Brudavollen - Ørsta Bygdetun

31/07/2026

Ørsta bygdemuseumslag inviterer til tur til Kong Arthurspelet på Sandsøya søndag 9. august.

Interesserte kan kontakte turleiar Hilde Aambakk på tlf 941 76 436 for påmelding og meir informasjon.

Frist innen 7. august!

27/07/2026

Onsdag 29. juli kl. 15-18 inviterar Ørsta bygdemuseumslag inn til olsokstemne i tunet på Brudavollen. I tråd med tradisjonell olsokfeiring vert det sal av raumegraut, kaffi, sveler og natronkaker. Museumslaget vidarefører også det årvisse samarbeidet med Ørsta kyrkje, og det vert gudsteneste i tunet frå kl. 17.

Alt ligg til rette for hyggeleg sosialt samvære, og vi vonar at mange vil ta turen innom Brudavolltunet denne dagen!

Gratis inngang.

Velkommen til olsokfeiring på Brudavolltunet!

26/07/2026

Takk til Snaustrinda Spelemannslag for fin konsert i tunet!

24/07/2026

Ørsta bygdemuseumslag inviterer til grautasøndag på Brudavolltunet. Søndag 26. juli kl. 14.00 høyrer du også vakre tonar i tunet!

Snaustrinda spelemannslag er eit studentspelemannslag som høyrer til ved studentersamfundet i Trondheim. Dei består av ca. 40 aktive medlem som spelar folkemusikk grå krikar og krokar i landet. Vi spelar opp til dans, konsertar, tevlingar og anna sprell gjennom året.

Ørsta bygdemuseumslag ønskjer både fastbuande og tilreisande velkomen til å nyte smakfull rjomegraut i vakre, historiske omgjevnader.

Viti er ein konsolidert museumsorganisasjon i Vestland som forvaltar og formidlar kulturarv frå region og samtid.

19/07/2026

Takk til Jorun Marie Kvernberg for ein fantastisk fin konsert i tunet i dag!

Foto: Tiril Stokkevåg/Viti

17/07/2026

Ørsta bygdemuseumslag inviterer til grautasøndag på Brudavolltunet. Søndag 19. juli kl. 14.00 høyrer du også vakre tonar i tunet!

Jorun Marie Kvernberg (1979) har reist land og strand med feler, slåttar og songar i eit kvart århundre, med eit særleg hjarte for tradisjonen frå heimfylket, Møre og Romsdal. Sidan 2007 har Jorun Marie budd i Volda, og på Sunnmøre har ho funne mange nye musikalske favorittar som ho vil dele med publikum denne dagen.

Ørsta bygdemuseumslag ønskjer både fastbuande og tilreisande velkomen til å nyte smakfull rjomegraut i vakre, historiske omgjevnader.

12/07/2026

Takk til Åsmund Arnesen Farstad for flott konsert i tunet!

Foto: Tiril Stokkevåg/Viti

10/07/2026

Ørsta bygdemuseumslag inviterer til grautasøndag på Brudavolltunet. Søndag 12 juli kl. 14.00 høyrer du også vakre tonar i tunet!

Åsmund A. Farstad frå Volda, er musiker på fele og hardingfele. Han har røter og hjartet i den tradisjonelle musikken frå Nordvestlandet med Sunnmøre og Nordfjord som sine kjærneområder.

Særleg oppteken av spenningsfeltet mellom gamal og ny musikk og der improvisasjon møter tradisjon. Allsidig og aktiv i fleire grupper, i tverrkunstnarlege samarbeid, som solist i ulike konstellasjonar samt pedagog. Åsmund studerer for tida folkemusikk ved Noregs musikkhøgskule og bur i Oslo.

Grautasøndag på Brudavolltunet er ein årviss tradisjon!

Ørsta bygdemuseumslag ønskjer både fastbuande og tilreisande velkomen til å nyte smakfull rjomegraut i vakre, historiske omgjevnader.

07/07/2026

Velkomen til Brudavolltunet i sommar. Ope kvar onsdag kl. 12-16.
Inngang vaksen kr 80 - barn og unge (18 år) gratis. Inkludert fellesbillett til Sivert Aarflot-museet torsdagar kl. 12-16.

I tillegg til bygningane i tunet er kulturlandskapet avgjerande for at heile kulturmiljøet i dag er av regional verdi. Den gamle kulturmarka i Brudavolltunet er forma gjennom tradisjonell skjøtsel over lang tid.

I terrenget rundt gardshusa er dyrkingsspor som steingardar, rydningsrøyser og veiter godt synlege. Steingardane langs geila, frå bilvegen og opp i tunet, var eit naudsynt stengsel mot ferdsle på åkrar og slåttemark, og i tun og hage. Veita frå elva leia vatn til truskarhjulet som på sinnrikt vis dreiv truskeverket for kornet på låven.

05/07/2026

I dag vart det graut, svele, kaffi, prat og musikk i Brudavolltunet.
Takk til Nina Byttingsmyr for flott konsert!