19/03/2026
ππ% ππππππππ ππ πππππ ππ ππππππππ ππ πππ-π ππ πππ-π, ππππππππππ ππππππ ππ πππππ ππ
Magbibigay ang Department of Transportation (DOTr) ng 50% discount para sa lahat ng pasahero ng MRT-3 at LRT-2 simula sa Lunes, March 23.
Kasunod ito ng utos ni Pangulong Ferdinand Marcos Jr. na pagaanin ang araw-araw na biyahe ng mga komyuter sa pamamagitan ng diskwento sa pamasahe. Lalong-lalo na sa gitna ng patuloy na pagtaas ng presyo ng langis na lubos na nagpapa-hirap sa mga mamamayan.
βPagagaanin natin ang araw-araw na biyahe. Sa MRT at LRT ay magdidiskwento po tayo sa pamasahe. Gagawin natin ang lahat para manatiling maayos at tuloy-tuloy ang biyahe ng bawat Pilipino,β pahayag ng Pangulo nitong Miyerkules.
Sinabi naman ni Secretary Banoy Lopez na malaki ang maitutulong ng diskwento sa pamasahe sa tren para makatipid ang mga pasahero.
"Ginagawa ng pamahalaan ang lahat para maibsan ang paghihirap ng mga Pilipino sa gitna ng gulo sa Middle East. Prayoridad natin ang tuloy-tuloy na biyahe at mas murang pamasahe kaya magbibigay tayo ng 50% discount sa MRT-3 at LRT-2 para sa lahat," ayon kay Secretary Lopez.
Paliwanag pa ng transport chief, malaki ang matitipid ng mga bumabyahe kung sasakay ng tren na may discount sa pamasahe, sa halip na magdala sila ng sasakyan at kumonsumo ng napaka-mahal na langis.
Samantala, epektibo pa rin ang 50% discount para sa white beep cards ng mga senior citizens, persons with disabilities (PWD), at mga estudyante.
Para sa mga regular na pasahero, magagamit din ang blue beep cards para sa automatic na 50% discount. Para naman sa mga walang beep cards, pwedeng bumili ng single journey tickets na naka-50% discount din.
Kasalukuyan namang nakikipag-usap ang DOTr sa LRT-1 management kaugnay ng pagbibigay ng parehong discounted na pamasahe sa kanilang train line. Ang LRT-1 ay pinatatakbo ng pribadong kumpanyang Light Rail Manila Corporation.
π΅π
