Altan Joloo Property

23/04/2026

Амгаланд худалдаа, үйлчилгээ болон өдөр тутмын хэрэгцээгээ нэг дороос шийдэх шинэ боломж нээгдлээ.

Бид хэрэглэгчдийнхээ хэрэгцээ, шаардлагад нийцсэн төрөл бүрийн худалдаа, үйлчилгээг нэг дор төвлөрүүлж, цаг хэмнэсэн, тав тухтай орчны шийдлийг бүрдүүлээд байна.

⏰Цагийн хуваарь:

Өдөр бүр 08:30 -10:00

📌Хаяг: Баянзүрх дүүрэг, 10-р хороо, Амгалан Гачууртын зам

13/04/2026

“Алтан Жолоо Групп”-ийн хэрэгжүүлж буй Śila Residence төслийн барилгын дотор заслын ажил гүйцэтгэх эрх бүхий, туршлагатай аж ахуйн нэгжийг сонгон шалгаруулж байна.

Тендерт оролцох хүсэлтэй компаниуд холбогдох баримт бичгээ зохих журмын дагуу бүрдүүлэн 2026 оны 05 дугаар сарын 01-ний өдрийн 18:00 цаг хүртэл дараах цахим шуудангийн хаягаар ирүүлнэ үү.

Баримт бичиг хүлээн авах хаяг: [email protected]

26/03/2026

2026 оны гал түймрийн аюулаас урьдчилан сэргийлэх сургалтыг Нийслэлийн Онцгой байдлын албатай хамтран 03 дугаар сарын 26-ны өдөр Алтан Жолоо Тауэрт амжилттай зохион байгууллаа.

Тус сургалтад 16 түрээслэгч, харилцагч байгууллагын 700 гаруй ажилтан, албан хаагч хамрагдаж, гал түймрийн эрсдэлээс урьдчилан сэргийлэх, болзошгүй аюулын үед зөв арга хэмжээ авах, анхан шатны гал унтраах хэрэгслийг зөв ашиглах мэдлэг, мэдээлэл авсан бөгөөд энэхүү сургалт нь түрээслэгч, харилцагч байгууллагуудын ажилтнуудын аюулгүй ажиллагааны мэдлэг, бэлэн байдлыг нэмэгдүүлэх, хамтын хариуцлагыг бэхжүүлэх, болзошгүй эрсдэлээс урьдчилан сэргийлэхэд чиглэсэн үр дүнтэй арга хэмжээ боллоо.

26/03/2026

Алтан Жолоо группийн зүгээс жил бүр нийт харилцагч, түрээслэгч нартаа зориулж "Гал түймрийн аюулаас урьдчилан сэргийлэх сургалт, Гамшгийн дадлага сургуулилт"-ыг тогтмол зохион байгуулдаг билээ.
2026 оны гал түймрийн аюулаас урьдчилан сэргийлэх сургалтыг Нийслэлийн Онцгой байдлын албатай хамтран 3 сарын 26-ны өдөр Алтан Жолоо Тауэрт зохион байгуулах гэж байна. Тиймээс Нийт харилцагч, түрээслэгч та бүхнийг Хөрөнгийн менежментийн газрын зааврыг дагаж мөрдөн, уг сургуулилтаас галын аюулаас урьдчилан сэргийлэх мэдлэг мэдээллээ бататгаж, идэвхитэй оролцохыг урьж байна.

18/03/2026

Орчин цагийн Зэвсэгт хүчин үүсэж хөгжсөний түүхт 105 жилийн ойн баярын мэндийг эх орныхоо тусгаар тогтнол, аюулгүй байдлын төлөө тангараг өргөн зүтгэж буй нийт дайчид, ахмад буурлууд, цэргийн алба хаагч , эрэлхэг эрчүүд та бүхэндээ өргөн дэвшүүлье...

08/03/2026

Гэр бүлийн халуун дулаан уур амьсгал, нийгмийн хөгжил дэвшил, амжилт бүтээл бүхний ард эмэгтэй хүний ур ухаан,хүч чадал, хичээл зүтгэл, сэтгэлийн тэнхээ оршдог билээ.🌺🌺🌺

Та бүхэнд Олон улсын эмэгтэйчүүдийн эрхийг хамгаалах өдрийн мэндийг хүргэе🌸🌸🌸

17/02/2026

Монгол түмний төрт ёсны эрхэм уламжлалт баяр — XVII жарны “Сүрээр дарагч” хэмээх Улаан Гал Морин жилийн сар шинийн баярын мэндийг эрхэм харилцагч, хамтран ажиллагч та бүхэндээ өргөн дэвшүүлье.

Айсуй Морин жилдээ та бүхний ажил үйлс хийморьлог хүлэг морь адил өөдрөг дэлгэрч, амжилт бүтээл арвин байж, аз жаргал, амар амгалан, элбэг хангалуун оршихын ерөөлийг өргөн дэвшүүлж байна.

Төрлөөрөө түвшин амгалан, түмнээрээ төвшин жаргалтай сар шинэдээ сайхан шинэлээрэй...

26/01/2026

ŚILA Centre & Residence төсөл маань Монголын Архитекторуудын Эвлэлээс олгодог “Шилдэг бүтээн байгуулалт – 2025” шагналын эзэн боллоо.


Энэхүү шагнал нь орчин үеийн архитектурын илэрхийлэл, хотын орчинтой уялдсан цогц төлөвлөлт, амьдрах ба ажиллах орон зайн ухаалаг шийдэл бүхий концепцийг амжилттай хэрэгжүүлснийг онцлон үнэлсэн үр дүн юм.


ŚILA Centre & Residence нь тав тухтай амьдралын баталгаа, үнэ цэнтэй орчныг бүрдүүлсэн цогц бүтээн байгуулалт гэдгээрээ ялгарч ,төслийн зураг төслөөс эхлэн гүйцэтгэл хүртэлх бүх шатанд дизайн, чанарын төгс тэнцвэрийг хадгалж, өндөр стандарт, нарийн гүйцэтгэл, тогтвортой шийдлүүдийг хэрэгжүүлсэн нь энэхүү шагналыг хүртэх гол үндэс болсон юм.

Төслийн бүхий л шатанд мэргэжлийн өндөр ур чадвар, хариуцлагатай хандлага, хамтын ажиллагааг эрхэмлэн ажилласан багийн гишүүддээ гүн талархал илэрхийлье.👏

31/12/2025

Хүндэт харилцагч, бизнесийн түншүүд, эрхэм хэрэглэгч, үйлчлүүлэгч, үнэт ажилтнууд та бүхэндээ шинэ жилийн мэндийг хүргэе.

Айлчлан ирж буй 2026 он танд болон танай гэр бүлд аз жаргал, эрүүл энх, амжилт бүтээлээр дүүрэн байхыг хүсэн ерөөе.

Хүндэтгэсэн,
Алтан Жолоо Групп

26/11/2025

🇲🇳УЛС ТУНХАГЛАСНЫ БАЯРЫН ӨДӨР 🇲🇳
Монгол Улс Анхдугаар Үндсэн хуулиа баталж, Бүгд Найрамдах Улс хэмээн тунхагласан 101 жилийн ойн баярын мэндийг дэвшүүлье!

Property