Central Labas - Asenso Ka

06/08/2026

📍 Site Validation for the Proposed Installation of 25 Solar Lights

Isinagawa ngayong araw ang site validation at pagtukoy sa mga lokasyon para sa nakatakdang paglalagay ng 25 solar lights sa Purok 2 hanggang Purok 5 ng Barangay Central Labas.

Pinangunahan ang aktibidad nina Hon. Nacil S. Guintem, Punong Barangay, at Hon. Rasul L. Masukat, Committee Chairperson on Infrastructure, kasama ang MPW at Engr. Samiyah As-Saheeda Gayak, upang matiyak ang maayos na implementasyon ng proyekto.

Lubos naming ipinapaabot ang aming taos-pusong pasasalamat kay Hon. Duma M. Mascud, Municipal Mayor ng Kadayangan, sa kanyang patuloy na suporta, malasakit, at dedikasyon sa mga programang naglalayong mapabuti ang kaligtasan at kapakanan ng ating mga mamamayan.

Inaasahang malapit nang maisakatuparan ang paglalagay ng 25 solar lights, na magbibigay ng mas maliwanag at mas ligtas na kapaligiran para sa mga residente ng Barangay Central Labas.

06/08/2026

Sino pa gusto humabol sa birth na punta na po kau sa barangay hall

31/07/2026

GUIDELINES FOR THE ISSUANCE OF BARANGAY CERTIFICATES AND BARANGAY ID

🕒 OFFICE HOURS:

MONDAY TO FRIDAY
8:00 A.M. TO 4:00 P.M.

AVAILABLE SERVICES:

Barangay Clearance

Certificate of Residency

Certificate of Indigency

Barangay Certification

Certificate of Low Income

Certificate of Good Moral

Barangay Death Certificate

Certificate of Cattle

Certificate of Oneness

Barangay Business Permit

Barangay ID

PAALALA:

• Ang lahat ng transaksyon para sa BARANGAY CERTIFICATES AT BARANGAY ID ay isinasagawa lamang sa BARANGAY HALL sa opisyal na oras ng opisina.

• Walang pagproseso at pagkuha ng BARANGAY CERTIFICATES AT BARANGAY ID tuwing SABADO, LINGGO, AT MGA OPISYAL NA HOLIDAY.

• Para sa mga katanungan o iba pang kaugnay ng serbisyo, mangyaring bumisita lamang sa BARANGAY HALL.

Brgy; Central Labas Update's
Central Labas - Asenso Ka

31/07/2026

𝗦𝗢𝗖𝗜𝗔𝗟 𝗣𝗘𝗡𝗦𝗜𝗢𝗡 𝗣𝗥𝗢𝗚𝗥𝗔𝗠 𝗣𝗔𝗬𝗢𝗨𝗧 | 𝗝𝘂𝗹𝘆 𝟯𝟭, 𝟮𝟬𝟮𝟲

Isinagawa ngayong Hulyo 31, 2026 sa Barangay Hall ng Central Labas ang Social Pension Program Payout para sa ating mga kwalipikadong senior citizens.

Ang payout ay matagumpay na naisakatuparan sa pangunguna ng MSSD SGA Kadayangan Field Office katuwang ang MSSD Regional Office, sa pakikipag-ugnayan sa Barangay Local Government Unit ng Central Labas sa pamumuno ni Punong Barangay Nacil S. Guintem.

Maraming salamat sa MSSD at sa lahat ng naging bahagi ng programang ito upang maihatid ang nararapat na tulong at suporta sa ating mga nakatatandang mamamayan.

28/07/2026

📢 ANUNSYO | PSA BIRTH CERTIFICATE REGISTRATION

Magandang araw po!

May dumating pong listahan mula sa PSA para sa mga indibidwal na may kaugnayan sa pagpapagawa ng Birth Certificate.

Mangyari po lamang na basahin ang sumusunod:

1. Kung ang inyong pangalan ay nasa listahan at mayroon na kayong Birth Certificate, pakipagbigay-alam o paki-confirm lamang sa Barangay Hall upang hindi na kayo maisama sa listahan ng mga wala pang Birth Certificate.

2. Kung ang inyong pangalan ay nasa listahan at wala pa kayong Birth Certificate, maaari po kayong pumunta sa Barangay Hall upang magtanong at magsumite ng mga kinakailangang requirements.

Mga Requirements:

- Barangay Certification (makukuha sa Barangay Hall)
- Certificate of Low Income (makukuha rin sa Barangay Hall)
- National ID
- Tatlong (3) kopya ng 2×2 ID picture na may name tag
- Marriage Certificate (para lamang sa mga batang magpapagawa ng Birth Certificate. Kung nasa wastong gulang na ang aplikante, hindi na ito kailangan.)

3. Kung wala naman ang inyong pangalan sa listahan ngunit nais ninyong magpagawa ng Birth Certificate, maaari rin po kayong pumunta sa Barangay Hall upang ma-assess at mabigyan ng kaukulang gabay.

4. Kung mayroon pa kayong mga katanungan o iba pang concern, huwag po kayong mag-atubiling lumapit o pumunta sa Barangay Hall.

Maraming salamat po sa inyong kooperasyon.

Central Labas - Asenso Ka
Central Labas, Kadayangan, SGA BARMM

27/07/2026

Isang taos-pusong pasasalamat po kay Regional Director Loreto Cabaya Jr. at sa TUCP Party-list sa inyong walang sawang malasakit, dedikasyon, at patuloy na pagsuporta sa mga mamamayan ng Barangay Central Labas, Kadayangan, SGA BARMM. Dahil sa inyong kabutihang-loob, marami na po sa aming mga constituents ang nabigyan ng tulong at pag-asa sa oras ng kanilang pangangailangan. Ang inyong serbisyo at malasakit ay tunay na inspirasyon sa aming komunidad.

Lubos din po kaming nagpapasalamat kay Ben Karon sa kanyang patuloy na pakikiisa at suporta sa mga programang nakatutulong sa ating mga kababayan. Nawa'y patuloy kayong pagpalain ng Allah at pagkalooban ng higit pang lakas upang maipagpatuloy ang inyong mabuting adhikain.

Taos-puso rin po ang aming pasasalamat sa BLGU ng Barangay Central Labas, lalo na kay Punong Barangay Nacil S. Guintem, sa kanyang patuloy na suporta at pakikipagtulungan upang maihatid ang tulong sa ating mga mamamayan.

Sa pagkakataong ito, muli po kaming kumakatok sa inyong mabubuting puso upang humingi ng tulong para sa hospital billing ng ating kababayan na si Herna Asan Ganggiya, na pumanaw na. Anumang tulong na inyong maipagkakaloob ay magiging malaking ginhawa para sa naiwang pamilya sa kanilang pagharap sa napakahirap na pagsubok.

Maraming salamat po sa inyong patuloy na malasakit at kabutihang-loob. Nawa'y suklian kayo ng Allah ng masaganang biyaya at gantimpala.

Jazakumullahu Khayran Kathiran. 🤍

Central Labas - Asenso Ka

25/07/2026

📚 Strengthening Partnership for a Safer Community 🤝

Alhamdulillah! ❤️

Matagumpay na nakilahok ang Principal, isang g**o, at mga learner ng Madendog Elementary School, kasama ang dalawang Barangay Kagawad at ang Barangay Secretary ng BLGU Central Labas, sa Workshop on Updating School Disaster Risk Reduction and Management (SDRRM) Plan and Developing the School Contingency Plan na ginanap noong July 23–25, 2026.

Kasama rin sa workshop ang mga MDRRMO staff ng Municipality of Kadayangan, bilang patunay ng matibay na pagtutulungan ng paaralan, barangay, at lokal na pamahalaan para sa isang mas ligtas at mas handang komunidad.

Maraming salamat sa ACCESS 2 at European Union Humanitarian Aid sa napakahalagang pagsasanay at patuloy na suporta. Sama-sama nating palalakasin ang kahandaan at katatagan ng ating komunidad.

💙 Together, we build a safer and more resilient community.

23/07/2026

✨ Nutrition Month Celebration | Feeding Program 💚🍎

Alhamdulillah! ❤️ Bilang bahagi ng Nutrition Month 2026, matagumpay na naisagawa ng Sangguniang Kabataan (SK) ng Barangay Central Labas ang Feeding Program sa Madendog Elementary School at Day Care Center upang makatulong sa pagsusulong ng tamang nutrisyon at mabuting kalusugan ng ating mga kabataan.

Taos-pusong pasasalamat kay SK Chairman Farhan Madendog sa kanyang pamumuno, at kay SK Chairwoman Rizzah Gayak sa kanyang suporta at pakikiisa. Maraming salamat din kay Brgy. Midwife Ms. Asna Pusdan, sa mga g**o ng Madendog Elementary School, kay Day Care Teacher Baibon C. Tapuli, sa lahat ng SK Officials at BHWs, gayundin kay Brgy. Chairman Nasil Guintem sa kanyang patuloy na suporta sa mga programang para sa ating komunidad.

Maraming salamat sa lahat ng nakiisa at tumulong upang maging matagumpay ang programang ito. Sama-sama nating itaguyod ang mas malusog na kinabukasan para sa ating mga kabataan! 💚🍎

23/07/2026

Central Labas - Asenso Ka

📢 PAUNAWA | SOCIAL PENSION PAYOUT PARA SA MGA INDIGENT SENIOR CITIZENS

🗓️ Iskedyul ng Payout:

📍 July 29, 2026 | 8:00AM
• Barangay Tugal
• Barangay Kapinpilan
• Barangay Sambulawan
Venue: Municipal Covered Court, Kadayangan, SGA

📍 July 30, 2026 | 8:00AM
• Barangay Mudseng
• Barangay Tumbras
• Barangay Malingao
Venue: Tumbras Covered Court, Kadayangan, SGA

📍 July 31, 2026 | 8:00AM
• Barangay Central Labas
Venue: Madrasah Multipurpose Hall, Central Labas, Kadayangan, SGA

📌 Paalala: Mangyaring dalhin ang inyong 7x copies ng inyong Senior Citizen ID o National ID, at iba pang kinakailangang dokumento, kung mayroon.

Hinihikayat ang lahat ng benepisyaryo na dumating sa itinakdang oras at sundin ang mga alituntunin ng payout team upang maging maayos at mabilis ang pamamahagi ng benepisyo.

Maraming salamat po at kita-kits sa payout! 💚👴👵