11/09/2026
🔴⚪🔵 BROKERS’ STRATEGY MEETING 2026 АМЖИЛТТАЙ ЗОХИОН БАЙГУУЛАГДЛАА
📌REMAX Mongolia бүсийн брокер эзэмшигчид болон гүйцэтгэх захирлуудын дунд уламжлал болгон зохион байгуулагддаг “Brokers’ Strategy Meeting 2026” стратегийн уулзалт 2026 оны 9-р сарын 10-ны өдөр Монголын хөрөнгийн биржид амжилттай зохион байгуулагдлаа.
📈Энэ удаагийн уулзалтаар үл хөдлөх хөрөнгө, хөрөнгийн зах зээлийн өнөөгийн хөгжил, цаашдын боломж болон REMAX Mongolia бүсийн дотоод бодлого, зохицуулалттай холбоотой чухал сэдвүүдийг онцлон хэлэлцэв.
🏢Уулзалтын хүрээнд “REIT буюу үл хөдлөх хөрөнгийн хөрөнгө оруулалтын тухай хууль”-ийн төслийн талаар Санхүүгийн Зохицуулах Хорооны Үнэт цаасны газраас албан ёсны мэдээлэл хүргэж, салбарын цаашдын хөгжил, шинэ боломжуудын талаар оролцогчидтой санал солилцлоо.
Мөн Монголын хөрөнгийн бирж үүсгэн байгуулагдсаны 35 жилийн ой тохиож буйтай холбогдуулан Монголын хөрөнгийн биржийн гүйцэтгэх захирлын түр орлон гүйцэтгэгч, RE/MAX PRESTIGE IN MONGOLIA оффисын брокер эзэмшигч Д.Мөнхбат “Хөрөнгийн зах зээлийн талаарх танилцуулга, ойлголт” сэдвээр мэдээлэл хүргэж, хөрөнгийн зах зээл болон үл хөдлөх хөрөнгийн салбарын уялдаа холбоо, боломжуудын талаар хуваалцлаа.
🎤Түүнчлэн REMAX Mongolia бүсийн брокер эзэмшигчид, гүйцэтгэх захирлуудын дунд нээлттэй хэлэлцүүлэг өрнүүлж, санал бодлоо солилцон, цаашдын бодлого, хэрэгжилтийн талаар ярилцсан үр дүнтэй уулзалт боллоо.
REMAX Mongolia бүсийн брокер эзэмшигчид, гүйцэтгэх захирлууд ийнхүү салбарынхаа ирээдүй, хөгжлийн дараагийн алхмуудыг хамтдаа хэлэлцэж, мэдлэг туршлагаа хуваалцсан Brokers’ Strategy Meeting 2026 амжилттай өндөрлөлөө.
Уулзалтад хүрэлцэн ирж, үнэтэй санал бодол, туршлагаа хуваалцсан нийт брокер эзэмшигчид, гүйцэтгэх захирлууд болон хүндэт зочид, илтгэгчдэдээ талархал илэрхийлье. ❤️🤍💙
#МонголынХөрөнгийнБирж
