Property MGL

17/06/2026

17/06/2026

🤖 Хиймэл оюун хэрэглээнд нэвтэрсэнтэй холбоотой Хятадын дээд боловсролын тогтолцоонд томоохон өөрчлөлт өрнөж байна. Тус улсын Боловсролын яамны мэдээлснээр их, дээд сургуулиудын 80 гаруй хувь нь сургалтын хөтөлбөрөө шинэчилж, дизайн, орчуулга, маркетинг зэрэг уламжлалт мэргэжлүүдийг цомхотгож эхэлжээ.

📉 Тухайлбал, сүүлийн таван жилийн хугацаанд бакалаврын түвшний 12,200 гаруй хөтөлбөрийг хааж, элсэлт авахаа зогсоосон бол тэдгээрийн оронд технологид суурилсан 10,200 гаруй шинэ мэргэжлийг сургалтын жагсаалтад нэмсэн байна.

17/06/2026

13/06/2026

Монголын архитектурын түүхийн тухай нэг сонирхолтой зүйл олж уншлаа.
Бид архитектур, зураг төсөл гэдэг ойлголтыг орчин үеийн зүйл мэт боддог. Гэтэл XVIII-XIX зууны үед Монголд барилгын зураг гаргадаг, загвар зохиодог, бүтээн байгуулалтыг удирддаг архитекторууд байсан тухай тэмдэглэлүүд үлдсэн байдаг юм байна.
Тухайлбал Дагвадорж, Лувсандашпил, Лувсанданзан, Агваанхайдав зэрэг хүмүүсийн нэр архив, түүхэн сурвалжид тэмдэглэгдэн үлджээ. Тэдний оролцсон Эрдэнэ Зуу, Амарбаясгалант зэрэг хийдүүд өнөөдөр ч Монголын архитектурын томоохон өвд тооцогддог.
Надад хамгийн сонирхолтой санагдсан нь тухайн үеийн архитекторуудын тухай мэдээлэл зөвхөн аман яриагаар биш, хийдийн түүхэн бичиг, намтар, барилгын данс бүртгэл, шавь нарын тэмдэглэлээр үлдсэн байдаг аж.
Мөн тэд Төвд, Хятадын загварыг шууд хуулбарлаагүй. Харин Монголын уур амьсгал, ахуй, соёлд тохируулан өөрчилж байсан нь өнөөдрийн хэлээр бол "нутагшуулсан дизайн" байжээ.
Заримдаа BIM, AI, 3D модел ярьж суухдаа бид бүгдийг шинээр эхэлж байгаа мэт санагддаг.
Гэтэл хэдэн зууны өмнө монголчууд аль хэдийн зураг зурж, загвар хийж, томоохон бүтээн байгуулалт удирдаж байсан түүхтэй ард түмэн гэдгийн ээлжит нотолгоо энэ ажээ.
Munkhbaatar Bayasgalan

09/06/2026

Барилга, үл хөдлөх хөрөнгийн салбарын дээд шагналт хоёр барилгын удирдлагууд хамтарч ажиллахаар боллоо.

БНСУ-ын алдарт No Brand брэнд анхны салбараа UB Autocom-д нээнэ.

Яармаг бүсийн шинэ төвлөрөл болон худалдаа, үйлчилгээний томоохон цогц орон зай болох UB Autocom нь хэрэглэгчдийн өдөр тутмын хэрэгцээг нэг дор шийдэх зорилгын хүрээнд БНСУ-ын алдарт И-Март компанийн хөгжүүлсэн “No Brand” брэнд Монгол дахь анхны салбараа нээхээр боллоо.

И-Март дэлгүүрийн барилга нь Монгол улсын барилга, үл хөдлөх хөрөнгийн салбарын дээд шагнал гардуулдаг Mongolian Property Awards-2017 ёслолд “ Шилдэг худалдааны төв” -өөр шалгарч байсан түүхтэй.
UB Autocom нь Mongolian Property Awards-2025 ёслолын онцлох илтгэл тавьж улмаар шилдэгээр шалгарч байсан нь нэг ёслолын 2 өөр оны шагналын эзэд хамтарч ажиллахаар болсон нь анхны тохиолдол болсонд баяр хүргэж амжилт хүсье.

Шилдэг барилга
“Mongolian Property Awards”

05/06/2026

МОНГОЛЫН БАРИЛГЫН ҮНДЭСНИЙ АССОЦИАЦИ ТББ БОЛОВСРОЛЫН ЯАМТАЙ ХАМТРАН АЖИЛЛАХ САНАМЖ БИЧИГ БАЙГУУЛЛАА

Барилгын салбарын хүний нөөцийн хөгжлийг дэмжих, хөдөлмөрийн зах зээлийн эрэлт хэрэгцээнд нийцсэн мэргэжилтэй ажилтан, инженер техникийн боловсон хүчинг чадавхжуулах чиглэлээр Монголын Барилгын Үндэсний Ассоциаци ТББ (МБҮА) ТББ болон Боловсролын яам хамтран ажиллах Санамж бичигт гарын үсэг 2026.06.04-ний өдөр зурлаа.

Талуудын байгуулсан энэхүү санамж бичиг нь боловсролын байгууллага болон ажил олгогчдын хамтын ажиллагааг бэхжүүлэх, онол-практикийн уялдаа холбоог сайжруулах, үйлдвэрлэлд суурилсан сургалт, чадавхжуулах тогтолцоог хөгжүүлэхэд чиглэж байна.

Хамтын ажиллагааны хүрээнд:
✅Барилгын салбарын хөдөлмөрийн зах зээлийн эрэлт нийлүүлэлт, тэргүүлэх болон нэн шаардлагатай мэргэжлийн чиглэлийг тогтоох,
✅Мэргэжлийн болон техникийн боловсрол, сургалтын хөтөлбөр боловсруулан шинэчлэхэд салбарын ур чадвартай ажилчдыг оролцуулан хамтран ажиллах;
✅Мэргэжлийн болон техникийн боловсролын сургалтын байгууллагын багшлах боловсон хүчнийг салбарын техник, технологийн шинэчлэлтэй танилцах боломжоор хангах, аж ахуйн нэгж байгууллагатай холбох, мэдээллээр хангах, мэргэжлийн санал, зөвлөмж өгөх;
✅Мэргэжлийн болон техникийн боловсролын сургалтын байгууллагын суралцагчдыг барилгын чиглэлээр үйл ажиллагаа явуулдаг аж ахуйн нэгж, байгууллагуудын үйл ажиллагаатай танилцуулах, сургалт, дадлага, туршлага солилцооны үйл ажиллагааг зохион байгуулахад дэмжлэг үзүүлэх;
✅Талууд мэргэжлийн болон техникийн боловсрол, сургалтын үйл ажиллагааг хөдөлмөрийн зах зээлийн эрэлт хэрэгцээтэй уялдуулахад бодлогын дэмжлэг үзүүлэх;
✅Мэргэжилтэй ажилтны чадварыг хөгжүүлэх барилгын салбарын уралдаан, тэмцээнийг зохион байгуулахад дэмжлэг үзүүлэх, барилгын салбарын мэргэшсэн ажилтаны ур чадварыг үнэлэн ангилах, зэрэг дэвийг тогтолцоог бүрдүүлэхэд хамтран ажиллах;
✅Барилгын салбарын хүний нөөцийн хэрэгцээнд нийцсэн, мэргэжлийн ур чадвар сайтай төгсөгчдийг мэргэжлийн болон техникийн боловсролын сургалтын байгууллагад сургаж бэлтгэх;
✅Талууд барилгын шинэ техник технологид суурилсан судалгаа, инновацын үйл ажиллагааг хамтран хэрэгжүүлж, шинэ санаа, шийдлийг бодит хэрэглээнд нэвтрүүлэхэд хамтран ажиллах, хамтарсан төсөл хэрэгжүүлэх, бүтээгдэхүүн үйлчилгээг хэрэгжүүлэхээр төлөвлөж байна.

Монголын Барилгын Үндэсний Ассоциаци ТББ нь барилгын салбарын нийтлэг эрх ашгийг хамгаалах, салбарын хөгжлийг дэмжих, хүний нөөцийн чадавхыг бэхжүүлэх, чадавхжуулах чиглэлээр ажиллаж байгаа бөгөөд энэхүү хамтын ажиллагаа нь барилгын салбарын боловсон хүчний тогтвортой нийлүүлэлтийг хангах, мэргэжлийн боловсролын чанарыг сайжруулахад бодит хувь нэмэр оруулах юм.

Энэхүү санамж бичиг нь төр, хувийн хэвшлийн хамтын ажиллагааны үр дүнтэй загварыг бий болгож, Монгол Улсын барилгын салбарын ирээдүйн хөгжил, өрсөлдөх чадварыг нэмэгдүүлэхэд чухал ач холбогдолтой алхам болж байна.

Монголын Барилгын Үндэсний Ассоциаци ТББ
Боловсролын яам

#Хамтын #ажиллагаа

05/06/2026

Red Rock Resort. Copy 2017
Оройн мэнд хүргье та бүхэнд нэгэн баяртай мэдээ дуулгахад таатай байна. Манай Ресорт нь Азийн шилдэг үл хөдлөх хөрөнгө шалгаруулах Property Guru "Asia Property Awards Mongolia" -аас *Best Hotel Development * шагналыг гардаж авлаа. Эрхэм үйлчлүүлэгч, хөрөнгө оруулагч нийт ажилчид та бүхэндээ баярлалаа.
*Бүтээн байгуулалтанд оролцсон бүх компаниуддаа гүн талархсанаа илэрхийлж байна.
***Бодь интернэшнл
*** Бодь пропертийз ХХК
***Монгол Японы хамтарсан Мяк ХХК
***Инкон ХХК
***О.Очирсүх
***Д.Уранчимэг
***Композишн констракшн ХХК
***Монхатан хаус ХХК
***Эко Энерги сервис ХХК
***За хө сант ХХК
***Түшиг багана ХХК г.м бусад бүх компаниуддаа баярлалаа.

01/06/2026

1940-өөд оноос эхлэн Улаанбаатар хотод Зөвлөлтийн нөлөөгөөр неоклассик буюу Сталины архитектурын урсгал хүчтэй орж ирсэн байдаг. Энэ үед барилга байгууламжийг дангаар нь бус, гудамж талбай, цэцэрлэгт хүрээлэнтэй нь уялдуулан ансамбль буюу нэгдмэл цогцолбор хэлбэрээр төлөвлөж эхэлсэн нь хотын хамгийн үзэсгэлэнтэй өнгө төрхийг бүрдүүлсэн юм. Тухайн үеийн бодлогоор хотын төвд барилгын өндрийг 4 давхраас хэтрүүлэхгүй байхаар тогтоосон нь иргэдийн харааны тав тухыг хангаж, Богд хан уулыг нэвт харах байгаль-экологийн зохицлыг бий болгосон байдаг.

Ийм нэгдмэл зохиомжтой орон зайд өнөөдөр өндөр барилга барьж, нэгдмэл байдлыг нь алдагдуулж байгаа нь бидний архитектурын үнэ цэнтэй ой санамжид сөргөөр нөлөөлж байна. Эдгээр барилгууд болон тэдгээрийг хүрээлсэн орон зай бол Улаанбаатар хотын соёлын дархлаа, бидний хайрлан хамгаалах ёстой түүхэн өв юм. Гэтэл Улаанбаатар хотод сүүлийн 30 жилд сэргээн засварлалтын ажил хийгдээгүй бөгөөд шинэ хотын төв байгуулаагүй нь түүхэн орон зайг устгах нэг шалтгаан болж байна. Тиймээс шинэ эрчим хүчний эх үүсвэр, дэд бүтцийг байгуулах замаар төвлөрлийг бууруулж, түүхэн барилга байгууламж бүхий соёлын өвөө хадгалж, хамгаалах хэрэгтэй.

Дэлгэрэнгүй ярилцлагыг https://www.posted.mn/posts/p31x31 -ээс уншаарай!

30/05/2026

БИЕИЙН ТАМИР, СПОРТЫН ГАЗРЫН БАРИЛГЫН ГАДНА ФАСАДЫН ЗАСВАРЫН АЖИЛ ДУУСЛАА

Сэлэнгэ аймгийн Биеийн тамир, спортын газрын барилгын гадна фасадын засварын ажил бүрэн дуусаж, өнгөрсөн долоо хоногт Улсын комисс хүлээн авлаа.

Тус ажлыг аймгийн төсвийн 801 сая төгрөгийн хөрөнгө оруулалтаар “Преспектив шийдэл” ХХК гүйцэтгэсэн .

Мөн 2024 онд спорт заалны агч модон шал болон акустик ханын шинэчлэлийн ажлыг аймгийн төсвийн 324 сая төгрөгийн хөрөнгө оруулалтаар хийж гүйцэтгэсэн. Засварын өмнө тус барилга нь өнгө үзэмж муутай, дуу тусгаарлалт хангалтгүй, спорт заал хүйтэн, гаднаас чийг нэвчин дотор заслын хавтанг гэмтээдэг зэрэг хүндрэлтэй байсан бөгөөд спортын уралдаан, тэмцээн зохион байгуулахад хүндрэлтэй байсан.

Харин дотор болон гадна засвар, шинэчлэлийн ажлуудыг үе шаттайгаар хэрэгжүүлснээр иргэд дулаан, тохилог, тав тухтай орчинд биеийн тамир, спортоор хичээллэх боломж бүрдэж, спортын арга хэмжээ зохион байгуулах нөхцөл сайжраад байна.

Иргэдийн эрүүл мэнд, нийтийн биеийн тамир, спортын хөгжлийг дэмжих энэхүү бүтээн байгуулалтад хөрөнгө оруулалт шийдвэрлэн ажилласан аймгийн Иргэдийн Төлөөлөгчдийн Хурлын төлөөлөгчид, аймгийн удирдлагын баг, холбогдох байгууллагууд болон Биеийн тамир, спортын газрын хамт олонд талархал илэрхийлье.