01/06/2023
Our Daily Bread
"NA KAY JESUS ANG KASAGUTAN"
(Mga Taga-Roma 6:23)
Sapagkat kamatayan ang kabayaran ng kasalanan, ngunit ang libreng kaloob ng Diyos ay buhay na walang hanggan, sa pamamagitan ni Cristo Jesus na ating Panginoon.
Tayong lahat ay makasalanan at lahat tayo ay magbabayad sa pamamagitan ng kamatayang pisikal at kamatayang espiritwal sa impyerno, Ngunit merong ginawang paraan ang Diyos upang hindi mamatay ang ating mga espiritu sa pamamagitan ng ating Panginoong Jesus. Siya ang nagbayad ng ating mga kasalanan upang matubos tayo mula sa kamatayang espiritwal.
Ito ay libreng kaloob ngunit marami sa atin ay tinatanggihan ang kaloob na ito sa pamamagitan ng pagtanggi kay Jesus na sampalatayanan siya sa kanilang mga puso kahit narinig na nila ang mabuting balita.
Ito ang pinaka nakakatakot na desisyon na gagawin ng isang tao at yun ay tanggihan ang libreng kaloob na si (CRISTO JESUS).
(Juan 3:16-18)
Sapagkat gayon na lamang ang pag-ibig ng Diyos sa sangkatauhan, kaya't ibinigay niya ang kanyang kaisa-isang Anak, upang ang sinumang sumampalataya sa kanya ay hindi mapahamak, kundi magkaroon ng buhay na walang hanggan. Isinugo ng Diyos ang kanyang Anak, hindi upang hatulang maparusahan ang mga tao, kundi upang iligtas ang mga ito sa pamamagitan niya. Hindi hinahatulang maparusahan ang sumasampalataya sa Anak. Ngunit hinatulan na ang hindi sumasampalataya, sapagkat hindi siya sumampalataya sa kaisa-isang Anak ng Diyos.
Ito na ang panahon na pagsisihan na natin ang ating mga kasalanan at tanggapin natin ang libreng kaloob sa ating mga puso ang libreng kaloob na si JESUS dahil hindi natin alam ang panahon. Hindi pa huli ang lahat kapatid dahil buhay pa tayo at nababasa mo ito sa mga oras na ito.
Manalangin tayo ng taimtim at gawin nating personal ang pagtanggap kay Jesus bilang Panginoon at Tagapagligtas. Huwag tayong mahiya na lumapit sa kanya dahil kalooban niya na tayo ay manumbalik sa kanya dahil ito ang mensahe ng krus ng kalbaryo ang
(Dakilang pag ibig ng Diyos).
Kung bago mo lang itong narinig at hindi mo alam ang gagawin ay ipanalangin mo ito ng buong puso.
(Panalangin)
Panginoong Jesus patawarin Mo ako sa lahat ng aking mga kasalanan. Tinatanggap kita bilang aking Panginoon at Tagapagligtas. Ikaw na po ang manguna,maghari at masunod aking buhay. Maraming salamat sa buhay na inalay Mo mailigtas lamang ako. Amen at Amen
