Realtor B.Erdenechuluun

12/08/2026

07/08/2026

🏡 Газар авахдаа хүмүүсийн хамгийн их гаргадаг 3 алдаа. #анзаараарай: #2

Газар аваад хохирсон хүмүүс маш олон байдаг!

✅ 1. Кадастрын цэгээ шалгаарай.

Кадастрын цэг бодит хашаатайгаа давхцаж байгаа эсэхийг заавал тулгаж үзээрэй. Буруу байршилтай хашаа, хөршийн газарт давхардсан кадастр зэрэг асуудал дараа нь ихээхэн хүндрэл үүсгэдэг.

✅ 2. Хөрсний нөхцөлийг нягтлаарай.

Намаг, цэвдэгтэй газар бол суурь хийх, байшин барих зардал өндөр байдаг. Мөн мод, зүлэг ургуулахад хүндрэлтэй, ургалт удаан байдаг.

✅ 3. Хотын ерөнхий төлөвлөгөөг үзээрэй.

Ирээдүйд тухайн газраар авто зам, дэд бүтэц, нийтийн зориулалтын байгууламж төлөвлөгдсөн эсэхийг урьдчилан тодруулаарай. Дараа нь газраа чөлөөлөх асуудал үүсэх эрсдэлийг ингэж бууруулна.

Анзаараад авсан нэг мэдээлэл таныг олон сая төгрөгийн алдагдал, олон жилийн маргаанаас хамгаалж чадна.

ХАШААНДАА САЙХАН АМЬДАРЪЯ🏡

#ГазарХудалдана

28/07/2026

👉Өвгөдийн аман сургаалийг үр хойчдоо өвлүүлж, амьдрал ахуйд нь хэвшүүлэхсэн ...🙏

Аавын бийд сахал тавьдаггүй
Агтны дэлэнд хутга хүргэдэггүй
Алсын замд цаг товлодоггүй
Амрагийн явдалд хөндлөнгөөс ордоггүй

Буурал өвөгдийн дээр суудаггүй
Бусдын хэргийг ганцаар шүүдэггүй
Буцах шувуудын цувааг тоолдоггүй
Бурханы дэргэд хараал хэлдэггүй

Ихэдсэн зовлонд орондоо уйлдаггүй
Илүүдсэн жаргалд орондоо дуулдаггүй
Идсэн хоолоо дутуу орхидоггүй
Иртэй талаар хутга дамжуулдаггүй

Маанийн ажилд малгай тавьдаггүй
Малын бэлчээрт бой хийдэггүй
Махны хольцонд сүү ордоггүй
Мандах наранд ус өргөдөггүй

Нагацын дэргэд дал барьдаггүй
Настны дэргэд сархад хүртдэггүй
Найрын хойморт энгэр задгайлдаггүй
Наадмын даваанд тооцоо ярьдаггүй

Цайны шаарыг галд хийдэггүй
Цагаан идээнд цус хольдоггүй
Цацлын идээг доош өргөдөггүй
Цаг голлоход замд гардаггүй

Ардын сайхан сургааль минь
Аялгуу төгс хөгжим юм
Ашдын сайхан ерөөл нь
Амандаа унших тарни юм...

04/07/2026

🎓 Орон нутгийн шинэ элсэгчдэд 100% сургалтын төлбөрийн хөнгөлөлт!

Соёл Эрдэм Дээд Сургууль 2026–2027 оны хичээлийн жилийн элсэлтээ авч байна.

📍 Хэрэв та орон нутгаас шинээр элсэх гэж байгаа бол 100% сургалтын төлбөрийн хөнгөлөлтөд хамрагдах боломжтой.

👉 Дэлгэрэнгүй мэдээлэл болон цахимаар бүртгүүлэх:
https://soyolerdem.edu.mn/admission

⏳ Хугацаа хязгаартай тул боломжоо бүү алдаарай
Соёл Эрдэм Дээд Сургууль

Япон улсын хөрөнгө оруулалттай дээд сургууль. Япон хэл, соёл, олон улсын харилцааны чиглэлээр Монголдоо тэргүүлэгч.

09/06/2026

👉Нийслэлд Газар өмчлөлийн ажлыг эрчимжүүлэх ажил хэрэгжиж байгаа юм байна.
👉Дүүрэг тус бүрт танд ойр газарт мэдээлэлийг хүргэхнээ. Та бүхэн өөрт ойр байгаа байршилд очиж мэдээлэл авна уу.

Нийслэлийн Газар зохион байгуулалтын алба

27/04/2026

Өнгөрсөн амралтын өдөр "Content con 2026" арга хэмжээнд оролцсон юм. Оролцогчдоос олон шинэ сонин мэдээлэл олж авсанаас Б.Мандуулын хэлсэн нэг үг таалагдсанаа хуваалцаад энэ 7 хоногийн ажил нь бүтээмжээр дүүрэн амжилтаар бялхахыг хүсье ээ.

👉👉👉Хүн суралцах эрхтэй
Сурснаа хуваалцах үүрэгтэй 🥰🙏🥰
via Б.Мандуул (ONDO)

13/04/2026

Энэ 7х сургалт... Бид 7 хоног бүрийн даваа гарагт агент хөгжлийн буюу хувь хүн, ур чадвараа хөгжүүлэх сургалтанд сууж мэдлэг, туршлагаа нэмэгдүүлдэг