Sentro ng Wika at Kultura - Mindanao State University, Marawi City

07/05/2026

Kapag patuloy na pinapaliit ang espasyo ng Filipino, Panitikan, at Humanidades, hindi lang mga asignatura ang nawawala kundi unti-unti ring numinipis ang kaluluwa ng bayan. Ang edukasyong walang kamalayang pangkultura ay maaaring lumikha ng manggagawa, ngunit hindi ganap na mamamayan.

06/05/2026

Matagumpay na naisakatuparan ang Tertulyang Pampanitikan na naglatag sa panitikan bilang daluyan ng katwiran sa gitna ng krisis pangkalikasan. Hindi lamang ito pagtitipon kundi pagkakaisa sa kamalayan, sapagkat ang panitikan ay hindi lamang diskurso; ito’y pagmulat, pagninilay, at pagtindig.
Taos-pusong pasasalamat sa CSSH Dean, Dr. Monaimah Manabilang; Assistant Dean, Dr. Hammim Casan; Direktor ng MCHC, Dir. Ayesha Merdeca Alonto; sa mga tagapagsalita - Dir. Asmarie Labao at Prof. Jahara Solaiman na naging tinig ng panitikan at aktuwal na pakikibaka; sa Departamento ng Filipino sa pangunguna ni Dr. Anida Mustapha; sa komite sa kanilang walang sawang paglalaan ng panahon at trabaho; sa Ranao Photogenics Studio; at sa lahat ng mag-aaral at panauhin. Hanggang sa muli.

30/04/2026

Matagumpay na naisakatuparan ang Tertulyang Pampanitikan na naglatag sa panitikan bilang daluyan ng katwiran sa gitna ng krisis pangkalikasan. Hindi lamang ito pagtitipon kundi pagkakaisa sa kamalayan, sapagkat ang panitikan ay hindi lamang diskurso; ito’y pagmulat, pagninilay, at pagtindig.

Taos-pusong pasasalamat sa CSSH Dean, Dr. Monaimah Manabilang; Assistant Dean, Dr. Hammim Casan; Direktor ng MCHC, Dir. Ayesha Merdeca Alonto; sa mga tagapagsalita - Dir. Asmarie Labao at Prof. Jahara Solaiman na naging tinig ng panitikan at aktuwal na pakikibaka; sa Departamento ng Filipino sa pangunguna ni Dr. Anida Mustapha; sa komite sa kanilang walang sawang paglalaan ng panahon at trabaho; sa Ranao Photogenics Studio; at sa lahat ng mag-aaral at panauhin. Hanggang sa muli.

30/04/2026

Ngayon na po ito, punta po tayo.

Kung hindi ngayon, kailan pa?

Sa panahong unti-unting nauubos ang ating kalikasan, ang panitikan ay hindi lamang dapat basahin kundi dapat maging paninindigan.

Halina sa Tertulyang Pampanitikan 2026 na may temang “Panitikan bilang Daluyan ng Katwiran sa Panahon ng Krisis Pangkalikasan.”

📅 Abril 30, 2026, 8:00 n. u.
📍 MSU–MCHC, Marawi

Makibahagi. Makinig. Makialam.

29/04/2026

Kitakits po bukas!

Kung hindi ngayon, kailan pa?

Sa panahong unti-unting nauubos ang ating kalikasan, ang panitikan ay hindi lamang dapat basahin kundi dapat maging paninindigan.

Halina sa Tertulyang Pampanitikan 2026 na may temang “Panitikan bilang Daluyan ng Katwiran sa Panahon ng Krisis Pangkalikasan.”

📅 Abril 30, 2026, 8:00 n. u.
📍 MSU–MCHC, Marawi

Makibahagi. Makinig. Makialam.

29/04/2026

Biyaya ang maipakilala hindi bilang sentro, kundi bilang daluyan ng mga kwentong nagmumula sa aking bayan; kung ako man ay makita, nawa’y mas makita ang tinig ng kulturang patuloy nating binubuhay. Ang lahat ng papuri ay sa Allah!

Meet Dr. Almayrah Abbas Tiburon—one of the most powerful literary voices bringing Meranaw stories to life in Philippine and global literature.

A National Book Awards finalist, Kampeon ng Wika awardee, and one of Spot.ph's "10 Noteworthy Filipina Writers," Dr. Tiburon writes from the heart of Marawi City, turning the lived experiences of her people into unforgettable poetry, fiction, and essays.

Her books—Terminal, Terminal 2, Thotholan: Mga Alamat at Pabulang Meranaw, Salamin at Iba Pang Panglaw, and Mga Danas—explore Meranaw identity, women's resilience, war, displacement, and motherhood with a depth that refuses to let dominant narratives erase Bangsamoro realities.

She's not just a writer. As Director of MSU-Sentro ng Wika at Kultura and faculty at MSU-Marawi's Department of Filipino and Other Languages, she's actively shaping the next generation of Bangsamoro storytellers and cultural workers.

Her work has appeared in major Philippine anthologies (CCP, UP Press, Gantala Press, Liwayway) and international journals (Asymptote, YUMO-Japan). She's also edited critical collections like Lawanen 2: Mga Alaala ng Pagkubkob, preserving memories of the Marawi siege with dignity and cultural responsibility.

Dr. Tiburon bridges oral tradition and written literature, ensuring that Meranaw voices aren't just heard—they're documented, celebrated, and passed on to future generations.

This is what cultural preservation looks like when it's done with excellence, integrity, and love for one's people.

Read her full profile: https://wiki.maranaw.com/index.php/Almayrah_Abbas_Tiburon

23/04/2026

Kung hindi ngayon, kailan pa?

Sa panahong unti-unting nauubos ang ating kalikasan, ang panitikan ay hindi lamang dapat basahin kundi dapat maging paninindigan.

Halina sa Tertulyang Pampanitikan 2026 na may temang “Panitikan bilang Daluyan ng Katwiran sa Panahon ng Krisis Pangkalikasan.”

📅 Abril 30, 2026, 8:00 n. u.
📍 MSU–MCHC, Marawi

Makibahagi. Makinig. Makialam.

15/04/2026

Ang Sentro ng Wika at Kultura ng Mindanao State University, Lungsod ng Marawi ay buong galak na nakikiisa sa pagdiriwang ng Pambansang Buwan ng Panitikan 2026 na may temang “Bekët Panitikan para sa Katwiran at Kalikasan.”
Sa kontekstong ito, itinatampok ng pamantasan ang sariling tuon na “Panitikan bilang Daluyan ng Katwiran sa Panahon ng Krisis Pangkalikasan,” bilang isang mas malalim na paglalapat ng pambansang adhikain sa kasalukuyang hamon ng ating lipunan at kapaligiran.
Bilang pangunahing pamantasan sa Mindanao, patuloy naming itinataguyod ang panitikan bilang makapangyarihang daluyan ng katarungan, kamalayang panlipunan, at pangangalaga sa kalikasan.
Kaisa ang mga pambansang ahensya tulad ng NBDB, KWF, at NCCA, aming pinagyayaman ang diwa ng panitikan bilang boses ng bayan at sandigan ng pagbabago.
Sama-sama po nating ipagdiwang ang lakas ng panitikan para sa katwiran, para sa kalikasan, at para sa kinabukasan.

21/02/2026

Para sa Meranaw, para sa bayan!

Noong Pebrero 20, 2026, ang Mindanao State University (MSU) – Marawi Campus ay nag-organisa ng isang makasaysayang pagtitipon upang tanggapin ang Komisyoner ng Komisyon sa Wikang Filipino (KWF), Atty. Marites […]

20/02/2026

ISANG MAKASAYSAYANG HAKBANG PARA SA WIKANG MERANAW

Pebrero 20, 2026 — isang araw na hindi lamang para sa dokumento, kundi para sa direksiyon.

Sa pagbisita ng Komisyon sa Wikang Filipino sa Mindanao State University – Marawi, pormal na naihandog ang Kapasiyahan para sa Pagpapatibay ng Ortograpiyang Meranaw (Sinanadan Ko Kazorat sa Basá Meranaw). Ngunit higit pa rito ang aming baon mula sa araw na iyon.

Itinatakda ng Kapasiyahan ang opisyal na pamantayan sa pagsulat ng wikang Meranaw, kabilang ang estandardisadong paggamit ng grapemang “e” nang walang diakritikong marka o umlaut bilang representasyon ng tunog schwa sa sistemang ortograpiko ng Meranaw. Ayon sa Komisyoner, Atty. Marites A. Barrios-Taran, mahalaga ang hakbang na ito sa higit na pag-iisa ng ortograpiya at sa pagpapadali ng pagtuturo, pagkatuto, at publikasyon sa wikang Meranaw.

Sa kanya ring mensahe, personal niyang sinuri kung kabilang ang Meranaw sa talaan ng mga nanganganib na wika sa Pilipinas. Wala ito roon. At ayon sa kanya, malinaw ang dahilan—ang matibay na pagpapahalaga ng mga Meranaw sa sariling wika, na patuloy itong itinuturo sa mga kabataan at pinanghahawakan bilang bahagi ng identidad. Ito ang tunay na lakas ng isang wika: ang pamayanang nagmamahal at nagpapasa nito sa susunod na salinlahi.

Kinatawan ng pangulo ng MSU Atty. Paisalin P. D. Tago, CPA ang Vice President for Academic Affairs na si Dr. Minerva-Saminah M. Naga. Sa kanyang mensahe, binigyang-diin ang malinaw na suporta ng MSU sa intelektuwalisasyon ng mga katutubong wika bilang bahagi ng tungkuling akademiko nito sa rehiyon.

Ipinakilala naman ni Dr. Johara Alangca-Azis ang komite ng Ortograpiyang Meranaw na gumugol ng tatlong taon upang mabuo ang nasabing ortograpiya. Inilahad din niya ang naging proseso ng pagbuo nito—mula sa serye ng konsultasyon at deliberasyon hanggang sa pinal na rebisyong kinilala ng KWF.

Bilang Sentro sa Wika at Kultura sa pamumuno ng Direktor Almayrah A. Tiburon, sa kanya ay hindi nagtatapos sa pagtanggap ng kanyang tungkulin. Tinalakay niya ang konkretong implementasyon—pagbuo ng institusyonal na gabay sa pagsulat, mga pagsasanay para sa g**o at mananaliksik, at mga programang magpapalakas sa paggamit ng Ortograpiyang Meranaw sa pananaliksik at publikasyon. Para sa kanya, ang ortograpiya ay hindi lamang pamantayan sa papel; ito ay magiging pamantayan sa praktika.

Taos-puso ang pasasalamat sa Pamunuan ng MSU, kay President Atty. Paisalin P. D. Tago at Dr. Minerva Saminah M. Naga sa kanilang malinaw at matatag na suporta.

Maraming salamat sa MSU Meranaw Orthography Committee sa kanilang tiyaga at talinong nagbunga ng pamantayang ito.

Kinikilala rin ang mahalagang suporta ng Dekana ng CSSH, Dr. Monaimah Manabilang, Sa Asst. Dean, Dr. Hammim Casan, sa College Secretary, Ma'am Yasmin Mangotara, sa Tagapangulo ng Departamento ng Filipino At Iba Pang Wika, Dr. Anida Mustapha kasama ang mga g**o nito—na laging katuwang ng Sentro sa bawat hakbang, at sa emcee na si Prof. Johanna Rania Salic.

Ngayon, mas malinaw ang landas.
Mas matibay ang pamantayan.
Mas organisado ang implementasyon.

At higit sa lahat—mas buhay ang wikang Meranaw dahil sa mga taong patuloy itong pinahahalagahan.