Khangai Property

06/05/2026

06/05/2026

02/05/2026

02/05/2026

АНУ-ын Номхон далайн бүс нутагт анх удаа зохион байгуулж буй “Pacific Land Forces Team Readiness Challenge” олон улсын тэмцээн энэ сарын 1-6-нд болж байна. Энэхүү тэмцээнд Монгол Улсын Зэвсэгт хүчний райнжер, сургагч ахлагч А.Мөнгөншагай тэргүүтэй шилдэг 6 ахлагчийн баг амжилттай оролцож байна.

Нийтийн өмнөөс, мөн Delta Partners компанийн хамт олны нэрийн өмнөөс тэдэнд амжилт хүсье — хүчтэй баг, зоригтой удирдлага, төрөлх чадваруудаа бүрэн харуулан амжилттай оролцоно гэдэгт итгэж байна.

Амжилт хүсье!

20/04/2026

YouTube-д "Itchy Boots" хэмээх сувгаар аяллын контентуудаа нийтэлдэг Нидерландын аялагч, адал явдал хайгч Норали Шёнмакерийн Монгол орныг мотоциклоор хөндлөн гулд туулсан цувралыг бараг 7 сая хүн үзэж, тус платформ дахь одоогоор хамгийн их хандалттай аяллын влогуудын нэгд багтаад байна.

Тэрбээр энэхүү аяллын цувралаа Турк улсаас эхлүүлж, Өмнөд Ази, Төв Азийн орнуудаар дамжин БНХАУ-ын Шинжаан Уйгурын Өөртөө засах орныг бүтэн туулсны дараа Монгол Улсын баруун хилээр нэвтрэн Ховд, Увс, Завхан, Архангай аймгуудын нутгаар аялжээ. Монгол дахь цуврал нь одоо үргэлжилж байгаа бөгөөд ням гараг бүр цацагддаг шинэ анги тус бүр нь 1-1.6 сая хүртэлх үзэлт цуглуулсан байна. Сүүлийн байдлаар "Itchy Boots" сувгийн нийт дагагчдын тоо 3.3 саяд, бүх контентын нийт үзэлт 775.8 саяд хүрчээ.

2018 оноос эхлэн дэлхийг мотоциклоор тойрох аялалд гарсан Норали Шёнмакер өдгөө 70 гаруй улсаар аялж, 190 мянган км зам туулаад байгаагаа сошиал хуудастаа онцолжээ. Мөн тэрбээр 2025 онд өмнөх аяллын тэмдэглэлүүдээрээ "Free Ride" нэртэй ном хэвлүүлсэн нь New York Times сонины бестселлер бүтээлүүдийн жагсаалтад багтсан байна.

Өргөн уудам, хүн ам сийрэг, байгалийн олон янз байдлыг цогцлоосон Монгол Улсад адал явдалт аялал жуулчлалын эрэлт нэмэгдэхэд алдартай аялагчдын энэ төрлийн контентууд дорвитой дэмжлэг үзүүлэхээр байна. 2019 онд Их Британийн алдарт "Top Gear" цуврал шоуны одууд болох Жереми Кларксон, Жэймс Мэй, Ричард Хэммонд нар "The Grand Tour" шинэ цувралынхаа нэг ангийг Монголд бэлтгэсэн нь олон улсын үзэгчдийн таашаалд ихээр нийцэж байлаа.

20/04/2026

Ираны дайн ба Монголд үзүүлэх дам нөлөө

Ойрхи Дорнод дахь геополитикийн хурцадмал байдал, ялангуяа Ираны дайн нь олон улсын нефтийн зах зээлд шууд цохилт болж байна.

Ормузын хоолойн орчимд эрсдэл үүсэх бүрт Brent crude oil зэрэг дэлхийн жишиг үнэ огцом өсөх хандлага ажиглагддаг.

Монгол Улс шатахууны хэрэгцээгээ бүрэн импортоор, тэр дундаа ОХУ-аас хангадаг хэдий ч үнэ тогтоох механизм нь олон улсын зах зээлийн индексээс шууд хамааралтай.

Азийн зах зээлд боловсруулсан нефтийн бүтээгдэхүүний суурь үнэ болох Mean of Platts Singapore (MOPS) индекс дээр нэмэгдэл (premium) болон ложистикийн зардлыг тооцон импортын үнэ бүрддэг.

Үүн дээр валютын ханшийн савлагаа нэмэлт дарамт болдог. Шатахууны төлбөрийг ам.доллараар гүйцэтгэдэг тул төгрөгийн ханш сулрах нь дотоодын жижиглэнгийн үнийг хөөрөгдөх гол хүчин зүйл юм.

2026 оны 3-р сард дизель түлшний үнийг нэмэх санал гарсан нь энэхүү гадаад шокын бодит илрэл юм. Дизель түлш нь тээвэр, хөдөө аж ахуй, уул уурхайн салбарын суурь орц тул үнийн өсөлт нь зардлаар үүдэлтэй инфляцыг (cost-push inflation) өдөөж, улмаар өргөн хэрэглээний бараа, үйлчилгээний үнэд гинжин нөлөө үзүүлдэг.

Мөн зах зээлийн оролцогчдын дундах үнийн өсөлтийн хүлээлт нь бодит инфляцаас түрүүлж үнийн хөөрөгдөл үүсгэх эрсдэлтэй. Тухайлбал жижиглэнгийн барааны худалдаачид юмуу таксичид үнээ өсгөнө гэсэн үг.

Иймд геополитикийн эрсдэл нь зөвхөн шатахууны үнээр хязгаарлагдахгүй, тээврийн зардлаар дамжин Монгол өрхийн бодит орлогыг бууруулах эдийн засгийн гүн дарамт болж байна.

Мэдээж инфляцын цорын ганц шалтгаан нь Ираны дайн биш боловч дэлхийн зах зээлээр дамжих энэхүү шууд нөлөө нь манай улсын эдийн засагт хамгийн эмзэг тусах болно.

14/04/2026

Average IQ in Asia 2026 🧠

1. 🇰🇷 South Korea – 106.97
2. 🇨🇳 China – 106.48
3. 🇯🇵 Japan – 106.30
4. 🇮🇷 Iran – 104.80
7. 🇸🇬 Singapore – 103.56
8. 🇲🇳 Mongolia – 102.61
9. 🇻🇳 Vietnam – 102.26
15. 🇱🇰 Sri Lanka – 101.22
31. 🇹🇭 Thailand – 99.94
49. 🇲🇾 Malaysia – 98.51
50. 🇮🇳 India – 98.44
54. 🇲🇲 Myanmar – 98.28
58. 🇶🇦 Qatar – 97.94
62. 🇦🇪 UAE – 97.39
63. 🇧🇩 Bangladesh – 97.32
64. 🇳🇵 Nepal – 97.31
70. 🇵🇰 Pakistan – 96.93
75. 🇺🇿 Uzbekistan – 96.51
80. 🇰🇿 Kazakhstan – 95.92
81. 🇯🇴 Jordan – 95.73
82. 🇲🇻 Maldives – 95.71
83. 🇵🇭 Philippines – 95.68
95. 🇸🇦 Saudi Arabia – 94.07
103. 🇰🇭 Cambodia – 93.12
105. 🇱🇦 Laos – 92.97
126. 🇮🇩 Indonesia – 89.96

Average IQ by country, updated on January 1, 2026. This study is based on 1,212,714 people around the world who took the same test on this website.

Source: International IQ Test