16/01/2026
"๐ช๐ฎ๐น๐ฎ๐ป๐ด ๐ฎ๐ฟ๐ฒ๐ด๐น๐ผ, ๐ต๐๐๐๐ถ๐๐๐ฎ ๐ฎ๐ป๐ด ๐ต๐ถ๐ป๐ถ๐ต๐ถ๐ป๐ด๐ถโ โ ๐๐ป๐ฎ ๐ป๐ด ๐ฏ๐ฎ๐๐ฎ๐ป๐ด ๐ป๐ฎ๐๐ฎ๐๐ถ ๐๐ฎ ๐ฝ๐ฒ๐ฑ๐ฒ๐๐๐ฟ๐ถ๐ฎ๐ป ๐น๐ฎ๐ป๐ฒ, ๐ป๐ฎ๐ป๐ถ๐ป๐ฑ๐ถ๐ด๐ฎ๐ป๐ด ๐น๐ฎ๐น๐ฎ๐ฏ๐ฎ๐ป ๐ต๐ฎ๐ป๐ด๐ด๐ฎ๐ป๐ด ๐ฑ๐๐น๐ผ
Isang matapang at madamdaming panawagan para sa hustisya ang inilabas sa social media ni Monica Ganton Linga, ina ng 11-taong gulang na si Rafaele o Rafraf, ang batang nasawi matapos masagasaan ng isang pickup truck habang tumatawid sa pedestrian lane.
Sa kanyang opisyal na pahayag sa Facebook, sinabi ni Linga na agad siyang nagsampa ng kaso kinabukasan ng kanyang pagdating, at mariin niyang itinanggi na may naganap na anumang areglo.
โWalang anumang halaga ng pera ang makakatumbas sa buhay ng anak ko,โ aniya.
โHindi ito aksidente โ ito ay malinaw na kapabayaan at reckless driving.โ
Ayon sa salaysay ng ina, malinaw sa CCTV footage na maingat na tumawid si Rafaele.
Tumingin umano ito sa kaliwa at kanan, huminto, at sinigurong ligtas bago tumakbo sa pedestrian lane matapos tumigil ang isang sasakyan para magbigay-daan.
Ngunit sa gitna ng sandaling iyon, isang pickup truck ang overtake at humarurot sa nakahintong truck โ isang desisyong naging mitsa ng trahedya.
โAng walang-ingat na pag-overtake ang pumatay sa anak ko,โ pahayag ni Linga.
โSolo parent ako. Siya ang buong buhay ko.โ
Ibinahagi rin ni Linga ang bigat ng kanyang pinagdaraanan bilang isang solo parent na ang kaisa-isang anak ay biglang nawala.
โSi Rafaele ang buong mundo ko. Ang buong buhay ko.โ
Ngunit bukod sa sakit ng pagkawala, isa pang pasanin ang kanyang hinaharap: ang pakiramdam na ang responsable ay maaaring makalaya sa piyansa habang ang kanyang anak ay wala nang babalikan.
โMay impluwensya sila. May koneksyon. Kaya kailangan ko ang inyong boses.โ
Sa kanyang pagtatapos, nanawagan si Linga sa publiko na tumindig kasama niya sa paghahanap ng hustisya.
โLalaban ako hanggang sa huli para sa anak ko. Ang hinihingi ko ay hustisya.โ
Kasama ng kanyang post ang hashtag , na ngayon ay unti-unting kumakalat sa social media bilang simbolo ng isang ina na tumangging manahimik para makamit ang hustisya para sa anak.
