတအဖြစ် ဤ ဆောင်းပါး ကို ကူးယူဖော်ပြပေးလိုက်ပါတယ်ရှင့်။

မှန်ပါသည်။ ယခုအခါ ရန်ကုန်တိုင်း မြို့ပြင်ဒေသများတွင် ကျူးကျော်နေထိုင်ကြ၍ မြေရောင်းစားနေသည်များလည်းရှိနေပေသည်။ မကြာသေးမီကာလက လှိုင်သာယာမြို့နယ် ပန်းလှိုင်တံတား အောက်ရှိ နွံတော လတာပြင်တွင် အကွက်ရိုက်ကာ တဲများ ဆောက်၍ ကျပ်သုံးသိန်းဖြင့် ရောင်းစားသည်အထိ မြေယာကျူးကျော်ရောင်းချမှုများဖြစ်ပွားခဲ့သည်။

ဂရန်အတု၊ ပိုင်ဆိုင်မှု အတု ဖြင့် ရောင်းချမှုများ လည်းရှိနေသည်။ ယခုလာရောက် ဆွေးနွေး သော မိတ်ဆွေဆိုလျှင် ဒဂုံမြို့သစ်တောင်ပိုင်းက ဖြစ်ပေသည်။

အဓိကအချက်မှာ

- မိမိ ဝယ်ယူထားသော မြေကွက်အဆောက်အအုံကို လက်ဝယ်ရရှိထားရန် အထူးလိုအပ်ပေသည်။
- ဝယ်ထားပြီး မြေကွက်ကို ပစ်ထား၍ မဖြစ်ပါ။ * မြေကွက်ကို ရှင်းလင်းခြင်း၊
- သက်ဆိုင်ရာ ရပ်ကွက်အာဏာပိုင်များထံ မိမ်ိဝယ်ယူ လက်ရှိ ဖြစ်ကြောင်း အကြောင်းကြားထား ခြင်း၊ * မကြာခဏ သွားရောက်ကြည့်ရှုခြင်း၊
- ဘေးခြံနီးချင်းအား မိမိပိုင်ဖြစ်ကြောင်း အသိပေး၍ စောင့်ရှောက်စေခြင်းများ အမြဲမပြတ်ရှိရန် လိုအပ်ပေသည်။ သို့မှသာ ထပ်မံရောင်းချခြင်း ကိစ္စရပ်များမှ ရှောင်ရှားနိုင် မည်ဖြစ်သည်။

ထို့ပြင်မိမိဝယ်ယူထားသော မြေကွက်သည် ဂရန်မြေဖြစ်ပါက ဥပဒေနှင့်အညီ စာချုပ်စာတမ်းရုံးတွင် မှတ်ပုံတင် ပြုလုပ်ချုပ်ဆိုကာ အရောင်းအဝယ် ပြုသင့်ပေသည်။
ပါမစ်မြေဆိုလျှင်လည်း စာရွက်စာတမ်းစုံလင်ခြင်းရှိမရှိ၊ မြေကွက်ပါမစ် စာရွက်စာတမ်း များသည် အမှန်အကန် ဟုတ်မဟုတ်ကို သက်ဆိုင်ရာ မြေစာရင်း ဌာနတွင် စုံစမ်းပြီးမှ အရောင်းအဝယ်ပြုလုပ်သင့်သည်။

"စာချုပ်စာတမ်းများဖြင့် ရောင်းချရာတွင် မြေအဆောက်အအုံ ပိုင်ဆိုင်ခွင့်ကို ဦးစွာပဋိညာဉ်ပြုဝယ်သူအား ဦးစားပေးဆုံးဖြတ်ရမည်" ဟု စာချုပ်စာတမ်းမှတ်ပုံတင် အက်ဥပဒေပုဒ်မ ၄၇ တွင် ဖော်ပြထားပေသည်။

စာချုပ်စာတမ်းမှတ်ပုံတင် အက်ဥပဒေပုဒ်မ ၄၇ တွင် မှတ်ပုံတင် စာချုပ်တစ်ရပ်၏ အကျိုးသက်ရောက်သော အချိန်မှာ မှတ်ပုံတင်သည့် အချိန်မဟုတ်ဘဲ မှတ်ပုံတင်ရန်လိုအပ်သည့် စာချုပ် စာတမ်းဖြစ်စေ၊ မှတ်ပုံတင်ရန်မလိုအပ်သည့် စာချုပ်စာတမ်းဖြစ်စေ စတင်ချုပ်ဆိုသည့် အချိန်ဖြစ်သည် ဟုပြဋ္ဌာန်းထားသည်။

ထို့ကြောင့် ဆွေးနွေးရန်လာသော အမျိုးသမီးအား မိမိချုပ်ဆို ထားသော မြေအရောင်းအဝယ် စာချုပ်သည် အခြားသူက ဝယ်ယူ ထားသည်ဆိုသော အရောင်းအဝယ် စာချုပ်ထက် စောသည့်နေ့ရက်၌ အရောင်းအဝယ်ပြု ချုပ်ဆိုထားပါက အခွင့်အရေးရပိုင်ခွင့် ရှိကြောင်း ရှင်းပြခဲ့ပါသည်။

သို့ဖြစ်၍ အိမ်ခြံမြေတိုက်ခန်းဝယ်ရာတွင် အဝယ်ထပ်နေပါက ဦးစွာ စာချုပ်စာတမ်းချုပ်ဆို ဝယ်ယူထားသူကသာ ရပိုင်ခွင့်ရှိကြောင်း ဗဟုသုတအဖြစ် ကူးယူးဖော်ပြလိုက်ပါသည်။

#သင့်စိတ်ကူးထဲကအိမ်ခြံလေးပိုင်ဆိုင်ဖို့ ကျွန်မတို့မှ ဝန်ဆောင်မှုပေးပါရစေ။

# အရောင်းအပ်သူဘက်ကိုသာ အကျိုးဆောင်ခ 2% အပြည့်ယူပါတယ်ရှင့်။

#ကျွမ်းကျင်ရှေ့နေများဖြင့် လုပ်ငန်းပြီးဆုံးသည့်အထိ တာဝန်ယူဆောင်ရွက်ပေးပါတယ်ရှင့်။

# ရောင်းချ၊ဌားရန် လိုသော အိမ်ခြံမြေ တိုက်ခန်းများရှိလျှင် ဆက်သွယ်နိုင်ပါတယ်ရှင့်။

Real Estate
တိုက်(၅၁)၊၀၀၁၊မြိတ်လမ်းမ၊ ၆၆ ရပ်ကွက်၊အင်းဝအိမ်ရာ၊တောင်ဒဂုံ။

☎️09750063803(အကျိုးဆောင်)
https://maps.app.goo.gl/fsqUCkckXo2zevA56

28/08/2026

ဒီနေ့တော့ အခုတလော ဆောက်လုပ်ခွင့်ပါမစ်ကိစ္စနဲ့ပက်သက်ပြီးဂယက်ထလို့ အိမ်ဆောက်မယ်ဆို ဆောက်လုပ်ခွင့်ပါမစ်လျှောက်ထားပုံလေးကို ပြောပြချင်ပါတယ်။
အိမ်ဆောက်မယ်ဆို စည်ပင်ရုံးမှာ ဆောက်လုပ်ခွင့်လျောက်ပုံကို ဖော်ပြပေးမယ်ရှင့်။
မြို့နယ် စည်ပင်သာယာရေးအဖွဲ့တွင် အိမ်ဆောက်လုပ်ခွင့် (ပါမစ်) လျှောက်ထားရန်အတွက် အောက်ပါအတိုင်း အဆင့်ဆင့် ဆောင်ရွက်ရပါမည်။
အဆင့် (၁) - လျှောက်လွှာထုတ်ယူခြင်း
* မိမိ၏ မြေပိုင်ဆိုင်မှုအထောက်အထား (ပုံစံ-၁၀၅) အား ယူဆောင်၍ သက်ဆိုင်ရာမြို့နယ်စည်ပင်ရုံးတွင် အိမ်ဆောက်လုပ်ခွင့် လျှောက်လွှာပုံစံကို ထုတ်ယူပါ။
* (မှတ်ချက်။ ။ ပုံစံ-၁၀၅ သက်တမ်းကုန်နေပါက မြေစာရင်းဦးစီးဌာနရုံးတွင် သက်တမ်းတိုးခြင်းကို ကြိုတင်ဆောင်ရွက်ထားရပါမည်။)
အဆင့် (၂) - လိုအပ်သော စာရွက်စာတမ်းပြင်ဆင်ခြင်း
လျှောက်လွှာနှင့်အတူ ပူးတွဲတင်ပြရန် ပြင်ဆင်ရမှာတွေကတော့
2ထပ်ခွဲနှင့်အောက် အဆောက်အဦးများအတွက်
* ပိုင်ဆိုင်မှုအထောက်အထား အနေနဲ့ မြေပုံနှင့် မြေရာဇဝင် (ပုံစံ-၁၀၅) မူရင်း။
* ပိုင်ရှင်အထောက်အထား အဖြစ် အိမ်ထောင်စုဇယားမိတ္တူနှင့် မှတ်ပုံတင်မိတ္တူ၊ မှတ်ပုံတင်ပြီး အရောင်းဝယ်စာချုပ် မိတ္တူ။
* အနည်းဆုံး RE (Construction) လက်မှတ်ထိုးထားသော Architecture Drawing တစ်စုံ
3ထပ်နှင့်အထက် အဆောက်အဦးများအတွက်အထက်ပါစာရွက်စာတမ်းများအပြင်
* Architecture Drawing၊ Structure Drawing တို့ကိုမှတ်ပုံတင်အင်ဂျင်နီယာ RSE Engineer လက်မှတ်ရေးထိုးထားရမည်။ (မြန်မာနိုင်ငံအဆောက်အအုံဆိုင်ရာ လုပ်ထုံးလုပ်နည်း MNBC-2025 နှင့်အညီ ဖြစ်ရမည်)။
* Etab Soft Copy & Structure Calculation: အဆောက်အအုံ ကြံ့ခိုင်မှုတွက်ချက်မှုနှင့် ဆော့ဖ်ဝဲလ်ဖိုင်။
* Stability Checking: အဆောက်အအုံ တည်ငြိမ်မှုစစ်ဆေးချက်။
* Soil Test: မြေစမ်းသပ်ချက် အစီရင်ခံစာ။
* ရေဆွဲပုံစံများ: အဆောက်အအုံ၏ အရှေ့၊ အနောက်၊ ဘေးတိုက်အမြင်ပုံများ၊ ဖြတ်ပိုင်းပုံများနှင့် အင်ဂျင်နီယာဌာနက သတ်မှတ်ထားသော ပုံစံအတိုင်း ပြည့်စုံစွာ ဆွဲသားထားသော ရေဆွဲပုံစံ။
အဆင့် (၃) - လျှောက်လွှာဖြည့်စွက်ခြင်းနှင့် ဝန်ခံကတိပြုခြင်း
* အဆောက်အအုံဆောက်လုပ်ခွင့်လျှောက်လွှာ မှာအိမ်ရှင်အမည်၊ ဆောက်လုပ်မည့်နေရာ ၊ အဆောက်အအုံအမျိုးအစား ၊ အခြေခံအုတ်မြစ် အမျိုးအစား၊ နံရံ၊ ကြမ်းခင်း၊ အမိုး၊ အလျား/အနံ/အမြင့် တို့ကို ပြည့်စုံစွာ ဖြည့်စွက်ရပါမည်။
* ဝန်ခံချက် : ခွင့်ပြုချက်ရရှိသည့်အတိုင်း ဆောက်လုပ်ရန်၊ (၃ ထပ်နှင့်အထက်ဖြစ်ပါက) ဖောင်ဒေးရှင်း၊ တိုင်၊ ယက်မ ဆောက်လုပ်ပြီးတိုင်း စည်ပင်သို့ အဆင့်ဆင့် အစစ်ဆေးခံရန်၊ အစစ်ဆေးမခံဘဲ ကွန်ကရစ်လောင်းပါက အရေးယူမှုခံယူရန် ဝန်ခံလက်မှတ်ရေးထိုးရပါမည်။
* ဝန်ခံကတိပြုလွှာ : သတ်မှတ်ထားသော မြေနေရာနှင့် စတုရန်းဧရိယာထက် ကျော်လွန်ဆောက်လုပ်ခြင်း၊ လွဲမှားခြင်းရှိပါက ဖြိုဖျက်သည်အထိ အရေးယူမှုကို ခံယူပါမည်ဟု အိမ်ရှင်မှ ဝန်ခံကတိပြု လက်မှတ်ရေးထိုးရပါမည်။
အဆင့် (၄) - ပတ်ဝန်းကျင်နှင့် ရပ်ကွက်အုပ်ချုပ်ရေးမှူး ထောက်ခံချက်ရယူခြင်း
* မိမိဆောက်လုပ်မည့် အဆောက်အအုံအနီးပတ်ဝန်းကျင်ရှိ အရှေ့၊ အနောက်၊ တောင်၊ မြောက် အိမ်နီးနားချင်းများမှ ကန့်ကွက်ရန်မရှိကြောင်း (အမည်နှင့် လက်မှတ်) ရယူရပါမည်။
* ၎င်းနောက် သက်ဆိုင်ရာမြို့နယ်၊ သက်ဆိုင်ရာ ရပ်ကွက်အုပ်ချုပ်ရေးမှူးရုံး သို့သွားရောက်၍ ကန့်ကွက်ရန်မရှိကြောင်း စစ်ဆေးမှုခံယူကာ ရပ်ကွက်အုပ်ချုပ်ရေးမှူး၏ ထောက်ခံချက် လက်မှတ်နှင့် တံဆိပ် ရယူရပါမည်။
အဆင့် (၅) - စည်ပင်ရုံးသို့ လျှောက်လွှာတင်ပြခြင်းနှင့် ကွင်းဆင်းစစ်ဆေးခံခြင်း
* ဖြည့်စွက်ထားသော လျှောက်လွှာ၊ ထောက်ခံချက်များနှင့် အင်ဂျင်နီယာပုံစံများကို စည်ပင်ရုံးသို့ တင်ပြပါ။
* သက်ဆိုင်ရာမြို့နယ်စည်ပင်သာယာရေးအဖွဲ့မှ ရပ်ကွက်တာဝန်ခံအင်ဂျင်နီယာ က မြေပြင်သို့ လာရောက်ကွင်းဆင်းစစ်ဆေးပါမည်။
* (သတိပြုရန်။ ။ 40’x60’ မြေ၌ အနည်းဆုံးအဆောက်အအုံ၏ ဘေးနှစ်ဘက်တွင် 3’ ရှေ့နောက်ကို 5’ချန်လှပ်၍ ဆောက်လုပ်ရပါမည်။)
အဆင့် (၆) - ကျသင့်ငွေပေးသွင်းခြင်းနှင့် ပါမစ်ထုတ်ယူခြင်း
* ကွင်းဆင်းစစ်ဆေးမှု အောင်မြင်ပြီးနောက် စည်ပင်သာယာရေးအဖွဲ့မှ သတ်မှတ်ထားသော အဆောက်အအုံ တန်ဖိုးဖြတ်ခွန်နှင့် စည်ပင်အခွန်အခများကို ပေးသွင်းရပါမည်။
* ငွေသွင်းပြီးပါက စည်ပင်သာယာရေးအဖွဲ့၏ အတည်ပြုချက်ဖြင့် တရားဝင် "အဆောက်အအုံဆောက်လုပ်ခွင့်ပါမစ်" ကို ထုတ်ယူရရှိမည် ဖြစ်သည်။ ပါမစ်ရရှိပြီးမှသာ အိမ်ဆောက်လုပ်ခြင်းလုပ်ငန်းကို စတင်ရပါမည်။ဤစာစုကို ဗဟုသုတရရန် ကူးယူးဖော်ပြခြင်းသာဖြစ်သည်။
#သင့်စိတ်ကူးထဲကအိမ်ခြံလေးပိုင်ဆိုင်ဖို့ ကျွန်မတို့မှ ဝန်ဆောင်မှုပေးပါရစေ။

# အရောင်းအပ်သူဘက်ကိုသာ အကျိုးဆောင်ခ 2% အပြည့်ယူပါတယ်ရှင့်။

#ကျွမ်းကျင်ရှေ့နေများဖြင့် လုပ်ငန်းပြီးဆုံးသည့်အထိ တာဝန်ယူဆောင်ရွက်ပေးပါတယ်ရှင့်။

# ရောင်းချ၊ဌားရန် လိုသော အိမ်ခြံမြေ တိုက်ခန်းများရှိလျှင် ဆက်သွယ်နိုင်ပါတယ်ရှင့်။

Real Estate
တိုက်(၅၁)၊၀၀၁၊မြိတ်လမ်းမ၊ ၆၆ ရပ်ကွက်၊အင်းဝအိမ်ရာ၊တောင်ဒဂုံ။

☎️09750063803(အကျိုးဆောင်)
https://maps.app.goo.gl/fsqUCkckXo2zevA56

27/08/2026

ဒီနေ့တော့ အိမ်ခြံမြေ စရန်ငွေပေးရာတွင် သတိထားရမယ့်အချက်များကိုဖော်ပြပေးမယ်ရှင့်။
စရန်ငွေဆိုတာ ဘာလဲ?

စရန်ငွေဆိုတာ အိမ်ခြံမြေ အရောင်းအဝယ်မှာ ပထမဆုံး စာရွက်စာတမ်းမိတ္တူယူပြီး ဝယ်သူက ရောင်းသူကို ပေးရတဲ့ ငွေပမာဏပါ။ ဒီပမာဏဟာ အိမ်ခြံမြေရဲ့ တန်ဖိုးပေါ်မူတည်ပြီး သိန်း ၁၀၀၊ ၅၀၀၊ ၇၀၀ စသဖြင့် ကွဲပြားနိုင်ပါတယ်။ ဒါပေမယ့် စရန်ငွေဟာ ဝယ်သူရဲ့ ဆင်ခြင်တုံတရားနဲ့သဘောတူညီမှု ပေါ်မှာ မူတည်ပါတယ်။ စရန်ငွေပေးရာမှာ သတိထားရမယ့်အချက်များ

(၁)ရောင်းသူရဲ့ နေထိုင်မှုအခြေအနေကို စစ်ဆေးပါ။
ရောင်းသူက ရောင်းမယ့် အိမ်၊ တိုက်ခန်း သို့မဟုတ်မြေကွက်ပေါ်မှာ လက်ရှိနေထိုင်နေသေးတယ်ဆိုရင် စရန်ငွေ အများကြီးမပေးမိဖို့ သတိထားပါ။ အကြောင်းအမျိုးမျိုးကြောင့် အရောင်းအဝယ်ပျက်ပြယ်သွားရင် ရောင်းသူက စရန်ငွေရဲ့ နှစ်ဆ ပြန်ပေးရမှာပါ။ ဒါပေမယ့် ရောင်းသူမှာ ပြန်ပေးနိုင်တဲ့ ငွေကြေးအခြေအနေ မရှိရင် ဝယ်သူဘက်က ဆုံးရှုံးမှုကြီးနိုင်ပါတယ်။

(၂)စာရွက်စာတမ်းများ ပြည့်စုံမှုကို စစ်ဆေးပါ။
ရောင်းသူလက်ထဲမှာ ဂရန် သို့မဟုတ် စာချုပ်စာတမ်းများ
ရှိမရှိ သေချာစစ်ဆေးပါ။တခါတရံ ရောင်းသူတွေက အိမ်ခြံမြေကို အပေါင်ထားထားတာ ဖြစ်နိုင်ပါတယ်။ ဒီလိုဆိုရင် စာရွက်စာတမ်းတွေ အပေါင်ခံသူလက်ထဲမှာ ရှိနေတတ်ပါတယ်။

(၃)စရန်ငွေပမာဏကို ဆင်ခြင်ပါ။
စရန်ငွေဟာ အိမ်ခြံမြေရဲ့ တန်ဖိုးပေါ်မူတည်ပြီး ပေးရတာဖြစ်ပေမယ့် တစ်နိုင်တစ်ပိုင်ပေးတာက ဝယ်သူရောင်းသူ နှစ်ဦးစလုံးအတွက် အန္တရာယ်နည်းပါတယ်။ ရောင်းသူက လက်ရှိနေထိုင်နေသေးတဲ့ အိမ်ခြံမြေဆိုရင် စရန်ငွေ အများကြီးပေးမိရင် အရောင်းအဝယ်ပျက်သွားတဲ့အခါ ပြန်ရဖို့ ခက်ခဲနိုင်ပါတယ်။

(၄)ကျွမ်းကျင်သူများ(သို့) အိမ်ခြံမြေမှာ ကျွမ်းကျင်ပြီးစိတ်ချရတဲ့ရှေ့နေနဲ့ တိုင်ပင်ပါ။
ဝယ်သူတွေအနေနဲ့ ကျွမ်းကျင်သူတစ်ဦးနဲ့ တိုင်ပင်ပြီး စာရွက်စာတမ်းတွေရဲ့ တရားဝင်မှုနဲ့ စရန်ငွေပမာဏကို ဆုံးဖြတ်တာက ပိုမိုလုံခြုံစိတ်ချရပါတယ်။ဗဟုသုတနှင့်အသိဉာဏ်မရှိဘဲ လုပ်ဆောင်ရင် စာရွက်စာတမ်းအမှားတွေ သို့မဟုတ် အရောင်းအဝယ်ပျက်ပြယ်မှုတွေကြောင့် တရားရုံးအထိ ရောက်သွားနိုင်ပါတယ်။

ဘာကြောင့် သတိထားရမှာလဲ?

ရောင်းသူတွေထဲမှာ စရန်ငွေယူပြီး အရောင်းအဝယ်ကို မပြီးမြောက်အောင် လုပ်ဆောင်တဲ့သူတွေ ရှိနိုင်ပါတယ်။ အထူးသဖြင့် ရောင်းသူက ရောင်းမယ့်အိမ်မှာ လက်ရှိနေထိုင်နေသေးရင် စရန်ငွေပြန်မရတာမျိုး ဖြစ်ပေါ်နိုင်ပြီး ဝယ်သူအနေနဲ့ တရားစွဲဆိုရတာမျိုး ကြုံတွေ့ရနိုင်ပါတယ်။ ဒီလိုအခြေအနေတွေကြောင့် ဝယ်သူတွေဟာ စိတ်ဆင်းရဲမှုနဲ့ ငွေကြေးဆုံးရှုံးမှုတွေ ရင်ဆိုင်ရနိုင်ပါတယ်။
အကြံပြုချက်
စရန်ငွေကိုရောင်းချငွေနီးပါးထိမပေးပါနဲ့: အရောင်းအဝယ်မပြီးမချင်း စရန်ငွေကို နှစ်ဦးနှစ်ဖက်အဆင်ပြေလောက်တဲ့ပမာဏသာပေးပြီး သတိထားပါ။စာရွက်စာတမ်းများ စစ်ဆေးပါ: ဂရန်၊ စာချုပ်တွေ အပေါင်မထား၊ထားကြောင်း သေချာစစ်ဆေးပါ။ ကျွမ်းကျင်သူများနဲ့လုပ်ဆောင်ပါ။ကျွမ်းကျင်သူသာပါဝင်ရင် အရောင်းအဝယ်ပိုမိုလုံခြုံပြီး အဆင်ပြေပါတယ်လို့ လေညလညမှတ်သားရပါတယ်ရှင့်။

#သင့်စိတ်ကူးထဲကအိမ်ခြံလေးပိုင်ဆိုင်ဖို့ ကျွန်မတို့မှ ဝန်ဆောင်မှုပေးပါရစေ။

# အရောင်းအပ်သူဘက်ကိုသာ အကျိုးဆောင်ခ 2% အပြည့်ယူပါတယ်ရှင့်။

#ကျွမ်းကျင်ရှေ့နေများဖြင့် လုပ်ငန်းပြီးဆုံးသည့်အထိ တာဝန်ယူဆောင်ရွက်ပေးပါတယ်ရှင့်။

# ရောင်းချ၊ဌားရန် လိုသော အိမ်ခြံမြေ တိုက်ခန်းများရှိလျှင် ဆက်သွယ်နိုင်ပါတယ်ရှင့်။

Real Estate
တိုက်(၅၁)၊၀၀၁၊မြိတ်လမ်းမ၊ ၆၆ ရပ်ကွက်၊အင်းဝအိမ်ရာ၊တောင်ဒဂုံ။

☎️09750063803(အကျိုးဆောင်)
https://maps.app.goo.gl/fsqUCkckXo2zevA56

26/08/2026

ဒီနေ့တော့ နှစ် ရှည် ဂရန်သက်တမ်းတိုးခြင်းနဲ့ပတ်သက်ပြီးဖော်ပြပေးမယ်ရှင့်။ဂရန်မြေငှားစာချုပ် ချုပ်ဆိုသည့်အခါတွင် ဂရန်၌ စည်းကမ်းချက်များနှင့် ကာလသတ်မှတ် ခွင့်ပြုချက် များ အသေးစိတ်ပါရှိသည်ဖြစ်ရာ ဂရန်အမည်ပေါက်မှ အဆိုပါအချက်အလက်များအတိုင်း လိုက်နာနေထိုင်ရမည် ဖြစ်ပါသည်။
လိုင်စင်မြေ၊ ပါမစ်မြေ၊ စကွာတာမြေ၊ စနစ်တကျ မြို့ကွက်ဖော်ထုတ်ထားသည့် လူနေရပ်ကွက်အတွင်းရှိ မြေအပြင်၊ ဂရန်ပေးစီမံချက် ချမှတ်ထားသော မြေကွက်များကို မြေငှားစာချုပ် လျှောက်ထားခြင်းပြုနိုင်ပါသည်။ ဂရန်မြေဆိုသည်မှာ အစိုးရစီမံခန့်ခွဲပိုင်ခွင့်ရှိသော မြေကို ခွင့်ပြုချက်အတိုင်း သုံးစွဲရန် မြေငှားစာချုပ်ဂရန် ထုတ်ပေးထားခြင်းဖြစ်ပါသည်။ နှစ်(၃၀)ဂရန်၊ (၆၀)ဂရန်၊ (၉၀)ဂရန် ဟူ၍ ရှိပါသည်။ အဆောက်အအုံ ခိုင်မာမှု မရှိပါက (၁၀)နှစ်ဂရန်သာ ချထားပေးသည်လဲရှိပါသည်။ နှစ်ရှည်ဂရန်များမှာ နှစ်(၃၀)လျှင်တစ်ကြိမ် သက်တမ်း မကုန်ခင် (၃)လအလိုတွင် သက်တမ်းတိုး ဆောင်ရွက်ခွင့်ရှိပြီး သက်တမ်းတိုး ကျော်လွန်ကာ သက်တမ်းတိုးပါက ဂရန်ပျက်သက်တမ်းအတွက် ဒဏ်ကြေးထမ်းဆောင်ရမည်ဖြစ်ပါသည်။ ဂရန်သက်တမ်းကျော်လွန်ကာ ဂရန်သက်တမ်းတိုးလိုပါက မြေငှားစာချုပ်ဂရန်အား ပြသပြီး
မြေငှားဂရန် အမည်ပေါက်သူ၊
- မှတ်ပုံတင်စာချုပ်စာတမ်းဖြင့် လွှဲပြောင်းဆက်ခံသူ
- တရားရုံးမှ ထုတ်ပေးသည့် မရွှေ့မပြောင်းနိုင်သည့်ပစ္စည်းရောင်းကြောင်း လက်မှတ်စာရရှိသူတို့မှ မြေငှားစာချုပ် ဂရန်သက်တမ်းတိုး လျှောက်ထားရမည်ဖြစ်ပြီး လျှောက်ထားသူသည် နိုင်ငံသား၊ (၁၈)နှစ်ပြည့်ပြီးသူ၊ စိတ်ပေါ့ သွပ်သူမဖြစ်ရပါ။ နိုင်ငံပိုင်မြေအား အသုံးပြုခြင်းဖြစ်သည့်အတွက် သတ်မှတ်မြေခွန်အား ထမ်းဆောင်မှုပြုနိုင်ရပါမည်။ ဂရန်သက်တမ်းတိုး ဆောင်ရွက်မှုမပြုသည့်မြေမှာ အစိုးရစီမံခန့်ခွဲပိုင်ခွင့်ရှိသော မြေအမျိုးအစားအဖြစ် ပြန်လည်ရောက်ရှိသွားမည်ဖြစ်ရာ မြေကွက်အား ဆက်လက်နေထိုင်ခြင်းပြုနေလျှင်လဲ စီမံချက်တစ်ခုခုကြောင့် ပြန်လည်သိမ်းဆည်းသည့်အချိန်တွင် မြေကွက်အတွက် မြေသိမ်းဥပဒေ၊ နည်းဥပဒေအရ သတ်မှတ်လျော် ကြေးများအား ခံစားခွင့်မရရှိဘဲ မြေကွက်မှ နှင်ထုတ်ခြင်းခံရမည်ဖြစ်ကြောင်း လေ့လာထားသလောက်ဖော်ပြပေးလိုက်ပါတယ်ရှင့်။
#သင့်စိတ်ကူးထဲကအိမ်ခြံလေးပိုင်ဆိုင်ဖို့ ကျွန်မတို့မှ ဝန်ဆောင်မှုပေးပါရစေ။

# အရောင်းအပ်သူဘက်ကိုသာ အကျိုးဆောင်ခ 2% အပြည့်ယူပါတယ်ရှင့်။

#ကျွမ်းကျင်ရှေ့နေများဖြင့် လုပ်ငန်းပြီးဆုံးသည့်အထိ တာဝန်ယူဆောင်ရွက်ပေးပါတယ်ရှင့်။

# ရောင်းချ၊ဌားရန် လိုသော အိမ်ခြံမြေ တိုက်ခန်းများရှိလျှင် ဆက်သွယ်နိုင်ပါတယ်ရှင့်။

Real Estate
တိုက်(၅၁)၊၀၀၁၊မြိတ်လမ်းမ၊ ၆၆ ရပ်ကွက်၊အင်းဝအိမ်ရာ၊တောင်ဒဂုံ။

☎️09750063803(အကျိုးဆောင်)
https://maps.app.goo.gl/fsqUCkckXo2zevA56

25/08/2026

ဒီနေ့တော့ အငှားချထားသူ၏ တာဝန်နှင့် အခွင့်အရေးများ ကိုဖော်ပြပေးမယ်ရှင့်။
၁။ အငှားချထားသည့် ပစ္စည်း၏ ချွတ်ယွင်းချက်ကို အငှားချထားသူက အငှားယူသူသို့ ထုတ်ဖော်ပြောရန် တာဝန်ရှိသည်။
၂။ အငှားယူသူက တောင်းဆိုလျှင် အငှားချထားသူသည် အငှားယူသူအား ပစ္စည်းကို လက်ရောက်ပေးအပ်ရန် တာဝန်ရှိသည်။
အိမ်ငှားခြင်းနှင့်ပတ်သက်၍လည်း အိမ်ရှင်အနေဖြင့် စိစစ်ရန် လိုအပ်သောအချက်များ ရှိသကဲ့သို့ အိမ်ငှားဖြစ်သူအနေဖြင့်လည်း အိမ်ငှားကာလတလျှောက် အဆက်ပြေချောမွေ့စွာ နေထိုင်နိုင်ရေးအတွက် အိမ်ရှင်ဖြစ်သူနှင့် လိုအပ်ချက်များကို ကြိုတင်ညှိုနှိုင်း၍ စနစ်တကျ သဘောတူစာချုပ် ချုပ်ဆိုရန် လိုအပ်သည်များရှိပေသည်။ အဆိုပါလိုအပ်ချက်များကို အိမ်ရှင်အိမ်ငှား နှစ်ဦးနှစ်ဖက် ကြိုတင်သိရှိ ညှိုနှိုင်းဆောင်ရွက်ကြမှသာ အိမ်ရှင်အိမ်ငှား နှစ်ဦးနှစ်ဖက် ပြသနာမရှိပဲ အဆင်ပြေချောမွေ့နိုင်မည် ဖြစ်သည်။

#သင့်စိတ်ကူးထဲကအိမ်ခြံလေးပိုင်ဆိုင်ဖို့ ကျွန်မတို့မှ ဝန်ဆောင်မှုပေးပါရစေ။

# အရောင်းအပ်သူဘက်ကိုသာ အကျိုးဆောင်ခ 2% အပြည့်ယူပါတယ်ရှင့်။

#ကျွမ်းကျင်ရှေ့နေများဖြင့် လုပ်ငန်းပြီးဆုံးသည့်အထိ တာဝန်ယူဆောင်ရွက်ပေးပါတယ်ရှင့်။

# ရောင်းချ၊ဌားရန် လိုသော အိမ်ခြံမြေ တိုက်ခန်းများရှိလျှင် ဆက်သွယ်နိုင်ပါတယ်ရှင့်။

Real Estate
တိုက်(၅၁)၊၀၀၁၊မြိတ်လမ်းမ၊ ၆၆ ရပ်ကွက်၊အင်းဝအိမ်ရာ၊တောင်ဒဂုံ။

☎️09750063803(အကျိုးဆောင်)
https://maps.app.goo.gl/fsqUCkckXo2zevA56

Address

Blk51#001, Innwa Housing, Myeik Street, 66 Ward, South Dagon Tsp
Yangon
11431

Website

facebook.com

Alerts

Be the first to know and let us send you an email when Zawtika Real Estate posts news and promotions. Your email address will not be used for any other purpose, and you can unsubscribe at any time.