29/03/2020
REPOST. CTTO
Updated: March 28, 2020 @ 10:52PM
BASAHA NINYU: The Governor's Executive Order No. 5-O : Protocols and Guidelines in the Implementation of Enhanced Community Quarantine for the whole Province of Cebu.
➖ ➖ ➖ ➖ ➖ ➖ ➖ ➖ ➖ ➖ ➖ ➖ ➖ ➖ ➖ ➖ ➖ ➖ ➖
MGA BUSLINERS, VANS UG UBAN PA PADAYON NGA MAKADAGAN PAGAWAS SA CEBU CITY HANGTOD TUNGANG GABII SA DOMINGGO, MARSO 29, 2020 PARA MAKA ULI TANG TANAN TAGA PROBINSYA. BUSA, KATUNG MANGULI, AYAW MU KABALAKA! BYAHE NAMU SAMTANG PWEDE PA!
➖ ➖ ➖ ➖ ➖ ➖ ➖ ➖ ➖ ➖ ➖ ➖ ➖ ➖ ➖ ➖ ➖ ➖ ➖
KARON LUNES, INIG IMPLEMENTAR SA ENHANCED COMMUNITY QUARANTINE (ECQ) SA TIBOOK PROBINSYA SA SUGBO, DILI NA KA SUD UG GAWAS ANG MGA TAGA PROBINSYA SA CEBU CITY.
❓ UNSA'Y PASABOT ANI?
📣 Ang tanan nagpuyo sa Cebu City dili na ka adto o tugpa sa lain lungsod. Para ni ma protektaran ang mga taga probinsya.
❓ PANGUTANA: Taga TOLEDO ko, pero akong trabaho naas BALAMBAN, maka uli pa ko?
📣 TUBAG: Maka uli pa ka kay naa ra gihapon ka sa probinsiya sa Sugbo.
❓ PANGUTANA: Taga TOLEDO ko, pero akong trabaho naas MANDAUE or LAPU-LAPU CITY, maka uli pa kog TOLEDO?
📣 TUBAG: DILI. Kay mo agi ka ug Cebu City inig padung nimo sa Mandaue or Lapu-lapu City. Di na ka ka gawas sa Cebu City anang kalakiha.
❓ PANGUTANA: Nag trabaho ko sa Cebu City pero akong balay naa sa TOLEDO or PINAMUNGAJAN, maka uli pa ko?
📣 TUBAG: DILI. Tungod sa nagkadaghan na mga positive or presumptive sa Cebu City, pasensya na kaayo, di na jud mo ka uli. Inyong mga kompanya gi ingnan na na mangandam ug kapuy-an ninyo sa syudad mintras effective pa ang enhanced community quarantine.
MAO KINI ANG MGA DUGANG NA UPDATE SA ENHANCED COMMUNITY QUARANTINE. USBON KO, KARONG LUNES, MARSO 30, 2020 NA KINI MAHITABO
➖ ➖ ➖ ➖ ➖ ➖ ➖ ➖ ➖ ➖ ➖ ➖ ➖ ➖ ➖ ➖ ➖ ➖ ➖
GENERAL QUESTIONS: Mga pangutana sa Enhanced Community Quarantine sa Probinsiya para klaro ug hapsay.
1. KANUS-A MAN JUD ANG QUARANTINE?
📍 Mao ni ang schedule sa pag implementar sa quarantine:
▪️Cebu City - 12:01 sa UDTO karon Sabado, March 28
▪️Lapu-Lapu, Mandaue ug Cordova - 12:01 sa KADLAWN karon Dominggo, March 29*
▪️Cebu Province - 12:01 sa KADLAWN karon Lunes, March 30*
2. UNSA MAN ANG SAKOP SA QUARANTINE?
📍 KITANG TANAN quarantine na sa balay. APAN ang uban na mo trabaho sa mga pinili na industriya ug negosyo makagawas gihapon.
📍 Kada balay, naa’y usa ka QUARANTINE PASS. Ang kanang naa’y quarantine pass mao ra’y maka gawas sa ilaha para mo palit ug pagkaon ug uban pang importante na gamit sama sa tambal, etc. MGA BATAN-ON UG SENIOR CITIZEN 65 PATAAS DILI JUD KA LAKAW.
📍 Ang quarantine pass LIBRE KANA UG WAY BAYAD. Ang mo issue sa quarantine pass kay ang kapitan sa barangay.
3. UNSA MA'Y MGA NEGOSYO ANG ABLI PA?
📍 Mga supermarket, merkado, grocery, sari-sari store, carenderia, construction, MEPZ, Mitsumi, Tsuneishi, mag-uuma, mangingisda, barko, trucking, mga pabrika na nag-himo ug pagkaon ug uban importante na gamit na panglawas ug Call Center. Apil ang CEBECO, VECO ug katong mga nag provide ug tubig.
📍 Abli pud gihapon ang tanan bangko ug kwarta padala outlets, hasta tanan botika ug pharmacy.
📍 Ang mga nag trabaho aning mga negosyoha ug companya maka gawas gihapon para mo trabaho. Kanang mga gikan probinsya na mo trabaho sa syudad, dad.a lang ang inyong quarantine pass ug i present sa police kung naa’y checkpoint.
📍 Ang mga kompanya labi na sa MEPZ, Mitsumi ug uban pa kay gi awhag na mo provide ug sakyanan para sa ilang mga empleyado. Ang call centers gi awhag na mo work from home na lang or mo provide ug accommodation ang kompanya para sa mga empleyado.
4. NAA PA'Y PUBLIC TRANSPORTATION?
📍 WALA NA’Y BUS, JEEP, HABAL-HABAL ug TRICYCLE na pwede mo operate. PERO pwede ni sila gamiton ug suhulon sa mga negosyo ug gobyerno para sa paghatod sa mga empleyado ug mga goods. Para pud naa’y income ang mga driver.
5. NAA KO'Y PERSONAL NA SAKYANAN, PWEDE PA KO MO ADTO UG SYUDAD?
📍 Kung medical o bisag unsa na emergency, pwede ra. Please keep in mind na hapit tanan lungsod naa na’y checkpoint gikan ug padung syudad. Kung dili importante ang lakaw, pagpuyo na lang sa balay.
6. UNSAON NAMO PAGPALIT UG AMONG KONSUMO?
📍 Usa ra ka tawo kada balay maka lakaw para mangompra sa merkado.
📍 Ang mga negosyo pud gi awhag na mo himo ug delivery system para ihatod na lang ang mga isda, karne, bugas ug uban pa sa inyong balay. Bayad lang mo ug gamay na delivery fee.
7. NAA'Y IHATAG ANG GOBYERNO NA AYUDA?
📍 Naa. Huwat lang mo kay nagsabot na ang tanan mayor ug si Gov Gwen para sa pagpanghatag sa mga ayuda.
📍 Kada lungsod ug syudad tagaan ni Gov Gwen ug kwarta para palit ug ayuda. Ang lungsod o syudad na ang bahala mo palit. Ang mga pobre na lungsod makadawat ug mas dako na budget. Ang katong medyo dato na lungsod gamay ra ang madawat. Atong hatagan ug gibug.aton ang mga pobre jud na lungsod.
📍 Ang unahon ug hatag katong mga nawad.an ug trabaho ug mga mas labing nagkahinanglan ug tabang.
📍 Kung arang-arang ang pagkabutang ninyo, mo hangyo lang ko, ayaw lang ug demand ug ayuda.
