27/12/2025
[(SO THOTHOLAN KO BAE A MAKABALAGA E KAPAGNAO)]
Sakatao a bago a tao a miyapangaroma sa dabo tanto malanggay na miyaka ngganata siran ki Mister iyan. . Sodun so kiya pangaroma awn na ayaduna paganay a ini awidiyan a akal na giya kaphangoyati niyan ki Mister iyan sa dii niyan kapaka sambayang sa Sobo sa kambara-jama’ sa andaduni kaphag bangiron sa Sobo na miya pokao niyandun si Mister iyan. .
Miyaka isa na miya Late a kiya pokawa niyan ki Mister iyan sabap sa di mapipiya ginawa niyan, na miya Late mambo si Mister sa Masjed taman sa da niyan lakayi so Jama’ na sii miyaka onot ko miyanga oori a minJama’ sa ika dowa. . Sodun so kiyapaka salam iran na nanayaon o Imam ka ana ipagiza iyanon. . Tigo Imam:a Ba sukay karoma o Bae asi Folanah? Tigo Mister: a Oway, inongka katawi? Tigo Imam: Pithataginup akun kagiya ko kagagawii a so kalangowan o Jama’ akun ko paganay a saf (First Row) na palayadun miyaka sold sa Sorga na aya inipamumusa akunon na sakatao a babay ron a aya ngaran iyan na si Folanah na ini-iza akunon o antawa-a sukaniyan na pitharo iyan rakun a skakon e khikaromawn, na giyotoi sabap a kiyatokawi koron. .
Oriyan oto na kai ko makapasad sambayang so Mister na minggagaan maling ka phanotholun iyan ki Darodopa iyan so taginupun o Imam a mapiya, ogaid na aya niyandun kiyawmaan sa walay a somosojuod si Karoma niyan a kiyadaan sa napas. miya wafat ko masa a kasosojod iyan, . subhanallah, mapiya kapatay a balas o galubuk iyan a mapiya. sa kipapatorainiyan sa dikapakalpas o karomaniyan sa waqto WA sobo, .
TANODAN ! So Sambayang a Sobo na tonganay a madakul e kalubihan. . Maloy tano sa makumput ko sabaad a mga kalubiha o sambayang a Sobo. .
1- So kitindugunon sa Jama’ah (para ko mga dato) na lagid bo o ayadun pisambayangan so kagagawii sa kompleto. . Pitharo o Nabi salallaho ‘alaihe wasallam: من صلى الصبح في جماعة فكأنما صلى الليل كله. رواه مسلم Maana: Sa tao a Sambayangan iyan so Sobo sa Jama’ah na lagidiyambo o pisambayangan so kagagawii langon. Piyanothol e Muslim. .
2- Sa tao a Sambayangan iyan so Sobo na makaso-sold sa tangan o Allah. Pitharo o Nabi salallaho ‘alaihe wasallam: من صلى الصبح فهو في ذمة الله Maana: Sa tao a sambayangan iyan so Sobo na sukaniyan na sii sa tangan o Allah. .
3- Khasabapan sa khisold ko Sorga. Pitharo o Nabi salallaho ‘alaihe wasallam: من صلى البردين دخل الجنة Maana: Sa tao a pisambayangan iyan so Al-Bardain (Sobo a go As’r) na miyakasold ko Sorga. .
4- So dowa ka raka’ah sunnah ko onaan o sobo na malai kipantag a di so donya na rakuso dalum iyan. Pitharo o Nabi salallaho ‘alaihe wasallam: رَكْعَتَا الْفَجْرِ خَيْرٌ مِنَ الدُّنْيَا وَمَا فِيهَا Maana: So dowa ka raka’ah (sunnah) ko Faj’r na mapiya adiso donya a go so dalum iyan. .
5- So pukhabatiya ko Qur’an (lagido sakub ko oriyan o fatiha) na dii kazaksian o mga malaikat. Pitharo o Allah sa Qur’an: إِنَّ قُرْآنَ الْفَجْرِ كَانَ مَشْهُودًا Maana: Mataan a so kapumbatiyaa ko Qur’an ko Fajr / Sobo na aya masosowa iyan na dii kazaksian o mga malaikat ko kagagawii na goso mga malaikat ko kadadawndao. . MAA SHAA ALLAH 😇☝ SO KALA IYAN I BALAS NA THATHAMAN
