11/07/2022
6 KA ANGAYANG HIMOUN KON MOPALIT KA OG YUTA
Step 1
Kung dunay ahente o tag-iya sa yuta nga mobaligya kanimo pangayo og Certified True Copy sa titulo.
Pangutana sa estado sa yuta sa REGISTER OF DEEDS/LAND REGISTRATION AUTHORITY, aron maklaro nimo ang estado sa yuta kay basin nakaprenda pa kini, o dili mao ang titulo; tan-awa kung insakto ba ang kadak-on sa yuta sutaa kung pareho ba kini sa imong kopya og pareho ba ang numero sa titulo.
Kung nakaprenda ang yuta sa uban o naay nakasulat sa likod sa Titulo, basaha ang nakasulat ug subaya ang estado sa yuta.
Kung tibouk pa ang titulo, pangayo og vicinity Map sa yuta; Kung kabilin ang yuta pangayo og kopya sa extra-judicial settlement nga gikan sa korte, nga nagpamatuod nga apil ang imong gipalitan sa nanag-iya sa yuta.
Step 2
Pagkuha og Geodetic Engr aron tan-awon pinaagi sa relocation survey ang mga muhon kay basin kulang o sobra ang yuta, tan-awon ang mga Boundaries.
Step 3
Kung duna kay makita nga problema ipaasikaso na ang papeles, apan kung walay problema maghimo na kamo o kontrata sa pagpalit o DEED OF SALE, nga dunay pirma sa nagbaligya og sa gibaligyaan atubangan sa abogado ug ipanotaryo na kini.
Step 4
Sulod sa usa ka bulan sukad sa pagnotaryo magbayad og DOCUMENTARY STAMPS. kinahanglan nga himuon kini una moabot ang usa ka bulan .
Step 5
Pagkahuman magbayad na ang nagbaligya sa CAPITAL GAIN TAX. tungod kay mikita na siya ug didto kini bayaran sa BIR.
Ang BIR ang mag-iissue og CERTIFICATE OF AUTHORITY TO REGISTER, usa ka papeles nga nagmandu sa Registry of Deeds (ROD) kon LRA nga nabayaran na nimo ang buhis ug puede na ibalhin sa imong pangalan ang titulo sa yuta nga imong napalit.
Step 6
Kung makita na nimo ang CERTIFICATE OF AUTHORITY TO REGISTER), dalaha kini sa Register of Deeds kon LRA.
Sultihan ka Register of Deeds kon LRA magbayad ka sa Transfer Fees. kung imo na kining nabayaran kuhaon na sa Register of Deeds ang imong dokumento.
Isurender na ang OWNERS' COPY sa titulo at maghulat ka kung kanus-a nila kini mahuman ug kanus-a kuhaon, kung medyo dugay imong paghulat i-follow-up.
Lets be wise sa pagpalit og property
☝️😘😘🏠🏡🏤🏢🏪🏠🏡🏠🏡
