09/12/2025
I første etasje på Byx Cowork finn du den trivelege sandefjordingen Mathias Frednes. Han jobbar som arkitekt i Grind Arkitektur og likar å kombinere funksjonalitet og estetikk i bygga han teiknar. Dei fleste prosjekta er for privatpersonar, men arkitektbyåret jobbar òg med både næringsliv og offentlege aktørar. No i det siste har det vore mykje ombygging. Det er det som er så kjekt med faget; variasjonen mellom prosjekta, både i tankegang og løysing, fortel han.
Hos Grind Arkitektur får kundane som regel to ulike forslag. Slik kan han både møte behov og samtidig utfordre til å tenke nytt. Målet er å skape rom som kjennest rett for kunden.
Sandefjordingen har no budd ti år på Vestlandet, fem av dei i Bergen under arkitektstudiet. Likevel er Mathias på mange måtar tilbake til røtene sine. Bestemora mi budde i Standal før dei flytta austover, så det var ikkje berre kjærleiken som drog meg til kystbyen.
Mathias trekk fram kontorfellesskapet som verdifullt i ein kvardag der ein jobbar mykje for seg sjølv. Her får han sosiale avbrekk, enten det er prat ved kaffimaskina, i felleslunsjen i Allrommet eller på vaffelfredagen. I tillegg er hunden Enzo ofte å sjå ilag med Mathias her på Byx CoWork 🐾
👉🏼 Du kan sjå meir av arbeidet til Mathias og Grind Arkitektur på instagram-kontoen .
