03/03/2026
ابوظبی نے 'فالکن آئی' (Falcon Eye) کے نام سے ایک جدید ترین نگرانی کا نظام شروع کیا ہے جو ہزاروں کیمروں کے ذریعے شہر کے مرکزی حصوں اور مضافاتی علاقوں کا احاطہ کرتا ہے۔
یہ نظام شہر بھر میں لگے کیمروں سے براہ راست (لائیو) مناظر موصول کرتا ہے اور تمام ڈیٹا کو ایک مربوط سسٹم میں دکھاتا ہے، جو سمارٹ وارننگز فراہم کرنے کے ساتھ ساتھ کسی بھی واقعے یا حادثے تک فوری رسائی کو ممکن بناتا ہے۔
یہ سسٹم سڑکوں کی نگرانی کرتا ہے تاکہ ٹریفک قوانین کی خلاف ورزیوں جیسے کہ 'ہارڈ شولڈر' کا استعمال، غیر قانونی پارکنگ، سڑکوں پے غلط ڈرائیونگ کرنا اور ٹریفک حادثات سے نمٹنے میں مدد مل سکے۔
یہ نظام شہر میں اہم رویوں کی بھی نگرانی کرتا ہے بشمول صفائی ستھرائی کے معاملات اور غیر متعلقہ علاقوں میں لوگوں کے ہجوم پر نظر رکھنا۔
اس سے ابوظبی کے ان اداروں کو فائدہ ہوتا ہے جو ٹریفک کی نگرانی کرتے ہیں۔ یہ چوراہوں (intersections) کے انتظام کو بہتر بناتا ہے تاکہ رش کے اوقات میں ٹریفک کے دباؤ کو کم کیا جا سکے۔
ابوظبی مانیٹرنگ اینڈ کنٹرول سینٹر (ADMCC) Abu Dhabi Monitoring and Control Centre ڈیٹا کے تجزیے اور نگرانی کے معیار کو بہتر بنانے پر کام کر رہا ہے تاکہ جرائم کو روکا جا سکے اور امارت میں امن و امان برقرار رکھا جا سکے۔
ADMCC اس منصوبے کی جغرافیائی وسعت اور شراکت داروں کی تعداد میں اضافے کا ذمہ دار ہے۔ یہ ادارہ مقامی اور وفاقی اداروں کے ساتھ مل کر 'بگ ڈیٹا' (Big Data) ٹیکنالوجی کا استعمال کرتے ہوئے تفصیلی رپورٹس اور اعداد و شمار تیار کرتا ہے تاکہ موجودہ خدمات کو بہتر اور مستقبل کی خدمات کی منصوبہ بندی کی جا سکے۔
ابوظبی پولیس کے کمانڈر ان چیف اور ADMCC کے چیئرمین، میجر جنرل محمد خلفان الرمیثی نے کہا کہ یہ نظام ابوظبی کے اس وژن کا حصہ ہے جس کا مقصد ایک پر اعتماد، محفوظ معاشرہ اور ایک پائیدار، عالمی سطح پر مسابقتی معیشت کی تعمیر ہے۔ انہوں نے مزید کہا کہ یہ اقدام اعلیٰ قیادت کی ہدایات پر مبنی ہے تاکہ ٹیکنالوجی اور بصری نگرانی (visual surveillance) کے ذریعے شہروں کے انتظام کو سہل اور محفوظ بنایا جا سکے۔
اس کیمرے کے کارکردگی کے چند اہم نکات
آگر آپ عرب امارات میں رہتے ہیں اور آپ کا ابو ظبی جانا ہوتا ہے تو ان کیمرے کو مدنظر رکھتے ہوئے ڈرائیونگ کریں۔
یہ کیمرہ موبائل فون کے استعمال پے یہ سسٹم ہائی ریزولوشن لینز کی مدد سے دیکھ سکتا ہے کہ آیا ڈرائیور کے ہاتھ میں فون ہے یا نہیں۔ (یاد رہے کہ اس کی خلاف ورزی پر 800 درہم جرمانہ اور 4 بلیک پوائنٹس عائد ہوتے ہیں)
یہ کیمرہ خودکار طریقے سے ڈرائیور اور ساتھ بیٹھے مسافر کی سیٹ بیلٹ کی موجودگی کو چیک کرتا ہے۔
اگر کوئی غلط طریقے سے لین تبدیل کرنے یا ممنوعہ لائنوں پر گاڑی چلائے تو یہ خلاف ورزی کرنے والے کی فوری نشاندہی کرتا ہے۔
یہ گاڑیوں کی رفتار کے ساتھ ساتھ سڑک پر رش کی صورتحال کا ڈیٹا بھی کنٹرول روم کو بھیجتا ہے۔
اگر آپ نے گاڑی کے پیچھے گاڑی جوڑ رکھی ہے تو اس Tailgating کی وجہ سے بھی آپ کو جرمانہ آ جائے گا۔
ان کیمروں کے علاوہ ایک بات زہن نشین کر لیں کہ ابو ظبی میں ٹریفک کے حوالے سے جو سب سے اہم بات ہے وہ یہ کہ ابو ظبی کی سڑکوں پے جو سپیڈ لمٹ ہے آپ کو اس کے اندر رہنا ہے جیسے 100 کی لمٹ ہے تو آپ 90 سے 95 تک چلو اگر 101 بھی ہوا تو آپ کو اوور سپیڈ کا جرمانہ آ جائے گا۔
متحدہ عرب امارات کے قوانین کا احترام کرنا نہ صرف بھاری جرمانوں سے بچاتا ہے، بلکہ یہ ہماری اور دوسروں کی زندگیوں کے تحفظ کی ضمانت بھی ہے۔
ایک چھوٹی سی لاپرواہی (جیسے ڈرائیونگ کے دوران میسج دیکھنا) کسی بڑے حادثے کا سبب بن سکتی ہے۔
ہم ایک ذمہ دار ڈرائیور بن کر قانون کی پاسداری کریں گے اور امارات کی سڑکوں کو سب کے لیے محفوظ بنائیں گے۔
میرے نزدیک اچھا ڈرائیور وہ ہے جس کی غلط ڈرائیونگ کی وجہ سے کوئی دوسرا اسے ڈپر Dipper نہ مارے اور اسے ہارن نہ دے۔
شئر کریں تاکہ اور بھی لوگ فائدہ اٹھا سکیں۔ شکریہ
