26/02/2026
Pilipos 4:6-7
6. Daw hadì kiw on man ngaay ugkasamuk ku bisan inu, ba iyan man ngaay ughinangon taw su pug-ampù taw daw sa pugpangananay taw daan duun ku Diyus. Daw pinaagi taon ha pug-ampù taw, na bà taw man ngaay ipadayag diyà ta kandin su bisan inu ha pakailahon taw ha lapikan taw ku bon lalag taw on ha pugpasalamat diyà ta kandin.
7. Daw ulinan kiw on paman kandin ku ikalandang ta lalag taw daw ta gahinawa taw. Ba labaw man hain ha kalandang dì ku bisan inu ha ugkasagkaw daw ugkasabut ku otaw. Na iyan man ta konà man hain bà dà kalandang ha pinasikad ku kahintang, ta bon man hain ig-ulin tongod ku pugsalig taw. Daw ganì man ku iyan on ikalandang ta lalag taw su ulin ku Diyus, na iyan on paman haon makapangalasag ta lalag taw diyà ki Klistu Hisus daw hudà taw on paman kasamuk.
