06/09/2025
Ipagpatuloy mo ang laban,
Kahit ikaw na lang ang natitirang naniniwala.
Kahit wala nang palakpak,
Kahit kapos ang bulsa at pagod ang katawan,
Kahit nilalamon ka ng pangamba—
Tuloy ka lang.
Dahil ang pangarap ay para sa matiyagang
hindi sumusuko.
Ang tagumpay ay hindi laging malakas ang sigaw,
Minsan, bulong lang ng pusong ayaw bumitaw.
Kaya kahit madilim,
Kahit walang kasiguraduhan,
Kahit parang ikaw na lang ang may paniniwala—
Magpatuloy ka.
Dahil sa bawat hakbang na hindi mo iniwan,
Mas lalo kang lumalapit
Sa mundong dati mo lang pinapangarap.
-Geo Ong
