27/05/2026
‼️Ипотекийн зээл хүсэгч
Орлогын эх үүсвэрийг цалингийн орлого, хувиараа бизнес эрхэлсэн орлого гэсэн хоёр төрлөөр баталгаажуулна.
13.2. Цалингийн орлоготой зээл хүсэгч дараахь баримт бичгүүдийг бүрдүүлнэ.
Үүнд: 13.2.1. Ажил олгогч байгууллагын цалингийн тэмдэглэл, хүснэгт, картын гүйгээ сүүлийн 1 жилээр;
13.2.2. Цалингийн тодорхойлолт;
13.2.3. Хөдөлмөрийн гэрээ;
13.2.4. Сүүлийн хоёр жилийн ажил эрхлэлт болон цалингийн түүх;
13.2.5. Зээл хүсэгчийн нийгмийн даатгалын дэвтэр дахь сүүлийн хоёр жилийн бичилтийн хуулбарыг эх хувьтай тулган үзэх;
13.2.6. Хийснээрээ цалинждаг тохиолдолд цалингийн тогтвортой байдлыг батлах баримт;
13.2.7. Нэмэгдэл цалин, урамшууллын баримт;
13.2.8. Сүүлийн 1 жилээс доошгүй хугацаанд үндсэн ажилтнаар тасралтгүй ажиллаж байгааг батлах баримт. Улаанбаатар хотоос орон нутагт шилжин суурьшиж буй өрхийн хувьд (ЗГ-аас хэрэгжүүлж буй хөтөлбөр) сүүлийн 1 жилийн хугацаанд 3-аас дээшгүй сар ажил эрхлэлт тасалдсан байж болно; /Энэ хэсэгт Монголбанкны Ерөнхийлөгчийн 2023 оны 05 дугаар сарын 02-ны өдрийн А-85 дугаар тушаалаар нэмэлт, өөрчлөлт оруулсан./
13.3. Хувиараа бизнес эрхэлдэг зээл хүсэгч нь дараахь баримт бичгүүдийг бүрдүүлнэ. Үүнд:
13.3.1. Сүүлийн хоёр жилийн болон татварын албанаас баталгаажуулсан сүүлийн санхүүгийн тайлан, орлого зарлагын мэдээлэл болон бараа материалын бүртгэлийн хуудас;
13.3.2. Хуулийн этгээдийн улсын бүртгэлийн гэрчилгээ, дүрмийн нотариатаар гэрчлүүлсэн хуулбар;
13.3.3. Тухайн бизнест 2-с доошгүй жил ажилласан байх;
13.3.4. Тусгай зөвшөөрөл шаардлагатай ажил, үйлчилгээний хувьд холбогдох зөвшөөрөл, лиценз, ажлын байрны дүгнэлт;
13.3.5. Хэрэв дээрх зөвшөөрлүүд шаардлагагүй бол түрээсийн гэрээ гэх мэт бизнесийн оршин байгааг батлах баримт;
13.3.6. Бусад орлогын баталгаа баримт;
13.3.7. Бизнесийн гүйлгээний дансны сүүлийн 1 жил 6 сарын хуулга;
13.3.8. Зээлдүүлэгчээс болон бусад банкнаас бизнесийн болон бусад зээл авч байсан тохиолдолд уг зээл хэвийн ангилалд байх
Дэлгэрэнгүйг:https://www.mongolbank.mn/file/beb8a25d6bc7b7f718f2a9a71f0c2b39/files/2008-446_doc%20-2.pdf
#мик #ипотек #санхүүгийнболовсролд #ипотекийнзээлшилжихтухай
