16/07/2026
🏡 Pwede bang mag-housing loan kahit may existing loan?
Isa ito sa mga pinaka-common na tanong ng mga gustong magkaroon ng sariling bahay. 🤔
Ang sagot ay, oo, posible pa ring ma-approve kahit may existing loan. ✅
📌 Hindi naman automatic na madi-disapprove ka dahil lang may utang ka na. Ang tinitingnan ng financing institution ay ang kabuuang kakayahan mong magbayad.
Ibig sabihin, chine-check nila ang:
✅ Monthly income mo
✅ Kasalukuyan mong mga loan o utang
✅ Monthly expenses at financial obligations
✅ Employment stability
✅ Credit standing o payment history
💡 Kung sapat pa rin ang natitirang income mo pagkatapos ibawas ang mga buwanang obligasyon, may posibilidad ka pa ring ma-approve.
📍Halimbawa:
Si Juan ay kumikita ng ₱45,000 kada buwan.
May existing siyang:
🚗 Car loan – ₱8,000/month
💳 Personal loan – ₱3,000/month
Kabuuang obligasyon niya ay ₱11,000/month.
Kung ang housing loan na gusto niyang kunin ay may monthly amortization na ₱12,000, susuriin ng financing institution kung kaya pa ba ng natitirang income niya ang bagong housing loan.
Kung pasado siya sa required income at maayos ang kanyang payment history, malaki pa rin ang posibilidad na ma-approve ang kanyang housing loan. ✅
📍Isa pang halimbawa:
Si Maria naman ay kumikita ng ₱30,000 kada buwan.
May motorcycle loan siyang ₱5,000/month at credit card installment na ₱4,000/month.
Kung ang property na gusto niya ay nangangailangan ng ₱40,000 required income, maaaring hindi sapat ang income niya.
👉 Pero kung magdadagdag siya ng qualified co-borrower na may ₱20,000 na monthly income, tataas ang combined income nila sa ₱50,000, na maaaring makatulong para maging qualified ang application.
⚠️ Pero tandaan: Ang approval ay hindi lang nakabase sa pagkakaroon o kawalan ng existing loan. Tinitingnan pa rin ang income, credit standing, employment, at iba pang qualification requirements ng financing institution.
📋 Kaya bago mawalan ng pag-asa, magpa-assess muna. Marami nang borrowers ang na-approve kahit may existing loan dahil pasok pa rin sila sa qualification requirements.
