03/05/2025
700 м² хашаанд ч гэсэн нэгдмэл, жижиг фермийн загварыг хэрэгжүүлэх боломжтой. Энэ нь “микро интеграцитай хашааны аж ахуй” буюу миний хэлдэгээр гэж нэрлэгддэг бөгөөд талбай бага ч гэлээ зөв төлөвлөлтөөр олон төрлийн бүтээгдэхүүн гаргах, хаягдалгүй ашиглах боломжтой. Доорх байдлаар загварчилж болно:
700 м² хашааны загвар:
1. Ногооны талбай (150–200 м²):
Сармис, лууван, сонгино, улаан лооль, байцаа гэх мэт өдөр тутмын хэрэгцээтэй ногоог эргэлтээр тариална. Био массын үлдэгдлээр бордоо хийнэ.
2. Жимсний мод, бут (50–70 м²):
Алим, чавга, үхрийн нүд, нохойн хошуу зэргийг хашааны захад тарина. Сүүдэр, нөмөр, гоёл чимэглэл давхар үүрэгтэй.
3. Тахианы байр (10–20 ш, 15–20 м²):
Өдөр бүр өндөг авах боломжтой. Шувууны сангасыг хатааж, бордоо болгон хэрэглэнэ. Өдрийн цагаар хашаанд чөлөөтэй явуулна.
4. Хүлэмж: 20:6 (50–100 м²):
Зуны эсвэл өвлийн хүлэмж барьж хүнсэндээ хэрэглэх нарийн ногоо тарьж өрхийн хэрэгцээгээ бүрэн хангаж цаашлаад нэмэлт орлого олох боломжтой
5. Загасны жижиг цөөрөм (5–10 м², сонголтоор):
Хэрвээ газар налуутай, усаа сайн барьдаг бол жижиг цөөрөм байгуулж, хэдэн тилапиа, алтан загас үржүүлж болно. Усалгааны зориулалтаар ч ашиглана.
6. Бордоо, хаягдлын менежмент (5–10 м²):
Вермокомпост (яст мэлхийний хорхой ашиглаж) эсвэл хаягдал ногоо, малын баасаар бордоо үйлдвэрлэх жижиг булан төлөвлөнө.
Давуу талууд:
• Хоол хүнснийхээ 30–50%-ийг өөрөө хангах боломжтой
• Бордоо, ургамлын хамгаалалтын зардал багасна
• Хүүхдүүдэд байгальтай ойр өсөх орчин бүрдэнэ
• Илүү цэвэр агаартай, стресс багатай амьдралын хэв маяг
Хашаандаа сайхан амьдаръя
Цэнгэний Түмэнбаяр👍
