MGX Property LLC

24/09/2017

Орон сууцны үнийн индекс-2017

Монголбанкаас “Орон сууцны үнийн индекс”-ийг сар бүр танилцуулдаг билээ. Ингээд наймдугаар сарын дүн мэдээг өнөөдөр /2017.09.19/ танилцууллаа. Судалгаанд нийслэлийн шинэ, хуучин нийт 4986 орон сууцны мэдээллийг хамруулжээ.
Сар бүрийн судалгаанаас үзэхэд Хан-Уул дүүрэгт шинэ орон сууцны нэг м.кв-ийн дундаж үнэ хамгийн өндөр үнэтэй байдаг бол Сонгинохайрхан дүүрэгт хамгийн хямд байна. Хуучин хоёр өрөө байрны дундаж үнэ нь 72,208,000 төгрөг болж өмнөх сараас 0.67 хувиар, өнгөрсөн оны мөн үеэс 6.24 хувиар тус тус буурсан байна. Зарим дүүрэгт хуучны хоёр өрөө байр 50 сая төгрөгийн үнэтэй байна.
Шинэ орон сууцны 1м.кв дундаж үнэ нь 2,091,000 төгрөг болж өмнөх сараас 3.38 хувиар, өнгөрсөн оны мөн үеэс 3.01 хувиар тус өссөн байна.
Наймдугаар сард орон сууцны үнэ байх ёстой хэмжээнээс 0,88 хувиар өслөө. Энэ нь өмнөх долдугаар сараас 0,60 хувиар өсч, өнгөрсөн оны мөн үетэй харьцуулахад 0,61 хувиар буурсан байна.
Харин үнийн индексийн үзүүлэлтийг шинэ орон сууц, хуучин орон сууцаар ангилж үзвэл: Шинэ орон сууцны үнийн индекс 1,14 гарсан. Энэ нь өмнөх сараас 0,62 хувиар, өнгөрсөн оны мөн үетэй харьцуулбал 0,27 хувиар өссөн байна.
Хуучин орон сууцны үнийн индекс 0,91 болж байх ёстой хэмжээнээс 8,55%-ийн бууралттай гарлаа. Харин өмнөх сараас 0,35 хувиар, өнгөрсөн оны мөн үеэс 1,58 хувиар буурсан үзүүлэлт юм.

24/09/2017

Бохир усыг цэвэршүүлэх замаар дулааны цахилгаан станцуудад нийлүүлнэ

Мянганы сорилтын корпорацийн Монголыг хариуцсан ахлагч шинээр томилогдсонтой холбогдуулан БОАЖ-ын сайдын үүрэг гүйцэтгэгч Д.Оюунхорол хүлээн авч уулзлаа.

Тус корпораци нь Монгол Улсын Засгийн газартай гэрээ байгуулан цэвэрлэх байгууламжаас гарч буй буй бохир усыг цэвэршүүлэх замаар дулааны цахилгаан станцуудад нийлүүлж, дахин ашиглах ажлыг эхлүүлэхээр тохироод байгаа юм. Мянганы сорилтын корпорацийн Монголыг хариуцсан ахлагчаар шинээр томилогдсон Жей Шир нь энэ төрлийн гэрээ байгуулан, амжилттай хэрэгжүүлж байсан туршлагатай гэдгийг энэ үеэр онцлоод Монголтой байгуулах II шатны компакт гэрээг амжилттай урагшлуулна гэдэгт итгэлтэй байгаагаа тус корпорацийн төлөөлөл дуулгасан юм.

Мянганы сорилтын корпорацийн зүгээс “Төв цэвэрлэх байгууламжаас гарч буй бохирыг цэвэршүүлж, дулааны цахилгаан станцид нийлүүлэх замаар Улаанбаатарын усны хангамжийг сайжруулах зорилготойгоор танай яамтай хамтран хэрэгжүүлэхээр төлөвлөсөн төслөө үр дүнтэй болгохын төв цэвэрлэх байгууламжийг шинэчлэхэд шаардлагатай санхүүжилтийг Монгол Улсын Засгийн газартай хамтран хандивлагч орнуудаас олох боломжийг судалж, гарц хайхад татгалзах зүйлгүй. Үүний тулд бидний цаашдын хамтын ажиллагаа, танай яамны үүрэг чухал гэдгийг онцлох хэрэгтэй” хэмээлээ.

21/09/2017

20/09/2017

Бүтэлгүйчүүд амжилтанд хүрэхэд хичнээн ойрхон байснаа мэдэлгүй бууж өгдөг. Гэвч ямарч ажил байсан та нэг бол ялна, нэг бол суралцана. Энэ 2-н аль аль нь таньд зөвхөн ашиг өгнө.

20/09/2017

19/09/2017

Нийслэлийн Газрын албанаас газар эзэмших, ашиглах эрхийн дуудлага худалдааг зарлаж байна.

17/09/2017

Манай ''Эм Жи Экс'' ХХК нь М Си Эс Проперти ХХК-ны 2014-2015 онд барьсан ‘’Асем Вилла’’ хотхоны G17-G33 БЛОК Газрын гүний дулааны зангилаа усралтыг хийж гүйцэтгэсэн юм.

17/09/2017

Манай ''Эм Жи Экс'' ХХК нь Мастер Девелопмент ХХК-ны ''Pro one''
оффис барилгын
-Халаалт, салхивчийн систем угсралт
- Цэвэр бохир усны иж бүрэн систем, тоноглол суурьлуулалт
- Спринклер галын усны шугам угсралт
- Борооны усны шугам угсралт
- Насос өргөх станцын суурьлуулалт зэргийг хийж гүйцэтгэсэн юм.

16/09/2017

Манай ''Эм Жи Экс'' ХХК нь ''Эс Девелопмент'' ХХК-ны JARDEN RESIDENCE хотхоны 101,102,103,104,105-р блокын
-Шалны халаалтын систем-18,000мкв
-Цэвэр бохир усны иж бүрэн систем суурьлуулалт
-Сантехникийн тоноглол угсралтыг хийж гүйцэтгэсэн юм.

15/09/2017

Брэнд имиж

Вэб хуудаснаас эхлээд нэрийн хуудас, логоноос эхлээд савлагаа бол бизнесийн анхны сэтгэгдэл төрүүлэх брэнд имиж. Жижиг бизнесүүд тохирох имижээ олно гэдэг нэг талаар урлаг нөгөө талаар шинжлэх ухаан юм. Үүнд хүрэхийн тулд дизайнаа харах нүдтэй, хүргэх санаагаа зөв өнгө, байршил, арга хэлбэрээр зах зээлд таниулах стратегитай байхаас яг хэнд хүргэх гэж буйгаа сайн мэддэг байх хэрэгтэй. Брэнд имиж бол лого, үсгийн фонт, өнгө, график загвар гээд таны брэндийг онлайнаар ба биетээр илэрхийлж чадахуйц нүдэнд үзэгдэх бүх зүйлсийг хамааруулна.. Танд таалагдах эсэх нь хамаагүй бөгөөд таны хэлэх гэсэн зүйлийг үйлчлүүлэгч хэрхэн хүлээж авах бол гэдгийг онцолдог.

Брэнд имижээ бүрдүүлж эхлэхийн өмнө үйлчлүүлэгч, хэрэглэгчид ямар сэтгэгдэл, мэдрэмж төрүүлэхийг хүсэж буйгаа сайн мэддэг байх хэрэгтэй. Юуны түрүүнд брэндээ бүрэн ойлгоход тань туслах асуулт бол:

Танай бизнесийн үйл ажиллагаа юу вэ? Юуг эрхэмлэж ажилладаг вэ?
Танай бизнес ямархуу вэ? Брэндийн харагдах байдлыг гурваас таван үгээр дүрсэлнэ.
Таны брэндийг харсан хүмүүс юу бодож, мэдэрч байхыг хүсэж байна вэ? Тантай бизнес хийх, хамтрахдаа юу бодож, мэдэрч байгаасай гэж хүсэж байна вэ?
Зах зээлийн бусад өрсөлдөгч нартай харьцуулахад ямар вэ? Юу нь адилхан байна? Юу нь ондоо байна?
Энэ асуултын хариулт нь өнгөний сонголт, брэнд уриа, вебсайтын зэргийн ерөнхий бүтэц, дизайныг гаргахад нөлөөлнө.

Тууштай байх

Бизнесийн хэсэг бүр уялдаа хамааралтай байсан цагт хүргэх гэсэн санаа, өнгө аяс нь ойлгомжтой байж чадна. Тухайлбал сошиал сувгууд нь хэвлэмэл материалаас ондоо сэтгэгдэл төрүүлэхгүй байх хэрэгтэй. Үүний адилаар вэб сайт тань биечлэн уулзахаас ондоо мэдрэмж төрүүлэх учиргүй. Брэндтэй харилцах бүхий л харилцаанд брэнд төрх нэвт шингэсэн байх тул сурталчилгааны суваг бүр тань тууштай байх хэрэгтэй.

2B Organized ийн захирал Бетси Миллерийн хэлж буйгаар өсөлтөд чиглэсэн жижиг бизнест тууштай байдал нэн шаардлагатай аж. Түүний брэнд олонд танигдсан байсан тул зургаан байршилд бизнес франчайзаа нээж, хүрээгээ саадгүй тэлжээ. Бизнесийн хэсэг бүхнээс таны брэнд имиж харагдвал сайн. Үүгээр хэрэглэгчийн дурсамжид удаан үлдэх юм. Тэр тусмаа том бизнесүүдтэй өрсөлдөж байгаа тул маркетингийн энэ төлөвлөгөөнд илүү цаг зарцуулах хэрэгтэй.

Бүх зүйлийг нэгэн жигд байлгахын тулд таалагдсан зураг, өнгөний код, мэдээлэл зэргийг нэг хавтсанд (фолдерт) хадгална. Google drive, dropbox зэрэгт хадгалбал хүссэн байршлаас хэрэгтэй мэдээллээ авах боломжтой.

15/09/2017

Ярилцлага авагчийн сонсох дургүй өгүүлбэр

Аль ч салбарын ажлын ярилцлага авагчийн сонсох дургүй хэдэн өгүүлбэрийг түүвэрлэн хүргэж байна.

Миний өмнөх ажлын орчин таагүй эсвэл манай дарга хэтэрхий ихийг шаарддаг байсан.

Одоогийн болон өмнөх ажлын орчин болоод ажил олгогчийг муулж болохгүй. Нөгөө тал нь эерэг энергитэй хүнтэй ажиллахыг хүсэж байх тул та ярилцлагын үеэр бусдыг муулсаар тэнцэнэ гэж саналтгүй.

Цаад санаа нь болбоос ажил олгогч таны талаар ихийг мэдэхгүй тул ямар нөхцөлд ажиллаж ирснийг тань ойлгохгүй. Түүний хувьд таныг удирдахад хэцүү, ажлаа тааруу хийсэндээ бусдыг буруутгаж байна гэх бодол хамгийн түрүүнд төрнө. Та ч гэсэн хэдэн жил ажилтан авах ярилцлагын ширээний ард суувал мөн ялгаагүй ингэж л боддог болно.

Хэрэв ажлаас яагаад гарсан талаар ярих болбол таатай талаас нь ярих хэрэгтэй.

Гадаа аймшигтай хүйтэн/халуун байна.

Хүмүүс ‘аймшигтай’ гэх зэрэг сул үг их хэрэглэдэг. Энгийн ярианд зүгээр сонсогдох ч ярилцлагын өрөөнд бол тун эвгүй сонсогдоно. Иймд ярилцлага өгч байхдаа сул үгсийг аль болох хэлэхгүй, үгээ цэгнэе.

Надад тохирохгүй/намайг хангалттай сорихгүй байсан учраас ажлаас гарсан.

Иймэрхүү шалтаг таныг зорилгогүй, төөрөлдсөн нэгэн мэтээр харагдуулна.

Ярилцлага авагчийн толгойд: “Энэ ажил юугаараа ялгаатай юм бол? Бараг зургаан сарын дараа ажлаас гарах нь дээ” гэх бодлыг төрүүлнэ.

Тэд өөрийн хүчээр хөгжиж чаддаг, ажлаа гололгүй хийдэг, шинэ санаа гаргадаг, асуудалд шийдэл олж чаддаг хүнд л дуртай.

Танай компани юу хийдэг вэ?/ Төв салбар нь хаана байдаг вэ?

Ажлын ярилцлагын үндсэн дүрэм ёсоор бол гүүглээр хайлт хийх төдийд олдох энгийн асуултыг асуухгүй.

Ярилцлагад ирэхийн өмнө хангалттай судалгаа хийж, мэдээлэлтэй болсон байх хэрэгтэй. Компани, үйл ажиллагааны талаар энгийн асуулт асууж болохгүй. Үүний оронд өөрийгөө сайн судалж, анхаарал тавьсан гэдгээ харуулах нухацтай, утга учиртай асуулт тавих хэрэгтэй.

Би менежер болохоор голцуу ганцаараа ажилладаг.

Хэрэв удирдах албан тушаал, менежментийн хэлтэст орох гэж байвал хамаг амжилтыг өөрт нааж болохгүй. Баг, хамтран ажиллагч нарыг хамаатуулж, тэдний ур чадварын ачаар алсыг хэрхэн харж, хэрхэн амжилт гаргасан талаар ярих хэрэгтэй. Амжилтад хүрсэн хүмүүс өөрийнх нь амжилт бол багийн амжилт болохыг ухаарсан байдаг. Ярилцлагын үеэр үүнийг хүлээн зөвшөөрвөл таатай уур амьсгал бүрэлдэнэ.

Би хэт их ажилладаг сул талтай.

Өөрийн сул талыг ч гэсэн эерэг болгох хандлага их түгжээ. Үнэндээ бол хэн ч төгс биш. Дээр нь ярилцлага авагч даруу төлөв байдал үзэхийг хүсдэг. Иймд та өөрийгөө бүрэн мэдэрч, тулгардаг сул талаа зөвөөр илэрхийлж сурах хэрэгтэй.

Би бол мэргэжилтэн л гэсэн үг.

Гаргасан амжилтаа хэт хөөрөгдөж болохгүй. Өөрийгөө мэргэжилтэн гэж дуудахад хугацаа шаардана. Алив зүйлийг гартаа бүрэн оруулахад цаг хугацаа хэрэгтэй. Иймд 'би үүнийг хийх дуртай, үүнийг гүнзгийрүүлэн судлах дуртай' гэвэл илүү эвтэйхэн чихэнд чимэгтэй.

Асуух зүйл байхгүй ээ

Тухайн карьер, байгууллагыг сонирхож, орохыг хүсэж байгаа хүнд асуух зүйл байхгүй байна гэж байдаггүй.

15/09/2017

2050 green towers