Авто замын засвар арчлалтын нэгтгэл ТӨХК

29/06/2026

✍️САЙД Б.ДЭЛГЭРСАЙХАН АВТОЗАМЫН АЮУЛГҮЙ БАЙДАЛ, ТҮЛШНИЙ НӨӨЦ БҮРДҮҮЛЭЛТ, БҮТЭЭН БАЙГУУЛАЛТЫН АЖЛЫГ ТАСАЛДУУЛАХГҮЙ БАЙХ ҮҮРЭГ ӨГӨВ

📌Зам, тээврийн сайдын ээлжит шуурхай хуралдаан өнөөдөр (2026.06.29) болж, салбарын цаг үеийн асуудлуудыг хэлэлцэн, холбогдох байгууллагуудын удирдлагуудад дараах үүрэг, чиглэлийг өглөө.

📌Хурлын эхэнд, салбарын “Нээлттэй хаалганы өдөрлөг” амжилттай зохион байгуулагдсаныг онцолж, ЗТЯ болон харьяа байгууллагуудын удирдлага, хамт олонд талархал илэрхийллээ.

📌Мөн Иргэний нисэхийн үндэсний төв (ИНҮТ) ТӨХХК нь Бүсийн нислэгийн хөдөлгөөний удирдлагын төвийн систем, тоног төхөөрөмжийн шинэчлэлийг санхүүжүүлэх экспортын зээлийн гэрээнүүдэд гарын үсэг зурлаа. Энэ бол Монгол Улс агаарын навигацын тоног төхөөрөмжөө дэлхийн стандартад нийцүүлэн бүрэн шинэчлэх чухал ажлын эхлэл болж байгааг онцоллоо.

📌2026 оны Үндэсний их баяр наадам болоход цөөхөн хоног үлдэж байгааг сануулаад, энэ жил Их Монгол Улс байгуулагдсаны 820 жилийн ой тохиож байгаа учир баяр наадмыг өргөн хүрээнд тэмдэглэн өнгөрүүлнэ. Мөн иргэд олон нийт олон хоног амрахтай холбоотойгоор орон нутгийн авто замын хөдөлгөөн эрчимжих тул автозамын бүрэн бүтэн байдал, аюулгүй байдал, засвар арчлалтад онцгой анхаарч ажиллахыг үүрэг болгов.

📌Дэлхий дахинд болон бүс нутагт нефтийн нийлүүлэлтийн нөхцөл байдал хүндрэх эрсдэлтэй байгаа тул байгууллага тус бүр шатахуун түлшний нөөцөө бүрдүүлж, газрын тосны бүтээгдэхүүний тээвэрлэлтийг тасалдуулахгүй байх чиглэлд онцгой анхаарч ажиллахыг анхаарууллаа. Ялангуяа иргэний нисэх болон төмөр замын байгууллагууд одоогийн түлш, шатахууны нөөц болон цаашдын хэрэгцээт шатахууны тооцооллоо яаралтай танилцуулж, бүтээн байгуулалтын ажлуудад тасалдал үүсгэхгүйгээр төлөвлөн ажиллах шаардлагатайг сануулав.

📌”Наадмын маргааш намар” гэдэг. Дулааны цахилгаан станцуудын нүүрсний тээвэр, нийлүүлэлт, нөөц бүрдүүлэх ажил удахгүй эхлэх тул УБТЗ-ын удирдлагуудыг бэлтгэл ажлаа эртнээс хангахыг үүрэг болголоо.

📌Борооны улирал эхэлж буйтай холбогдуулан автозамын эвдрэл гэмтэлд онцгой анхаарч ажиллахыг үүрэг болгоод, ЗТЯ-ны Салбарын хяналт-шинжилгээний газарт автозамын чанар, аюулгүй байдалд хяналт тавьж ажиллах, улсын баяр наадмаас өмнө яаралтай засвар, арчлалт шаардлагатай замуудын мэдээллийг танилцуулах чиглэл өгөв.

📌Мөн зам, тээврийн салбарт бүтээн байгуулалтын томоохон төслүүд ид хэрэгжиж байгаа тул 2026 оны 7, 8 дугаар сард ЗТЯ болон харьяа байгууллагуудын удирдлагууд, голлох бүтээн байгуулалтын ажлыг хариуцан буй албан хаагчдын ээлжийн амралт, томилолт, хувийн ажлаар чөлөө авах асуудлыг түр хугацаанд хязгаарлах, намар буюу 10, 11 дүгээр сард амрах байдлаар зохицуулалт хийж ажиллахыг үүрэг болгов.

📌” МИАТ” ТӨХК-д агаарын хөлгийн паркаа өргөжүүлэх хүрээнд урт хугацааны лизинг болон түрээсийн хэлбэрээр шинэ агаарын хөлөг авах боломжуудыг нарийвчлан судалж, танилцуулгыг Засгийн газрын хуралдаанд оруулахыг даалгав.

📌Мөн шуурхай хуралдаанаар байгууллага тус бүрийн ажлын гүйцэтгэл, төлөвлөгөөний хэрэгжилт, тулгамдаж буй асуудлуудтай танилцаж, удаашралтай байгаа зарим ажлуудыг эрчимжүүлэх, цаг үеийн тулгамдсан асуудлыг шуурхай шийдвэрлэх чиглэлээр үүрэг, даалгавар өгөв.

19/06/2026

⚠️Үерийн аюулаас анхааруулах мэдээ
Ойрын өдрүүдэд баруун, зүүн, төв болон говийн аймгуудын зарим газраар бороо, дуу цахилгаантай аадар бороо орох тул тухайн хугацаанд орсон хур борооны эрчимшил хэмжээнээс шалтгаалан гол мөрний усны түвшин богино хугацаанд огцом нэмэгдэх, хуурай сайр гуу жалгаар уруйн үер буух нөхцөл бүрдэх тул иргэд үерийн аюултай бүсээс хол, аюулгүй газар зусах, амрах болон гол мөрөн, нуурын ойролцоо амарч зугаалахдаа ажиглалт хийж, уулын ам, голын ай сав, үерийн буулт бүхий газарт отоглож , хоноглохгүй байх, зөвхөн зөвшөөрөгдсөн зам гүүрээр зорчихыг зөвлөж байна.

19/06/2026

🚧 Авто замын засвар, арчлалтын нэгтгэл ТӨХК-ийн Хэнтий аймаг дахь салбар нь 5 чиглэлийн нийт 725 км авто замын засвар, арчлалтыг хариуцан ажиллаж байна.

Тус салбарын хамт олон авто замын аюулгүй байдал, ашиглалтын бэлэн байдлыг хангах зорилгоор төлөвлөгөөт ажлуудаа эрчимжүүлэн хэрэгжүүлж байгаа бөгөөд 2026 оны 06 дугаар сарын 25-ны дотор энэ оны төлөвлөгөөт ажлыг бүрэн дуусгахаар ажиллаж байна.

#АвтоЗамынЗасварАрчлалтынНэгтгэл #ХэнтийСалбар #ЗамАрчлалт #АюулгүйЗам

17/06/2026

📢 Авто замын засвар, арчлалтын талаарх илтгэл танилцуулж, мэдээлэл хүргэнэ
Зам тээврийн салбарын Нээлттэй хаалганы өдөрлөг 3 дахь буюу сүүлийн өдрөө үргэлжилж байна.
Авто замын засвар, арчлалтын нэгтгэл ТӨХК нь Монгол Улсын олон улсын болон улсын чанартай авто замын сүлжээний 70 гаруй хувийн засвар, арчлалтыг хариуцан ажилладаг.
Өнөөдөр 15:00 цагт төв тайзнаа авто замын засвар, арчлалтын өнөөгийн байдал, хэрэгжүүлж буй ажлууд, салбарын хөгжил, шинэчлэлийн талаар илтгэл танилцуулна.
Иргэд, олон нийт та бүхнийг хүрэлцэн ирж, авто замын засвар, арчлалтын үйл ажиллагаа, техник тоног төхөөрөмж, нээлттэй ажлын байр болон салбарын талаарх мэдээллийг нэг дороос авахыг урьж байна.
📍 Сүхбаатарын талбай
🕒 Илтгэл: 15:00 цагт
⏳ Зам тээврийн салбарын Нээлттэй хаалганы өдөрлөг өнөөдөр өндөрлөнө.

16/06/2026

🇲🇳“ЗАМ, ТЭЭВРИЙН САЛБАРЫН НЭЭЛТТЭЙ ХААЛГАНЫ ӨДӨРЛӨГ” ЭНЭ САРЫН 15, 16, 17-НЫ ӨДРҮҮДЭД ҮРГЭЛЖИЛНЭ

🔹Өнөөдөр Монгол Улсын зам, тээврийн салбар иргэд, олон нийтэд үйл ажиллагаагаа нээлттэй танилцуулж байна.

📌Тухайлбал, Монгол Улсын Засгийн газрын “ЧӨЛӨӨЛЬЕ”санаачилгын хүрээнд зохион байгуулж буй “Зам, тээврийн салбарын нээлттэй хаалганы өдөрлөг” эдгээр өдрүүдэд зохион байгуулагдаж байна.

📌Нээлттэй өдөрлөгөөр Зам, тээврийн салбарын үйл ажиллагааг иргэд, олон нийтэд нээлттэй, ил тод хүргэх, мэдээ мэдээлэл өгөх, иргэдийн санал хүсэлтийг хүлээн авах, тулгамдаж буй асуудлыг хамтран шийдвэрлэж байгаа юм.

📌Арга хэмжээг нээж Зам, тээврийн сайд Б.Дэлгэрсайхан хэлсэн үгэндээ энэ жил иргэний нисэх, автотээвэр, төмөр замын салбарын түүхт ой, түүхэн чухал өдрүүд тохиож байна. Мөн үндэсний агаарын тээвэрлэгч “МИАТ” ТӨХК-ийн 70 жил, УБТЗ ХНН-ийн 77 жилийн ой тохиож буйг онцлон тэмдэглэж, салбарынхаа баярын мэнд дэвшүүллээ.

📌Тэрбээр "Зам, тээврийн салбар бол улс орны эдийн засаг, хөгжлийн суурь салбар. Тиймээс Засгийн газар, Зам тээврийн яамнаас авто зам, төмөр зам, иргэний нисэхийн салбарт тээвэр логистикийн томоохон бүтээн байгуулалтуудыг үе шаттай хэрэгжүүлж байна.

📌Бид зөвхөн бүтээн байгуулалт хийхээс гадна иргэд, аж ахуйн нэгжүүдэд хүндрэл учруулдаг зарим шаардлага, хүнд суртлыг бууруулах чиглэлд бодит өөрчлөлтүүдийг хийж эхлээд байна.

📌“ЧӨЛӨӨЛЬЕ” санаачилгын хүрээнд салбарын үйлчилгээг илүү шуурхай, нээлттэй, хүртээмжтэй болгохын төлөө ажиллаж байна" хэмээн онцоллоо.

📌Өдөрлөгөөр иргэд олон нийтэд чиглэсэн тээврийн хэрэгслийн шилжилт хөдөлгөөн, улсын дугаар олголт, техникийн хяналтын үзлэгийн мэдээлэл, тээврийн хэрэгслийн лавлагаа, хасалт бүртгэл, ачаа болон зорчигч тээврийн мэдээлэл, мэргэшсэн жолоочийн шалгалт, зөвлөгөө, онлайн тасалбарын системийн танилцуулга зэрэг олон төрлийн үйлчилгээг нэг дороос авах боломжийг бүрдүүлж байна.

📌Засгийн газраас хэрэгжүүлж буй ЧӨЛӨӨЛЬЕ” санаачилгын хүрээнд Зам, тээврийн сайдын тушаалаар “С” төрлийн зорчих зөвшөөрлийн бичиг олгох, ашиглах журамд өөрчлөлт оруулж, тээвэрлэгч аж ахуйн нэгжүүдэд хүндрэл учруулж байсан зарим шаардлага, зохицуулалтыг цуцаллаа.

📌Мөн дотоодын аялал жуулчлалын тээврийн үйлчилгээ эрхэлж буй 24 хүртэлх хүний суудалтай тээврийн хэрэгслүүдэд тавигдаж байсан жолооны хүрдний байршлын шаардлагыг хүчингүй болгож, үйлчилгээ эрхлэгчдэд бодит дэмжлэгийг үзүүллээ.

📌Түүнчлэн цахилгаан автомашины хэрэглээг нэмэгдүүлэх зорилгоор Засгийн газрын шийдвэрээр бүрэн цахилгаан болон туулах зай уртасгагчтай автомашинд ногоон дэвсгэртэй улсын дугаар олгож, нэгдүгээр эгнээгээр зорчих эрх олгон, дугаарын хязгаарлалтаас чөлөөлөөд байна.

📌Мөн төмөр замын хөдлөх бүрэлдэхүүнийг улсын хилээр нэвтрүүлэх, бүртгэх үйл ажиллагааг хөнгөвчлөх зорилгоор холбогдох журамд нэмэлт, өөрчлөлт оруулж, шаардагдах бичиг баримтын тоог бууруулах зохицуулалтыг боловсруулаад байна.

📌Эдгээр арга хэмжээ нь төрийн үйлчилгээг илүү шуурхай, хүртээмжтэй болгох, хүнд суртлыг бууруулах, иргэн, аж ахуйн нэгжүүдийн үйл ажиллагааг дэмжихэд чухал ач холбогдолтой юм.

16/06/2026

🚧 Зам тээврийн салбарын НЭЭЛТТЭЙ ХААЛГАНЫ ӨДӨРЛӨГ хоёр дахь өдрөө Сүхбаатарын талбайд үргэлжилж байна.

Авто замын засвар, арчлалтын нэгтгэл ТӨХК-ийн асарт хүрэлцэн ирснээр улсын болон олон улсын чанартай авто замын засвар, арчлалтын үйл ажиллагаа, техник тоног төхөөрөмж, салбарын шинэчлэл болон хэрэгжүүлж буй ажлуудын талаар нэгдсэн мэдээлэл авах боломжтой.

📍 Сүхбаатарын талбай
📅 2026.06.17-ныг дуустал

Зам тээврийн салбарын бүтээн байгуулалт, хөгжил дэвшилтэй ойроос танилцаарай.

#НээлттэйХаалганыӨдөрлөг #АЗЗАНэгтгэл #АвтоЗам #ЗамТээврийнСалбар
Зам, Тээврийн Яам

15/06/2026

#НээлттэйХаалганыӨдөрлөг

Зам, тээврийн сайд Б.Дэлгэрсайхан Сүхбаатарын талбайд зохион байгуулагдаж буй Зам тээврийн салбарын нээлттэй хаалганы өдөрлөгийн үеэр Авто замын засвар, арчлалтын нэгтгэл ТӨХК-ийн асарт зочилж, байгууллагын үйл ажиллагаатай танилцлаа.

Энэ үеэр тэрбээр авто зам ашигласны төлбөр, хураамжийн удирдлага, зохицуулалтыг цаашид Авто замын засвар, арчлалтын нэгтгэл ТӨХК хариуцан ажиллах чиглэлд анхаарч ажиллах шаардлагатайг онцоллоо.

Зам, тээврийн салбар дахь төрийн өмчит компаниудын реформ авто замын салбараас эхэлж, өмнө нь тус тусдаа үйл ажиллагаа явуулж байсан 20 төрийн өмчит компанийг нэгтгэн Авто замын засвар, арчлалтын нэгтгэл ТӨХК-ийг байгуулсан билээ.

Монгол Улсын авто замын засвар, арчлалтын өнөөгийн нөхцөл байдал, хариуцан ажиллаж буй 10,620.2 км авто замын талаарх мэдээлэлтэй танилцахыг хүсвэл Сүхбаатарын талбай дахь Авто замын засвар, арчлалтын нэгтгэл ТӨХК-ийн асарт хүрэлцэн ирээрэй.

15/06/2026