10/02/2023
• Hadith 1
عَنْ أَمِيرِ المُؤمِنينَ أَبي حَفْصٍ عُمَرَ بْنِ الخَطَّابِ -رضي الله عنه-{ قَالَ: سَمِعْتُ رَسُولَ اللهِ ﷺ يَقُولُ: إِنَّمَا الأَعْمَالُ بِالنِّيَّاتِ، وَإِنَّمَا لِكُلِّ امْرِئٍ مَا نَوَى، فَمَنْ كَانَتْ هِجْرَتُهُ إِلى اللهِ وَرَسُوله فَهِجْرَتُهُ إلى اللهِ وَرَسُوله، وَمَنْ كَانَتْ هِجْرَتُهُ لِدُنْيَا يُصِيْبُهَا، أَو امْرأَة يَنْكِحُهَا، فَهِجْرَتُهُ إِلى مَا هَاجَرَ إِلَيْهِ,} رواه البخاري و مسلم
• Matnul Hadith | Salin
Isinalaysay ni Amirul Muminin Abu Hafs Umar ibn Al-Khattab (radiyallahu anhu), “Narinig ko ang Rasulullah (sallallahu alayhi wa sallam) na nagsasabi, ‘Ang tatanggapin lamang na gawain ay ang taos puso para kay Allah. At ang gantimpala ng tao ay ayon sa kanyang intensyon. Kaya’t sinuman ang mag-hijrah (lumikas) alang-alang kay Allah at sa Kanyang propeta, ang kanyang paglikas ay para kay Allah at sa Kanyang propeta. At sinuman ang lumikas upang makamit ang makamundong bagay o di kaya’y para sa babae upang kanyang mapakasalan; ang saysay ng kanyang paglikas ay ayon sa kanyang layon.”[Iniulat ng dalawang imam ng mga muhaddith na sina: Abu Abdillah Muhammad ibn Ismail ibn Ibrahim ibn Al-Mughirah ibn Bardizbah Al-Bukhari, at Abul Husayn Muslim ibn Al-Hajjaj ibn Muslim Al-Qushayri An-Naysaburi sa kani-kanilang aklat ng mga sahih na siyang pinakamainam na aklat ng hadith.]
• Mufradats | Vocabularies
1. ikhlas/إخلاص: taos-puso at sinsero na para lamang kay Allah
2. Amirul Muminin/أمير المؤمنين: pinuno ng mga mananampalataya.
3. radiyallahu anhu/رضي الله عنه: kalugdan siya nawa ni Allah. Ginagamit na panalangin sa mga Sahabah ng Rasulullah (sallallahu alayhi wa sallam).
4. Rasulullah/رسول الله: sugo ni Allah; kung saan ang tinutukoy rito ay si Propeta Muhammad (sallallahu alayhi wa sallam).
5. sallallahu ‘alayhi wa sallam/صلى الله عليه وسلم: nawa’y mapasakanya ang pagpapapala at kapayapaan mula kay Allah. Tandaan na obligado sa bawat Muslim na ipanalangin si Propeta Muhammad(sallallahu alayhi wa sallam) sa tuwing ito ay kanlang maririnig o mababanggit sa kanila.
6. hijrah/هجرة: paglikas; paglikas mula sa Makkah patungong Madinah.
7. muhaddith/محدث: mga pantas sa Islam na nag-iipon ng mga hadith ni Propeta Muhammad (sallallahu ‘alayhi wa sallam).
8. sahih/صحيح: ang tinutukoy dito ay ang mga aklat na Sahih Al-Bukhari at Sahih Muslim na siyang pinakamainam na aklat na koleksyon ng mga hadith.
9. sunnah/سنة: pamamaraan ni Propeta Muhammad (sallallahu alayhi wa sallam).
10. sahabi/صحابي: sinumang nakakita at naniwala kay Propeta Muhammad (sallallahu alayhi wa sallam) at namatay sa pananampalatayang Islam. Ang pangmaramihan ng sahabi ay sahabah.
11. jannah/جنة: paraiso; paraisong nilikha ni Allah para sa mga mananampalataya para sa Araw ng Paghuhukom.
inshallah allahamdullih
