Mostrahuset

31/12/2025

✨ Tida er komen for å takka for oss ✨

Me kan sjå tilbake på mange kjekke og minnerike år der Mostrahuset har vore ein samlingsplass i bygda – fylt med utstillingar, konsertar, marknader, kulturarrangement og formidling av kulturarv.

Ei stor og hjarteleg takk til alle som har støtta oss, stilt opp på dugnad og bidrege på så mange måtar. Det har betydd utruleg mykje ❤️

No lukkar me dørene for denne gong, men håpet lever om at dei opnar seg igjen i 2026 - av nokon som vil ta vare på og vidareutvikla Mostrahuset som eit levande kulturminne og samlingsplass på Moster.

Tusen takk for oss & alt godt for det nye året💫

16/12/2025

Takk for støtta til Bømlo Teater!

Me vil takke kommunestyret for at de har løyvd 300.000 kroner i driftsstøtte for 2026. Denne støtta er avgjerande for at me kan halde fram med å skape store teateropplevingar for publikum.

Me er klar over kommunen sin økonomiske situasjon, og støtta er i løpet av dei siste åra redusert frå kr. 525.000 til dagens nivå. Likevel er kommunal støtte heilt nødvendig for å sikre drift og berekraft i teateret.
For dei som ikkje kjenner kulturlivet på Bømlo, kan det verke som om Bømlo Teater og Moster Amfi er ein og same aktør. Men Bømlo Teater er produsenten og leigetakaren som skaper stormusikalar og Mostraspelet, medan Moster Amfi AS eig og driftar arenaen. Merkevara - Mostraspelet og musikalar i Moster Amfi - har vakse sidan urpremieren på Mostraspelet i 1984. Arenaen har sidan blitt utbygd i fleire etappar frå kalkgruve med benkjer til slik senteret framstår i dag. Det har vore ulike driftsmodellar gjennom tidene. Når me no ser at mest halvparten av politikarane vil kutte all støtte til teateret for å styrke tilskotet til Moster Amfi AS, må me presisere skilnaden. Me heiar sjølvsagt på det politiske vedtaket om å søkje Moster Amfi inn på statsbudsjettet - det er arenaen verdig!

• Bømlo Teater er ein frivillig organisasjon som produserer Mostraspelet og musikalar som ein leigetakar i Moster Amfi. På same vis som me produserer mindre oppsetjingar i td Bømlo kulturhus, Festiviteten og Tysværtunet.

• Moster Amfi AS er eit offentleg eigd selskap, eigd av Vestland fylkeskommune og Bømlo kommune, som driftar utandørsarena i tillegg til blant anna formidling i utstillingar, eventar og kafe.

Me samarbeider, men har ulike mandat og økonomiske rammer - og ingen felles økonomi. Dersom ein ikkje skil mellom desse rollene, kan det føre til løysingar som svekkar begge organisasjonane og set kulturarven i fare.

Kvifor er dette viktig?
• Bømlo Teater er ein frivillig organisasjon med mål om å styrke Bømlo som senter for scenekunst - med kvalitet, breidde og engasjement.
• Store produksjonar som Mostraspelet og musikalar i Moster Amfi krev lang planlegging og høg økonomisk risiko. Ein musikal har i 2025 ein omsetning på ca. 7 millionar, der 70 % er billettinntekter - ei svært usikker kjelde.
• Me tek risikoen sjølv. Etter underskotet på 1,8 mill. i 2023 har me nedskalert administrasjonen og auka dugnadsinnsatsen. Med eit overskotet i 2024 går drifta mot underskot, sjølv om produksjonane gjekk bra, i 2025. Det viser kor sårbar økonomien er.

Dugnaden er vår styrke
Bak kvar framsyning ligg tusenvis av dugnadstimar - frå scenerigg til vertskap og billettkontor. Administrasjonen består av 1,4 lønna stillingar fordelt på seks personar. Resten er frivillig innsats. Utan kommunal støtte kan me ikkje levere dei store produksjonane som har gjort Bømlo og kulturarven vår kjent.

Kva får kommunen igjen?
• Positiv omtale i og omdøme i nasjonale og regionale media samt på folkemunne.
• Styrka omdøme som kulturkommune og attraktiv stad å bu.
• Inntekt til Moster Amfi AS. Berre i 2025 har Bømlo Teater betalt kr. 720.000,- til Moster Amfi i billettavgift og husleige
• Meirinntekter til lokalt næringsliv ift overnatting, sal av varer og tenester og oppdrag til kulturaktørar.
• Styrke vår kulturarv som har gitt kongebesøk, to riksjubileum og internasjonal merksemd.

Me tek med glede denne delen av kulturarven vår vidare - så lenge me har politikarar som ser verdien av arbeidet vårt. Tusen takk til AP, Høgre, SV og KrF for støtta!

Styre og stab i Bømlo Teater

📸 Peter Tubaas / Vestland Media

25/11/2025

Laurdag kveld kunne ein få setje seg ned i kysthistoriske omgjevnader, og nyte førjula med ulike sansar

14/10/2025

Mostrahuset kjem for sal i 2026

Huset ligg som ein bauta i innseglinga til Mosterhamn, eit kulturminne med sjel og historie, reist i 1937 og fullt av liv, arbeid og kultur gjennom generasjonar. Her har det vore fraktefart, fabrikk, teater, kafé og samlingsstad, alltid med eit bankande hjarte og som ei viktig brikke i bygda.
Dei siste åra, medan huset har vore i vårt eige, har det vore ein levande møteplass. Her har det vore musikk og latter i romma, lukta av kaffi og nysteikte vaflar, utstillingar og marknader, kulturkveldar og pubstemning. Tusenvis av menneske har vore innom, og både me og mange andre ber med oss gode minner herfrå.
For oss har Mostrahuset vore meir enn eit bygg. Det har vore ein del av livet, eit fellesskap, ein arena for å møtast og skapa noko saman.
Men no er tida inne for å sleppa nye krefter til nokon som ser moglegheitene og vil halda fram med å skapa liv i Mostrahuset.
Eigedomen omfattar om lag 1 250 m² fordelt på tre gnr./bnr., og det følgjer med rundt 40 meter eigen kai.
Mostrahuset ligg berre eit steinkast frå Moster gamle kyrkje og Moster Amfi, midt i eit historisk og levande kulturmiljø.
Kaféen i første etasje er godkjend for drift og utleige, så her ligg alt til rette for å skapa både aktivitet og inntekter. Kanskje ein kulturstad, eit verkstadsfelleskap, ein serveringsstad, eit galleri eller noko heilt anna?
Mostrahuset ventar på sitt neste kapittel. Berre fantasien set grenser for kva ein kan få til og skapa der.

Fleire foto og videoar på instagram: Mostrahuset

Del gjerne.

07/10/2025

No er alle helger i november utleigde, men framleis noko ledig i oktober og desember om ein har planar om festleg lag
Havnekafen er godkjent og oppfyller Bømlo kommunens krav for utleigelokaler. Brannteknisk notat er utarbeidet av Omega areal, og både brannvarsling og elektrisk anlegg er kontrollert og godkjent av autorisert elektriker.
Send oss ein melding her eller på [email protected] om ein ynskjer å leiga.

06/07/2025

Nokon som saknar paraplyen eller jakka si? ☂️🧥

12/03/2025

💥 Har du lyst til å gjøre Kulturverndagene 2025 enda morsommere – og få penger til det? Da må du lese videre👇

Har du en idé som kan gjøre ditt Kulturverndag-arrangement enda mer åpent og inkluderende for flere (barn, nye folk i bygda, ungdommer, flyktninger), så kan vi hjelpe! Prosjektet MIN Kulturverndag deler ut opp til 💰30,000kr til gode tiltak som gjør at flere vil være med, både som arrangører og publikum! (MIN Kulturverndag står for Mangfold og Inkludering i Nærmiljøet💜)

Kanskje du vil arrangere en matfest🥘, en skattejakt🏴‍☠️, en danseduell🩰, konsert med musikk fra ulike kulturer🪇, moteshow med tradisjonelle drakter👘, eller en fotoutstilling der folk kan vise frem noe fra sin kultur📸? Mulighetene er uendelige! Ikke tenk for lenge, Søknadsfristen er 11. april!

https://kulturvern.no/min-kulturverndag-2025-mangfold-og-inkludering-i-naermiljoet/

Les mer og finn søknadsskjema her:

MIN Kulturverndag er et prosjekt som har som mål å gjøre Kulturverndagene så inkluderende som mulig. Søknadsportalen er nå åpen.

07/12/2024

Lyst å nominere oss? Mostrahusets venner har orginsasjonsnummer 933608107

https://www.spv.no/skjema/nominer-din-hjertesak?utm_source=email&utm_medium=nyhetsbrev&utm_content=info&utm_campaign=202449_csr_julekalender2024_crm&utm_id=bank2131&fbclid=IwZXh0bgNhZW0CMTEAAR04AtgwmepHjrx8G07fWUy9BLbhNLy23SLdnPwxUtD7b0QD6FswI_dH70U_aem_9gT3sMckRCzwf8UECr-85Q

Nominer ein organisasjon som står hjartet ditt nær og fortener ekstra støtte før jul. Det blir trekt 23 heldige vinnarar frå alle innsende forslag som får 20 000 kroner kvar i støtte. I tillegg gjer vi 100 000 kroner til ei av dei som mottek flest nominasjonar.