06/04/2023
ГАЗАР ӨМЧЛӨХ ХҮСЭЛТ ГАРГАХ
Өмчилж авахыг хүсч буй газрын харьяалагдах сум, дүүргийн засаг даргад газар өмчлөх өргөдлөө гаргана.
Өргөдөлд дурьдаж бичих шаардлагатай:
✔Гэр бүлийн гишүүн бүрийн овог, эцэг/эх/-ийн болон өөрийн нэр, иргэний үнэмлэхийн болон регистрийн дугаар
✔Оршин суугаа газрын хаяг, утасны дугаар, өмчилж авах газрын засаг, захиргаа нутаг дэвсгэрийн нэгжийн харьяалал
✔Өмчилж авах газрын зориулалт, хэмжээ
✔Өргөдөл гаргаж буй газрыг иргэд дундаа буюу хэсгээр хамтран өмчлөх бол энэ тухай хүсэлт зэрэг мэдээлэлийг тусгана.
✔Өргөдөлд өргөдөл гаргасан он, сар, өдрийг бичиж гэр бүлийн 18 насанд хүрсэн гишүүн бүр гарын үсэг зурна.
Өргөдөлд хавсаргах бичиг баримтууд:
• Гэр бүлийн 16 нас хүрээгүй гишүүний төрсний гэрчилгээний нотариатаар гэрчлүүлсэн хуулбар
• Гэр бүлийн ам бүлийн байдлын тухай баг, хорооны засаг даргын тодорхойлолт
• Газрын тухай хуулийн дагуу газар эзэмшиж байгаа бол газар эзэмшүүлэх гэрчилгээ болон газар эзэмшүүлэх гэрээний нотариатаар гэрчлүүлсэн хуулбар
• Хүсэлт гаргасан газрын байршил, хэмжээг харуулсан тойм зураг/Кадастрын зураг/
Сум, дүүргийн засаг дарга өргөдлийг хүлээн авснаас хойш /дарааллын дагуу/ 3 сарын дотор шийдвэрлэнэ.
Засаг даргын шийдвэрийг үндэслэн эд хөрөнгийн эрхийн бүртгэлийн газар үл хөдлөх эд хөрөнгийн улсын бүртгэлийн гэрчилгээ олгосноор газар өмчлөх эрх тань баталгаажина.
Ингээд Өмчлөх эрхийг бүртгэх эрх бүхий байгууллагаас өмчлөх эрхийн ГЭРЧИЛГЭЭГ авахын тулд дараах бичиг баримт бүрдүүлнэ.
• Тусгай загвар бүхий мэдүүлгийн маят бөглөнө
• Үйлчилгээний хураамж төлсөн баримт
• Газар өмчлүүлсэн талаарх Засаг даргын захирамж, түүний үндэслэн олгосон гэрчилгээ/эх хувь/
• Кадастрын зураг/эх хувь/
• Өмчлөгчийн иргэний үнэмлэхийн нотариатаар гэрчлүүлсэн хуулбар
• Газар эзэмших болон ашиглах эрхийн гэрчилгээ, гэрээний нотариатаар гэрчлүүлсэн хуулбар зэргийг мэдүүлэгт хавсаргана.
Эх үүсвэр: Газрын харилцаа, геодези, зураг зүйн газар
