02/05/2022
🙏 🙏🙏МЭГЖИД ЖАНРАЙСИГ ШҮТЭЭН🙏🙏🙏
Жанрайсаг бурхан бол хамаг амьтныг нэг хүүтэй эхийн хайраар хайрлаж эвээдэг хайр энэрэлийн бурхан билээ. Мэгжид Жанрайсиг бурхан нь баруун дээд мутартаа хамаг амьтны билгийн гэмийг буюу мунхаг харанхуйн өвчнийг ариусгах нигүүсэхүйн рашаан бүхий мөнгөн бумбыг эрхшээж, баруун анхдугаар мутрын нэргүй хуруугаар зүүн анхдугаар мутар дахь цөгцтэй рашаанаас мэлмийн гэмийг арилгадаг бөгөөд шөнийн цагт зүүн дээд мутартаа эрхшээсэн мөнгөн толиндоо хамаг амьтныг болгоон үзэж, зовлон, өвчинд унагсдыг анагаадаг юм.
Жанрайсиг бурханы хийд 1913 онд баригдаж дууссан ч Их бурхныг залснаар 24 жилийн дараа хэлмэгдүүлэлтийн жил эхэлж, 700 гаруй сүм хийд, хэдэн мянган бурхан, суврагыг устгасны дунд Жанрайсиг бурхан өртсөн байдаг.
1991 оны 4 сарын 22-нд Жанрайсиг бурхныг дахин бүтээх ажилд Монголын ард түмэн хичээн зүтгэж, хандив, сэтгэлийн өргөлийг шингээн цогцлоосон билээ.
26,5 м өндөр шинэ Жанрайсгийг бүтээхэд 20 тонн эх орны Эрдэнэтийн зэсийн цутгамал, 27 тонн ган орсон. Бурхныг 5х5 см хэмжээтэй, 75600 ширхэг алтан ялтсыг зай завсаргүйгээр нийлүүлэн бүрхэж, Монгол орны маань хөрсөнд оршдог очир алмаз, маргад эрдэнэ, бадмаараг, индранил, молор эрдэнэ зэрэг 2000 гаруй төрлийн үнэт эрдэнийн чулуугаар чимжээ.
Монгол төр улсын тусгаар тогтнол, ард түмний билгийн мэлмий өнө мөнхөд гэгээн тунгалаг байхыг бэлэгдэн, хүмүүн төрөлхтний энэрэл нигүүсэл, энх амгалангийн дээд эрмэлзлийг төгс утгыг бүрнээ илэрхийсэн, Монгол түмний хойморт ашид заларсан билээ.
эх сурвалж: Алтан будда/Golden buddha
Тунгаан болгооно уу🙏
#ИХ МОНГОЛЫН ХУТАГТ ХУВИЛГААД САН #
