10/04/2022
DID YOU KNOW?
Niadtong tuig 2010, akong nasaksihan ang problema sa atong publiko nga plaza diha sa Brgy Poblacion. Delikado kaayu kini sa mga bata kay taya kaayu ang ilang duwaanan nga posibleng makapadisgrasya kanila. Apan, subo pamalandungon nga pagkahuman sa ilang termino sa 2019 wala gihapon kini kausaban sa siyam ka tuig nga milabay. Maong migahin ako og pila ka adlaw nga mahinabi ang mga ginikanan sa bata ug pangandoy nila nga makabaton og plaza nga para sa tanan.
Maong paglingkod gayud nako sa katungdanan sa tuig 2019 kay gihatagan man ko ninyu og higayon nga makapangalagad, ato gayud dayun gipatrabaho ang renovation sa atong Plaza Rizal gamit ang pundo nga gikan sa kaulohan. Gitutokan gayud sa akong BEBIKO Cindi King Chan ang pagpatrabaho niini ug kanunay nga nagfollow-up sa contractor maong resonable ra ang panahon nga nakonsumo samtang nasunod ang gidahom nga kalidad sa proyekto. Ang akong BEBIKO na mismo ang naghunahuna sa desinyo niini nga tukma kaayo nga makaserbisyo sa tanang sektors sama sa mga kabataan, senior citizens, PWD, mga pamilya o yanong mga Oponganon nga gustong mawala ang ilang stress ug makalimot sa makadiyot sa ilang problema. Aduna kini luwas nga playground para sa mga kabataan, exercise area, safe ramp para sa mga PWD, pangtheater nga bleachers, mala-hotel nga restrooms, naa say play area sa chess o dama, puno kini sa tanom ug green grass ug pinakasentro niini kay ang atong magical dancing fountain nga makapalipay gayud sa mga katawhan sa bisag unsang edad.
Maong pangutana nako ninyu, NAKASUROY NA BA SA PLAZA RIZAL ANG TANAN?
