10/11/2025
Нягтлан бодогч мэргэжлээс карьер шилжилт хийсэн түүх...
Намайг Готовдорж овогтой Намуун гэдэг. Гурван хүүхэдтэй, нөхөр маань хувиараа бизнес эрхэлдэг. KW компанидаа 2025 оны 2-р сард агент болсон, одоо CAPPER цолтой агент.
2008 онд Улаанбаатар их сургуулийг түүх, хэл судлалаар, 2011 онд Санхүү Эдийн Засгийн дээд сургуулийг нягтлан бодогч мэргэжлээр төгссөн. Мэргэжлээрээ 10 гаруй жил барилгын компаниуд дээр нягтлан хийсэн. Цалинтай, цагийн ажил хийдэг байхад хамгийн эрт очиж, хамгийн орой тарж, амралтын өдрөөр ч ажилладаг байсан. Гэвч орлого маань хэвээрээ, ойлгогдож үнэлэгдэхгүй, шударга бус байсан учраас хувиараа бизнес хийхээр шийдсэн. Хувиараа хоёр ч бизнес эхлүүлж, дампууруулж байсан түүхтэй...
Үл хөдлөх хөрөнгө зуучлалын компанид нягтлан хийж байхдаа агентуудын орлогыг хараад энэ салбарт маш их боломж байгааг мэдээд судалж эхэлсэн. Хамгийн их анхаарал татсан зүйл нь суурь хөрөнгө оруулалт шаардлагагүй, эрсдэл багатай, олон улсын франчайз бэлэн системтэй компанид орох нь хамгийн сайн шийдвэр байсан. Мөн цагийн менежментээ өөрөө зохицуулж, өөрийгөө хэр дайчилна, тэр хэмжээгээр хүссэн орлогоо олж, хөдөлмөрөө шударгаар үнэлүүлж байгаа нь энэ салбарыг сонгох хамгийн том шалтгаан болсон.
Цалингийн системээс орж ирсэн хүний хувьд энэ бизнесээ хурдан ойлгох нь их чухал санагдсан. Эрх чөлөөтэй, цагтай юм шиг боловч хувийн сахилга баттай, 100% төвлөрч ажиллавал орлого тогтвортой, өндөр байх бүрэн боломжтой. Манай компани нэг төгрөг ч илүү авдаггүй, маш шударга хуваарилалт хийдэг нь нягтлан хүний хувьд анхаарах хамгийн чухал зүйл. Би каппер агент болоод орлогоо 100% өөрөө авч байгаадаа сэтгэл хангалуун байдаг.
Эхлээд энэ салбарт ороод өөрийгөө их голонгуй байсан ч PRODUCTIVITY COACHING системийн дагуу суралцаж, богино хугацаанд тогтвортой борлуулалттай, өндөр орлоготой болж чадсан. Ажилдаа сэтгэл гаргасны хэрээр үр дүн гараад урамшаад, дараагийн түвшинд гарч илүү мэргэжлийн агент болохоор хичээж, суралцаж байна. Манай салбарын онцлог нь байнга суралцаж байхыг шаарддаг салбар юм шиг санагддаг. Одоо бол өөртөө болон гэр бүлдээ чанартай цаг зарцуулах дээр анхаарч эхэлж байгаа. Гэр бүл болон хувийн зохион байгуулалтаа сайн хийгээд стрессгүй, орлоготой, хоббитой, сэтгэл хангалуун ажиллах нь миний хувьд хамгийн чухал.
KW компанидаа нэгдээд 9 сарын хугацаанд нийт 9.8 тэрбумын 42 борлуулалт хийсэн байна. Энэ салбарыг сонирхоод эргэлзэж байгаа залууст хандаж хэлэхэд, шийдвэрээ хурдан гаргаарай. Та өөрөө л шийдээд зүтгэвэл боломж дүүрэн, гайхалтай салбар гэж хэлмээр байна.
"Шинээр карьер шилжилт" хийж Үл хөдлөх хөрөнгийн салбарт өөрийгөө нээх хүсэлтэй залууст зориулан сар бүр зохион байгуулдаг 𝗖𝗔𝗥𝗘𝗘𝗥 𝗡𝗜𝗚𝗛𝗧 арга хэмжээнд та яг одоо бүртгүүлээрэй!
🔗Бүртгүүлэх холбоос : https://forms.gle/31XcCPZjudJJZZLm9
🗓 Хэзээ: 11-р сарын 13-нд Пүрэв гарагт 18:00 цагт
📍Байршил: Галлериа Улаанбаатар 3 давхарт Sky Ballroom
𝗞𝗪 𝗪𝗵𝗲𝗿𝗲 𝗘𝗻𝘁𝗿𝗲𝗽𝗿𝗲𝗻𝗲𝘂𝗿𝘀 𝗧𝗵𝗿𝗶𝘃𝗲
