30/04/2024
Өнөөдөр 4 сарын 30. Хүүхдийг Зодож Шийтгэхийн Эсрэг Олон Улсын өдөр
ХҮҮХДЭД ГАР ХҮРЭХ НЬ ЗӨВ ҮҮ?
Бид ээж аавдаа зодуулж л өссөн буруудсан юм алга, монгол хүнд алганы амт хэрэгтэй, эрэгтэй хүүхдийг хатуужилтай болгоно... гэтэл анхаараарай..
❗Бага насандаа гэр бүлдээ алганы амт үзэж өссөн хүүхэд насанд хүрээд:
Хүчгүй гэдгээ мэдрэх тусам өөр хаа нэгтэйгээс хүчтэй гэдгээ мэдрэх хэрэгцээ үүсэж өөрөөсөө сул дорой санагдсан нэгэнд дээрэнгүй ханддаг болох, "Хайртай хайртай гэдэг байж зодож байна, худлаа байх нь! Хайртай хүмүүстээ гар хүрч болдог байх нь" гэсэн ойлголт л хамгийн түрүүнд буудаг, сэтгэлд нь хоногшин үлддэг.
Гэтэл насанд хүрээд хүүхэд тань ханиа хүүхдүүдээ үл тоомсорлож, дээрэнгүй ханддаг байвал тэр гэр бүл жаргал дүүрэн байж чадах болов уу, таны хүүхдэдээ хүссэн амьдрал тэр мөн болов уу?
👧 Хүүхдийн хувьд бурууг хийх бүрд цохиж зодож "чиний л буруу байсан" учраас хэмээн итгүүлсээр авсаар насанд хүрээд нөхрийн болон бусдын хүчирхийлэлд хэт хүлээцтэй, энэ нь байх ёстой зүйл, би л буруу зүйл хийгээд зодууллаа, би л тэсэх ёстой хэмээн хүлээж авдаг болох хандлагатайгаараа ХАМГИЙН ХОХИРОЛТОЙ ЮМ.
💧 Хүүхэд бурууг хийсэн үед яагаад буруу болохыг нь тайлбарла, хүүхэд санаатай алдаа хийдэггүй. Та түргэн авираар гар хүрснээр хүүхэд та хоёрын хоорондох итгэлцлийг үгүй хийдэг. Хүүхэд зөв ч бай буруу ч бай аливаа зүйлээ танаас нууцаар хийдэг, эсвэл ямар нэг шинэ зүйлийг турших, хийх хүсэл огт байхгүй болдог.
💧Хүүхдийг байнга зодож шийтгэх нь тэдний өөртөө итгэх итгэлийг үгүй хийдэг. Сул дорой, олон нийтийн дунд өөрийгөө илэрхийлэх чадвар сул болдог.
💧 Хүүхэд заль мэх зохион хэлэх, хулгай хийх, дүүгээ, найзуудаа дээрэлхэх, цохих, өөрөөсөө сул дорой нэгнийг өдөж хоргоож зодох муу авиртай болж энэ бүх муу зүйлийг хийж байгаадаа гэмшихээ ч больдог.
💧 Хүүхэд зөвхөн томчууд өөрийг нь зодож шийтгэх вий гэж айсан үедээ л үгэнд ордог ө.х заавал том дуугарсан, сүрдүүлсэн үед л үг сонсдог бусад үед дураараа авирладаг сөрөг хандлагатай болдог.
🌏 Зарим үед таны анхааралыг татах гэсэндээ, хайрыг хүссэндээ элдвийг санаалчилдаг нь бас л БҮТЭЛГҮЙТЭЛд хүргэдэг.
🌟 Хүүхдэд том дуугарч, цохиж, зодох нь тэдний БУРУУ ҮЙЛДЭЛ-ийг тухайн үедээ зогсоож болох богино хугацааны л үр дүнтэй арга юм. Гэхдээ тэдэнд яагаад зөв, яагаад буруу болох учрыг тайлбарлаж, ярьж ойлгуулах нь хүүхдийн урмыг хугалж итгэлийг мохоохгүй, ирээдүйг нь СҮҮДЭРлүүлэхгүй хамгийн зөв алхам шүү.
☝ Бид дийлэнхдээ өөрсдөө стресс ихтэй үедээ хүүхдэдээ гар хүрчихээд байгаагаа анзаараарай.
Аав ээж, багш, насанд хүрсэн хэн ч хүүхдэд гар хүрч зодож шийтгэж болохгүй!
Г. Төмөрзаяа (Боловсрол судлаач)
Б.Мягмарсүрэн (Сэтгэл судлаач
Copy
