24/07/2025
BOCAUE, ISINAILALIM SA STATE OF CALAMITY
Opisyal nang isinailalim sa State of Calamity ang Bayan ng Bocaue dahil sa pinsalang idinulot ng malawakang pagbaha. Ang deklarasyong ito ay bunga ng masusing koordinasyon at pagtutulungan nina Mayor Jonjon Villanueva, Vice Mayor Atty. Sherwin Tugna, mga Konsehal ng Team Solid, at ng Municipal Disaster Risk Reduction and Management Council (MDRRMC).
Layunin ng deklarasyon na agad matugunan ang mga pangangailangan ng mamamayan sa panahon ng kalamidad, at magpatupad ng mga hakbang para sa kaligtasan at suporta sa mga pamilyang naapektuhan.
Kabilang sa mga probisyong nakasaad sa deklarasyon ang pagbibigay ng mas malawak na kapangyarihan sa lokal na pamahalaan upang mas mabilis na makakilos at magamit ang Calamity Fund para sa pamamahagi ng ayuda at pagsasakatuparan ng mga relief operations at rehabilitasyon sa mga apektadong barangay.
Isinasaad din nito ang pagpapatupad ng mga mekanismo upang masigurong kontrolado at mananatiling tama ang presyo ng mga pangunahing bilihin.
Sa tulong at awa ng Panginoong Diyos at sa ating pagtutulungan, malalampasan din natin ang pagsubok na ito.
